前掠翼

出自維基百科,自由嘅百科全書
Jump to navigation Jump to search

前掠翼係機翼嘅一種。同後掠翼相反,前掠翼嘅前緣同後緣都係向前掠嘅,即係話機翼設計中心線同機身垂直線嘅夾角係鈍角

特性[編輯]

同後掠翼飛行器相比,前掠翼具有升阻比更大(同樣面積產生更大升力)、空氣動力學效率更高、控制面同飛機重心距離較短等優勢[1]。但係前掠翼亦都有一個缺陷:機翼結構無後掠翼咁穩定,受機翼發散性影響更大,對機翼材料強度嘅要求因此高過後掠翼好多[1]。最初嘅前掠翼飛機就係因為恁爾需要用重材料製造機翼,令到飛行性能大受影響。直到近代複合材料廣泛應用之後,前掠翼飛機先至再次進入設計師嘅視線[1]

歷史[編輯]

有史可考嘅第一批有動力前掠翼飛機,係1930年代中國設計師喺白俄裔設計師康斯坦正·列禾域治·扎夏勒程高嘅指導下設計嘅「研驅零式機」、「研驅一式機」和「研驅二式機」三種飛機[2],其中「研驅一式機」重成功進行過試飛[3]。不過由於抗戰形勢唔明朗,對前掠翼飛機嘅研究亦都不了了之。1944年,兩面受敵嘅納粹德國亦都推出徂第一架前掠翼噴氣式飛機Ju 287,但係由於種種原因,Ju 287直到戰爭結束都未能夠進入量產。

今日,前掠翼飛機嘅代表作包括美國嘅X-29試驗機同埋蘇聯/俄羅斯蘇-47「金雕」戰鬥機

圖片[編輯]

參考[編輯]

  1. 1.0 1.1 1.2 "前掠翼飛機的展望". 台北市教育網路中心. 喺2017-02-01搵到. 
  2. "中國飛機外篇(之十六):曇花一現——中國早期 XP-1「研驅一式機」的故事". 喺2017-02-01搵到. 
  3. "前掠翼戰機 是如何浴火重生 翱翔天際". 壹讀. 2016-01-11 09:32:02. 喺2017-02-01搵到.  檢查日期值喺: |date= (詳情)