廣州地鐵12號綫

廣州地鐵12號綫
概覽
營運地區	中華人民共和國，廣州
服務類	城市軌道交通
線路類	市區加密綫
線路長	37.2km
車站總數	25
軌道標準	1435mm
列車偏組	6節A型列車
營運資訊
營運單位	廣州地鐵集團有限公司

廣州地鐵12號綫，又叫官洲綫，係規劃緊嘅廣州地鐵路綫，代表色係■泥綠色。

綫路

廣州地鐵12號綫係廣州地鐵「X形對角綫」入邊嘅西北～東南綫。綫路西邊由白雲區金沙洲潯峰崗開始，穿過白雲區、越秀區、海珠區、番禺區，喺番禺區小谷圍島上嘅大學城南設終點站，途經新市、淘金、二沙島等區域。綫路全長37.2km，設站25座，其中換乘站15座。

車站

綫路由西北到東南設站依次為：潯峰崗、裡橫路、槎頭、聚龍、棠溪、南航新村、新市墟、白雲文化廣場、雲溪公園、小金鐘、景雲路、廣園新村、恆福路、建設六馬路、烈士陵園、東湖、二沙島、嶺南廣場、赤崗、赤沙、赤沙滘、侖頭、官洲、大學城北、大學城南。

• 車站設置未最終確定，以實際建設為準。
• 站名都未確定，以實際運營使用為準。
• 全部車站都係地下站。

轉車站

• 潯峰崗站：換乘6號綫。
• 槎頭站：換乘13號綫。
• 聚龍站：換乘8號綫。

  呢個站係T形節點換乘站，起8號綫嗰陣已經預留咗負三層嘅節點結構。

• 新市墟站：換乘14號綫。
• 白雲文化廣場站：換乘2號綫。
• 廣園新村站：換乘11號綫。

  呢個站入邊兩條綫係平行疊摞嘅關係，12號綫係負三層，11號綫喺負四層。

• 建設六馬路站：換乘13號綫。

  呢個站係T形節點換乘站。

• 烈士陵園站：換乘1號綫。
• 東湖站：換乘6號綫同10號綫。
• 嶺南廣場站：換乘19號綫。
• 赤崗：換乘8號綫。
• 赤沙滘站：換乘11號綫。

  呢個站係雙島四綫同台換乘站，兩綫同方向可實現同台換乘。

• 官洲站：換乘4號綫。
• 大學城北站：換乘4號綫。
• 大學城南站：換乘4號綫同7號綫。

建設目的

• 加密市區綫網，增加綫網嘅覆蓋面同通達性，緩解綫網壓力。
• 配套新建嘅棠溪火車站，加強客流吸引同引導。

歷史

2017年初，廣州將12號綫同其他9條綫路打包成為第三期建設規劃，上報俾國家發改委。到咗3月20號，廣州地鐵第三期建設規劃獲得國家發改委批復，12號綫喺埋入邊。3月23號，12號綫進行咗第一次環評公示。5月25號，綫路進行咗環評第二次公示，調整咗車廠同部分站點嘅位置：車廠由棠溪改到咗槎頭，停車場由科學中心改到咗大學城南，麓景西站東移到恆福路兼改名做橫枝崗站。