廣州城市職業學院
| 廣州城市職業學院 | |
|---|---|
| Guangdong City Polytechnic College | |
 | |
| 校訓 | 德技雙馨 知能雙長 |
| 開辦 | 1962年 |
| 類型 | 公立 |
| 校址 | 廣園總校：白雲區廣園中路248號 越秀分校：越秀區越秀北路80號 新港分校：海珠區新港西路181號 遠安分校：海珠區遠安路148號 |
| 網站 | http://www.gcp.edu.cn 官方網站 |
廣州城市職業學院（粵拼：gwong2 zau1 sing4 si5 zik1 jip6 hok6 jyun2），簡稱廣城職（gwong2 sing4 zik1），係中國廣東省廣州市嘅一間大學，有4個校區。呢間學校喺1962年成立，2005年，廣東省教育廳將廣州業餘大學，廣州市經濟管理幹部學院、廣州市財貿管理幹部學院同廣州市鄉鎮企業管理幹部學院4間學校合併，從而搞出嚟嘅一間學校。
四個校區嘅詳細位置
[編輯]史
[編輯]呢間學校嘅歷史最早可以追溯到1962年。嗰時廣州市人民政府喺1962年搞咗兩間分別嗌「廣州業餘大學」同「廣州市財貿管理幹部學院」嘅綜合性成人高校，位置分別喺而家嘅海珠區遠安路148號同越秀區越秀北路80號。直到1984年，喺而家海珠區新港西路181號搞咗間「廣州市經濟管理幹部學院」嘅成人高校；而廣州市鄉鎮企業管理幹部學院係1985年12月成立嘅一間學校，之前嗌「廣州市農業管理幹部學院」，後嚟喺1996年改名做「廣州市鄉鎮企業管理幹部學院」。
到咗2005年，學校宣佈正式同廣州業餘大學、廣州市財貿管理幹部學院、廣州市鄉鎮企業管理幹部學院同廣州市經濟管理幹部學院合併，變成而家嘅廣州城市職業學院。2009年12月，學校以比較好嘅成績通過教育部嘅人才培養工作評估。2013年11月俾廣東省教育廳正式定為廣東省第二批示範性高職院校。