陳家祠站

出自維基百科,自由嘅百科全書
Jump to navigation Jump to search
陳家祠
Chen Clan Academy
CanGaaZiZaam WORD for Line1.jpg
陳家祠站(1號綫)嘅站名
概覽
冧巴 107812
位置 荔灣區中山七路同埋康王北路、康王中路嘅十字路口之間
座標 23°7′31.8″N 113°14′47.7″E / 23.125500°N 113.246583°E / 23.125500; 113.246583座標: 23°7′31.8″N 113°14′47.7″E / 23.125500°N 113.246583°E / 23.125500; 113.246583
車站色     +    花崗岩
經過路線 1
啟站 1999年6月28號
月台 1
站口數 3
營運資訊
車站服務時間 06:07~23:53
列車服務時間 06:12~23:48
廣州地鐵1號綫
西塱 ◄長壽路 (1.1km) (940m)西門口► 廣州東站

陳家祠站(祠字讀「詞」,粵拼can4 gaa1 ci4 zaam6英文Chen Clan Academy Station)係廣州地鐵1號綫嘅車站,1999年6月28號開放,位置喺荔灣區中山七路康王北路、康王中路嘅十字路口之間偏西嘅地底。

呢個站東北邊冇幾遠有個地下商場,成日見到有好多遊客上落(因為附近有間陳家祠)。

結構[編輯]

樓層[編輯]

呢個站一共有2層樓嘅地下區域,其中地下1樓係站廳,有票務設施,客務中心同商鋪;地下2樓係1號綫嘅月台。同大多數嘅1號綫車站一樣,冇休息室廁所響度。

打掂[編輯]

地下
一樓
站廳 站廳、售票機、客服中心
地下
二樓
2月台 1號綫列車去長壽路站(行西塱嗰邊)
島式月台,開左邊門
1月台 1號綫列車去西門口站(行廣州東站嗰邊)
地下
三樓
3月台 8號綫列車去彩虹橋站(行白雲湖嗰邊)
島式月台,開左邊門
4月台 8號綫列車去華林寺站(行萬勝圍嗰邊)

打橫[編輯]

陳家祠站嘅站廳
陳家祠站嘅1號綫月台
柱上啲字

站廳[編輯]

陳家祠站嘅站廳收費區喺車站北邊,南邊係過街通道。收費區有好多部扶手電梯同樓梯往返月台。喺月台東邊嘅免費區有部專用𨋢,乘客有需要時可以嗌工作人員幫手用。

月台[編輯]

呢個站有1個島式月台,喺中山七路嘅地底。

商鋪同自助服務[編輯]

而家嘅陳家祠站入面有好多唔同類嘅鋪頭畀乘客買嘢同埋食嘢,好似有便利檔、麵包檔同涼茶舖、洗衫舖等。

另外,陳家祠站入面重有好多自助服務設施畀乘客用,包括咗羊城通充值機、自動販賣機、自動影相機等;重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記做廣州地鐵薈嘅會員嚟查獎分、換獎品嘅服務。

商鋪
自助服務
  • 自助影相機
  • 自動販賣機
  • 好易(Hotye)多媒體自助服務終端

出入口[編輯]

呢個站一共有3個出入口,分別係A、C、D。

冧巴 標記 方位 去到邊度
出入口A 中山七路 西南 中山七路、土興巷、陳家祠(東行)公交站
出入口C 中山七路 東北 中山七路、康王北路陳家祠綠化廣場、新光城市廣場新光百貨、廣州市人民來訪接待廳、康王•柏德來商城紅樹灣傢俱、華爾街英語新光百貨中心、韋博國際英語陳家祠中心、陳家祠巴士總站、康王北路巴士站
出入口D 荔灣路 西北 荔灣路、陳家祠正門、廣州醫學院荔灣分院、陳家祠(西行)巴士站
註: 有盲人引導徑 | 有斜道 | 有輪椅升降臺

頭尾班車信息同配線圖[編輯]

配線圖

1號綫
西門口站

uSTRf uSTRg
uSTR+BSl uSTR+BSr
uSTR+BSl uSTR+BSr
uSTR+BSl uSTR+BSr
uSTRf uSTRg

長壽路站

行去邊頭 頭班車 尾班車
每日
1號綫
西朗站 06:19 23:48
廣州東站 06:12 23:06
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

高峰客流控制[編輯]

呢個站嘅高峰客流控制時間係:星期一至星期五(工作日)8:00~8:45

車站歷史[編輯]

規劃[編輯]

1號綫[編輯]

其實呢個站喺1988年嘅地下鐵道路網規劃嘅初步方案入面就冇呢個站嘅。嗰時凈係得個嗌「中山八路站」嘅站,就喺中山八路嘅荔灣路口西邊。不過後嚟徵求咗市民意見之後就搞咗個「十字線網」規劃,而嗰時嘅1號綫黃沙以北到中山路以南嘅路線向東移咗過去而家呢度,重改咗名嗌「中山七路站」,不過最後因為附近有間陳家祠響度而改咗名嗌「陳家祠站」。

8號綫[編輯]

喺1997年嗰份《廣州市城市快速軌道交通線網規劃研究(最終報告)》話佢係1號綫同嗰時嘅4號綫嘅轉車車站,但無耐取消咗。2009年份規劃改成8號綫北延段嘅車站,但嗰時8號綫最北邊總站去到而家嘅文化公園站。2011年底改咗規劃向北延長到白雲區石井北邊嘅白雲湖,途中經過呢個站,重喺2012年俾國家發改委通過咗。

施工[編輯]

1號綫[編輯]

1993年12月28號,1號綫全路線段開始逳手起。期間重試過拆咗附近一大堆建築同民宅,將居民安置到同德圍棠溪一帶居住,連電車同巴士改道到東風路一帶行,期間重造成主幹道大塞車而引起一系列社會問題。工程直到1999年春起好嗮。

8號綫[編輯]

2017年7月12號,8號綫喺度起緊。

原先呢個站設計喺1號綫南邊嘅廣州捲煙二廠嚿地皮入面[1]。但由於廣州市規劃局同卷煙二廠溝通過之後,重係冇共識[2],令車站向北搬到陳家祠東廣場近康王商業城3號出入口附近[3],原先計劃喺東廣場入面搞鋪軌基地又話唔起得。

2014年10月15號,廣州地鐵公司話起8號綫北延段車站而將2009年起好咗無耐嘅陳家祠廣場拆咗一半,俾好多街坊猛咁鬧。嗰時8號綫嘅北延段凈係去到而家嘅文化公園站而未向北繼續延長落去。而所謂嘅8號綫北延段嘅工程喺2012年嗰陣先至俾國家發改委話通過咗,而荔灣區政府因為冇考慮到呢方面而拆呢個廣場[4],隨後喺2014年11月14號正式開始施工。

開通[編輯]

呢個站喺2005年夏天時未裝月台幕門

1999年6月28號隨住1號綫全線通車而正式開放。

加裝月台幕門[編輯]

地鐵公司為咗慳能源同防止乘客墮軌,由2005年開始喺行緊嘅成條1號綫入面加裝月台幕門、半高式安全門。月台幕門喺2007年啟用。

出入口[編輯]

2017年11月5號,喺B出入口附近,1號綫開通廿年之後一直未見佢開。

呢個站從開通都而家就一共開咗3個出入口,而附近嘅康王商業城都喺地鐵站開通咗無耐之後都開埋,但係東南邊嘅B出入口從地鐵開通一直到而家都重未整出嚟,係因為地鐵總公司同埋廣州市規劃局重未同廣州捲煙二廠傾掂條數。而A出入口嘅𨋢都係一樣。

2017年10月9號~2017年12月8號,專用𨋢冇辦法用。[編輯]

呢個站開通之後一直到2017年10月8號晚黑收車為止,由於專用𨋢喺免費區入面,啲傷殘人士好多時要將車飛畀黃衫黑褲啲工作人員睇先至畀用。不過喺2017年10月9號嗰日,地鐵方開始圍蔽咗唯一嘅專用𨋢位,令傷殘人士用專用𨋢出入站好唔方便。後嚟經地鐵方得知,原嚟呢個站嘅專用𨋢已經用咗超過廿年,部份元件出現損壞情況,要圍蔽施工2個月嚟換𨋢先至得。

利用狀況[編輯]

呢個站每次喺旅遊旺季嗰陣,都幾繁忙下。因為附近有間陳家祠嘅建築響度。重有喺呢個站冇幾遠就有廣州市第四中學同埋廣州市達德綜合高級中學響度,喺呢兩間學校讀書嘅學生仔成日嚟呢個站坐車嘅。附近重有間康王商業城同埋家樂福康王店呢兩間嘢就喺車站嘅附近。所以人流都幾多下。

附近嘅建築同景區[編輯]

廣州市第4中學
陳氏書院

博物館[編輯]

廣場同商場[編輯]

  • 陳家祠廣場
  • 新光城市廣場
  • 家樂福康王店
  • 康王商業城

學校[編輯]

醫院[編輯]

政府部門[編輯]

工廠[編輯]

體育館[編輯]

[編輯]

上一站·下一站[編輯]

上一站⇚⇚    廣州地鐵    ⇛⇛下一站
長壽路站
西塱站
陳家祠站
1號綫
西門口站
廣州東站
彩虹橋站
滘心站
陳家祠站
8號綫
華林寺站
萬勝圍站
提醒:8號綫北段喺度起緊,未通到嚟呢個站。