石碁站
| 石碁 SHIQI | |
| |
| 石碁站嘅站名 | |
| 概覽 | |
|---|---|
| 冧巴 | 415 |
| 位置 | 番禺區石碁鎮嘅市蓮路同京港澳高速公路嘅交界東南邊 |
| 座標 | 22°57′35.1″N 113°27′36.5″E / 22.959750°N 113.460139°E |
| 車站色 | |
| 經過路線 | 4 |
| 啟站 | 2006年12月30號 |
| 月台數 | 1 |
| 站口數 | 2 |
| 營運資訊 | |
| 車站服務時間 | 06:11～23:48 |
| 列車服務時間 | 06:16～23:43 |
| 廣州地鐵4號綫 南沙客運港 ◄海傍 （2.3km） （9.8km）新造► 黃村 | |
石碁站（碁讀畿，粵拼：sek6 gei1 zaam6；英文：Shiqi Station）係廣州地鐵4號綫嘅車站，2006年12月30號開始營運，位置喺番禺區石碁鎮嘅市蓮路同京港澳高速公路嘅交界東南邊。佢係廣州地鐵嘅其一高架車站。
結構
[編輯]外觀
[編輯]
同其它嘅4號綫嘅高架站一樣，呢個站嘅外觀方面，好似帶有橢圓形兼打橫嚟嘅柱嘅樣，有啲似個琶洲嘅會展中心噉。但佢有個地方同琶洲嘅會展中心唔一樣嘅係，呢個站嘅最頂嗰個光棚，兩邊係垂直錯開咗，冇連埋一齊嘅，而且車站嘅出面都冇大隻字印住個站名響度。
樓層
[編輯]呢個站有三層樓嘅地上室。其中地面係站廳，地上二樓係4號綫嘅月台，地上三樓係車站嘅設備同辦公室。雖然車站冇休息室，但廁所喺地面嘅免費區入面，未同站廳連埋一齊。
打掂
[編輯]| 地上 ３樓 |
- | 員工辦公室、車站設備 （唔係工作人員唔畀入） |
| 地上 ２樓 |
側式月台，開右邊門 | |
| 2月台 | ←4號綫列車去海傍站（行南沙客運港嗰邊） | |
| 1月台 | 4號綫列車去新造站（行黃村嗰邊）→ | |
| 側式月台，開右邊門 | ||
| 地面 | 站廳 | 站廳、售票機、客服中心、安檢設施、廁所 |
打橫
[編輯] |
 |
 |
站廳
[編輯]新造站嘅收費區喺站廳嘅中間，兩邊就係出入口。而收費區入面有扶手電梯同樓梯、專用𨋢往返月台都得。
月台
[編輯]呢個站有2個側式月台，喺番禺區石碁鎮嘅市蓮路同京珠高速公路嘅交界東南邊嘅上空。
另外，喺呢個站嘅南邊偏西冇幾遠嗰度有條存車線響度，如估海傍站到金洲站嗰橛搞出咗冬瓜豆腐嘅話，去金洲嗰邊啲車就先喺去金洲嗰邊嘅月台清嗮客先，跟住入去存車線嚟準備調頭。之後部車就入呢個站去黃村嗰邊嘅月台嚟返轉頭。
商舖同自助服務
[編輯]而家嘅石碁站入面唔單止冇鋪頭，相反凈係得2台自助服務設施畀乘客用，包括咗1台自動販賣機同埋可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引嘅服務呢台嘢。
|
出入口
[編輯]| 石碁站冚唪唥嘅出入口 | ||||
|---|---|---|---|---|
|
呢個站有2個出入口，分別係A同B。
| 冧巴 | 標記 | 方位 | 去到邊度 |
|---|---|---|---|
出入口A    |
市蓮路 | 市蓮路、廣州市番禺永華傢俱有限公司、石碁地鐵巴士站 | |
| 出入口B |
市蓮路 | 廣東女子職業技術學院（廣東女子學院） | |
| 註： 有盲人引導徑 | 有斜道 | 出入口都喺同一層樓
| |||
頭尾班車信息同配線圖
[編輯]| 配線圖 | ||||||
|---|---|---|---|---|---|---|
|
█ 4號綫 | ||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
▼海傍站 | ||||||
.svg){kind=small}
.svg){kind=small}
.svg){kind=small}
.svg){kind=small}
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 4號綫 | |||||||
| 黃村站 | 06:20 | 23:10 | |||||
| 南沙客運港站 | 06:16 | 23:43 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史
[編輯]規劃
[編輯]呢個站最先喺2003年嘅地鐵方案入面出現咗，話係4號綫嘅車站。之後呢個站入咗4號綫嘅二期工程入面。
施工
[編輯]到咗2006年初，呢個站就開始正式逳手起。而工程一直到2006年10月份先至搞掂。
通車
[編輯]2006年12月30號，4號綫嘅南延段開通咗之後，呢個站正式開放。
2012年3月6號，地鐵站封閉3個鐘。
[編輯]喺2012年3月6號，因為嗰日朝早6點21分喺呢個站附近嘅京珠高速公路嗰度發生咗單好嚴重嘅車禍[1]。後嚟有人將呢單嘢報咗畀差佬之後，差佬同消防馬上嚟到發生嗰單交通事故嗰度，重將現場都封鎖埋。而呢個站附近嗰80米入面都唔畀人入嚟，而停喺呢度附近啲車都俾差佬當成市民揸嗮出去[2]。因為嗰時好多人都唔知佢裝住嘅係液化石油氣。後嚟經過咗3個鐘嘅巡查，裝住液化石油氣嘅槽罐好彩冇爛到嘅同時，重未見到有着火或槽罐開裂或燃氣洩漏嘅嘢，而呢單CASE搞到一位女乘客受咗輕傷。[3]
而嗰日9點21分，石碁地鐵站嘅工作人員就爲咗地鐵站嘅安全，佢將呢個站臨時封咗，重喺入站口棟咗嚿牌話唔畀入站。係因為發生車禍嗰度冧咗嘅槽罐車離呢個站凈得30米到而馬上疏散呢個站入面準備坐車同入站啲乘客，同時4號綫嘅雙向列車改成唔停呢個站。[1][2]
喺10點20分，石碁地鐵站嘅冚唪唥扶手電梯、專用𨋢同埋閘機都唔逳得，甚至連站入面嘅電器都唔例外。而上晝11點15分，呢個站啲人都好似趕鴨噉趕，全部走嗮佬，去到警戒線出面。一直到中午12點44分，槽罐車俾工程車拖走咗之後，呢個站先至恢復返正常營運。[1][2][3]
嗰日廣州地鐵重提醒，如估喺呢個站入咗閘，但係未上車或落車而未到站就落車而受到暫停對外服務影響嘅乘客，買咗嘅車飛喺7日內去到除咗APM之外嘅地鐵入面邊個站度辦同退票有關嘅手續。
利用狀況
[編輯]呢個站係家吓距離蓮花山景區最近嘅地鐵站，因為呢個站冇幾遠就係個巴士站，入面有可以直接去蓮花山嘅巴士，喺石碁嗰邊住嘅居民嚟講，喺節假日且天晴、或觀音誕嗰日，成日都有好多去蓮花山嗰邊嘅人喺呢個站落車，跟住轉巴士去蓮花山嗰頭。另外，呢個站嘅客流成日都係去蓮花山或附近嘅住宅同學校返放工同上落堂嘅人比較多。
接駁巴士
[編輯]新造地鐵站：
- 番92、番93、番126
附近嘅建築同景區
[編輯]- 廣東女子職業技術學院
- 廣州市番禺永華傢俱有限公司
攷
[編輯]
- ↑ 1.0 1.1 1.2 京珠高速掉下辆槽罐车石碁地铁站封停三小时 互聯網檔案館嘅歸檔，歸檔日期2012年4月28號，. 奥一网 喺2012-03-17搵到
- ↑ 2.0 2.1 2.2 槽罐车侧翻石碁站停车场 地铁站封停三小时[失咗效嘅鏈] 聚焦羊城 喺2012-03-17搵到
- ↑ 3.0 3.1 京珠高速掉下槽罐车逼停地铁站 消防排险6个钟[失咗效嘅鏈] 广东消防网 喺2012-03-17搵到
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 海傍站 南沙客運港站← |
石碁站 4號綫 |
新造站 →黃村站 |
