力

搵緊第二樣意思嘅話，請睇〈力 (搞清楚)〉。

唔同種類嘅力

力lik6（Force）係一種物理概念，係物體同物體之間嘅相互作用。傳統物理觀念認為，令到有質量物體加速（或者減速）嘅一種影響，就係力。我們無論對一件物體拉開或者推開，都有力加諸喺物體上。

力係矢量，定義係動量改變嘅速率，因為咁佢有方向跟埋佢。

力可以改變一個物體嘅運動狀態，以及郁動速度、大細同方向。力又可以改變物體嘅形狀。

力嘅國際標準單位係牛頓，但都可以用重量單位嚟表示，例如公斤（kg）。

公式[編輯]

根據牛頓第二定律，力係用呢條公式表達出嚟：

{\vec {F}}=m{\vec {a}}

其中m代表咗物體嘅質量，a代表咗加速度。喺呢條公式入面，質量單位係千克，加速度單位係用米每二次方秒。所以力嘅單位係千克米每二次方秒(kg·ms^-2)。