UCDOS

出自維基百科,自由嘅百科全書
Jump to navigation Jump to search

UCDOS北京希望(而家係中科希望)公司出嘅系統,亦係中國大陸早期嘅中文系統之一[1],1987年發佈[2],1998年停止開發。佢基於MS-DOS系統下開發,屬下嘅希望漢字系統亦比較出名下[1][3]

微軟公司喺1994年落戶中國大陸之前,多數有電腦啲機構最興用呢個系統,早期嘅金山WPS(而家嘅WPS Office[4]同FoXBaSe(而家係Visual FoxPro[5]數據庫成日靠佢食飯。1996年試過霸咗中國大陸足足72%嘅系統市場[6],最新版本亦係1997年發佈到7.0版。不過花無百日紅,隨住作者鮑嶽橋喺1998年離開希望公司,令UCDOS一度停止開發。加上Windows後續之作出咗帶中文環境嘅DOS系統兼PC-DOS推出咗中文版[7][8],及後嚟嘅MacLinux安卓iOS等一系列新嘅系統衝擊。好多UCDOS用家都一窩蜂噉轉嗮去其它平台入面,令UCDOS嘅使用同銷售量勁跌到冇人用嘅地步。

2012年4月29號更加同UC瀏覽器發生咗商標侵權糾紛[9][10],後嚟經過審理,中科希望出嘅UCDOS同優視出嘅UC瀏覽器,兩者係對自身嘅業務或產品嘅描述性使用,唔關商標事;或凈用咗個「U」字,同「UC」無關;或冇證據點用「UC」嘅標記法,加上中科希望同優視之間提供嘅服務目的、內容、方式、對象等一系列方面都唔拉更而敗訴[10][11]

[編輯]

  1. 1.0 1.1 周璞 (2013-04-03). "前浪死在沙滩上 祭十大已经逝去的软件". 中国广播网 (用中文寫). 中关村在线. 原先內容歸檔睇2017-04-26. 喺2017-04-26搵到. 
  2. 北京希望电脑公司 (1994). 希望汉字系统UCDOS3.1使用手册. 第 1頁. ISBN 7-5077-0976-0. 
  3. 杨成; 陈昊. "第4章 操作系统基础". 信息系统运行管理员教程 (用中文寫). 清华大学出版社. 
  4. "金山:一个符号19年的起起落落". 人民网. 2007-10-29. 
  5. "献给学过DOS,WPS,foxbase,C语言的人的回忆!". 电脑数码. 蛋蛋赞. 2017-05-27. 
  6. "中国软件20年发展历程". 天极. 2008-11-11. 
  7. "在MS-DOS窗口中輸入與顯示漢字". 人民网 (用中文寫). 2000-07-03. 原先內容歸檔睇2017-12-14. 喺2017-12-14搵到. 
  8. "Windows应用小窍门(八)". PC6资讯 (用中文寫). 2004-10-15. 原先內容歸檔睇2017-12-14. 喺2017-12-14搵到. 
  9. "UCDOS开发者起诉UC浏览器商标侵权 索赔54万". 京华时报. 腾讯. 2012-04-29. 
  10. 10.0 10.1 红薯 (2012-04-29). "UCDOS开发者起诉UC浏览器商标侵权". 开源中国. 
  11. “UC浏览器”与“UCDOS” 非商标意义上使用“UC”不构成侵权