官洲站

官洲 Guanzhou
官洲站嘅站名
概覽
冧巴	4201223
位置	黃埔區官洲中間，螺旋大道嘅地底。
座標	23°04′00.48″N 113°22′37.24″E
車站色	4號綫：　 12號綫：
經過路線	4 12
啟站	4號綫：2005年12月26號 12號綫：2025年6月29號
月台數	2
站口數	6
營運資訊
車站服務時間	06:00～23:59
列車服務時間	06:05～23:54
廣州地鐵4號綫 南沙客運港　◄大學城北 （1.3km） （3.1km）萬勝圍站►　黃村站
廣州地鐵12號綫 二沙島　◄北山 大學城北►　大學城南站

官洲站（粵拼：gun1 zau1 zaam6，英文：Guanzhou Station）係廣州地鐵4號綫嘅車站，呢個站有兩個站廳同月台，開通時間都唔同，其中4號綫喺2005年12月26號開通；而12號綫就喺2025年6月29號開放，位置喺黃埔區官洲島嘅中間，螺旋大道嘅地底。

結構

樓層

呢個站一共有地下2層樓。其中地下1樓屬站廳，而地下2樓屬4號綫月台。佢同大多數車站一樣，冇任何休息室同廁所、母嬰室響度。

打掂

地下 一樓	站廳	站廳、售票機、客服中心
地下 二樓	2月台	←4號綫列車去大學城北站（行南沙客運港嗰邊）
	島式月台，開左邊門
	1月台	4號綫列車去萬勝圍站（行黃村嗰邊）→
地下 三樓	4月台	←12號綫列車去北山站（行二沙島嗰邊）
	島式月台，開左邊門
	3月台	12號綫列車去大學城北站（行大學城南嗰邊） →

打橫

官洲站嘅4號綫站廳	官洲站嘅4號綫月台
官洲站嘅12號綫站廳	官洲站嘅12號綫月台

站廳

官洲站嘅收費區喺站廳嘅西南邊，四周圍俾車站嘅商舖同人行通道圍住嗮，收費區入面有好多條扶手電梯同樓梯往返月台。

月台

呢個站有1個島式月台，喺官洲島嘅中間。

商鋪同自助服務

而家嘅官洲站入面得一間美心西餅嘅鋪頭畀乘客買嘢食。呢個站有自助服務設施畀乘客用，但係得好少。其中包括咗一台自動販賣機同埋可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記做廣州地鐵薈嘅會員嚟查獎分、換獎品嘅服務。

商舖 美心西餅

自助服務 自動販賣機 M-Touch地鐵資料查詢 錢庫優惠券印表機

出入口

官洲站冚唪唥嘅出入口
A出入口 A出入口  B出入口 B出入口  D出入口 D出入口

呢個站一共有6個出入口，分別係A、B、D、E、F同埋G。

本站啟用時另設有C出入口，該口因配合12號線車站工程而喺2019年11月27日停用並拆除，12號線車站啟用後另新增三個出入口。

冧巴	標記	方位	去到邊度
出入口A	生物島	西北	生物島、螺旋大道、生物島隧道、生物島疊翠園巴士站
出入口B	生物島	西南	生物島、螺旋大道、月灣路、生物島疊翠園巴士站
出入口D	生物島	北	生物島
出入口E	生物島	西北	寰宇三路、星際一路、星島環北路
出入口F	生物島	東南	螺旋大道
出入口G	生物島	東北	寰宇三路、星際一路、星島環北路
註： 有盲人引導徑 | 有斜道 | 有輪椅升降臺

車站歷史

4號綫

規劃

呢個站喺2000年嘅《近期線網規劃實施調整方案》入面最先出現，佢係新出嘅4號綫中間站，亦係廣州國際生物島嘅其一配套設施。隨後好快納入4號綫首通段（萬勝圍往返新造）嘅工程入面。

施工

2003年初，由於官洲地區正式搞開發，呢個站亦正式開始喐手起。工程直到2005年10月底起好。

開通

2005年12月26號，4號綫首通段正式通車之後就開咗呢個站，亦令到官洲島有交通服務。到咗2011年7月8號，由於生物島開咗，加上官洲地區已經唔再有「廣州版海南島」嘅稱呼嘅關係，官洲島就從之前海珠區就變咗蘿崗區嚟管理，嗰陣時，呢個站係蘿崗區入面唯一嘅地鐵車站。後嚟喺2014年嘅廣州市行政區劃調整入面，呢個站改由黃埔區管理。

利用狀況

因為佢係官洲島入面唯一地鐵站，喺2005年嘅聖誕節之前，官洲重係個島嚟嘅，嗰時冇橋、輪渡等其他交通去呢個島。喺2005年12月26號開咗4號綫之後，呢個站解決咗冇交通去官洲嘅問題。2011年7月8號生物島開放咗之後，呢個站都係得好少客流，一日之內凈係得幾個乘客入站同出站，大部分時間都係冇人上落車。除咗節假日有些少人流之外。

接駁巴士

生物島翠園站：

日班車：

353

節假日巴士：

5、6

上一站·下一站

上一站⇚⇚　　　　廣州地鐵　　　　⇛⇛下一站
大學城北站 南沙客運港站←	官洲站 4號綫	萬勝圍站 →黃村站
北山站 二沙島站←	官洲站 12號綫	大學城北站 →大學城南站