客村站

客村 Kecun
客村站（3號綫）嘅站名
概覽
冧巴	308 823
位置	海珠區新港中路同埋廣州大道南嘅交界，廣州城市中軸線嘅交叉位。
座標	23°5′56.50″N 113°18′56.66″E
車站色	8號綫：　 3號綫：
經過路線	3 8
啟站	3號綫：2005年12月26號 8號綫：2003年6月28號
月台數	2
站口數	4
營運資訊
車站服務時間	06:04-23:59
列車服務時間	06:09-23:54
廣州地鐵8號綫 滘心　◄鷺江 （1.3km） （1.5km）赤崗►　萬勝圍
廣州地鐵3號綫 天河客運站　◄廣州塔 （1.1km） （2km）大塘►　海傍

客村站（粵拼：haak3 cyun1 zaam6；英文：Kecun Station），規劃嗌過珠影站（zyu1 jing5 zaam6；Zhuying Station），係廣州地鐵3號綫同8號綫嘅轉車站，喺海珠區新港中路同廣州大道南嘅交界（客村立交）東邊近新港中路同廣州城市中軸線嘅交叉位。不過兩個月台嘅開放時間都唔同，其中8號綫範圍喺2003年6月28號開始營運，而3號綫範圍喺2005年12月26號開始營運。

呢個站曾經喺2005年12月26號到2006年12月27號間屬3號綫南邊終點站。

結構

樓層

呢個站一共有4層樓嘅地下區域，其中地下1樓係站廳，有票務設施，客務中心同商鋪；地下2樓係8號綫嘅月台；地下3樓係轉車平台；地下4樓係3號綫嘅月台。同大多數3號綫、8號綫車站一樣，既冇休息室，又冇廁所、母嬰室響度。

打掂

地下 一樓	站廳	售票機、客服中心、車站警務室、商舖、安檢設施
地下 二樓	3月台	←8號綫列車去鷺江站（行滘心嗰邊）
	島式月台，開左邊門
	4月台	8號綫列車去赤崗站（行萬勝圍嗰邊）→
地下 三樓	轉車平台	同8號綫、3號綫嘅月台接埋一齊
地下 四樓	2月台	←3號綫列車去廣州塔站（行天河客運站／機場北嗰邊）
	島式月台，開左邊門
	1月台	3號綫列車去大塘站（行海傍嗰邊）→

打橫

客村站嘅8號綫月台	柱上啲字（8號綫）	客村站嘅站廳
客村站嘅3號綫月台	柱上啲字（3號綫）	客村站嘅轉車樓

站廳

呢個站嘅站廳係個十字架式嘅共用站廳。其中3號綫南北向，喺新中軸線嘅地底；而8號綫東西向，喺新港中路嘅地底；3號綫同8號綫呢兩個站廳都係分成東南西北4個部分。而收費區喺8號綫站廳嘅中間同3號綫站廳嘅南邊，四周圍俾人行通道同車站嘅商舖圍住嗮，而收費區入面有好多座扶手電梯、專用𨋢同樓梯往返呢兩個月台。

月台

呢個站嘅3號綫月台喺廣州城市新中軸線嘅地底，而8號綫嘅月台喺新港中路嘅地底。兩條綫嘅月台整成好似個十字架疊埋一齊噉。其中8號綫月台喺負二樓，而3號綫月台喺負四樓。

8號綫嘅月台全景（去萬勝圍嗰邊，喺2014年7月15號影。）

3號綫嘅月台全景（去番禺廣場嗰邊，喺2015年5月15號影。）

商舖同自助服務

而家嘅客村站入面有好多唔同類嘅舖頭來服務乘客，好似有書店、麵包檔同洗衫舖、涼茶舖、糖舖等。

另外，客村站入面重有好多自助服務設施畀乘客用，包括咗自動櫃員機、自動販賣機、自動影相機等；重有可以充羊城通，可以交水電費同交通罰錢、顯示地鐵嘅路線、頭尾班車同埋地鐵嘅安全指引，重可以登記成廣州地鐵薈嘅會員嚟查獎分同換獎品。

商舖 利口福 天天洗衣 日閱堂

自助服務 自助影相機 自動販賣機 中國建設銀行自動櫃員機 民生銀行自動櫃員機 M-Touch地鐵資料查詢 好易（Hotye）多媒體自助服務終端

出入口

客村站冚唪唥嘅出入口
A出入口 A出入口  B出入口 B出入口  C出入口 C出入口  D出入口 D出入口

呢個站一共有4個出入口，分別係A、B、C、D。

編號	標記	方位	去到邊度
出入口A	新港中路	東北偏東	新港中路、藝苑路、中國電子科技集團公司第七研究所、廣州通訊研究所、珠影（地鐵客村站）①巴士站（西行）
出入口B	新港中路	西北偏西	新港中路、新市頭路、國家海洋局南海分局、廣東第二師範學院、珠影（地鐵客村站）②巴士站（西行）
出入口C	新港中路	西南偏西	新港中路、廣州大道南、墩和路、麗影廣場、珠影（地鐵客村站）①巴士站（東行）
出入口D	藝苑南路	東南偏東	藝苑南路、新港中路、珠江電影集團、窩嘜新港店、平安證券新港中路營業部、珠影（地鐵客村站）②巴士站（東行）
注： 有盲人引導徑 | 有斜道 | 有輪椅升降臺

車站歷史

規劃

喺1988年嘅「十字綫網」規劃入面就出咗嗰時嘅珠影站，佢就係嗰時舊2號綫嘅一個站，喺廣州大道嘅東邊。後嚟喺1997年嘅《廣州市城市快速軌道交通線網規劃研究（最終報告）》入面話咗要將條2號綫一分為二，而呢個站係話嗰時5號綫（唔係而家嘅5號綫）嘅一個站。而曉港站到琶洲嗰橛都加入咗2號綫一期嘅工程入面，之後用咗先行貫通，重留低咗拆解嘅條件。而規劃嘅車站名都改咗嗌「客村站」嘅名。個位就微調到而家呢個位。到咗2000年嘅近期線網規劃實施調整方案入面話咗3號綫停呢個站。到咗2008年嘅規劃方案入面話咗12號綫都會轉嚟呢個站度停。

施工

雖然話舊2號綫首期工程喺1999年10月10號開始逳手，但喺車站開始逳手起嗰陣先至話咗係2號綫同3號綫嘅轉車車站，結果就即刻停咗工而改咗設計，重留低咗轉車條件畀3號綫。而呢個站到咗2001年8月23號先至封頂。而地下3樓嘅轉車條件亦喺2003年起3號綫嗰時用咗。

通車之後

2號綫時期（2003年6月28號～2010年9月21號）

雖然2002年12月28號嘅地鐵2號綫首通段通車，但從曉港到琶洲呢橛係重未開放，直到2003年6月28號嘅2號綫東延段開通咗之後先至開放直到2010年9月21號尾班車收車為止。

成為2號綫同3號綫嘅轉車站

2005年12月26號，因3號綫首通段開通，地下3樓嘅區域都開埋。嗰時3號綫首通段嚟到呢個站做尾站直到2006年12月29號為止。2006年12月30號因3號綫全綫開通，路線亦降級成中途站。

2號綫一分為二（2007年6月25號～2010年9月25號）

2007年6月25號，國家發改委通過咗2號綫同8號綫嘅延長段工程。工程喺2007年8月正式逳手，佢就係將舊2號綫喺曉港到江南西之間嘅位拆開，分別向南、西、北三個方向延長。2010年9月22～24號，舊二號綫停運兼開搞一分為二嘅工程。

8號綫時期（2010年9月25號之後）

2010年9月25號朝早，車站重新開放。佢唔單止變成8號綫嘅一部分，重改成3號綫同8號綫嘅轉車站。而原先2號綫同3號綫嘅轉車站改到嘉禾望崗站嗰邊。

利用狀況

客村站係廣州地鐵入面嘅其中一個重要嘅樞紐站，呢個站附近有好多住宅同商業區；喺2005年12月26號14:00之前，去珠江新城、天河西同石牌嘅商業中心區嗰邊啲人都係成日坐巴士直達（因為嗰時嘅地鐵要兜個大彎先至到天河嗰邊）。後嚟喺3號綫首通段開通咗之後，好多遊客同埋喺海珠區嘅乘客想去珠江新城、天河西同石牌嘅商業中心區都唔再坐巴士過河，而喺呢個站度轉3號綫過去，所以出入站嘅同轉車嘅客流都好大，甚至重喺早晚高峰出現井噴咁滯。尤其係3號綫嗰邊嘅乘客成日都要等2——3班車先至上到去。而且由於3號綫同8號綫之間都有好大嘅運力差距，加上呢個站嘅3號綫月台空間比較窄，所以喺客流高峰期嗰陣，你個站嘅站廳同轉車樓入面，有時喺8號綫嗰邊搞客流控制都有。

呢個站喺每個星期一早上高峰期成日都搞客流控制嘅。

附近嘅建築同景區

• 國家海洋局南海分局
• 中國海監南海總隊
• 廣州職業技能監定站
• 新市頭赤崗變電所
• 赤崗街道辦事處
• 廣州傑賽科技通信設計院
• 資訊產業部電子七所
• 廣州通信研究所
• 移動通信國家工程中心
• 廣州通信研究所科技交流中心
• 麗影廣場
• 漳州市華達威合金塑膠玩具有限公司

註同攷

註

攷

上一站•下一站

上一站⇚⇚　　　　廣州地鐵　　　　⇛⇛下一站
鷺江站 滘心站←	客村站 8號綫	赤崗站 →萬勝圍站
廣州塔站 天河客運站←	客村站 3號綫	大塘站 →海傍站