廣州南站 (地鐵)

廣州南站 Guangzhou South Railway Station
廣州南地鐵站嘅站名
概覽
冧巴	201 701 Template:佛山地鐵車站冧
位置	番禺區石壁街道，廣州南站地下。
座標	22°59′29.1″N 113°16′1″E
車站色
類型	地下車站
經過路線	2 7 22 2
啟站	廣州地鐵2號綫：2010年9月25號 廣州地鐵7號綫：2016年12月28號 廣州地鐵22號綫：2022年3月31號 佛山地鐵2號綫：2021年12月28號
換乘方式	平行轉車、通道轉車
站廳形式	地下站廳
站口數	12（凈開咗9個）
營運資訊
車站服務時間	05:55～23:35
列車服務時間	06:00～23:30
廣州地鐵2號綫 石壁►　嘉禾望崗
廣州地鐵7號綫 美的大道　◄大洲 石壁►　大學城南
廣州地鐵22號綫 總站　◄陳頭崗 市廣路►　番禺廣場
佛山地鐵2號綫 南莊　◄林岳東（{{{前一站距離4}}}）

廣州南站（粵拼：gwong2 zau1 naam4 zaam6）係廣州地鐵2號綫、7號綫、22號綫同佛山地鐵2號綫嘅轉車站，喺番禺區石壁街道嘅廣州南站地下二樓。不過站內嗰兩個站廳同三個月台開放時間都唔同；其中，喺廣州地鐵嗰邊，2號綫喺2010年9月25號開放，7號綫喺2016年12月28號開放，22號綫喺2022年3月31號開放；而佛山地鐵嗰邊，2號綫喺2021年12月28號開放。

家下佢既係廣州地鐵同佛山地鐵之間嘅跨市轉車站，又係廣州地鐵系統第一個帶四綫報站嘅轉車站，亦係廣州地鐵2號綫南邊嘅終點站同佛山地鐵2號綫東邊嘅終點站。呢個站從開通到而家做過以下嘅終點站身份：

• 2010年9月25號頭班車～2016年12月28號中午——廣州地鐵2號綫南邊終點站。
• 2016年12月28號晏晝～2021年12月27號尾班車——廣州地鐵2號綫南邊同7號綫一期西邊嘅終點站。
• 2021年12月28號頭班車～2022年5月1號中午——廣州地鐵2號綫南邊同7號綫一期西邊、佛山地鐵2號綫一期東邊嘅終點站。

不過廣州地鐵同佛山地鐵之間嘅地下通道重未打通，所以喺廣州地鐵同佛山地鐵之間轉車，必須要重新畀錢。

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係2號綫同7號綫嘅月台。雖然車站冇休息室，但廁所喺站廳東北邊中間偏南位。廣州地鐵首創嘅母嬰室喺呢個站入面都有，喺J出口隔籬。

打掂

地面		廣州南站到達平臺
地下 一樓	站廳	售票機、客服中心、車站商店、車站警務室、公共廁所、母嬰室
地下 二樓	側式月台，開右邊門
	4月台	←7號綫列車去大洲站（行美的大道嗰邊）
	3月台	7號綫列車去石壁站（行大學城南嗰邊） →
	島式月台，開右邊門（廣州地鐵2號綫）／開左邊門（廣州地鐵7號綫）
	2月台	←2號綫列車落客月台
	1月台	2號綫列車去石壁站（行嘉禾望崗嗰邊） →
	側式月台，開右邊門

打橫

地鐵廣州南站嘅站廳

地鐵廣州南站嘅2號綫月台

站廳

呢個站嘅站廳喺地下1樓。收費區喺車站東北邊中間偏西位。四圍都俾過街通道同埋舖頭圍住嗮。收費區有好多部扶手電梯同樓梯、用𨋢往返月台都得。

由於起呢個站時，地鐵同國鐵車站都係統一設計，而且同2號綫一齊起好，所以有留咗7號綫嘅側式月台同埋2號綫嘅兩個側式月台結構。

月台

呢個站總共有地底三層樓咁多，其中地底一樓係站廳，有賣票機、客服中心同埋便利店，地底二樓係廣州地鐵2號綫、7號綫月臺，地底三樓係規劃緊嘅佛山地鐵2號綫月台。

商鋪同自助服務

而家嘅廣州南地鐵站入面有好多唔同類嘅鋪頭畀乘客買嘢同埋食嘢，譬如有便利檔、麵包檔同洗衫舖、手機檔、涼茶舖等。但係自助服務淨得臺自動販賣機，重有可以充值羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記做廣州地鐵薈嘅會員嚟查獎分、換獎品嘅服務。

商鋪 7-Eleven 美心西餅 日閱堂 鴻福堂 天天洗衣

自助服務 自動販賣機 好易（Hotye）多媒體自助服務終端 M-Touch地鐵資料查詢

出入口

廣州南地鐵站冚唪唥嘅出入口
I2出入口 I2出入口  B出入口 B出入口  D出入口 D出入口  F出入口 F出入口  I1出入口 I1出入口

呢個站一共有12個出入口。

冧巴	標記	去到邊度
出入口B	廣州南站	廣州火車南站（到達區，西廣場廳）
出入口C	未開通	廣州火車南站（入站區，地下停車場）
出入口D	廣州南站	廣州火車南站（到達區）
出入口E		廣州火車南站（入站區）、南的士站
出入口F		廣州火車南站（到達區）
出入口G	未開通	廣州火車南站（入站區，地下停車場）
出入口H	廣州南站	廣州火車南站（到達區，東廣場廳）
出入口I1	南站南路	南站南路、石興大道南、三坊路、廣州火車南站（售票廳，東廣場）、廣州南汽車客運站、廣州南站公交總站
出入口I2	南站南路	南站南路、石興大道南、三坊路、廣州火車南站（售票廳，東廣場）、廣州南汽車客運站、番禺區政府南站地區服務諮詢服務中心
出入口J	未開通	廣州火車南站（入站區，地下停車場）
出入口K	廣州南站	廣州火車南站（入站區）、南的士場
出入口L	未開通	廣州火車南站（自助買飛處，入站區）
註： 有盲人引導徑 | 有輪椅升降臺

車站歷史

規劃

早喺1988年廣州地鐵2號綫規劃時，路線重未延伸到呢個站。1990年代尾，廣州市人民政府考慮到黃沙地區嘅南站因當地交通成日塞車同環境污染嘅問題而揀喺番禺石壁一帶搞重大過廣州火車站，規模重犀利過廣州東站嘅新型火車站，加上1997年嘅地鐵規劃話要將舊2號綫一分為二兼兩邊延長。初期2號綫一分為二時，南段凈延長到後滘站（今日嘅瀝滘站）一帶，但2003年改變咗規劃，鎖定2號綫去到番禺石壁一帶，重規劃成廣州新客站嘅名兼考慮到7號綫同埋2號綫三綫之間嘅轉車問題而預留咗轉車結構。

施工

2號綫

經過好多次設計考慮之後，地鐵站連同廣州南站一齊，喺2004年12月30號喐手起。施工期間一次過起咗2號綫、7號綫同埋2號綫三綫嘅月台結構。施工期間，廣州地鐵2號綫起成6節車廂組嘅月台，而廣州地鐵7號綫起成4節車廂組嘅月台。

7號綫

2016年5月，路線開始喐手起。初期按4節車廂形式嚟起，但就快喐手時因地鐵方吸取咗6號綫嘅教訓之後，重新考慮到遠期嘅客流問題。由於地鐵方考慮到遠期有好大客流嚟呢條綫搭，所以最後確定用6節車廂。令原先嘅月台嘥士整長，將原先預留嘅結構霸嗮，而2號綫改址到廣州南站西廣場北邊起。工程一直到2016年12月初起好，重將島式月台嘅另一半「側式」嘅木板牆結構拆埋。

開通

2號綫時期

廣州新客站直到2010年1月30號起好後開始局部使用，同年9月25號，2號綫一分為二後亦開到呢個站。站名喺廣州南站開通營運後改名做廣州南站。

2號綫同7號綫嘅轉車車站時期

2016年12月28號09:00，7號綫一期開通時，路線亦開到呢度做總站，嗰時開始試營運，直到同日12:00先至開畀人坐車。

月台嘅變化

初期地鐵規劃時，2號綫同7號綫、2號綫都整喺車站嘅地下2樓。兩條路線都用類似體育西路站中間嘅站前返轉頭嘅設計：

地下 二樓	側式月台
	月台	←7號綫列車行新造站嗰邊／2號綫列車行南莊站嗰邊→
	月台	←7號綫列車行新造站嗰邊／2號綫列車行南莊站嗰邊→
	側式月台，開右邊門
	月台	←2號綫列車去石壁站（行嘉禾望崗嗰邊）
	月台	2號綫列車落客月台→
	側式月台，開右邊門

但隨後改成6節車廂月台後俾成條7號綫霸嗮。喺啱啱開通2號綫無耐，嗰時淨係用車站月台西邊位，月台中間雖然睇落去好似側式月台，但實際係島式月台（睇埋下面嘅樓層）直到2016年12月初為止。

地下 二樓	側式月台
	月台	事先留低畀7號綫月台
	月台	事先留低畀7號綫月台
	側式月台
	木板牆
	側式月台，開右邊門
	月台	←2號綫列車去石壁站（行嘉禾望崗嗰邊）
	月台	2號綫列車落客月台→
	側式月台，開右邊門

2016年12月初，由於7號綫正式起好兼進入調試狀態，原先側式月台嘅木板牆結構被拆走，月台佈局因為變成一島一側結構而變闊咗好多。同年月28號朝早9點，由於7號綫嘅試營運，所以塵封咗6年咁耐嘅另一邊側式月台亦正式對外開放。

出入口

I1出入口曾經喺2015年7月因為配合施工而封咗，不過而家已經開返。

利用狀況

呢個站嘅客流都幾多下，因為佢係屬於廣州新起嘅南站。喺廣州南站開通之前，啲人係成日揀廣州站或廣州東站度坐火車或巴士出去其它省市度。喺呢個站開通咗之後，佢分流咗廣州站同廣州東站嘅客流，從而降低咗嗰兩個火車站嘅交通運輸壓力。尤其係好多坐高鐵嘅乘客都改咗用呢個站。

文化牆

2014年4月10號，廣州地鐵入面嘅9個車站會再繼續添加「文化牆」嘅裝飾，當中就包括咗呢個站。而呢個站添加文化牆嘅理由係：呢個車站係廣州入面，最重要嘅門戶同埋交通樞紐，啲外來客一來首先就從呢度留低對廣州嘅最初印象。

上一站·下一站

上一站⇚⇚　　　　廣州地鐵　　　　⇛⇛下一站
終點	廣州南站 2號綫	石壁站 →嘉禾望崗站
大洲站 美的大道站←	廣州南站 7號綫	石壁站 →大學城南站
陳頭崗站 總站←	廣州南站 22號綫	市廣路站 →番禺廣場站
上一站⇚⇚　　　　佛山地鐵　　　　⇛⇛下一站
林岳東站 南莊站←	廣州南站 2號綫	終點