官洲

官洲古村風貌

官洲 華帝古廟

官洲（粵拼：gun1 zau1，英文：Dove Island）係珠江後航道嘅一個島仔，成個島一千八百萬方。東南面同小谷圍隔住官洲河，西北面同崙頭村隔住崙頭海。島上面有村，村民主要姓陳。

喺1999年，廣州市人民政府決定，將官洲起成廣州國際生物島，起到半路就發現咗五座漢墓響度，而呢個工程喺2008年10月15號開始逳手，2011年7月8號開放。

史

以前，小谷圍設咗海關，檢查出入嘅船隻。當時規定海關官員住喺小谷圍對住嘅島，所以呢個島就叫「官洲」。南宋嗰時，陳姓族人由南雄珠璣巷遷到爾道，官洲正式開村。嗰時官洲地區非常落後，一直冇橋樑、隧道同地鐵等其它對外交通可以入去呢個島，俾嗰時啲人笑佢做「廣州嘅海南島」。而村民凈靠崙頭附近嘅輪渡先可以入到呢個島。

受到1997年成功搞出克隆羊多利嘅影響而搞生物嘅高新技術產業，結果全球各地開始效仿搞生物園區。1999年4月，廣東新綠洲生物技術研究所接待緊廣州市人民政府領導時，話要喺廣州海珠區嘅官洲搞生物島，結果俾官方同意咗。1999年8月開始納入規劃，2000年12月重俾國家計委批准咗。2001年9月重將個島畀咗黃埔區睇實，參照廣州科學城模式嚟開發，但因為拆遷同唔夠錢，加上規劃未搞掂嘅問題，直到2004年嘅大學城搞好之後先至開始喐手搞。

初期雖然開發區團隊喺官洲搞咗辦公室而加快開發官洲，但嗰時交通超唔方便，最初凈得4人嚟辦公。啲人一大早要坐90分鐘船先至到個島，落班之後要天都黑嗮先可以返到科學城。

生物島

2005年3月，官洲第一個正式對外交通——連接科韻路嘅崙頭-生物島-大學城隧道正式開搞；同年6月重喺島南邊起好連接瀛洲同官洲嘅便橋，同年12月重將4號綫開埋入嚟。之後重搞咗綠道同幾間濕地、山體公園響度。直到2008年底起好嗮安置小區之後，先至將官洲渡口取消咗，個島先開始搞大規模施工。直到2010年亞運會開幕前先至搞掂嗮個綠道，隨後好多個設施喺2011年初都搞掂，2011年7月9號正式開島。

分佈同特色

街約分佈

官洲村由官洲中部嘅里巷（由義、居仁、居由、桂林、翔北、儒山、西華）、西約同北約組成。官洲村本體位於官洲中南部，全村成平面三角形，坐西北向東南；官洲北約又嗌「繒棚」，原本係水上居民聚居嘅地方，渠哋以捕魚為生，喺江堤搭木棚住，家家戶戶都掛住魚繒，所以就嗌「繒棚」。

民居特色

村裏面有百二座清朝民居，特徵係三間兩廊，用花崗石做牆腳、門楣、門框、窗框，水磨青磚做牆，建築裝飾有磚雕、灰雕、灰塑圖案。幾乎每家都有水井。

古蹟

官洲 歷史建築

• 官渡亭
• 華帝古廟
• 居仁里門樓
• 由義里門樓
• 水月宮
• 陳氏大宗祠
• 觀德陳公祠
• 德勝陳公祠
• 觀生陳公祠
• 桂林里門樓
• 官洲古井

1861年英國地圖裏面嘅官洲

交通

地鐵

• 4號綫：官洲站

巴士

• 第三巴士公司 353路
• 公眾假期5路

隧道

• 崙頭-生物島-大學城隧道

攷

• 《廣州市第四次文物普查彙編》
• 广州：风雨十二载 生物岛破茧 生態環保圖書館