黃閣汽車城站

黃閣汽車城站 Huangge Auto Town
黃閣汽車城站嘅站名
概覽
冧巴	410
位置	南沙區黃閣鎮蓮溪村市南大道近雞谷山路口東南角嘅涌邊
座標	22°50′09.27″N 113°30′34.62″E
車站色
經過路線	4
啟站	2006年12月30號
月台數	2
站口數	2
營運資訊
車站服務時間	05:57～00:04
列車服務時間	06:03～23:59
廣州地鐵4號綫 南沙客運港　◄黃閣 （1.6km） （4.2km）慶盛►　黃村

黃閣汽車城站（粵拼：wong4 gok3 hei3 ce1 sing4 zaam6；英文：Huangge Auto Town Station），規劃時期嗌過黃閣北站（wong4 gok3 bak1 zaam6；Huangge North Station），施工期間嗌過廣州豐田汽車城站gwong2 zau1 fung1 tin4 hei3 ce1 sing4 zaam6（Guangzhou Toyota Auto Town Station），係廣州地鐵4號綫嘅車站，2006年12月30號開始營運，位置喺南沙區黃閣鎮蓮溪村市南大道近雞谷山路口東南角嘅涌邊。

佢亦係廣州地鐵其一高架車站。雖然佢嘅中文站名同9號綫嘅花都汽車城站一樣，都係用咗「汽車城」三個字，但係英文名受到周邊企業用咗唔同名嘅關係而變成唔同名。

結構

外觀

從出面睇黃閣汽車城站個樣

同其它嘅4號綫嘅高架站一樣，外觀好似個盒噉，但最頂嘅光棚有弧形折角，頂部冇連埋一齊，而且車站嘅出面都冇大隻字印住個站名響度。

樓層

呢個站有兩層樓嘅地上室。其中地面係車站嘅設備同公路，地上二樓係公共站廳同行人過街天橋，地上三樓係4號綫月台。雖然車站冇休息室，但廁所喺東站廳收費區入面嘅車站控制室隔籬。

打掂

地上 三樓	側式月台，開右邊門
	2月台	←4號綫列車去黃閣站（行南沙客運港嗰邊）
	1月台	4號綫列車去慶盛站（行黃村嗰邊）→
	側式月台，開右邊門
地上 二樓	西站廳	售票機、客服中心、安檢設施、公共廁所
	通道	過街天橋（免費區）同站廳聯絡通道（收費區）
	東站廳	售票機、客服中心、安檢設施
地面		出入口

打橫

黃閣汽車城站嘅站廳

黃閣汽車城站嘅月台

站廳

東涌站嘅收費區喺站廳嘅西北、東南兩邊，各站廳都有個出入口。收費區有扶手電梯同樓梯、專用𨋢往返月台。兩個站廳唔理係免費區定收費區，都有人行天橋連埋一齊。

月台

呢個站有2個側式月台，喺南沙區黃閣鎮蓮溪村市南大道近雞谷山路口東南角嘅涌邊上空。

商舖同自助服務

而家東涌站入面冇鋪頭，凈係得2台自助服務設施畀乘客用，包括1台自動販賣機同埋1台可以充羊城通、交水電費同交通嘅罰錢、查地鐵嘅路線、頭尾班車嘅機同中國電信公共電話亭。

自助服務 自動販賣機 M-Touch地鐵資料查詢 中國電信公共電話亭

出入口

黃閣汽車城站冚唪唥嘅出入口
A出入口 A出入口  B出入口 B出入口

呢個站一共有2個出入口，分別係A同B。

冧巴	標記	方位	去到邊度
出入口A	市南路	西南	黃閣北路、蓮溪村、南沙區黃閣中學、廣汽豐田滊車城、黃閣鎮、滊車城地鐵站巴士站（南行）
出入口B	市南路	東北	滊車城地鐵站巴士站（北行）、黃閣巴士總站
註： 有盲人引導徑 | 有斜道 | 有𨋢 | 出入口都喺同一層樓

頭尾班車信息同配線圖

配線圖
█ 4號綫 ▲慶盛站
▼黃閣站

行去邊頭	頭班車	尾班車
每日
4號綫
黃村站	06:17	22:53
南沙客運港站	06:03	23:59
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

呢個站最先喺2003年嘅地鐵方案入面出現，話係3號綫嘅車站。但後嚟嘅局部修改方案入面改成4號綫嘅車站重延長至南沙一帶，位置同而家差唔多。但嗰時嗌嘅係黃閣北站。

施工

到咗2004年4月25號，車站正式俾發改委批准，話可以起得，2006年初正式開始喐手起，用咗半年時間起好。喺2006年5月，站名因為受到隔籬嘅廣汽豐田贊助而改名做廣州豐田汽車城站，但係好快引起社會質疑，話站名過長，加上改成噉嘅名會唔會太過商業化，及隔籬嘅豐田汽車城有可能會搞出站額外收費都有。後嚟地鐵方考慮到當地市民意見之後先至再次改名做黃閣汽車城站。

通車

2006年12月30號，4號綫嘅南延段開通咗之後，車站正式開放。

利用狀況

呢個站北邊隔籬係廣汽豐田汽車城，加上西南邊係蓮溪村，而且附近有好多個巴士站去到鳧洲村、汽車城西邊同蓮溪一帶地方。所以喺上落班高峰時期比較多人上落。

附近嘅建築同景區

• 廣汽豐田汽車城
• 番禺蓮溪村

註同攷

註

攷

上一站·下一站

上一站⇚⇚　　　　廣州地鐵　　　　⇛⇛下一站
黃閣站 南沙客運港站←	黃閣汽車城站 4號綫	慶盛站 →黃村站