鳳凰新村站

鳳凰新村 FENGHUANG XINCUN
鳳凰新村站嘅站名
概覽
車站代碼	816
位置	海珠區工業大道北同南田路嘅交界
座標	23°5′41.28″N 113°15′21.2″E
車站色
經過路線	8
啟站	2010年11月3號
月台數	2
站口數	2
營運資訊
車站服務時間	06:10～23:45
列車服務時間	06:15～23:40
廣州地鐵8號綫 滘心　◄同福西 （840m） （850m）沙園►　萬勝圍

鳳凰新村站（粵拼：fung6 wong4 san1 cyun1 zaam6；英文：Fenghuang Xincun Station）係廣州地鐵8號綫嘅車站，2010年11月3號開放，喺海珠區工業大道北嘅南田路口以南地底。

呢個站曾經喺2010年11月3號到2019年12月27號間屬8號綫西邊嘅尾站。

結構

樓層

呢個站一共有3層樓嘅地下區域，其中地下1樓係站廳，有票務設施，客務中心同商鋪、車站警務室；地下2樓係車站嘅設備區；而地下3樓係8號綫嘅月台。同部份8號綫車站一樣都係「三無車站」（站內廁所、休息室、母嬰室三樣是但一個都冇）響度。

打掂

地下 一樓	站廳	售票機、客服中心、車站警務室、安檢設施、警務室
地下 二樓	設備區	車站設備
地下 三樓	1月臺	← 8號綫列車去同福西站（行滘心嗰邊）
	分離島式月台，開左邊門
	2月臺	8號綫列車去沙園站（行萬勝圍嗰邊）→

打橫

鳳凰新村站嘅南站廳

鳳凰新村站嘅月台（行文化公園嗰邊）

站廳

呢個站嘅站廳喺工業大道北近南田路口嘅東南角地底，收費區喺地下1樓站廳嘅西邊，四圍俾過街舖頭圍住嗮，入面有扶手電梯同樓梯、專用𨋢往返月台都得。

月台

呢個站有1個分離島式月台，喺海珠區工業大道北嘅南田路口以南，內環路高架兩邊地底。

另外，呢個站嘅南邊有一條存車線，從2010年9月25號嘅舊二號綫一分為二變成8號綫之後，都係用嚟畀列車站前返轉頭用，嗰時凈用得西月台（而家係2月台），而東月台（而家係1月台）凈得好特殊嘅情況時用。直到2019年11月19號21:30（UTC+8），隨住08x163/164號列車到咗呢個站清客之後，列車唔再喺南邊條存車線掉頭返對面畀乘客上車，而係直接過海到文化公園返轉頭。條存車綫留咗畀突發情況先至用得，不過每次列車到呢個站之後重係要清客走直到2019年12月27號尾班車收車為止。2019年12月28號因路線繼續向北延長，列車到呢個站之後唔會俾車站工作人員或廣播話攆客走，喺1月台範圍原先寫住嘅「終點月台」、「終點站」、「請勿上車」、「禁入」呢啲類似提示亦冚唪唥搣走嗮同刪嗮，重改成提示路線已經向北延長到文化公園西南角。而家條存車綫凈限突發事件時先至用到。

喺呢個站北邊嘅同福西站挖咗成幾百米嘅隧道同鋪咗軌，家下呢兩條隧道暫時用嚟做存車線，有需要嘅時候可停車，喺突發情況先至用得。

商舖同自助服務

而家嘅鳳凰新村站入面有好多鋪頭畀乘客買嘢同服務，好似有便利檔同麵包檔、涼茶舖。

另外，鳳凰新村站入面重有好多自助服務設施畀乘客用，包括咗自動櫃員機同自動販賣機；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引服務。

商舖 利口福 7-Eleven 鄧老涼茶

自助服務 中國建設銀行自動櫃員機 自動販賣機 M-Touch地鐵資料查詢

出入口

鳳凰新村站冚唪唥嘅出入口
A出入口 A出入口  B出入口 B出入口

呢個站一共有2個出入口，分別係A同B。

冧巴	標記	方位	去到邊度
出入口A	工業大道北	東	工業大道北、寶業路、梅園西、龍鳳街道辦事處、江西省人民政府駐廣州辦事處、海珠區紅十字會醫院、鳳凰創意產業園、梅園西巴士站
出入口B	南田路	東北偏北	南田西路、工業大道北、革新路、南田西路巴士站
出入口C	未開通	唔畀喺呢度行出去或入站
註： 有盲人引導徑 | 有斜道 | 有輪椅升降臺

車站歷史

規劃

其實呢個站最先喺1997年嘅《廣州市城市快速軌道交通線網規劃研究（最終報告）》講嘅方案A入面嘅4號綫（唔係而家嘅4號綫）嘅車站，就喺而家呢度。但係喺2003年嘅規劃方案入面話，嗰時4號綫就改成而家嘅8號綫車站。之後就變成8號綫西延段嘅車站，就加入咗舊二號綫一分為二嘅工程入面。

工程

喺舊嘅二號綫開始喐手起嗰陣，呢個站重未起嘅。直到2007年，由於8號綫西延段俾政府批准，終於喺2008年開始逳手起，重將南邊嘅尾站搬到而家呢個站位。而工程到咗2010年2月先至搞掂嗮。

未開通到呢個站（2010年9月25號～2010年11月2號）

睇埋：昌崗站 § 舊2號綫一分為二之後嘅總站（2010年9月25號～2010年11月2號）

2010年9月25號，舊嘅2號綫一分為二之後，2號綫同8號綫開始重新投入營運。但係呢個站之所以重未開，係因為西邊嗰橛嘅沙園站嗰度，有個冷氣站喺試營運嗰陣製造出好大噪音，俾冷氣塔出面10幾米遠嘅光大花園啲業主抗議，話影響大部分業主嘅休息，甚至要出動好多差佬嚟維持秩序。由於嗰時單嘢一直都未拗掂，搞到到8號綫呢個站同沙園站、寶崗大道站一齊都開通唔到。嗰時向西行嘅列車嚟到昌崗站之後就要趕鴨咁趕，之後部車唔坐乘客去到呢個站之後就返轉頭。而呢個現象一直去到2010年11月2號先至結束。

正式開通（2010年11月3號～而家）

喺2010年11月3號朝早，呢個站正式開咗畀人坐車。期間呢個站一直做住8號綫西邊總站嘅身份，直到2019年12月28號，由於路線繼續向北延長到文化公園，車站亦降級成中途站，改變咗做西邊尾站長達9年嘅歷史。

利用狀況

由於呢個站冇幾遠都係啲住宅區，所以喺客流方面，都係住喺呢度附近嘅居民上落。但係由於而家廣州地鐵線網重唔係幾密集，加上呢個站重係個總站，唔可以向北直接過河到珠江北邊嘅市區，搞到喺呢個站坐車嘅乘客寧願揀巴士都唔揀地鐵。所以呢個站嘅客流都麻麻地。不過呢個現象隨住8號綫北延段開通到文化公園之後先至結束，從2019年12月28號當日開始，多咗一堆喺8號綫近工業大道北、中同沙園、寶崗大道南一帶啲居民往返沙面、十三行一帶往返嘅居民上落嗎，重有客流為咗避開人民橋成日大塞車而揀呢條綫嚟快速過海。

接駁交通

日班車：

• 鳳凰新村地鐵站：

  9、10、16、31、75、79、79A、121A、123、220、226、243、288、288A、521、813、963

• BRT：

  B21

• 南田西站：

  114、121A、188、226、243

夜班車：

• 鳳凰新村地鐵站：

  夜3、夜7、夜45、夜79

• 南田西站：

  夜45

上一站·下一站

上一站⇚⇚　　　　廣州地鐵　　　　⇛⇛下一站
同福西站 滘心站←	鳳凰新村站 8號綫	沙園站 →萬勝圍站