太和站 (廣州)

	太和; TAIHE
概覽
冧巴	1404
位置	白雲區太和鎮田心村，廣從三路近大瀝路口; 105國道嘅K2535+240標記位
座標	23°18′05.33″N 113°20′29.04″E / 23.3014806°N 113.3414000°E
車站色
經過路線	14
啟站	2018年12月28號
月台數	1
站口數	3
營運資訊
車站服務時間	06:05～23:20
列車服務時間	06:10～23:15
	廣州地鐵14號綫; 嘉禾望崗　◄夏良（3.7km）（6km）竹料►　東風

太和站（注意「和」字有當地鄉下話變音，粵拼：taai3 wo2 zaam6；英文：Taihe Station）係廣州地鐵 14號綫嘅車站，2018年12月28號開通，喺白雲區太和鎮田心村，廣從三路近大瀝路口（105國道嘅K2535+240標記位，太和鎮紀念碑西南邊890m嘅地方）。

結構

樓層

呢個站一共有3層樓嘅地下區域，其中地面係出入口，地下1樓係站廳，有票務設施、客務中心同商舖、安檢設施；地下2樓係14號綫月台。站內雖然冇休息室，但有廁所同母嬰室，喺月台範圍嘅東北邊，其中母嬰室喺廁所嘅女廁門口隔籬。

打掂

地下一樓	站廳	站廳、售票機、客服中心、安檢設施
地下二樓		← 14號綫列車飛站專用（快）
	圍墻
	2月台	← 14號綫列車去夏良站（慢）（行嘉禾望崗嗰邊）
	島式月台，開左邊門（限慢綫）
	1月台	14號綫列車去竹料站（慢）（行東風嗰邊） →
	圍墻
		14號綫列車飛站專用（快） →

打橫

站廳

太和站嘅站廳收費區喺車站西北邊，東南邊係過街通道。收費區有好多部扶手電梯同樓梯、專用𨋢往返月台都得。

月台

呢個站有兩個島式月台，喺廣從三路近太和大瀝路口嘅地底，太和鎮紀念碑西南邊890m位置。

不過，由於14號綫實行咗快慢綫，兩綫嘅列車行嘅軌道都唔同。其中慢綫列車喺車站埋邊嗰兩條軌道停站，而快綫列車直接喺車站開邊嗰兩條軌道飛站唔停。喺埋邊同開邊兩條軌道之間都有棟牆隔開咗，不過兩邊嘅圍牆長度唔同。若果搭緊快綫，喺行緊嘉禾望崗嗰邊，經過呢個站時凈睇到月台嘅10%部份；喺行緊東風嗰邊，經過呢個站時凈睇到月台嘅80%部份。不過14號綫嘅快車重未加密，所以快車喺大多數情況下經埋邊嗰兩條軌道直接飛站唔停，得好少班次喺開邊嗰兩條軌道飛站唔停。

另外，呢個站嘅埋邊兩條軌道當中，西南角有條路軌去到石湖停車場。

商舖同自助服務

呢個站冇商舖，但得三臺自助服務。

自助服務

共享雨遮
M-Touch地鐵資料查詢
好易（Hotye）多媒體自助服務終端

出入口

太和站冚唪唥嘅出入口

C出入口

D出入口

E出入口

呢個站有3個出入口，分别係C、D同E。

冧巴	標記	方位	去到邊度
出入口C	廣從三路	西南	太和田心路、地鐵太和站巴士站（南行）、地鐵太和站巴士站（北行）
出入口D	廣從三路	西	地鐵太和站巴士站（南行）、地鐵太和站巴士站（北行）
出入口E	廣從三路	西北

頭尾班車信息同配線圖

配線圖

█ 14號綫
▲竹料站

石湖停車場

▼夏良站

行去邊頭	頭班車	尾班車
每日
14號綫
嘉禾望崗站	06:10	23:15
東風站	06:10	23:10
注意：喺晚黑最後一班車開走之前嗰5分鐘之內，係唔畀入閘坐車（包括埋買車飛）。

車站歷史

規劃

喺2003年份地鐵規劃方案入面，嗰時嘅新華綫^{[註 1]}由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅太和一帶。但2005年，新華綫嘅西段（花都汽車城⇆高增）被列入咗9號綫一部分^{[註 2]}，而廣從路段（太和⇆街口）直到2008年份規劃先至重新提出。而嗰兩份計劃都有話經過呢個站。

2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣。雖然路線提出咗快綫嘅需求，但唔經呢個站^[1]。

施工

2015年9月：車站喺度搞緊前期入場工作。
2016年2月28號，呢個站到竹料之間嘅盾構隧道正式開挖。
2016年5月24號，車站正式開始喐手起。
2017年11月11號，車站順利封底。
2017年6月21號朝早，石湖^{[註 3]}到呢個站之間嘅左綫盾構隧道正式貫通^[2]。
2018年8月31號，呢個站到竹料嘅兩個區間橋樑構件預制已經順利通過工程驗收。
2018年9月26號，呢個站正式三權移交而開始營運前調試^[3]

開通

2018年12月28號晏晝，由於14號綫一期主綫部份正式開通，呢個站亦正式開放。

利用狀況

呢個站嘅主要周邊乘客都係以附近嘅太和一帶、田心村、營溪村、謝家莊嗰邊啲村民同返放工啲廠房、工地啲職員、鐘落潭地區讀書啲學生上落為主。

附近嘅建築同景區

太和貨運站
謝家莊村
太和田心村
太和老人院
恆泰匯

文化裝飾

呢個站係14號綫嘅其一文化站，佢嘅主題係「逸·居」。背景係動態LED屏幕里演示車站出面嘅天空係點樣（例如日出日落同四季變化）^[4]。而柱上啲裝飾都以山峰為主。

註同攷

註

↑ 喺2003年份地鐵規劃入面，嗰時嘅新華綫定嘅路線冧巴好亂，試過用咗「9號綫」同「14號綫」呢兩隻名。
↑ 同年亦將9號綫向西延長到飛鵝嶺嗰頭做總站。原先計劃二期延長到清遠，但因唔夠錢而冇繼續再搞西延長計劃。
↑ 呢度講嘅「石湖站」係而家嘅夏良站。

攷

↑ 〈广州地铁14号线一期及知识城支线获批站点公布〉。原著喺2016年3月5號歸檔。喺2019年1月27號搵到。
↑ 〈地鐵14號線過半盾構機完成掘進全線計劃明年建成通車〉。金羊網。2017-06-25。{{cite news}}: CS1 maint: url-status (link)
↑ 〈地铁十四号线一期嘉禾望岗至马沥段开始运营调试〉。《广州市人民政府》。2018-10-29。原著喺2018-12-22歸檔。喺2019-04-05搵到。
↑ 今日广州地铁三线齐发搭乘地铁快车38分钟可达从化信息时报 2018年12月28日

上一站·下一站

上一站⇚⇚　　　　廣州地鐵　　　　⇛⇛下一站
夏良站嘉禾望崗站←	太和站 14號綫（主綫慢車）	竹料站 →東風站

[1] 喺2003年份地鐵規劃入面，嗰時嘅新華綫定嘅路線冧巴好亂，試過用咗「9號綫」同「14號綫」呢兩隻名。

[2] 同年亦將9號綫向西延長到飛鵝嶺嗰頭做總站。原先計劃二期延長到清遠，但因唔夠錢而冇繼續再搞西延長計劃。

[4] 呢度講嘅「石湖站」係而家嘅夏良站。

[GZMETRO14-3] 〈广州地铁14号线一期及知识城支线获批站点公布〉。原著喺2016年3月5號歸檔。喺2019年1月27號搵到。

[5] 〈地鐵14號線過半盾構機完成掘進全線計劃明年建成通車〉。金羊網。2017-06-25。{{cite news}}: CS1 maint: url-status (link)

[6] 〈地铁十四号线一期嘉禾望岗至马沥段开始运营调试〉。《广州市人民政府》。2018-10-29。原著喺2018-12-22歸檔。喺2019-04-05搵到。

[7] 今日广州地铁三线齐发搭乘地铁快车38分钟可达从化信息时报 2018年12月28日

[註 1]

[註 2]

[1]

[註 3]

[2]

[3]

[4]