公共衞生

打防疫針係公共衞生其中一個政策

印度一地喺度做推廣，教人唔好食煙。

公共衞生，又或者叫公共健康，係以社會群體為對象嘅學科，講到預防勝於治療，目的係透過有組織嘅社會行動去提供醫療保健服務、監控環境同飲食衞生水平，亦會加強衞生教育，目標係想幫社會大眾預防疾病、延長壽命，促進身心健康。公共衞生唔淨止得臨床醫療，仲包括埋流行病學、生物統計、環境衞生、健康政策同健康促進等嘅範疇。

公共衞生工作往往需要高度嘅跨學科合作，除咗醫學出身嘅專業人士，仲涉及統計學（分析健康相關嘅數據）、資訊科技（例如建設健康數據庫）、經濟學（例如做成本效益分析）、心理學（改變行為同埋應付心理健康問題）、甚至昆蟲學（研究某啲害蟲點樣傳播疾病）等咁多唔同領域。

公共衞生用嘅研究方法，包括隊列研究、臨床試驗同埋進階嘅統計模型。公共衞生仲影響好多政策上嘅決策，例如一九四八年起始嘅弗雷明翰心臟研究就出名為學界帶嚟咗好多關於風險因素嘅知識。

基本定位

睇埋：預防醫學

到咗二〇二〇年代初，公共衛生呢個領域嘅具體定義仲有些少爭議。不列顛百科全書係噉樣描述公共衛生嘅：

公共衛生包括一系列嘅「藝術」同科學，專門防病、延長壽命、提升啲人嘅身體同心理健康、衞生設備、個人衛生、控制傳染病以及組織健康服務。

公共衛生以社群為對象，透過有組織嘅社會行動去改良社會大眾嘅健康水平。公共衞生嘅工作包括流行病學、生物統計、環境衞生以至健康政策等嘅多個唔同範疇。

喺概念上，現代嘅公共衞生可以話係基於預防醫學。預防醫學係一套醫療方針，強調預防勝於治療，講到與其等病人患病至郁手醫，不如透過改變環境、行為或者社會制度去減低疾病風險，而事實係十八至十九世紀好多醫學研究都表明，嚴重嘅疾病好多時都可以透過簡單、非醫療性質嘅方法嚟去預防，例如用番梘洗手可以有效防止好多傳染病嘅散播，但人類曾經唔知道呢一點。因此到咗二十一世紀初，唔少公共衞生措施都唔係喺醫院同診所入便直接做，好似係派發安全套防治性病噉，往往係喺社區同公共政策層面嚟去推行。

跨越學科

空間數據：想像幅圖係某市嘅地圖，每一個黑點表示一個霍亂個案。從事醫療工作嘅人可以睇住呢幅圖，搵出霍亂嘅可能來源喺邊。

公共衛生工作非常跨學科，例如：

• 統計學：研究者可以透過隊列研究去追蹤唔同隊列嘅健康狀況，而呢種研究要用到頗複雜嘅統計技術，例如係多層模型呀噉。始於一九四八年嘅弗雷明翰心臟研究長期觀察好幾代嘅麻省居民，一路睇住呢群人當中出現高血壓、吸煙、高膽固醇同心血管疾病等問題嘅風險，仲確立咗風險因素呢個諗頭，並且提供咗好多有用嘅知識－例如喺廿一世紀初，「吸煙會提升心臟病嘅風險」呢點近乎係常識，而呢項知識就係出自弗雷明翰心臟研究嘅。
• 資訊科技：例如地理資訊系統噉，就對公共衞生好有用；地理資訊系統能夠話俾研究者知，某啲特定嘅事件或者物體喺空間中嘅分佈情況係點，例如係睇可及度，留意城市嘅某啲區會唔會醫療設施嘅可及度不足，又或者係某啲地區會唔會有食物沙漠嘅情況出現。美國嘅疾病控制及預防中心設有專門嘅地理資訊平台，用嚟監測疾病同埋做其他公共衞生工作。
• 經濟學：成本效益分析係公共衞生上成日用嘅工具，用嚟比較唔同干預措施嘅效益同開支。例如世界衞生組織曾經提出，以每拯救一個健康壽命年（DALY）所需嘅成本做判斷依據，幫助世界各地區決定係咪要引入新疫苗或醫療計劃。

因此，做公共衞生工作嘅組織，往往雲集多個唔同領域嘅專業人士：除咗讀醫學或者護理出身嘅人士之外，公共衞生組織仲會有統計學、資訊科技、經濟學、心理學－要顧及大眾嘅心理健康、昆蟲學－例如研究蚊等嘅害蟲點樣傳染疾病... 等等咁多唔同學科出身嘅人，一齊合力達致公共衞生嘅目標。

統計分析

内文：流行病學

流行病學專門研究同分析健康及疾病狀況嘅分佈，攞住一個事先界定好嘅總體（邊啲人、咩時期、喺邊度），搵出健康狀況喺呢班人之間嘅分佈，探究唔同疾病嘅風險因素，再將呢啲知識應用去預防疾病。呢啲研究好多時都會用到複雜嘅統計分析方法，譬如係迴歸分析、聚類分析同埋生還分析呀噉。因此，做公共衛生工作嘅組織，好多時都會請專業嘅統計師幫手。

風險因素

内文：風險因素

睇埋：相關唔蘊含因果同罹患率

若果某種特質，有咗呢種特質會增加某種病或者不良結果出現嘅機率，噉呢種特質就謂之一個風險因素，可以係天生嘅，但亦有可能係行為性質嘅因素。風險因素嘅常見例子包括：食煙係肺癌同心血管病嘅風險因素；高血壓係中風同冠心病嘅風險因素；而長期承受壓力就係抑鬱症嘅風險因素。要留意嘅係，風險因素同患病或者負面結果嘅機率有統計相關。

計數嘅例子：喺某場婚禮度，有 74 個人食咗在場嘅雞肉，其中 22 個人出現病徵；相反，35 個揀咗魚類或者素食餐嘅人之中，淨係得兩個人惹到病；噉嘅話，食咗在場嘅雞肉係咪風險因素？相對風險嘅計法：

${\text{FH}}={\frac {\mbox{ 接 觸 到 風 險 因 素 嘅 人 幾 大 機 會 出 事}}{\mbox{ 冇 接 觸 到 風 險 因 素 嘅 人 幾 大 機 會 出 事}}}$

• 所以，食咗雞肉嘅人嘅風險 = 22/74 = 0.297；
• 冇食雞肉嘅人嘅風險 = 2/35 = 0.057。

食咗雞肉嘅人，佢哋嘅風險係冇食雞肉人士嘅五倍以上，即係話相對風險大過五。呢個結果暗示在場嘅雞肉好可能有問題，係導致是次事件嘅原因。不過要留意，喺嚴格嘅流行病學上，齋靠呢點並唔足以攞嚟做證據，證實啲雞肉真係是次事件嘅起因。

統計模型

公共衞生研究好多時都會用到先進嘅統計模型，譬如係多層模型噉。呢類統計模型可以同時考慮個人層面同群體層面嘅變數，解釋隊列效應—唔同年代出世嘅人，因為社會環境同成長背景唔同，喺健康風險上會出現差異，成類似噉嘅模型：

$y_{i(j_{1}j_{2})}=\beta _{0j_{1}j_{2}}+\beta _{1}Nin_{i(j_{1}j_{2})}+\beta _{2}Nin_{i(j_{1}j_{2})}^{2}+e_{i(j_{1}j_{2})}$

$\beta _{0j_{1}j_{2}}=\beta _{0}+u_{1j_{1}}+u_{2j_{2}}$

呢啲式之中嘅符號係：Nin 係指年齡，個體 i 喺 cohort j₁ 同埋時期 j₂ 嗰度嘅觀察值（結合模型最左邊嗰嚿），由以下呢啲部份組成：固定截距 β₀、年齡一階效應 β₁、年齡二階效應 β₂，加上兩個隨機效應（大致可以想像成雜音）— cohort 嘅殘差項 u_1j1 以及係時期嘅殘差項 u_2j2，最後再加埋個殘差項 e_i(j1j2) 組成。例如要研究食煙同心血管疾病（$y_{i(j_{1}j_{2})}$）嘅風險之間有咩關係，就可以攞多層模型去分清楚年齡效應、時代效應同埋隊列效應，從而更準確噉理解疾病模式同政策影響。

行為改變

做運動 kip1 fit1 對於保持良好健康嚟講不可或缺。

内文：健康行為

睇埋：身體活動同食物選擇

行為科學喺公共衞生上相當有用。噉係因為好多健康問題查實同不良嘅個人行為有關。由進化心理學嘅角度睇，某啲物質（譬如酒精、脂肪同碳水化合物）飲或者食太多，源自人類進化出嚟嘅犒賞系統受到呢啲物質觸發，加上現代嘅交通工具導致身體活動量減少。健康行為研究就係講緊，要改變人類嘅行為，令佢哋習慣食得健康同埋多做運動。

健康行為係泛指任何會影響個人健康狀態嘅行為，無論係正面（促進健康）定係負面（增加風險）都係健康行為嘅研究對象：

• 促進健康嘅行為：做運動、均衡飲食、戒煙、定期體檢。
• 損害健康嘅行為：食煙、酗酒、成日食埋晒啲高鹽高脂嘅食物、缺乏運動。

呢方面嘅研究，仲會使用行為科學上嘅技術，試圖改變啲人嘅健康行為。

睇埋

• 行為科學
• 社會科學
• 個本模型
• 記錄連接

外拎

• （香港繁體） 香港衞生防護中心