可程式化邏輯控制器

出自維基百科,自由嘅百科全書

可程式化邏輯控制器programmable logic controller)係一種專門用嚟控制機械運作嘅電腦。佢由CPU同埋內存為主,加埋電源模塊、數碼輸入輸出(DI/DO)、模擬輸入輸出(AI/AO)、直流輸出同埋通信模塊等等構成[1]

CPU工作模式[編輯]

一般嚟講CPU有三種工作模式:停止(Stop)、啟動(Startup)、運行(Run)[1]

停止模式下CPU毋執行程式,可以喺邇陣時下載程式入去。

啟動模式嗰陣,CPU會執行所有啟動邏輯(如果有嘅話),譬如內存同埋輸入輸出口嘅初始化等等;邇陣時CPU毋會響應中斷(interrupt),而係會捉佢哋留到運行模式嗰陣先處理。

運行嗰陣,CPU就執行掃描循環、毋停噉掃描啲輸入輸出口同埋程式,而且當中任意時刻都接受中斷;Run模式下用户都可以下載部分項目內容入到PLC。一般嚟講個循環會係噉樣:寫輸出口存儲器到物理輸出;從物理輸入複製啲狀態落輸入口存儲器;執行主程式(操作塊(OB));自我測試診斷;喺循環過程中任意時刻響應中斷事件同埋通信請求。有啲PLC仲提供唨熱重啟(Warm Restart)方式,喺毋清除記憶體嘅情況下重啟。

用户程式[編輯]

用户編輯得嘅程式可以有三種對等嘅程式語言LADFBDSCL,兩種編程結構:線性(linear)結構同埋模塊化(modular)結構。啲程式主要有幾大部份鬭成,即操作塊(OB)、函式同函式塊(FC/FB)、數據塊(DB)。操作塊定義唨程式嘅總體結構,有啲操作塊會有埋預定義行為同埋啟動事件,無論線性結構定模塊化結構都用到佢。函式同函式塊裏便包含唨某啲針對特定功能或者參數組合嘅程式碼,可以俾操作塊呼叫調用,用於模塊化結構入邊。數據塊裏便就存貯啲程式可以使到嘅數據。函式塊比起函式嚟講就多唨一個佢自用嘅存儲空間,即局部嘅數據塊。

定時同計數[編輯]

PLC支持定時或者計數功能。定時器係PLC編程入邊經常用到嘅組件,一般都係憑輸入、計數嚟對定時器個輸出進行特定操作。按照計數對應嘅效果,佢可以分為延時(計數嗰陣出特定時長On脈衝,滿則OFF;Pulse timer)、延遲(計數嗰陣出OFF,滿則On;On-delay timer)、延長(計數嗰陣出ON,滿則OFF;OFF-delay timer)等等。延遲仲可以有特殊嘅累計延遲(ON-delay Retentive timer),佢個計數可以著打斷或者繼續,直到數滿出On。

計數器都比較類似,好多時佢都係跟定時器一樣使埋IEC元件。佢可以係往上數(count up,CTU)計數器,往下數(count down,CTD)計數器,抑或係上下數兼有之(count up and down,CTUD)。對於重置返起點,往上數會帶重置0功能,往下數會帶重置定數(相當於頂上嘅0)功能,而上下數就兼有,以適應毋同需求。

[編輯]

  1. 1.0 1.1 S7-1200 Easy Book, Siemens AG, 2015. A5E02486774-AG