廁所

波音747飛機廁所

廁所（又寫做厠所）主要係用來畀人屙屎屙尿嘅地方，通常係有間房又或者獨立一間屋仔，等用嘅人有私隱同埋減少臭味傳出。現代廁所多數係水廁，即係有水沖廁，將屎尿經水管到化糞池或者污水處理廠清理。唔係嘅話，就叫做旱廁，廁所下面就會有收集箱，定時有人清理，又或有條坑作沖出河海。現代廁所多數有清水供應，畀人用後洗手，以免傳播病菌，所以廁所又叫做洗手間。部份廁所有廁紙供應，方便人痾完屎抹屁股。