壓力

壓力（粵拼：aat3 lik6），學術上叫壓強，係指一樣嘢嘅表面面積承受緊幾大嘅力。壓力條式係

P = F / A，

其中 P 代表壓力，F 係作用力，而 A 係作用力分佈嘅面積。常用度壓力嘅單位有帕斯卡（Pa）、巴（bar）同大氣壓力（atm）。

壓力喺工程學、流體力學同大氣科學等嘅領域上都好重要，例如用嚟分析液體同氣體點樣流動、做天氣預測，甚至設計建築結構。

基本概念

想像而家有股力施落一塊表面（例如係一艘潛水艇嘅表面），而股力喺方向上同塊表面成垂直，噉塊表面所承受嘅壓力（ $p$ ）由以下呢條式反映：

p={\frac {F}{A}}

，當中

由呢條公式，我哋可以推出液體壓強嘅公式：

p = ρgh

ρ係密度，g係標準重力，h係液體嘅深度。

一件喺海平面以下嘅物件會承受水壓。一般嚟講，每深大約 10.06 米，潛水艇承受嘅壓力就會增加 1 個 atm 咁多—當中 1 個 atm 係一個人喺海面會承受嘅空氣壓力^[1]。潛水艇同潛水器正常會有方法維持內部壓力喺 1 atm 左右。