廣州東站 (地鐵)

  呢篇文講廣州地鐵嘅廣州東站。想搵火車站名嘅話，請睇廣州東站。

廣州東站 Guangzhou East Railway Station
地鐵廣州東站（1號綫）嘅站名
概覽
冧巴	116 318
位置	天河區林和中路廣州火車東站大樓地底
座標	23°08′58.63″N 113°19′29.57″E
車站色	1號綫：　 3號綫：
經過路線	1 3
啟站	1號綫：1999年2月16號 3號綫：2005年12月26號
月台數	2
站口數	7
營運資訊
車站服務時間	05:55～23:53
列車服務時間	06:10～23:33
廣州地鐵1號綫 西塱　◄體育中心 （2km）
廣州地鐵3號綫 海傍　◄林和西 （920m） （1.3km）燕塘►　機場北

廣州東站（粵拼：gwong2 zau1 dung1 zaam6；英文：Guangzhou East Railway Station）係廣州地鐵1號綫同3號綫嘅轉車站，喺天河區林和中路嘅廣州火車東站大樓地底。但兩個月台開放時間唔一樣：其中1號綫喺1999年6月28號開放，3號綫喺2005年12月26號開放。從1999年2月16號開始，車站做咗好幾個「總站」身份：

• 1999年2月16號～而家：1號綫東邊終點站。
• 2005年12月26號～2010年10月24號：3號綫北邊終點站。

結構

樓層

打掂

地下 一樓	1號綫站廳/3號綫南站廳	站廳、售票機、客服中心、出入口、安檢（除了廣州東站乘客進入I入口）
	北站廳	H出入口、J出入口、站廳、售票機、客服中心、安檢
地下 二樓	1月臺	←1號綫列車落客月臺
	島式月台，開左邊門
	2月臺	1號綫列車去體育中心站（行西塱嗰邊）→
地下 三樓	收費區	轉車通道、同3號綫南北站廳接埋一齊
地下 四樓	4月臺	←3號綫列車去燕塘站（行機場北嗰邊）
	島式月台，開左邊門
	3月臺	3號綫列車去林和西站（行海傍嗰邊）→

打橫

地鐵廣州東站嘅1號綫站廳	地鐵廣州東站嘅3號綫站廳
地鐵廣州東站嘅1號綫月台	地鐵廣州東站嘅3號綫月台

站廳

呢個站有2個站廳，分別係：

• 1號綫站廳同3號綫南站廳嘅共用站廳，喺廣州火車東站大樓嘅地底。
• 3號綫北站廳，喺廣園快速路（差唔多廣州東站汽車客運站嗰邊）嘅地底。

不過呢兩個站廳嘅免費區冇連埋一齊，如估你喺林和中路或林和西路呢邊想去廣園快速路、或喺廣園快速路嗰邊去廣州東站啲人就噉用過街隧道（唔係搭車嘅）就必須要行車站隔籬嘅免費市政隧道過去。因為廣州地鐵有規定，唔理你坐咗幾多個站，如估一入親去收費區就絕對要畀錢，包括冇坐地鐵在內。

而共用站廳嘅收費區喺1號綫站廳嘅東西兩邊，3號綫南站廳嘅南邊，四周圍俾人行通道同車站商舖圍住嗮；而3號綫北站廳嘅收費區喺站廳嘅東南側，四周圍俾人行通道同車站商舖圍住嗮。而收費區入面有好多部扶手電梯、專用𨋢同樓梯往返邊個月台都得。

為咗方便啲去機場嘅乘客，喺共用站廳同北站廳入面重設咗航班查詢出嚟。

月台

呢個站有兩個島式月台，1號線喺廣州東站大樓地底，3號線林和西路同廣深鐵路嘅地底。1號線喺上邊，3號線喺下邊。個站1號線西邊有一組雙存車線，1號線列車用呢組存車線折返。3號線北邊設有一條存車線，當3號線南邊有故障嗰陣，去體育西路站或者番禺廣場站嘅車會由呢條存車線折返，以呢個站為總站。 雖然起1號綫嗰陣冇留低轉車條件畀3號綫，但喺起3號綫嗰陣，喺1號綫嘅站廳同站台西邊起咗條通道連去地下3樓嘅收費區聯絡通道，唔單止可以去到南北站廳，亦可以轉去3號綫。

商鋪同自助服務

而家嘅體育西路站入面有好多唔同類嘅鋪頭畀乘客買嘢同埋食嘢，包括咗便利檔、涼茶舖、麵包檔同洗衫舖、書店、賣衫褲檔、首飾舖、手機檔等。

另外，體育西路站入面重有好多自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

商鋪 美心西餅 7-Eleven 天天洗衣 日閱堂 自然派 鴻福堂 羊城通客服中心（喺3號線北站廳）

自助服務 自動影相機 自動販賣機 中國建設銀行自動櫃員機 民生銀行自動櫃員機 羊城通充值機 M-Touch地鐵資料查詢 好易（Hotye）多媒體自助服務終端

出入口

地鐵廣州東站冚唪唥嘅出入口
G2出入口，要入去商場先至搵到。 G2出入口，要入去商場先至搵到。  I出入口 I出入口  F出入口 F出入口  H出入口 H出入口  J出入口 J出入口  B2出入口 B2出入口

編號	標記	去到邊度
3號綫北站廳
出入口H	廣園東路	市政通道、廣州東站汽車客運站
出入口J		東站汽車客運站公車站
1號綫站廳／3號綫南站廳
出入口B1	林和西路	廣州軍體院、東方寶泰購物廣場、廣州東站
出入口B2	林和西路	市政通道、廣州東站汽車客運站
出入口F	林和中路	林和中路、林和村、省社會保險基金管理局、廣州建國酒店、浦發銀行天譽支行
出入口G	廣州火車東站	廣州東站、計程車站、火車東站停車場、廣州東站綠化廣場、東方寶泰購物廣場、廣州火車東站公車總站、廣州火車東站公車站（旅遊公車3線）
入口I (只入唔出)	唔適用	只入唔出，只有國鐵廣州東站乘客從地面層進入免安檢轉車
注： 有盲人引導徑 | 有輪椅升降臺 | 出入口都喺同一層樓

• 特别提醒：呢個站嘅南北站廳免費區係冇連埋一齊嘅，如估從南站廳過去北站廳或北站廳過去南站廳嗰邊嘅話，就必須要行地鐵站出面嘅客運站市政通道先至去到。

頭尾班車信息同配線圖

配線圖
例 █ 1號綫 ▲　終點 ▼　體育中心站

配線圖
例 █ 3號綫 ▲　燕塘站 ▼　林和西站

行去邊頭	頭班車	尾班車
每日
1號綫
去西塱站	06:10	23:30
3號綫
去體育西路站	06:10	23:30
去機場北站	06:15	23:34
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

1號綫

1987年嘅廣州地鐵網規劃初步方案1入面，話明呢個站係1號綫嘅車站，嗰時同國鐵車站一樣嗌天河火車站。到咗1988年4月1號，由於火車站改名做廣州東站，鐵路車站亦跟住改名。

3號綫

呢條路線喺2000年嘅廣州地鐵網規劃出現咗。嗰時規劃話佢係主綫嘅北邊終點站，但隨後機場快綫同3號綫合併，北邊嘅終點站亦順延到嗰時起緊嘅新國際機場，呢個站亦變成中途站。

11號綫

路線喺2008年嘅廣州地鐵網規劃出現咗。嗰時地鐵話要搞環綫，要求喺8號綫喺原先嘅細環同大環方案是旦揀一個嚟搞，結果決定揀咗大環方案而經呢個站。兩年後，地鐵同政府方決定唔拆8號綫而轉到特大環綫入面，重定咗係11號綫嘅車站。隨後喺2015年7月先至批准咗呢份方案。

施工

1號綫

鐵路方同廣州市政府為咗支持廣州起地鐵，喺1992～1996年間整大咗廣州東站，重留咗1號綫嘅車站結構，但冇留到其它路線嘅結構。

雖然廣州東站喺1996年變大咗兼啟用新嘅站房，但站內重喺度施工，加上車站出面嘅巴士站喺度完善緊。

3號綫

• 2001年：路線亦開始陸續喐手起，施工期間重將呢個站整大咗同北邊起咗個新站廳。
• 2004年10月22號：廣州東站到林和西站嘅區間起好嗮。

11號綫

• 2017年9月18號：車站正式開挖。

開通

1999年2月16號，1號綫全綫開通時先至開通到呢個站。期間一直係1號綫嘅中途站，直到2005年12月26號，由於3號綫開通首通段，車站亦正式開放。期間一直做咗三個身份：既係1號綫嘅東北角總站，又係3號綫嘅北邊總站，亦係1號綫同3號綫嘅轉車車站。直到2010年10月25號，雖然3號綫向北延長到機場南站而降級成3號綫嘅中途站，但1號綫嘅總站身份一直冇變到。

拋棄預留延長結構

早期地鐵規劃話1號綫會喺將來向西延長到沙河地區而喺正線西邊預留咗延長結構，但因為沙河地區有一大堆文物響度，加上有間大型貨運批發市場響度，而且冇民眾要求1號綫繼續向廣州東站以北嘅方向延長，所以地鐵方一直冇理到佢嘅預留結構而拋棄咗。雖然2010年規劃嘅11號綫會經過呢個站，但唔會喺原先嘅預留延長結構入面整站。

營運事故

• 2010年5月7號：由於廣州東站到林和西站間出現大量積水，令部分設備失靈而停運咗，直到第二日先至恢復營運。
• 2010年8月9號：由於大塘到天河客運站路段出現信號故障，令全線列車停運大概14分鐘。
• 2016年3月18號，由於前一日收車後，一部工程車唔小心將漏出啲機油滲透到燕塘到廣州東站區間到軌道，嗰時地鐵就快開出頭班車。地鐵收到料後啟動緊急措施，組織列車從06點55分（UTC+8）開始喺燕塘到廣州東站區間限速通行。機場南去體育西路嘅列車相比平時慢咗大概5分鐘，同時亦組織部分列車喺燕塘、廣州東站同林和西站，重喺同和站落客之後通過站後折返綫返轉頭，同時重喺好多個車站實施客流控制。經過處理，從09:30開始，路線列車逐步恢復正常營運。

利用狀況

呢個站有時候都幾多人下，其中坐火車喺廣州火車東站落車嘅乘客入去市區入面，就成日嚟呢度坐車。重有成日嚟東站嘅人落車嚟坐火車或者係坐客運站入面啲車嘅，都係成日嚟呢個站落車嘅。加上附近有宜家傢俬、東方寶泰購物廣場同埋改造過嘅林和村住宅區同埋寫字樓響度，所以唔理係節假日定平時，都有好多乘客出入站坐車。

每年一到節假日或春運、暑運期間，車站會有大批人流上落站同做嚴格嘅安保措施。

轉車須知

呢個站嘅轉車方面，由於喺1993年起緊地鐵1號線嗰陣冇事先預留到轉車嘅條件。喺站廳同埋月臺嘅西邊都有條通道可以接去3號線嘅畀錢區，如估係3號線轉1號線嘅話，必須要喺落咗車之後行上去一層樓，跟住一直行，其中行到半佬就會見到有條分岔路響度嘅，其中第二條分岔路係上去地鐵1號線嘅站臺，冇行過龍喇。如估係1號線轉3號線嘅話，就喺落咗車之後行去向下嘅樓梯地方落去跟住轉右一直行，行到半佬會睇到重有條樓梯重可以向下面嘅一層樓行。跟住落去就係3號線嘅站臺。如估話直接坐3號線嘅，一定要去北站台入站先至得，因為南站台唔去3號線嘅。

文化牆

2014年4月10號，廣州地鐵入面嘅7個車站會再繼續添加「文化牆」嘅裝飾，當中就包括咗呢個站。而呢個站添加文化牆嘅理由係：呢個車站係廣州入面，最重要嘅門戶同埋交通樞紐嘅車站，重要係畀嗮全體人對廣州入面嘅第一印象。

接駁交通

接駁國鐵廣州東站、公交車同出租車。

公交車路線

廣州東站公共汽車總站喺火車東站南面，旅客可以搭公車前往廣州市內各地。另外，喺車站西南側嘅林和西路，亦設有廣州火車東站嘅公共汽車中途車站，僅停靠旅遊公車3線往琶洲石基村方向嘅公交車。

廣州火車東站、廣州火車東站總站

號	路線			收費	運營商	註
11	大元帥府	⇆	廣州火車東站	2元	一汽二分
41	廣州火車東站	⇆	匯景北路	2元	一汽二分
43	廣州火車東站	⇆	東圃（蘭亭盛薈）	2元	一汽二分
45	小洲	⇆	廣州火車東站	2元	一汽三分
122	麗江花園	⇆	廣州火車東站	2元	巴士一分	唔經麗江路口
175	同德圍（陽光花園）	⇆	廣州火車東站	2元	巴士二分
183	廣州火車東站	⇆	汾水小區	2元	巴士二分
195	廣州火車東站	⇆	南洲路（小洲南路口）	2元	巴士一分
209	坦尾（柏悅灣）	⇆	廣州火車東站	2元	巴士三分
214	廣州火車東站	⇆	新塘	3元	巴士四分
233	滘口客運站	⇆	廣州火車東站	2元	巴士二分
263	廣州火車東站	⇆	盈豐路	2元	珍寶巴士
280	凰崗（錦東服裝城）	⇆	廣州火車東站	3元	巴士二分
廣283	廣州火車東站	⇆	（佛山）萬科四季花城	3元	二巴一分
302	番禺市橋汽車站	⇆	廣州火車東站	3–4元	番廣客運
302A	雅居樂（劍橋郡）	⇆	廣州火車東站	3元	番廣客運
508	廣州火車東站	⇆	家和天曜	2元	巴士四分
808	廣州火車東站	⇆	鍾落潭公車起訖站	3元	二巴二分
810	廣州火車東站	⇆	白雲高爾夫花園	3元	新穗巴士
841	廣州火車東站	⇆	石井（滘心村）	3元	二巴一分
884	天健創意園	↺	天河客運站	2元	二巴二分
B17	廣州火車東站	⇆	石化路	2元	二巴二分
B19	廣州火車東站	⇆	楊桃公園（美林湖畔）	2元	一汽二分
B20	廣州火車東站	⇆	天河兒童公園北門	2元	巴士三分
夜15	同德圍（橫滘村）	⇆	廣州火車東站	3元	一汽一分	71路附屬路線
夜17	珠村	⇆	廣州火車東站	3元	巴士二分	B20路附屬路線
夜28	麗江花園	⇆	廣州火車東站	3元	巴士一分	經麗江路口 122路附屬路線
夜74	廣州火車東站	⇆	太和（沙亭崗村）	4元	二巴二分	504路附屬路線
夜77	廣州白雲站公車起訖站	⇆	廣州火車東站	3元	新穗巴士	810路附屬路線
夜78	廣州火車東站	⇆	中山八路	3元	巴士電車	107路附屬路線，使用無軌電車運營
高峰快線24	港灣一村	⇆	廣州火車東站	2元	珍寶巴士	506路附屬路線

東站汽車客運站、東站汽車客運站總站

號		路線			收費	運營商	註
	27	東莞莊	⇆	廣衛路	2元	一汽二分
	32	黃石路	⇆	華工大	2元	一汽一分
	39	天河公車場	⇆	龍洞（廣東金融學院）	2元	一汽二分
	298	夏茅	⇆	華景新城	2元	珍寶巴士
	508	廣州火車東站	⇆	家和天曜	2元	巴士四分
	560	廣州大道北（南湖山莊）	⇆	華景新城（翰景路）	2元	巴士二分
	776	廣州東站汽車站	⇆	科學城路口	2元	新穗巴士
	B6快線	同和路（藍山花園）	⇆	匯彩路	2元	巴士三分
	B18	永泰集賢路	⇆	匯彩路	2元	二巴二分

附近嘅建築同景區

廣州火車東站

廣州火車東站汽車客運站

運輸樞紐

• 廣州東站
• 廣州東站汽車客運站

寫字樓

• 中信廣場
• 威尼廣場
• 中泰廣場

景區

• 瘦狗嶺
• 廣州火車東站廣場

酒店

• 廣州海航威斯汀酒店
• 君瑞酒店

商場

• 天匯城
• 東方寶泰購物廣場
• 宜家傢俬

註同攷

註

攷

上一站·下一站

上一站⇚⇚　　　　廣州地鐵　　　　⇛⇛下一站
體育中心站 西朗站←	廣州東站 1號綫	終點
林和西站 海傍站←	廣州東站 3號綫	燕塘站 →機場北站