出自維基百科,自由嘅百科全書
跳去: 定向搵嘢

呢篇文章講嘅係睇時間嘅鐘。想搵計算時間嘅單位,睇下【鐘頭

火車站嘅鐘

亦都叫時鐘,係用來計算時間架生。以前唔少鐘都會出聲報吓時,所以就叫做鐘。不過而家好多鐘都唔使報時,齋畀人睇時間。西洋鐘有時有分嘅行針鐘面,14世紀已經有。

[編輯]

古代[編輯]

原始人單憑風雲色變、太陽光度就可以判斷時間。古埃及發現影子長度會跟著時間改變,所以發明日晷,有陽光就用到。佢哋重發現水流動有固定時間,又發明水鐘。古代中國人亦識得用水計時,名叫銅壺滴漏

除水流計時法,中國古代民間亦有利用燃香計量法。龍舟報時更香就利用燒香儀器計時,重有鬧鐘作用。龍舟上掛幾條兩面綁著金屬球狀幼線,線下放燃香。每隔一段時間,香就會燒斷一條線,當金屬球跌落盛器,就會發出報時響鬧。燒香時計最早宋代就有記載。用更香來計算時間精度差,但係簡易,極之普及民間。據文獻記載有種香更可燒成晚,甚至一個月。

近代[編輯]

公元1657年,惠更斯發現鐘頻率可以計時用,就發明第一個擺鐘。1670年英國人William Clement發明錨形擒縱器。

公元1797年,美國人伊萊·泰利英文Eli Terry獲得一個專利權同鐘有關,佢被後人視為美國鐘錶業始祖。

公元1840年,英國鐘錶匠亞歷山大·貝恩發明電鐘。

公元1946年,美國物理學家伊西多·拉比博士搞清楚原子鐘原理。兩年後,創造世界第一座原子鐘,至今都係第一先進鐘。佢運轉係借助原子天然振動而完成,可以準確運轉300年。

18到19世紀,鐘錶製造業逐步實行工業化生產。

20世紀,開始進入石英化時期。

21世紀,根據原子鐘原理而研製、能夠自動對時嘅電波鐘錶技術逐漸成熟。

文化[編輯]

華人社會送鐘就好少見,因為喺中文「送終」唔好意頭。

相關[編輯]

戴晌手腕上面嘅鐘要叫做「手錶」或者「錶」。

可以校來指定時間,提示人夠鐘嘅鐘,叫鬧鐘

睇埋[編輯]