機械能

位能

喺物理學上，機械能，粵拼：gei1 haai6 nang4，又或者叫力學能，係動能同位能加埋一齊嘅總和，即係：

$E=E_{k}+E_{p}$

當中 E_k 係動能，而 E_p 則係位能。兩個都係純量，都係力學上嘅分析會有興趣留意嘅能量形式。

有關動能同位能啲式點樣推導出嚟，可以睇下古典力學同作功等嘅概念。

動能

内文：動能

睇埋：速度

動能，簡寫 KE，係物體因為郁動而有嘅能量。簡單嚟講，只要某件物體有質量而且又郁緊，佢就有動能，當中郁緊意思係指佢嘅速度唔係 0。

物理直覺：某件嘢郁得越快，或者質量越大，佢嘅動能就越高。

古典力學入便，動能嘅公式係

$E_{k}={\frac {1}{2}}mv^{2}$

位能

内文：位能

位能，簡寫 PE，係物體因為身處喺某個力場入面嘅位置或者狀態而儲起嚟嘅能量。佢可以睇成係一種「潛在」嘅能量，隨時可以轉化做動能。

簡單例子：譬如某件物體身處於地球嘅重力場之中，物體位置愈高，內有嘅位能就愈大。所以嚿磚搬得越高，佢跌落嚟嗰陣嘅破壞力就越大，因為佢儲咗更多重力位能。

守恆定律

系統只受保守力作用嘅時候，機械能守恒。簡化講，假設個系統冇外力嘅話，呢條定律可以直接用嚟計算例如物體下跌嗰陣動能同速度會點變。

睇埋

• 機械波
• 過山車物理