佛山地鐵2號綫

出自維基百科,自由嘅百科全書
Jump to navigation Jump to search
佛山地鐵2號綫
200px
概覽
營運地區 中華人民共和國佛山廣州
服務類 城市軌道交通
線路類 市域快速鐵路
線路長 32.4km
車站總數 17
軌道標準 1435mm
列車偏組 6輛編組B型列車
營運資訊
營運單位 中国交通建设股份有限公司

佛山地鐵2號綫佛山喺度起緊嘅地鐵綫,由中國交建等3家公司組成嘅聯合體負責融資、建設同運營,以“BOT+TOD+EPC”嘅融資開發方式嚟起。

綫路[編輯]

佛山地鐵2號綫首期工程西起南莊,東到廣州南站,全長32.41km,其中高架段6.4km,地下段25.3km,過渡段0.7km。

綫路設置車站17座,其中地下車站14座,高架站3座,換乘站10座,平均站距2.01km,最大站距4.05km(花卉世界-仙涌),最細站距0.99km(石梁-灣華)。

全綫設灣華控制中心,設灣華同花卉世界主變電所。

走向[編輯]

首期綫路由南莊站開始,沿紫洞路向北行一段後轉向東,沿著季華路行到石灣公園後,下穿公園行上鎮中路同魁奇路,到咗南海大道口後轉向南,喺佛陳大橋東側下穿東平水道之後,沿佛陳路、文登路同林岳大道行落去,喺海怡大橋南側轉向東南,到達終點站廣州南站。

車站[編輯]

首期綫路設置車站17座,自西向東依次係:南莊、湖涌、堤田、蓮塘、張槎、石灣、沙崗、魁奇路、石梁、灣華、登州、花卉世界、仙涌、石洲、林岳西、林岳東、廣州南站。

  • 車站名都係工程名,以開通時實際使用為準。
  • 除咗仙涌、石洲、林岳西三座高架站,其餘車站都係地下站。

換乘站[編輯]

2號綫首期設置換乘站10座。

  • 堤田站:換乘7號綫
  • 蓮塘站:換乘4號綫14號綫
    呢個站入邊2號綫同4號綫係平行同台換乘;由於14號綫係遠期綫路,車站建設時未作預留。
  • 張槎站:換乘4號綫
    呢個站係平行同台換乘。
  • 石灣站:換乘5號綫
    呢個站係T形節點換乘。
  • 魁奇路站:換乘1號綫
    呢個站係十字島側換乘,2號綫喺負一層,係側式車站。
  • 灣華站:換乘3號綫
    呢個站係十字節點換乘,2號綫部分係一島兩側車站。
  • 花卉世界站:換乘6號綫
    呢個站係T形節點換乘。
  • 石洲站:換乘10號綫
  • 林岳東站:換乘11號綫
  • 廣州南站:換乘廣州2號綫廣州7號綫廣州22號綫
    2號綫車站喺西廣場,同廣州嘅綫路都係長通道換乘。

車場[編輯]

  • 首期喺林岳西站南側設林岳綜合維修基地,喺湖涌站北側設湖涌停車場。
  • 二期喺西安站側設西安停車場。

控制中心[編輯]

2號綫設置灣華控制中心一座,佢係佛山軌道交通行車指揮、電力監控、環境監控、防災監控同調度指揮嘅中心,亦係全綫嘅通信樞紐同信息交換處理中心。

控制中心大樓預留咗八條綫嘅控制中心設備用房同維護管理用房,重設置咗清分中心系統、票務管理用房、運營管理用房、運營人員培訓用房、部分軌道交通檔案庫同科普中心。

用車[編輯]

用車方面,首期採購B型列車150輛(25列),投資約100.5億,咨詢服務費約755.4萬。初、近、遠期都採用6節固定編組運營組織方案,最高運行速度係100km/h,牽引供電制式採用DC1500V架空接觸網。系統最大設計能力係30對/h。

歷史[編輯]

  • 2014年6月27號,2號綫首期試驗性工點登州站開工。[1]
  • 2014年11月7號,2號綫環評進行咗網上受理公示。[2]同年12月,環評報告全本喺網上進行公示。
  • 2017年3月7號,首個區間單綫貫通,為花仙區間右綫。[3]

建設方式[編輯]

2號綫由中國交建、市軌交發展公司同中車四方組成項目聯合體作為投資人,中交佛山投資有限公司作為投資人成立嘅項目公司,負責項目嘅籌劃、資金女措、建設實施、運營管理、保養維修,其中,中交集團出資佔56%,市軌交發展公司佔34%,中車四方佔10%。項目採用「BOT+TOD+EPC」嘅模式嚟建設運營(BOT即係建設–運營–移交嘅項目建設模式,TOD即係以公共交通為導向嘅土地綜合開發模式,EPC即係設計–採購–施工嘅工程總承包模式)。工程初步設計預審查認可嘅概算總額係192.3億,包埋同步實施BOT項目嘅概算投資係211億元。

地鐵項目BOT模式,就係政府通過契約去授予投資企業單位一定期限嘅特許經營權,准許佢去融資建設同經營地鐵項目,重准許佢通過向乘客收取車資等服務形式嚟償清貸款、回收投資同賺取利潤;特許經營權期限到咗之後,地鐵項目將會無償移交俾政府。

按照TOD嘅運作模式,政府會依法授權項目公司去負責軌道項目每個站場周邊800m範圍嘅指定區域入邊(簡稱TOD範圍)嘅土地進行一級開發(包括土地平整同基礎設施建設之類),政府重鼓勵項目公司依法參與TOD範圍入邊特定土地二級開發競爭,對依法取得嘅土地進行二級開發。

[編輯]