飛機

出自維基百科,自由嘅百科全書
跳去: 定向搵嘢
Cessna 177:螺旋槳單翼機

飛機,或者叫定翼機,係航空器嘅其中一種,係識飛嘅機械

火箭唔算飛機,直升機亦唔算。

特徵係有固定嘅機翼伯努利效應所生嘅浮力喺空氣入面打橫郁。除咗滑翔機冇用引擎,通常用螺旋槳噴射引擎發動,亦有實驗機用火箭引擎。

飛機有好多種,亦有大有細。細有模型機,大有可載八百幾人嘅空中巴士A380

歷史[編輯]

到底第一架重過空氣嘅有動力飛機係焉個發明嘅,目前重有爭議。絕大部分人都認同第一架有動力飛機係萊特兄弟發明並試飛成功嘅「飛行者一號」;但係亦都有歷史學家認為:第一架有動力飛機係另一個美國人,史密森尼學會秘書撒穆耳·P·蘭利發明並試飛成功嘅[1]。此外,亦都有歷史學家認為:第一架有動力飛機係法國人古理芒·阿尼耶斯·阿笛發明並試飛成功嘅「風神號」[2]。而喺巴西,被人奉為「航空之父」嘅就係歐伯圖·山托斯-杜蒙

結構[編輯]

大多數飛機由五個主要部分組成:機翼、機身、尾翼、起落裝置同動力裝置。

機翼[編輯]

內文: 機翼

機翼主要功用係為飛機提供升力,用嚟支持飛機喺空中飛,亦起一定嘅穩定同操縱作用。機翼上一般安裝有副翼同襟翼(FLAP)。操縱副翼可以令飛機滾轉;放低襟翼可以加大機翼升力系數。另外,機翼上重可以安裝引擎、起落架同油箱等。機翼有各種形狀,數目都有唔同。喺航空技術唔發達嘅早期為咗提供更大嘅升力,飛機以雙翼機甚至多翼機為主,但現代飛機一般係單翼機。

機身[編輯]

機身嘅主要功用係裝載乘員、旅客、武器、貨物同各種設備;重可以將飛機嘅第啲部件好似尾翼、機翼同埋引擎等連接成一個整體。但係飛翼係將機身隱藏喺機翼裏面。

尾翼[編輯]

內文: 機翼

尾翼包括水平尾翼(平尾)同垂直尾翼(垂尾)。水平尾翼由固定嘅水平安定面同可動嘅升降舵組成(某啲型號嘅民用機同軍用機整個平尾都係可動嘅控制面,無專門嘅升降舵)。垂直尾翼就包括固定嘅垂直安定面同可動嘅方向舵。尾翼嘅主要功用係用來操縱飛機俯仰同偏轉,以及保證飛機可以平穩咁飛。

起落架[編輯]

起落裝置又叫起落架,係用來支撐飛機並且令佢可以喺地面同第啲水平面起落同停放。陸上飛機嘅起落裝置,一般由減震支柱同機輪組成,另外重有專畀水上飛機升降嘅帶有浮筒裝置嘅起落架同雪地起飛用嘅滑橇式起落架。佢係用嚟起飛同着陸滑跑、地面滑行同停放時支撐飛機。

動力裝置[編輯]

動力裝置主要用引擎產生拉力或推力,令飛機前進。其次重可以為飛機上嘅用電設備提供電力,同埋空調設備等用氣設備提供氣源。

現代飛機嘅動力裝置主要包括渦輪發動機同活塞發動機兩種,應用較廣泛嘅動力裝置有四種:航空活塞式發動機加螺旋槳推進器;渦輪噴氣發動機;渦輪螺旋槳發動機;渦輪風扇發動機。隨住航空技術嘅發展,火箭發動機、沖壓發動機、原子能航空發動機等,都有可能會逐漸被採用。動力裝置除咗發動機,重包括一系列保證引擎正常工作嘅系統,好似燃油供應系統。

飛機除咗上述五個主要部分之外,重裝有各種儀表、通訊設備、領航設備同埋安全設備等等。

飛行操縱裝置[編輯]

現代飛機駕駛艙內駕駛員用嘅飛行操縱裝置通常包括:

  • 主操縱裝置:駕駛杆或駕駛盤同方向舵腳蹬。喺某啲採用電傳操縱系統嘅飛機上,駕駛杆或駕駛盤已經被簡化成位於駕駛員側邊嘅操縱杆。
  • 輔助操縱裝置:襟翼手柄、配平按鈕、減速板手柄。
  • 隨住電子技術嘅發展,飛行操縱裝置嘅形式都發生咗根本性嘅變化。喺大型飛機,傳統嘅機械式操縱系統已逐漸被更先進嘅電傳操縱系統所取代,計算機系統全面介入飛行操縱系統,駕駛員嘅操作已經唔再似係直接操縱飛機動作,而更似係向飛機下達運動指令。由於某啲採用電傳操縱系統嘅飛機取消咗原有嘅駕駛杆或駕駛盤等裝置而改為側杆操縱,駕駛艙嘅空間顯得更加闊落,所以有駕駛員稱呢類駕駛艙為「飛行辦公室」。

有關飛機嘅記錄[編輯]

最高航速[編輯]

最高航速係飛機最重要性能之一。以下係若干歷史上最高航速紀錄:

  • 1910年:106 千米/小時,飛行員:Leon Morane,法國,Bleriot XI
  • 1913年:204 千米/小時,飛行員:Maurice Prevost,法國,Deperdussin
  • 1923年:417 千米/小時,飛行員:Harold J.Brow,美國,Curtiss R2C-1
  • 1934年:709 千米/小時,飛行員:Francesco Agello,意大利,Macchi MC.72(水上飛機,呢項紀錄保持至今)
  • 1939年:755 千米/小時,飛行員:Fritz Wendel,德國,梅塞施米特 Me 209 V1
  • 1941年:1004 千米/小時,飛行員:Heinrich Dittmar,德國,梅塞施米特 Me 163(火箭式殲擊機)
  • 1947年:1127 千米/小時,飛行員:Charles "Chuck" Yeager,美國,Bell X-1
  • 1951年:2028 千米/小時,飛行員:Bill Bridgeman,美國,道格拉斯 Skyrocket
  • 1956年:3058 千米/小時,飛行員:Frank Everest,美國,Bell 52 X-2(火箭式)
  • 1961年:5798 千米/小時,飛行員:Robert White,美國,北美航空 X-15(火箭式飛機)
  • 1965年:3750 千米/小時,飛行員:W.Daniel,美國,洛克希德 SR-71 Blackbird(噴氣式飛機)
  • 1966年:7214 千米/小時,飛行員:William Joseph Knight,美國,北美航空 X-15(火箭式飛機)
  • 2004年:7700 千米/小時,無人駕駛,美國,波音 X-43(火箭式飛機)

最長航程[編輯]

2004年6月28號,新航再開通新加坡至美國紐約紐華克機場嘅每日唔停站直航航班,編號為SQ21/SQ22,以空中巴士A340-500客機飛行,打破新加坡至洛杉磯航線成為全球最長唔停站商業飛行嘅航線-達16600公里,飛行時間需時18個鐘。

升限及實用升限[編輯]

載重及載客能力

目前載重能力最好嘅係前蘇聯安托諾夫設計局所製造嘅An-225夢想式運輸機,離陸重量超過600公噸,酬載重量可達300公噸。

目前載客人數最多嘅係2005年初發表嘅空中巴士A380客機,採用最高密度座位時可載850人。

環球飛行[編輯]

  • 1924年道格拉斯公司「世界巡航號」(World Cruisers)第一次分段環球飛行,歷時175日,飛完42400千米。
  • 1986年由伯特·魯坦設計嘅旅行者號由阿哥迪克·魯坦同女飛行員珍娜·耶格爾駕駛,首次一次過無空中加油嘅環球飛行。
  • 1992年10月,一架和諧式超音速客機,為咗紀念哥倫布發現美洲新大陸500周年,用咗32個鐘頭49分繞地球一周,創出環球飛行嘅新紀錄。

靜音噴射機[編輯]

2006年11月,美國麻省理工學院同英國劍橋大學嘅研究團隊,提出一項名為「靜音噴射機倡議」嘅計劃,將徹底改造客機嘅概念設計:第時嘅客機唔只會更慳油,而且安靜無聲,令機場附近居民飽免受飛機升降噪音折磨之苦。呢款「靜音噴射機」可以載215名乘客,並可能喺2030年加入航空界。呢款客機嘅噪音由機場外聽落,大概似洗衣機或第啲家庭電器嘅噪音。

參考[編輯]

  1. McFarland, Stephen L. (1997). A Concise History of the U.S. Air Force. Ft. Belvoir: Defense Technical Information Center. pp. 2. ISBN 0-16-049208-4
  2. C. 杜福于斯、H. 寶卜華、C. 豪芝洪(Charles Dollfus, Henry Beaubois, Camille Rougeron)著,《人類、天空與太空》(L'homme, l'air, et l'espace),第96頁。