火車係行鐵路嘅車，多數地面上行，來往城同城之間，或者近郊。以前燒煤就叫蒸氣火車，家陣主要用電就叫電氣化火車。
載客嘅列車用客車卡，將乘客由一個站送到另一個站。
長途嘅列車通常會有餐車或者臥車。高速鐵路通常唔會有臥車。
部分高速列車係擺式列車，令佢哋轉彎時唔使減速，例子有台灣嘅太魯閣號、意大利嘅Pendolino等等。
高速鐵路營運速度比普通嘅火車快，通常定義係200km/h或250km/h以上嘅速度。
