黃沙站
| 黃沙 Huangsha | |
| |
| 黃沙站（1號綫）嘅站名 | |
| 概覽 | |
|---|---|
| 冧巴 | 105 607 |
| 位置 | 荔灣區大同路同埋六二三路交界嘅地底 |
| 座標 | 23°6′38.16″N 113°14′27.1″E / 23.1106000°N 113.240861°E |
| 車站色 | 1號綫： ＋大理石 6號綫： |
| 經過路線 | 1 6 |
| 啟站 | 1號綫：1997年6月28號 6號綫：2013年12月28號 |
| 月台數 | 2 |
| 站口數 | 5 |
| 營運資訊 | |
| 車站服務時間 | 06:03～23:58 |
| 列車服務時間 | 06:08～23:53 |
| 廣州地鐵1號綫 西塱 ◄芳村 （1.4km） （910m）長壽路► 廣州東站 | |
| 廣州地鐵6號綫 潯峰崗 ◄如意坊 （1.2km） （860m）文化公園► 香雪 | |
黃沙站（「黃」字要陰上變調，粵拼：wong2 saa1 zaam6；英文：Huangsha Station）係廣州地鐵1號綫同6號綫嘅轉車站，位置喺荔灣區大同路同六二三路交界嘅地底。不過兩個月台嘅開放時間都唔同，其中1號綫範圍喺1997年6月28號開放，6號綫範圍喺2013年12月28號開放。
佢係6號綫同其他路線之間，轉車速度最慢嘅站[1]。曾經喺1997年6月28號嘅1號綫首通段開咗之後到1999年2月16號為止係1號綫最北邊嘅總站，期間一直做過廣州最北同最東嘅車站身份直到1999年6月28號先至取消。
結構[編輯]
樓層[編輯]
呢個站一共有地下4層樓。其中地下1樓係1號綫同6號綫嘅站廳；地下2樓係1號綫嘅月台，而地下3樓係1號綫同6號綫嘅設備區；地下4樓係6號綫嘅月台。雖然話6號綫嘅站廳入面有廁所（喺E出入口附近），但係1號綫嗰邊冇。呢個站既冇休息室，又冇母嬰室響度。
打掂[編輯]
| - | 上蓋物業 | 西城都薈、出入口 |
| 地下 一樓 |
站廳 | 站廳、轉車通道、售票機、客服中心 |
| 地下 二樓 |
2月台 | ←1號綫列車去芳村站（行西塱嗰邊） |
| 1月台 | 1號綫列車去長壽路站（行廣州東站嗰邊）→ | |
| 6號綫設備區 | 車站設備 | |
| 地下 三樓 |
6號綫設備區 | 車站設備 |
| 6號綫緩衝臺 | 同站廳、月台連埋一齊 | |
| 地下 四樓 |
4月台 | ←6號綫列車去如意坊站（行潯峰崗嗰邊） |
| 3月台 | 6號綫列車去文化公園站（行香雪嗰邊）→ | |
打橫[編輯]
 |
 |
 |
 |
 |
 |
站廳[編輯]
站廳分開咗1號綫同6號綫兩個。由於其中一個站廳喺1990年代初起，另一個站廳喺2000年代尾起，所以兩個站廳色系、裝修風格都唔同，其中1號綫係白色+大理石柱，而站廳天花板上面嘅波浪形隔開咗藍色同白色，藍色係話珠江嘅波浪噉解（因為車站隔籬冇幾遠就係條珠江）；而6號綫係玻璃板+沙啡色，上面重有個沙面嘅建築標記。
收費區方面，1號綫喺站廳中西邊，6號綫喺站廳西邊。由於兩個站廳嘅收費區都有轉車嘅通道連埋一齊，所以免費區之間係唔通嘅。不過每個站廳都有好多部𨋢、扶手電梯同樓梯往返邊條綫嘅月台都得。但係由於喺起緊1號綫嗰陣冇事先留低轉車條件，所以中間嘅轉車通道都好長下，好似個Z字形噉。呢個站嘅公共廁所喺E出入口嗰邊。
月台[編輯]
呢個站嘅1號綫月台喺西城都薈廣場嘅地底，而6號綫月台喺六二三路北邊嘅地底。其中1號綫喺上面，6號綫喺下面。
商舖同自助服務[編輯]
之前黃沙站有車站商舖，有便利檔、洗衫舖呢啲。後嚟6號綫開咗，加上西城都薈嘅開幕，結果1號綫站廳入面有好多個區都俾商場整成去西城都薈廣場嘅地庫而拆走嗮，而且6號綫站廳嘅空間比較窄，所以呢個站冇整到車站商舖。但係佢整咗好多重有好多自助服務設施畀乘客用，包括咗建設銀行嘅自動櫃員機、自動販賣機、羊城通充值機等；重有好易機嚟充羊城通，交水電費同交通嘅罰錢呢尐服務；而M-Touch機係可以查地鐵嘅路線、頭尾班車同埋地鐵嘅安全指引，重可以畀乘客登記變成廣州地鐵薈嘅會員嚟查獎分、換獎品都得。
|
|
出入口[編輯]
| 黃沙站冚唪唥嘅出入口 | ||||||||||
|---|---|---|---|---|---|---|---|---|---|---|
|
呢個站一共有5個出入口，分別係B、C、D、E、F。
| 冧巴 | 標記 | 方位 | 去到邊度 |
|---|---|---|---|
| 1號綫站廳 | |||
出入口B   |
大同路 | 北 | 第十甫路、和平西路、和平中路、大同路、清平路、杉木欄路、梯雲東路、廣州醫藥有限公司 |
| 出入口C |
叢桂路 | 西北偏北 | 叢桂路、黃沙大道、蓬萊路、恩寧路、六二三路、廣州市第一中學（初中部）、黃沙巴士總站、誼園文具批發玩具批發中心、7天連鎖酒店（黃沙叢桂路分店） |
| 出入口D |
黃沙大道 | 西北 | 六二三路、大同路、黃沙大道、十八甫路、清平路、杉木欄路、和平西路、沙面、沙面大街、黃沙水產品批發市場、白天鵝賓館、廣東勝利賓館、廣州市中醫院、摩登百貨摩登新天地、市中醫院（西行）巴士站 |
| 6號綫站廳 | |||
| 出入口E |
六二三路 | 東南 | 梯雲東路、市中醫院(西行)巴士站 |
| 出入口F |
大同路 | 東南偏南 | 黃沙碼頭(東行)巴士站 |
註： 有盲人引導徑 | 有斜道 |  有輪椅升降台
| |||
特別提醒：E、F呢2個出入口同B、C、D嗰3個出入口之間分開嗮，唔連埋一齊。若果從B、C、D出入口嘅免費區入面往返到E、F出入口嘅免費區，一定要入去西城都薈廣場行過去先至搵到。
頭尾班車信息同配線圖[編輯]
| 配線圖 | |||||
|---|---|---|---|---|---|
|
█ 1號綫 | |||||
|
|||||
|
|||||
|
|||||
|
|||||
|
珠江 | ||||
|
|||||
|
▼芳村站 | |||||
.svg){kind=small}
.svg){kind=small}
| 配線圖 | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||||||
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 1號綫 | |||||||
| 西塱站 | 06:23 | 23:53 | |||||
| 廣州東站 | 06:08 | 23:03 | |||||
| 6號綫 | |||||||
| 潯峰崗站 | 06:12 | 23:43 | |||||
| 香雪站 | 06:12 | 23:02 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史[編輯]
規劃時期[編輯]
喺1號綫方面，黃沙站係最先出喺1988年嘅地鐵路網規劃入面中，嗰時係1號綫一期工程入面嘅中間站。而6號綫方面，喺1997年嘅《廣州市城市快速軌道交通線網規劃研究（最終報告）》入面話咗呢個站係1號綫同嗰時7號綫嘅轉車車站。但喺之後嘅規劃入面，嗰時7號綫就變咗而家嘅6號綫。雖然話條綫變咗，但係重喺呢個站度轉車。
施工同開通[編輯]
1號綫[編輯]
1993年12月28日，1號綫正式開始逳手起。後嚟到咗1997年6月28號開通咗地鐵1號綫首通段之後，呢個站就開始營運，嗰時佢係1號綫首通段嘅最北邊總站。後嚟到咗1999年6月28號晏晝就變成中途站。
6號綫[編輯]
2005年6月28號，6號綫正式開始逳手起，而呢個站喺嗰時最先做咗白鼠仔。到咗2013年10月，呢個站嘅1號綫站廳都搞埋改造工程，甚至重搬走咗部分閘機同改埋收費區嘅位。同年12月28號晏晝，由於6號綫首通段通咗車，呢個站亦變成1號綫同6號綫嘅轉車車站。
1號綫加裝月台幕門[編輯]
喺2006年，地鐵公司為咗慳能源同防止乘客墮軌，所以就喺行緊嘅成條1號綫入面加裝月台幕門、半高式安全門，重搞埋月台風道同埋管線改造工程。而呢個站係最先做咗白鼠仔，而月台幕門喺嗰年年底就起好咗。
出入口[編輯]
呢個站嘅出入口方面，以前凈得D呢1個出入口嘅。後嚟喺2005年先至開咗C出入口。到咗2008年，C出入口因為要起6號綫同埋車站嘅上蓋物業等呢啲理由而封咗。後嚟到咗地鐵6號綫開通咗嗰陣，雖然話出入口數量多到4個，而C出入口本嚟原計劃喺2014年春節前開通，但係因為重未搞掂個竣工驗收，導致重新開放時間一拖再拖，拖到2014年8月18號先至重新開返[2][3]。而D出入口重試過搬走咗2次。第一次喺舊時西城都薈開始逳手嗰陣，第二次喺準備起6號綫嘅轉車通道同埋西城都薈落成嗰陣。
而A出入口喺1號綫啱開通無耐時一直通到近黃沙水產批發市場東邊隔籬條涌邊附近，2001年因為起西城都薈而封咗，之後一直未開過。
利用狀況[編輯]
呢個站附近都係以水產同埋蔬果、肉類嘅批發市場為主嘅地方，有好多餐廳（唔理佢係酒樓定係快餐店都好）同埋食肆都係成日嚟呢度入貨同埋攞貨。加上附近重有個碼頭同埋間1中嘅初中部喺呢個站附近。有啲喺廣州市第一中學初中部讀書嘅學生就成日喺呢個站出站。喺6號綫開咗之後，去大坦沙同埋西村嗰邊都方便咗。不過出站同埋入站方面，呢個站都算客流一般。大部份都係住喺黃沙地區附近嘅民居坐地鐵用呢個站比較多。即使係有外地遊客凈係識得幫襯附近嘅白天鵝賓館。由於附近嘅西城都薈廣場喺2013年就開咗幕，加上呢個站又係轉車嘅車站，所以呢個站嘅客流上升咗。
由於呢個站嘅B、C、D、F出入口均都喺佢嘅上蓋物業——西城都薈入面或隔籬，所以呢個站變咗轉車車站之後，重好快噉帶旺嗮成個西城都薈入面啲商家，重開始搞出咗「商場中心」嘅黃沙商圈出嚟。[4]
轉車須知[編輯]
而呢兩條地鐵轉車方面，由於1993年起1號線嗰陣地鐵站冇事先留低轉車條件，所以呢個站同楊箕站、東山口站一樣，要去站廳嘅轉車通道先至可以轉到地鐵。而呢個站係6號線同其它路線之間，轉車速度最慢嘅站。而轉車方面係需要先坐扶手電梯上到平台，之後再行條好遠嘅Z字形走廊先至到站廳，再坐扶手電梯落去先至可以到另一個月台[1]。
附近嘅建築同景區[編輯]
醫院[編輯]
碼頭[編輯]
市場[編輯]
旅遊景區[編輯]
商場[編輯]
酒店[編輯]
9個文化站[編輯]
一直以嚟，呢個站響1997年6月28號開通地鐵1號線之後到2013年12月28號晏晝兩點為止，呢個站係重未整文化牆嘅。到咗2013年12月28號晏晝兩點嘅地鐵6號線開通咗之後，雖然話重未有文化牆，但係出現咗柱面裝飾。佢係6號綫嘅9個文化站入面嘅其中一個車站。佢嘅柱面裝飾係「沙面教堂」。
攷[編輯]
- ↑ 1.0 1.1 广州地铁六号线试运营逾15万人次尝鲜 明日迎考验 互聯網檔案館嘅歸檔，歸檔日期2014年1月3號，. 羊城晚报 2013年12月29號
- ↑ 〈黄沙站C口开通 接驳公交更方便〉 (中國中文). 广州日报. 原著喺2014年8月19號歸檔. 喺2014年8月19號搵到.
- ↑ 〈地铁黄沙站C口昨开通〉 (中國中文). 羊城晚报. 原著喺2014年8月19號歸檔. 喺2014年8月19號搵到.
- ↑ 〈地铁开通 黄沙商圈 旺了一边〉. 原著喺2020年2月23號歸檔. 喺2014年8月20號搵到.
上一站•下一站[編輯]
| 上一站⇚⇚ 廣州地鐵 ⇛⇛下一站 | ||
| 芳村站 西塱站← |
黃沙站 1號綫 |
長壽路站 →廣州東站 |
| 如意坊站 潯峰崗站← |
黃沙站 6號綫 |
文化公園站 →香雪站 |
| |||||