華潤萬家

華潤萬家（英文：China Resources Vanguard）係華潤創業嘅連鎖超級市場，1984年創辦，喺香港已經有差唔多一百間分舖，另外喺中國大陸亦都已經有千幾間分舖。

爭議

2005年8月，何文田同將軍澳富寧花園嘅華潤萬家生活超市賣嘅鰻魚同相關製品，被驗出孔雀石綠。^[1]

2011年2月，一個顧客喺西安華潤萬家文藝路店嘅熟食區盛放各類肉制品嘅玻璃櫃入面，發現一隻老鼠，個頭埋在食品堆入面不停咬。呢事被在場幾個顧客目擊，紛紛攞起手機影相。但嗰個顧客影相之後即刻被賣場保安帶走控制行動，顧客報警之後先被人放返出嚟。記者訪問華潤萬家文藝路店總經理段昌林，段昌林表示，超市會銷毀櫃台入面嘅所有食品，並連夜消毒同檢查成間超市。至於顧客反映受到保安「粗魯對待」，段昌林話，超市規定禁止影相，可能雙方因此發生誤會，他對此表示歉意。^[2]

2013年3月13號，《廣州日報》揭發喺太古匯嘅高端貴價超市Ole'食物衛生問題嚴重，其中包括：超市職員喺地吓墊板切榴槤、喺沖水池台切哈密瓜、稱重造假、爛水果用水果刀剔除變質部分之淨低嘅再切成碎塊同其他剔除霉塊嘅水果放埋一齊做成水果拼盤，當果壞果碎塊較少或者無得搭配嘅水果就切成更細嘅碎塊混雜喺試食盤畀顧客試食、將蔬菜嘅壞葉摘除同切掉爛根後重新換袋包裝同打價並標上當日日期當「新鮮」出售、將未賣出嘅淮山切除變質部分再同其他切過嘅淮山重新包裝而且職員沒有帶手套、將前一日未賣完幾十盒冰糖蜜桔全部攞去後台操作間挑出腐爛嘅部份再貼上新標籤包裝出售。Ole'超市隨後喺微博上致歉，但聲稱係「個別事件」。而寫呢篇文記者喺報導出街嘅第二日接到匿名嘅恐嚇電話。^[3]^[4]

參考資料

↑ 毒鰻魚可賣多七日市面18樣本驗出致癌「孔雀石綠」，成報，2005年8月20日
↑ 〈超市熟食區櫃台內出現老鼠顧客拍照被保安帶走〉。《華商報》。2011-02-10。原著喺2012-07-15歸檔。喺2011-02-10搵到。
↑ 〈高端超市Ole'：过期食品换包装霉烂水果切拼盘〉。《广州日报》。21CN。2013-03-13。原著喺2013-04-24歸檔。喺2013-03-14搵到。
↑ 〈工商责令Ole'超市全面整改〉。广州日报。2013-03-13。原著喺2013-03-14歸檔。喺2013-03-14搵到。 {{cite news}}: Cite has empty unknown parameter: |5= (help); Unknown parameter |deadurl= ignored (|url-status= suggested) (help)

睇埋

呢篇零售舖頭文係楔位文。歡迎幫維基百科擴寫佢。

[1] 毒鰻魚可賣多七日市面18樣本驗出致癌「孔雀石綠」，成報，2005年8月20日

[2] 〈超市熟食區櫃台內出現老鼠顧客拍照被保安帶走〉。《華商報》。2011-02-10。原著喺2012-07-15歸檔。喺2011-02-10搵到。

[3] 〈高端超市Ole'：过期食品换包装霉烂水果切拼盘〉。《广州日报》。21CN。2013-03-13。原著喺2013-04-24歸檔。喺2013-03-14搵到。

[4] 〈工商责令Ole'超市全面整改〉。广州日报。2013-03-13。原著喺2013-03-14歸檔。喺2013-03-14搵到。 {{cite news}}: Cite has empty unknown parameter: |5= (help); Unknown parameter |deadurl= ignored (|url-status= suggested) (help)

[1]

[2]

[3]

[4]