曉港站

出自維基百科,自由嘅百科全書
曉港
Xiaogang
概覽
冧巴 820
位置 海珠區昌崗東路嘅曉港西馬路附近
座標 23°05′34.87″N 113°16′54.81″E / 23.0930194°N 113.2818917°E / 23.0930194; 113.2818917座標: 23°05′34.87″N 113°16′54.81″E / 23.0930194°N 113.2818917°E / 23.0930194; 113.2818917
車站色  
類型 地底車站
經過路線 8
月台 1
站口數 3
營運資訊
車站服務時間 06:07~23:52
列車服務時間 06:12~23:47
廣州地鐵8號綫
滘心 ◄昌崗 (580m) (1.1km)中大► 萬勝圍

曉港站粵拼hiu2 gong2 zaam6英文Xiaogang Station),規劃嗌過美術學院站mei5 seot6 hok6 jyun2 zaam6Guangzhou Academy of Fine Arts Station),係廣州地鐵8號綫嘅車站,2002年12月29號開放,位置喺海珠區昌崗東路嘅曉港西馬路附近。

呢個站曾經喺2002年12月29號14:00到2003年6月27號尾班車收車之前,做過2號綫首通段嘅南邊尾站。從2002年12月29號14:00開始,因路線延長至琶洲[註 1],路線亦降級成中途站直到2010年9月21號尾班車收車為止退出營運4日。2010年9月25號頭班車開出之後,路線亦演變成8號綫嘅車站。

結構[編輯]

樓層[編輯]

呢個站一共有2層樓嘅地下區域,其中地下1樓係站廳,有票務設施,客務中心同商鋪;地下2樓係8號綫嘅月台。同大多數嘅8號綫車站一樣,冇休息室廁所

打掂[編輯]

地下
一樓
站廳 售票機、客服中心、地鐵警務室、安檢設施
地下
二樓
1月臺 8號綫列車去昌崗站(行滘心嗰邊)
島式月台,開左邊門
2月臺 8號綫列車去中大站(行萬勝圍嗰邊)

打橫[編輯]

曉港站嘅站廳
曉港站嘅月台

站廳[編輯]

曉港站嘅收費區喺站廳嘅南邊,而北邊係人行通道。車站商舖都喺嗮南邊收費區入面,而自助服務喺嗮車站嘅東西兩邊。站廳入面重有好多部扶手電梯同樓梯往返月台。而專用𨋢喺車站嘅西邊免費區域入面,乘客如估有需要,可以向車站嘅工作人員查咗車飛之後嚟協助用。

月台[編輯]

呢個站有1個島式月台,喺昌崗東路嘅地底。

曉港站嘅月台全景
(冚唪唥都喺同一層樓影)
註:上面嗰張係行鳳凰新村嗰邊,喺2014年8月5號影。下面嗰張係行萬勝圍嗰邊,喺2016年2月29號影。

另外,呢條綫嘅西邊都有條聯絡線同舊嘅2號綫(唔係而家嘅2號綫)江南西站南邊嘅北行綫接埋一齊。喺2010年9月21號之前,呢條綫係舊2號綫嘅正線,而家成日用喺車務調動嗰度。而接2號綫同8號綫嘅下行綫路軌方面,因為兩條綫之間啱啱好搞出咗十字架形,所以喺2010年9月22號拆走咗。隧道都俾牆封實嗮。

商鋪同自助服務[編輯]

而家嘅曉港站入面有好多唔同類嘅鋪頭畀乘客買嘢同埋食嘢,好似有便利鋪、麵包鋪等。

另外,曉港站入面重有好多自助服務設施畀乘客用,包括民生銀行中國銀行自動櫃員機自動販賣機、自動影相機等;重有好易機嚟充羊城通,交水電費同交通嘅罰錢等服務;而M-Touch機係可以查地鐵嘅路線、頭尾班車同埋地鐵嘅安全指引,重可以畀乘客登記變成廣州地鐵薈嘅會員嚟查獎分、換獎品都得。

出入口[編輯]

呢個站有三個出入口,分別係A、C,D。

冧巴 標記 方位 去到邊度
出入口A 昌崗東路
昌崗東路、曉港公園、嶺南畫派紀念館、廣州美術學院
出入口C 曉港西馬路
西南
曉港西馬路、細崗路、昌崗東路小學、安信證券昌崗東路營業部、市政公廁(出站之後嘅斜對面30米嗰邊)
出入口D 新港西路
東南
新港西路、東曉路、泰沙路、廣州市第九十七中學
註: 有盲人引導徑 | 有輪椅升降臺

頭尾班車信息同配線圖[編輯]

配線圖

8號綫
中大站

uSTRf uSTRg
uSTR+BSl uSTR+BSr
uSTR+BSl uSTR+BSr
uSTR+BSl uSTR+BSr
uABZg2 uSTR+c3
uSTR+c1 uABZg+4
◀ 28聯絡綫
ueABZg3 uSTR
uSTR ueABZg3
uSTRf uSTRg

昌崗站

行去邊頭 頭班車 尾班車
每日
8號綫
滘心站 06:11 23:16
萬勝圍站 06:08 23:38
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史[編輯]

規劃時期(1988年)[編輯]

喺1988年嘅「十字綫網」規劃入面就出咗嗰時嘅「美術學院站」,佢就係而家2號綫嘅一個站,而車站位就同而家差唔多。後嚟喺1997年嘅《廣州市城市快速軌道交通線網規劃研究(最終報告)》入面話2號綫會一分為二,而呢個站係話嗰時5號綫(唔係而家嘅5號綫)嘅一個站。但呢個站到琶洲嗰橛都加入咗2號綫首通段嘅工程入面,之後用咗先行貫通,重留低咗拆解嘅條件。而規劃嘅車站名亦改為「曉港站」。

通車之後,舊2號綫時期(2002年12月28號——2010年9月21號)[編輯]

2002年12月29號,呢個站隨住2號綫首通段(三元里往返曉港)通車而開咗,嗰時佢係2號綫首通段嘅臨時南邊終點站。後嚟喺2003年6月8號,由於2號綫從呢個站去到琶洲嗰橛通咗車,所以呢個站就變咗中途站。

2號綫同8號綫一分為二(2007年6月25號——2010年9月25號)[編輯]

2007年6月25號,國家發改委通過咗廣州地鐵2號綫同8號綫嘅延長段工程,工程喺2007年8月份就正式逳手[1]。佢就係將舊嘅二號綫喺呢個站同江南西站之間嘅位拆開佢咗,重分別向南、西、北三個方向延長。就喺2010年9月22號——24號,成條舊嘅二號綫都停運咗嚟搞線路一分為二嘅工程試。

8號綫時期(2010年9月25號之後)[編輯]

喺2010年9月25號朝早,呢個站改咗係8號綫嘅一部分而重新開放。而家喺呢個站向西開出嘅8號綫列車改咗去新起嘅昌崗站嗰邊,而唔係去江南西站嗰度。

C出入口好難開通?[編輯]

呢個站喺2002年12月29號開通咗之後凈係得2個出入口,佢設計得唔夠科學,不過重一直用咗好耐下,而俾市民猛咁鬧。A出入口附近嘅客流就得好少,但係有雙向嘅扶梯;而D出入口雖然附近有好多個居民區,而且客流好多,但係凈得條又窄又多彎嘅樓梯響度。喺上落班高峰期,D出入口就逼到爆咁滯,出入站嘅乘客都排嗮長龍,由站廳去到馬路入面都有,嗰時要好多位站務工作人員嚟維持秩序,嗰時入站同出站成日都要5-10分鐘咁耐,呢個情況就一直去到2010年9月21號先至結束。喺2010年9月25號舊2號綫一分為二之後,之前成日喺呢個站度轉巴士去海珠區南邊嘅乘客,而家可以坐拆解咗之後嘅2號綫去都得,甚至有乘客一窩蜂噉去嗮昌崗站度坐車都有,結果D出入口嘅客流即刻一落千丈,少咗好多。2010年11月11號,等咗好耐嘅曉港站C出入口開通咗,但係已經冇乜作用。

懷疑有「詐彈」[編輯]

利用狀況[編輯]

呢個站附近冇幾遠就係廣州市美術學院,而且附近重係一片住宅區,冇乜大購物區同埋旅遊區。喺2010年9月22號之前,住喺海珠區西南邊嘅大多數住宅區啲人都係先坐巴士嚟呢個站度轉地鐵2號綫,所以呢個站都幾火爆下,而且重人山人海添。但喺2010年9月24號之後,呢個站嘅部分客流已經去咗新開嘅2號綫南段嘅車站度上落車,所以呢個站又變返附近啲住宅區嘅人嚟上落車,喺上落班高峰期嗰陣,客流先至逼到爆咁滯。平時就客流都一般下。

附近嘅建築同景區[編輯]

廣州美術學院
曉港公園

學校[編輯]

公園[編輯]

寫字樓[編輯]

  • 廣信通信服務公司

住宅小區[編輯]

  • 南翠苑
  • 江南新苑

博物館[編輯]

註同攷[編輯]

  1. 嗰時琶洲係2號綫東邊嘅尾站,2005年12月26號因4號綫首通段(萬勝圍⇄新造)開通,東邊尾站亦向東延長到萬勝圍為止。
  1. 地铁二、八延长线获批 万胜围至金洲后天开通 互聯網檔案館歸檔,歸檔日期2007年9月22號,. 網易 喺2007-06-26搵到

上一站·下一站[編輯]

上一站⇚⇚    廣州地鐵    ⇛⇛下一站
昌崗站
滘心站
曉港站
8號綫
中大站
萬勝圍站