海心沙站
| 海心沙 Haixinsha | |
| |
| 海心沙站嘅站名（喺啱啱落樓梯到咗月台冇幾遠嗰度） | |
| 概覽 | |
|---|---|
| 冧巴 | APM02 |
| 位置 | 天河區海心沙嘅地底 |
| 座標 | 27°06′42″N 113°19′27″E / 27.11167°N 113.32417°E |
| 經過路線 | APM |
| 啟站 | 2011年2月24號 |
| 月台數 | 1 |
| 站口數 | 1 |
| 營運資訊 | |
| 車站服務時間 | 06:56～23:43 |
| 列車服務時間 | 07:01～23:38 |
| 珠江新城旅客自動輸送系統 總站 ◄廣州塔 （630m） （510m）大劇院► 林和西 | |
海心沙站（粵拼：hoi2 sam1 saa1 zaam6；英文：Haixinsha Station）係APM嘅車站，喺天河區海心沙嘅地底。列車喺廣州亞運會期間唔停呢個站。喺2011年2月24號俾媒體猛咁鬧咗呢個站好多次之後先至開咗畀人坐車。
雖然呢個站喺每日23:38收車，但係實際上，每日一到咗22:00，由於海心沙亞運公園要閂門，加上閂門期間有保安仔同差佬睺住公園大門口，所以車站凈畀出唔畀入。
另外，喺每年燈光節期間同馬拉松當日朝早到中午時段，呢個站亦唔會對外服務，列車亦會做飛站處理。
結構
[編輯]樓層
[編輯]呢個站一共有2層樓嘅地下區域，其中地下1樓係站廳，有票務設施同客務中心、警務室；地下2樓係APM嘅月台。同大多數嘅APM車站一樣，冇廁所同休息室、母嬰室響度。
打掂
[編輯]| 地面 | - | 出入口、海心沙亞運公園 |
| 地下 1樓 |
大堂 | 服務中心、車站設備、安檢設施 |
| 地下 2樓 |
2月台 | ← APM 去廣州塔站（行廣州塔嗰邊） |
| 島式月台、開左邊門 | ||
| 1月台 | APM 去大劇院站（行林和西嗰邊） → | |
打橫
[編輯] |
 |
 |
站廳
[編輯]呢個站嘅站廳喺海心沙嘅亞運公園入面嘅地底，有售票機同客服中心響度。而站廳嘅收費區入面有扶手電梯同樓梯往返月台都得。
月台
[編輯]商鋪同自助服務
[編輯]呢個站同大部份APM嘅車站一樣，冇商舖；但係得1臺自動櫃員機同埋自動販賣機響度。
|
出入口
[編輯]
呢個站凈係得去海心沙亞運公園嘅1個出入口，就喺海心沙亞運公園嘅地下停車場嗰度。之前喺開通無耐，由於亞運公園重喺度收緊錢，加上個站嘅唯一一個出入口喺公園入面，結果搞到一鑊熟，因為嗰時喺呢個站出咗閘係要收多個公園嘅入場費[1]。結果就俾人猛咁鬧[2]，搞到地鐵方面要整多個出入口先至得。後嚟喺海心沙亞運公園免費俾人玩嗰陣，另外多咗嘅出入口先至取消咗。而家呢個站凈係得A一個出入口。
頭尾班車信息同配線圖
[編輯]| 配線圖 | |||||
|---|---|---|---|---|---|
|
█ APM | |||||
|
|||||
|
|||||
|
|||||
|
▼廣州塔站 | |||||
.svg){kind=small}
.svg){kind=small}
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| APM | |||||||
| 林和西站 | 07:01 | 23:31 | |||||
| 廣州塔站 | 07:09 | 23:38 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史
[編輯]規劃同施工
[編輯]喺2003年規劃緊嘅地鐵方案入面就出現咗APM綫嘅樣，嗰時嘅海心沙站就喺而家呢度。而工程喺2006年9月開工，一直到2010年秋先至搞掂。
亞運會期間，唔停呢個站。
[編輯]雖然話APM喺2010年11月8號就通咗車，但係由於嗰時廣州要辦亞運會，根據國家發改委嘅要求先至話唔停呢個站；而列車一般去到歌劇院站（而家係大劇院站）就唔畀人去廣州塔嗰頭。因為嗰時廣州塔站都唔開嘅，加上呢個站因為安保先至攞咗嚟做亞運會嘅運動員休息室。
重未開畀人坐車？
[編輯]
不過喺2010年11月28號嘅廣州亞運會閉咗幕之後，本嚟計劃話佢同廣州塔站一齊，都要開呢個站畀人坐車嘅。不過間亞運會開閉幕式嘅場地就變咗間公園，而且係收費嘅，所以就冇開到[3]，結果俾人猛咁鬧咗n次，直到2011年2月24號先至開畀人坐車。
出入站坐車，仲收額外嘅「公園入場費」？
[編輯]喺2011年2月24號開通咗呢個站之後無耐，如估想出站嘅必須要買門飛先至得[1]，結果又係搞到好多人鬧佢[2]。最後地鐵考慮咗呢方面嘅嘢，就整咗條唔使畀錢就可以出站嘅通道去到海心沙島出面，一直到2012年9月30號之後嘅海心沙亞運公園免費開放為止。而家嘅海心沙公園唔使錢就入得到去。
列車廣播冇粵語同英文報站？
[編輯]喺2011年8月，有網民就喺微博度爆料，話海心沙站嘅列車廣播係成個廣州地鐵入面，唯一一個冇粵語報站嘅車站，甚至連英文報站都冇；後嚟狗仔隊收到呢單嘢之後就去採訪咗呢個站嘅值班站長。而值班站長就話：「因為APM用緊啲車都係進口嘅，同其它路線唔同，所以就冇搞到粵語錄音出嚟。之前地鐵部門都冇留意，所以海心沙站先至高出點解冇粵語報站出嚟。不過地鐵公司會重新錄過啲音嚟解決呢啲問題。」[4]後嚟喺地鐵公司嘅廣播更新入面先至多咗粵語同英文報站嘅嘢。
利用狀況
[編輯]海心沙站係APM嘅其中一個好緊要嘅車站，呢個站嘅客流一般都係去海心沙亞運公園入面玩，及附近嘅花城廣場南邊上落班嘅人，同埋喺海心沙碼頭坐船去廣州塔或長洲嗰邊嘅人成日喺呢度上落。尤其係節假日同週末，海心沙亞運公園重出現幾多客流嚟呢度上落。
接駁交通
[編輯]- 輪渡
- 海心沙碼頭
- S14、S11
- 海心沙碼頭
附近嘅建築同景區
[編輯]攷
[編輯]
- ↑ 1.0 1.1 〈广州地铁海心沙站直通收费公园 不买票无法出站〉。新浪网新闻频道。2011-02-25。
- ↑ 2.0 2.1 〈海心沙是广州城市客厅,坐坐也要交钱?〉。南方都市报。2011-02-22。原著喺2011-02-28歸檔。喺2014-06-12搵到。
- ↑ 廣州亞運開幕前將開通6條地鐵線[失咗效嘅鏈]
- ↑ 地铁海心沙站将添粤语报站 互聯網檔案館嘅歸檔，歸檔日期2014年4月27號，. 信息时报 喺 2011-08-03 搵到
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 廣州塔站 總站← |
海心沙站 APM |
大劇院站 →林和西站 |
