日晷

出自維基百科,自由嘅百科全書
跳去: 定向搵嘢
赤道日晷
地平日晷

日晷粵拼jat6 gwai2)係一種喺古代未有鐘錶嗰時成日用嘅簡易儀器。原理係用太陽嘅東升西落運動,將地上啲影因太陽嘅變化規律而整嘅。

構造同特性[編輯]

日晷係由晷針同晷面兩部分組成。其中晷針用金屬條整,而晷面係劃住時線。晷針從晷面嘅中間穿出嚟,大多數同晷面垂直。而晷針嘅影喺陽光變咗個位之後就移到唔同嘅時線,就好似而家時鐘手錶入面嘅時針噉。而晷面嘅刻度喺南北半球都唔一樣,但大多數嚟講,一般朝早嗰時,個影喺盤嘅西邊出現,跟住日影慢慢變短,向東北或東南移;喺太陽去到正南或正北最高位嗰時,針影喺正北或正南嘅方向,嗰時話明係中午;之後個影繼續向東南或東北移,直到個影喺盤嘅東邊;如估個影去到盤嘅東邊開始消失嘅話,話明嗰時係挨晚。而個影喺唔同緯度,出現同消失嘅時間都唔一樣。而個影喺北半球係偏北移,南半球係偏南移,所以點解北半球嘅晷面係順時針,南半球嘅晷面係逆時針嘅排法。

品種[編輯]

日晷按晷面嘅唔同放法嚟分,佢可以分成地平日晷、赤道日晷、立晷、斜晷等。但大多數見到嘅係地平日晷同赤道日晷品種,由於太陽喺某個星期嘅指定兩三日內,升降路線都同晷面平行,所以晷針嘅太陽影喺晷面上做「勻速運動」。一般每年3月21號9月23號期間,都要睇晷面上邊嘅影,而每年9月23號到第二年3月21號期間,都要睇晷面下邊嘅影。

  • 赤道日晷
    赤道日晷嘅晷針指向北天極,同地球嘅自轉軸平行。而晷面係一個圓盤,同赤道面平行,佢嘅上下兩個面有劃住時間或時辰。
  • 地平日晷
    地平日晷係由晷針同晷面整成,用日影嚟測到當日嘅節氣同時間。佢係水平放嘅,加上晷針成日垂直或同晷面傾斜,同赤道日晷唔一樣,晷面上嘅刻度都唔均勻嘅。

有關嘅書[編輯]

  • 中国少年儿童百科全书 自然·环境 第96页 浙江教育出版社 ISBN·7-5338-1946-2/G·1942

睇埋[編輯]

出面網頁[編輯]