蒸汽機

瓦特蒸氣機

蒸氣機zing1 hei3 gei1（steam engine）係一個能夠將蒸汽中嘅熱能轉換為動能嘅機，以前泵、火車頭同輪船都曾經用過蒸氣機驅動。

喺熱力學上已知，假設容量同物質量不變，溫度 $T$ 上升會令一團氣體嘅壓力 $P$ 上升（$PV=nRT$；理想氣體狀態方程式）；所以想像一條好似圖 S 入面嗰條噉嘅空心管，如果有方法令黃色嗰笪空間有熱嘅氣體同冇咁熱嘅氣體交替噉存在，就會令到個活塞（piston）交替噉受熱氣體嘅強壓力同凍氣體嘅弱壓力（$P$ 週期性轉變，係時間嘅函數，$P=f(t)$），於是個活塞就會週期性噉打橫移動，帶動一個輪旋轉－而如果嗰個輪駁咗落去一個（例如）轆嗰度，就會做到「用蒸氣嘅能量帶動物件旋轉」（輸入：蒸氣嘅移動；輸出：旋轉嘅動能）嘅效果。

蒸氣機有好多用途：蒸氣機能夠產生旋轉，而旋轉嘅動能（唔淨只係蒸氣機嘅）可以用嚟做好多嘢；舉個簡化嘅例子說明，想像一個火車頭，火車頭上面有部蒸氣機，以及產生蒸氣要用嘅架生同物料（水同燃料等），令嗰部蒸氣機可以係噉行一段時間，而個火車頭嘅設計係用咗好多個齒輪同輪軸，用部蒸氣機嘅旋轉部份嘅旋轉帶動個火車頭嘅轆跟住旋轉，如果部蒸氣機嘅力夠勁，就能夠令個火車頭以高速前進。

一部蒸氣機嘅模型 一部蒸氣機嘅模型  一個蒸氣機嘅運作圖例（圖 S） 一個蒸氣機嘅運作圖例（圖 S）  一架用蒸氣機原理嘅火車頭嘅片 一架用蒸氣機原理嘅火車頭嘅片

睇埋

• 熱力學
• 熱力學定律