鷺江站

鷺江 Lujiang
鷺江站嘅站名
概覽
位置	海珠區新港西路同下渡路嘅交界地底
座標	23°5′43.33″N 113°18′30.3″E
車站色
經過路線	8
啟站	2003年6月28號
月台數	1
站口數	4
營運資訊
車站服務時間	06:06-23:56
列車服務時間	06:11-23:51
廣州地鐵8號綫 滘心站　◄中大站 客村站►　萬勝圍站

鷺江站（粵拼：lou6 gong1 zaam6；英文：Lujiang Station）係廣州地鐵8號綫嘅車站，喺海珠區新港西路同下渡路嘅交界地底，廣州城市職業學院（海珠校區）正門嘅西南邊，喺2003年6月28號開放。

呢個站喺2003年6月28號到2010年9月22號係廣州地鐵2號綫嘅車站。

結構

樓層

地下 一樓	站廳	站廳、售票機
地下 二樓	月台	←8號綫列車去中大站（行滘心嗰邊）
	島式月台，開左邊門
	月台	8號綫列車往客村站（萬勝圍方向）→

站廳

鷺江站嘅收費區喺站廳嘅北邊，而南邊係人行通道。車站嘅商舖都喺嗮車站嘅東北偏北嘅收費區入面，而自助服務喺嗮車站嘅東西兩邊。站廳入面重有好多部扶手電梯同樓梯往返月台。而專用𨋢喺車站嘅東邊免費區域入面，乘客如估有需要嘅話，可以向車站嘅工作人員查咗車飛之後嚟協助用。

站台

鷺江站嘅站廳

鷺江站嘅站台，喺2014年8月27號影。

柱上啲字

呢個站有1個島式月台，喺新港西路嘅地底。

商舖同自助服務

而家嘅鷺江站入面有唔同類嘅鋪頭畀乘客買嘢同服務，好似有便利檔、書店同洗衫舖等。

另外，鷺江站入面重有好多自助服務設施畀乘客用，包括咗自動販賣機同埋自動影相機等；重有好易機嚟充羊城通，交水電費同交通嘅罰錢呢啲服務；而M-Touch機係可以查地鐵嘅路線、頭尾班車同埋地鐵嘅安全指引，重可以畀乘客登記做廣州地鐵薈嘅會員嚟查獎分、換獎品都得。以下係呢個站有嘅鋪頭同自助服務：

商舖 天天洗衣 鴻福堂 7-Eleven 日閱堂

自助服務 自動影相機 自動販賣機 M-Touch地鐵資料查詢 好易（Hotye）多媒體自助服務終端

出入口

冧巴	標記	去到邊度
出入口A	新港西路	新港西路、客村立交、大江直街、廣州城市職業學院海珠校區、鷺江①②公交站（西行）
出入口B	新港西路	新港西路、下渡路、濱江東路、中山大學東校門、廣州市第六中學、下渡路口公交站
出入口C	新港西路	新港西路、鷺江西街、中國科學院南海海洋研究所、廣東省疾病預防控制中心、康樂村②公交站（東行）
出入口D	廣州大道南	廣州大道南、墩和路、中國電器科學研究院、廣東省社會福利服務中心（廣東江南醫院）、園藝場、愉景雅苑、愉景南苑、華樂苑、財智大廈、客村小學、鷺江①②公交站（東行）
註： 有盲人引導徑 | 有斜道 | 有輪椅升降臺

車站歷史

規劃時期（1988年）

喺1988年嘅「十字綫網」規劃入面就話咗嗰時舊2號綫嘅一個站，喺廣州大道嘅東邊。後嚟喺1997年嘅《廣州市城市快速軌道交通線網規劃研究（最終報告）》入面話咗要將條2號綫一分為二，而呢個站係話嗰時5號綫（唔係而家嘅5號綫）嘅一個站。而曉港站到琶洲嗰橛都加入咗2號綫一期嘅工程入面，之後用咗先行貫通，重留低咗拆解嘅條件。

舊2號綫時期嘅鷺江站（2003年6月28號——2010年9月21號），圖左邊嘅站名喺2010年9月底刨走咗。

通車之後，舊2號綫時期（2003年6月28號——2010年9月21號）

2002年12月28號嘅地鐵2號綫首通段通咗車，但從曉港到琶洲呢橛係重未開放。而呢個站就到咗2003年6月28號嘅2號綫（曉港到琶洲嗰橛）開通咗之後先至開放。

2號綫同8號綫一分為二（2007年6月25號——2010年9月25號）

2007年6月25號，國家發改委通過咗廣州地鐵2號綫同8號綫嘅延長段工程。工程喺2007年8月正式逳手，佢就係將舊嘅二號綫喺呢個站同江南西站之間嘅位拆開，分別向南、西、北三個方向延長。就喺2010年9月22號——24號，成條舊嘅二號綫都停運咗嚟搞路線一分為二嘅工程。

8號綫時期（2010年9月25號之後）

喺2010年9月25號朝早，呢個站重新開放，改咗係8號綫嘅一部分。

利用狀況

呢個站附近冇幾遠都係一片住宅區，重有部分學校響度。所以呢個站嘅客流都係啲返放工嘅人同上落堂啲學生比較多。喺客流高峰期都比較多人下。

喺2014年5月12號開始，呢個站成日喺每個星期一早上高峰期搞客流控制。

周圍嘅建築

• 嶺南口腔專科門診
• 珠海大廈
• 省衛生檢疫中心
• 鷺江商業城
• 廣州海事法庭
• 中國科學院南海海洋研究所
• 中國電器科學研究所
• 新海醫院
• 愉景南苑
• 愉景雅苑
• 廣百世紀廣場
• 廣州經濟管理幹部學院
• 廣東輕工職業技術學院
• 廣州海員醫院
• 廣州珠江製藥廠客村藥房
• 廣東省疾病預防控制中心

上一站•下一站

上一站⇚⇚　　　　廣州地鐵　　　　⇛⇛下一站
中大站 滘心站←	鷺江站 8號綫	客村站 →萬勝圍站