南田路 (廣州)
| ||||||||||||||||
| ||||||||||||||||
| ||||||||||||||||
南田路（粵拼：naam4 tin4 lou6）係中國廣東廣州嘅西南-東北走向道路，喺海珠區。西邊從工業大道北開始，一直去到東北邊嘅江南大道中同江灣路嘅交界。
敘述[編輯]
全長1.8km，闊43米，雙向8車道。
史[編輯]
睇埋：廣州內環路
初期廣州冇呢條馬路。1997年底，廣州市人民政府為咗解決廣州市區大塞車問題而起內環路出嚟，南段施工期間同時，順便整咗呢條馬路出嚟。2000年1月28號，由於內環路通車，南田路亦正式開放。
連環槍擊案[編輯]
2014年初，荔灣警方喺追查毒品案時，掌握到犯罪嫌疑人黃某喺海珠區有間大型制毒工場嘅重大線索而成立咗專案組。喺同年9月16號，警方掌握到地址重睺住附近有冇犯罪嫌疑人出沒，經過4個鐘嘅步行巡查同摸索，成功鎖定喺珠區南田路昆崙一街18號懷疑有間大型販賣毒品工場。但由於樓下有個門禁令差人又等咗成4個鐘有多，直到挨晚落班時段，警察利用機會殺入民宅嚟打擊販毒工場。太陽落山無耐，犯罪嫌疑人同負責整大型販賣毒品工場班友爆發咗激烈槍戰。隨後毒品工場亦發生火燭，令南田路近昆崙一街嗰邊出現一片混亂。最後單火燭喺20點正救熄，犯罪嫌疑人黃某亦俾收到料嘅狙擊手一槍打死咗，負責開鎖嘅人亦死埋[1]。
懷疑出現「喪屍」嘅謠言[編輯]
2015年9月4號深夜，中國大陸嘅網路上有人發佈咗，深夜喺南田路出現喪屍嘅短片。後嚟廣州當地差佬出嚟，嗌網友唔好相信謠言，因為呢單嘢唔係喺廣州發生，而喺江蘇無錫宜興發生，加上係拍《半蝶人》呢部戲有關。事發後，廣州白雲警方開始出動，捉咗喺網上發佈呢份謠言嘅人[2]。
經過嘅道路[編輯]
條路從西南到東北排，加粗嘅字係主幹道：
註[編輯]
- ↑ 〈广州南田路警匪枪战揭秘〉. 《南方都市報》. 南都网. 2014-11-08. 原著喺2020-07-19歸檔. 喺2017-02-10搵到.
- ↑ 〈"女丧尸"街头疯狂咬人？你以为是拍《釜山行》吗〉. 上观新闻. 2016-09-28.