跳去內容

世界廁所日

出自維基百科,自由嘅百科全書
世界廁所日
節日標誌
參與人全球
日期11月19日
機會每年
第一次舉辦2001年11月19日(民間)同埋2012年11月19日(聯合國紀念日)
相關節日聯合國水資源組織(組織方)、世界廁所組織(發起方)

世界廁所日(英文:World Toilet Day,縮寫:WTD)係聯合國正式嘅國際紀念日(英文:List of minor secular observances),用嚟呼籲啲人採取行動應對全球衛生設施嘅危機[1][2]。依家全球到仲有42億人過衛生條件欠佳(英文:Improved sanitation)嘅生活,大約6.73億人仲係露天排便[3]:74。過往聯合國就提出咗一系列嘅可持續發展目標,當中目標6(英文:Sustainable Development Goal 6)就係實現衛生設施嘅全球覆蓋,消除露天排便嘅需要[4]。世界廁所日就係順應呢一個目標而舉行。

2013年,聯合國大會通過新加坡嘅動議,世界廁所日列做聯合國官方節日[5][6]。喺呢個決議之前,該節日一直係2001年成立嘅新加坡非政府組織世界廁所組織舉行嘅非官方節日。

組織世界廁所日嘅係聯合國水資源組織,負責維護世界廁所日網站,並為每一年嘅活動揀選主題,例如2019年嘅主題揀咗「邊個都唔抌低」就係可持續發展目標嘅中心主題,再前幾年嘅主題包括基於自然嘅解決方案、廢水、廁所與就業同埋廁所與營養[7][8][9]。喺節日嗰日會有形式多樣嘅宣傳活動,由聯合國觀察員、國際組織、地方公民社會組織同提高意識(英文:raising awareness)啓發行動嘅志願者組織搞出嚟。

世界廁所日針對嘅主要係馬桶,因為功能齊全嘅廁所對公共衛生、個人尊嚴同埋個人安全(尤其係女性)都有積極影響[10];相反,搞唔掂啲衛生設施系統,啲屎就會傳播疾病[3],特別係嚴重嘅土壤傳播蠕蟲病(英文:soil-transmitted helminthiasis)同水源性疾病(英文:waterborne diseases),例如霍亂、腹瀉、傷寒、痢疾同血吸蟲病等等。

背景

[編輯]
一個細路仔喺尼日利亞伊巴丹Gege貧民窟嘅運河到周街屙屎屙尿。

依家全球仲有42億人過著衛生欠佳(英文:Improved sanitation)嘅生活,當中大約6.73億人仲要露天排便[3]:74。露天排便對女性造成好大困擾,搞到佢哋傾向黑墨墨先露天屙屎,因為要保護佢哋嘅私隱,但係咁夜自己一個孤伶伶咁喺出面做,絕對會令佢哋陷入比人襲擊嘅風險[10][11]。

喺2014年,有學者估計2015年嘅腹瀉病例,會有58%係因為用水唔安全、衛生設施條件惡劣同埋衛生習慣差(例如洗手唔恰當)[12];每年亦都會有50萬個5歲以下嘅BB因為呢啲原因而腹瀉死亡[13]。設置供水同衛生設施預計可以將兒童出現腹瀉嘅機率降低到得返7至17%,並將5歲以下兒童嘅死亡率降到得返5至20%[14]。

飲水同衛生設施權已經喺2010年7月18日比聯合國大會認定為人權。缺乏衛生設施(廁所)會影響公共衛生、尊嚴同安全.[10],更會導致人類糞便(英文:human feces)直接傳播疾病,例如腹瀉、血吸蟲病等等嘅土壤傳播蠕蟲病(英文:soil-transmitted helminthiasis),呢啲疾病可能會造成兒童發育遲緩(英文:stunted growth)。

可持續發展目標嘅目標6(英文:Sustainable Development Goal 6)就係為咗實現衛生設施嘅全球覆蓋[3]。

主辦方

[編輯]
2014年世界廁所日,德國嘅小學生參加疾跑活動
2014年塞內加爾世界廁所日疾跑活動
巴基斯坦慶祝2015年世界廁所日

2013年,聯合國大會授權聯合國水資源組織統籌每一年舉行嘅世界廁所日[15]。

根據聯合國水資源組織會員旗下機構世界廁所日工作組嘅指導意見,水資源組織會睇返嗰年嘅世界水發展報告(英文:World Water Development Report)之後再去揀唔同嘅活動主題同去諗點樣去策劃同宣傳個活動。水資源組織仲幫咗世界廁所日活動整咗個網站嚟宣傳關鍵議題同報告,提供溝通同宣傳資源,公佈活動並提供參加集會嘅機會。[16]。

世界廁所日嘅活動動員公民社會、智庫、非政府組織、學術界、企業同公眾組織參與聯合社交媒體同宣傳活動[17]。最終目標係鼓勵啲組織同政府去多啲策劃嗰啲可以解決到衛生設施問題嘅活動同行動,推進可持續發展目標第6號嘅進展[16]。

歷史

[編輯]
世界廁所日喺2013年第67屆聯合國大會到正式被宣佈為聯合國官方節日。

2001年11月19日,新加坡慈善家沈銳華(英文:Jack Sim)成立咗非政府組織世界廁所組織,將組織成立嗰日定做世界廁所日[18]。之所以會叫做「世界廁所日」,而唔係「世界衛生設施日」,其實係為咗方便公眾宣傳(雖然廁所只係衛生設施系統嘅第一階段)[19] 。

世界廁所日活動同公眾意識活動提高咗公眾對更廣泛嘅衛生設施系統嘅認知,包括水污染控制、糞便污泥管理(英文:fecal sludge management)、都市固體廢物管理、 暴雨水(英文:stormwater)管理、衛生學同埋洗手。另外,聯合國可持續發展目標嘅呼籲都唔單止提到廁所。可持續發展目標第6號有要求到適當嘅衛生設施,其中包括確保廢物得到安全處理嘅整個系統[4]。

世界衛生組織亦都開始推動全球對世界廁所日嘅認知。2007年,可持續衛生聯盟(英文:Sustainable Sanitation Alliance)開始積極響應世界廁所日[20]。2010年聯合國將飲水同衛生設施定義咗做基本人權後,衛生設施嘅危機開始受到重視[2]。

2013年,新加坡政府同世界廁所組織聯合倡議新加坡嘅第一個聯合國決議《為全人類提供衛生設施》("Sanitation for All")[6],呼籲用集體行動終結全球嘅衛生設施危機,並將世界廁所日定做聯合國紀念日。呢個決議最終喺第67屆聯合國大會到成功拎到122個國家通過[21]。

2016年,可持續發展目標取代千年發展目標。喺2015年嘅世界廁所日活動到,聯合國秘書長潘基文敦促各國採取廣泛行動改進為全人類提供適當衛生設施嘅措施。佢提醒每個人都要去關注2013年啟動嘅「衛生行動呼籲」(Call to Action on Sanitation),同埋2025年終結露天排便嘅目標[22]佢仲表示:好多人都覺得,衛生設施係喺千年發展目標到淨得最多嘅目標[22]。”

喺2016年嘅世界廁所日活動到,紐約市表彰聯合國副秘書長楊·艾里亞森,肯定佢喺打破衛生設施禁忌呢一個方面嘅堅定承諾[23]:23。佢曾經有向往WaterAid(英文:WaterAid)同聯合利華一齊喺歐洲議會舉辦嘅2014年世界廁所日到同啲與會者一齊發表視頻講話[24]。2016年,聯合國水資源組織同新加坡駐聯合國特派團都支持紐約市嘅「為廁所乾杯」活動[23]:23。

各年主題

[編輯]
世界廁所組織創始人沈銳華率領民眾喺2016年疾跑活動到進行「大踎」(The Big Squat)。

由2012年開始,每年嘅世界廁所日都會度橋去諗一個主題出嚟,令佢成為有關宣傳活動嘅基礎。由2016年開始,跟返聯合國水資源組織發展報告(英文:UN World Water Development Report),世界廁所日同世界水日會用同一個主題。

影響

[編輯]

世界廁所日嘅活動同相關嘅出版物借助各大嘅網站同其他渠道嘅社會化媒體收穫咗成百萬位參加者[23]:21。就好似2016年同2017年就有40個國家喺世界廁所日網站到登記咗100多場活動[23]:23[29]:17。2017年,一個話題標籤#WorldToiletDay喺社交媒體到估計,呢個活動會拎到最多7.5億人嘅響應[29]:17、2018年嘅響應人數同比會再多15%,線上活動同發起者同比2017年會再多12%同22%。[30]:32

民間活動

[編輯]

為響應世界廁所日,臺灣南投縣草屯鎮新豐加油站發起喺2023年11月19號洗廁所,佢聯同北中南全臺灣1910個加油站,中油全體總動員,由董座帶領同仁一齊彎腰,手拎工具同清潔用品洗廁所。佢哋係咁喺廁所度用力刷刷刷,將每一個角落都抺maat3得好乾淨,目的係宣揚高質素嘅公廁文化。[31]

註

[編輯]
  1. ↑ 呢句係惡搞,英文 「nature is calling」 字面解 「大自然叫緊你」,正常意思其實係 「我要去廁所」
  2. ↑ 呢句又係惡搞,英文 「give a shit」 正常解 「關心」,但係字面其實解 「屙屎」,即係成句係喻意 「我屙屎,你唔使咩?(所以我關心;咁你關唔關心?)」

睇埋

[編輯]

參考

[編輯]
  1. ↑ "What is World Toilet Day?". World Toilet Day. 原著喺2017-11-15歸檔. 喺2017-11-16搵到.
  2. 1 2 "Call to action on UN website" (PDF). 原著 (PDF)喺2015-06-01歸檔. 喺2014-10-19搵到.
  3. 1 2 3 4 UNICEF; World Health Organization (2019). Progress on household drinking water, sanitation and hygiene 2000-2017: Special focus on inequalities. Geneva, Switzerland: United Nations Children’s Fund. ISBN 978-92-415-1623-5. 原著喺2020-08-25歸檔. 喺2020-08-25搵到.
  4. 1 2 "Goal 6: Ensure access to water and sanitation for all". United Nations. 原著喺2015-11-27歸檔. 喺2017-11-18搵到.
  5. ↑ "World Toilet Day 19 November - Background". United Nations. 原著喺2017-12-10歸檔. 喺2017-11-30搵到.
  6. 1 2 Chan, Robin (2013-07-24). "Singapore's first UN resolution adopted; now, every Nov 19 is World Toilet Day". The Straits Times. 原著喺2019-11-16歸檔. 喺2019-12-11搵到.
  7. 1 2 "World Water Development Report 2017". UN-Water (美國英文). 原著喺2018-11-08歸檔. 喺2018-11-12搵到.
  8. 1 2 "World Water Development Report 2016". UN-Water. Geneva, Switzerland. 2016-03-22. 原著喺2020-08-07歸檔. 喺2020-08-25搵到.
  9. ↑ "World Toilet Day Website - About (2015)". 原著喺2018-10-13歸檔. 喺2018-10-12搵到.
  10. 1 2 3 Cavill, Sue. "Violence, gender and WASH: A practitioner's toolkit: Making Water, Sanitation and hygiene safer through improved programming and services". WaterAid, SHARE Research Consortium. 原著喺2015-10-04歸檔. 喺2015-10-07搵到.
  11. ↑ Lennon, Shirley (November 2011). "Fear and anger: Perceptions of risks related to sexual violence against women linked to water and sanitation in Delhi, India". SHARE (Sanitation and Hygiene Applied Research for Equity) and WaterAid, UK. 原著喺2015-09-24歸檔. 喺2015-10-07搵到.
  12. ↑ Prüss-Ustün, Annette; Bartram, Jamie; Clasen, Thomas; Colford, John M.; Cumming, Oliver; Curtis, Valerie; Bonjour, Sophie; Dangour, Alan D.; De France, Jennifer; Fewtrell, Lorna; Freeman, Matthew C.; Gordon, Bruce; Hunter, Paul R.; Johnston, Richard B.; Mathers, Colin; Mäusezahl, Daniel; Medlicott, Kate; Neira, Maria; Stocks, Meredith; Wolf, Jennyfer; Cairncross, Sandy (2014). "Burden of disease from inadequate water, sanitation and hygiene in low- and middle-income settings: a retrospective analysis of data from 145 countries". Tropical Medicine. 19 (8): 894–905. doi:10.1111/tmi.12329. PMC 4255749. PMID 24779548.
  13. ↑ "UNICEF: Ending Child Deaths from Pneumonia and Diarrhoea" (PDF). UNICEF. 2015. 原著 (PDF)喺2017-03-20歸檔. 喺2017-03-20搵到.
  14. ↑ Gunther, Isabel; Fink, Gunther (April 2010). "Water, Sanitation and Children's Health Evidence from 172 DHS Surveys" (PDF). The World Bank Development Economics Prospects Group (5275). 原著 (PDF)喺2015-11-19歸檔. 喺2015-10-07搵到.
  15. ↑ "UN resolution A/67/L.75" (PDF) (英文). United Nations. 17 July 2013. 原著 (PDF)喺2016-02-02歸檔. 喺2015-08-22搵到.
  16. 1 2 "World Toilet Day 2018". UN-Water. 原著喺2018-11-06歸檔. 喺2018-09-27搵到.
  17. ↑ "World Toilet Day 2018 Events". UN Water. 原著喺2018-11-16歸檔. 喺2018-11-14搵到.
  18. ↑ "Don't Laugh: World Toilet Day Aims to Promote Sanitation, Rid World of Disease". Fox News. 2008-11-19. 原著喺2017-11-15歸檔. 喺2020-08-25搵到.
  19. ↑ Tilley, Elizabeth; Ulrich, Lukas; Lüthi, Christoph; Reymond, Philippe; Zurbrügg, Chris (2014). Compendium of Sanitation Systems and Technologies (第2版). Duebendorf, Switzerland: Swiss Federal Institute of Aquatic Science and Technology (Eawag). ISBN 978-3-906484-57-0. 原著喺2019-10-22歸檔. 喺2020-08-25搵到.
  20. ↑ Gröber, Katharina; McCreary, Carol; Panzerbieter, Thilo; Rück, Johannes (2012–04). "Public awareness raising and sanitation marketing - Factsheet of Working Group 9b". Sustainable Sanitation Alliance. 原著喺2017-09-30歸檔. 喺2020-08-25搵到.{{cite web}}: CS1 maint: date format (link)
  21. ↑ "World Toilet Day". World Toilet Organisation. 原著喺2017-05-06歸檔. 喺2020-08-25搵到.
  22. 1 2 "Marking World Toilet Day, UN urges 'open, frank' discussion on importance of hygiene and sanitation". 2015-11-19. 原著喺2017-11-15歸檔. 喺2017-11-15搵到.
  23. 1 2 3 4 Annual Report UN-Water 2016. Geneva, Switzerland: UN-Water. 2016. 原著喺2019-10-22歸檔. 喺2020-08-25搵到.
  24. ↑ "A message from the UN Deputy Secretary-General on World Toilet Day 2014". 2014-11-17. 原著喺2020-08-25歸檔. 喺2017-11-15搵到.
  25. ↑ "United Nations World Water Development Report". Unesco. 2019-02-11. 原著喺2019-11-29歸檔. 喺2019-04-25搵到.
  26. ↑ 基於自然的水資源解決方案 (報告) (中國中文)。中國水資源戰略研究會翻譯。Geneva, Switzerland:UN-Water。2018年。ISBN 978-7-5170-7669-8。原著喺2023年11月20號歸檔。喺2023年11月19號搵到。
  27. ↑ Gjersoe, Nathalia (2014-11-20). "World Toilet Day. Yuck!". The Guardian. 原著喺2015-10-03歸檔. 喺2015-08-10搵到.
  28. ↑ "Dies irae". The Economist. 2012-11-24. 原著喺2017-11-07歸檔. 喺2020-08-25搵到.
  29. 1 2 Annual Report UN-Water 2017. Geneva, Switzerland: UN-Water. 2017. 原著喺2019-10-22歸檔. 喺2020-08-25搵到.
  30. ↑ UN-Water Annual Report 2018. UN-Water. 2018. 原著喺2019-10-28歸檔. 喺2020-08-25搵到.
  31. ↑ 唐立臻 (2023年11月17號)。〈響應11/19世界廁所日 中油董座帶頭刷馬桶〉。《非凡新聞》 (臺灣中文)。喺2023年11月19號搵到。