坑口站 (廣州)

出自維基百科,自由嘅百科全書
跳去: 定向搵嘢

呢篇文章講嘅係廣州地鐵站。想搵其它城市入面嘅「坑口站」,睇下【坑口站

坑口站
Kengkou Station.JPG
坑口站外觀
概覽
位置 花地大道中同龍溪大道嘅交界
車站色 白色
經過路線 廣州地鐵1號線
啟站 1號線:1997年6月28日
月台 2(兩邊連唔通)
站口數 4
營運資訊
車站服務時間 06:02-00:00
列車服務時間 05:57-23:55

坑口站廣州地鐵1號線嘅其中一個車站,1997年響廣州地鐵首段通車而開始投入使用。呢個車站就喺荔灣區芳村花地大道中同埋龍溪大道嘅十字路口附近,芳村客運站附近。

車站嘅結構[編輯]

站台[編輯]

呢個站有兩層,地面係1號綫嘅月台,地鐵出入口同花地大道中等道路,地上二樓係1號綫嘅站廳。

地上
二樓
站廳 站廳、售票機、客服中心同埋出口通道
地面 側式月台,開右邊門
月台 1號綫列車往西朗站西朗方向)
月台 1號綫列車往花地灣站廣州東站方向)→
側式月台,開右邊門

站廳[編輯]

呢個站中部東部被劃為收費區,周圍係過節通道,收費區入邊有扶梯或者樓梯落到站臺。由於呢個站嘅專用電梯出口設喺非收費區,所以如果要用專用電梯嘅話要同工作人員講。

呢個站同大學城北大學城南一樣,兩邊收費區唔係連埋一齊嘅,所以如果搞錯方向就要揾車站工作人員幫手,叫佢開條專用通道畀你過去。

坑口站嘅站廳

商鋪同埋自助服務[編輯]

車站嘅商鋪
自助服務

月台[編輯]

呢個站有兩個側式月台,喺花地大道中西側空地上邊。

出入口[編輯]

坑口站嘅B出入口
坑口站嘅C出入口
坑口站嘅D出入口

呢個站而家有B、C、D三個出入口,鄰近芳村客運站,乘客可以喺呢度轉汽車去廣東省嘅其它城市。A出入口而家因為配合地鐵上蓋購物中心施工,由2014年5月1號起暫時封咗。

編號 標記 去到邊度
出入口A 暫時封咗 冇得喺呢度出入
出入口B 花地大道中 花地大道中、芳村客運站、芳村客運站巴士站、金道花園、廣州市醫保局荔灣分局、保利公園九里
出入口C 東漖南路 東漖南路、龍溪大道、坑口地鐵巴士站
出入口D 東漖南路 東漖南路、龍溪大道、中國鐵建荔灣國際城、廣東實驗中學高中部
註: 有盲人引導徑 | 有斜道 | 有輪椅升降臺

利用情況[編輯]

呢個站附近有東漖鎮,汾水小區等等嘅住宅區,重有間廣東實驗中學高中部,喺呢啲地方返工放工翻學放學嘅人都會經過呢個站。

呢個站B出入口附近有芳村客運站,可以去到廣東省嘅其它城市,尤其呢個車站附近重可以去到佛山市南海區嘅附近,所以有啲廣佛地區嘅候鳥成日都嚟呢個站落車再轉巴士入去龍溪大道再去到南海嗰邊。但芳村客運站附近,重出咗衍生出嚟嘅問題(好似黃牛黨同埋擺地攤走鬼嗰啲人)。

上一站·下一站[編輯]

上一站 廣州地鐵1號線 下一站
西塱站
西塱站
坑口站 花地灣站
廣州東站