傳熱

模擬地球地幔點樣熱對流。色譜紅到綠到藍，溫度高至低。熱就密度低，因而浮上。凍就密度高，因而沉低。

傳熱（粵拼：cyun4 jit6）係一門熱力學，熱由一處傳去另一處，亦即傳能傳熵。方式有熱傳導，有熱對流，有熱輻射。相變亦涉及傳熱。工藝來講，兩物理系統之間，點樣生熱、用熱、轉熱同埋換熱。種種物料，各有特性，凍又好，熱又好，點樣達到傳熱。

熱傳導以分子接分子傳熱，一般都好慢。熱對流就涉及流體，分子流動傳熱，過程快好多。而熱輻射就唔使媒介，由一物發送電磁波，送去另一物吸收。

日常生活，好似煲水咁，又或者自然現象，好似風暴咁，都會涉及傳熱。