廣州市執信中學

廣州市執信中學 Guangzhou Zhixin High School
崇·德·瀹·智
位置
廣州市越秀區執信南路
明細
類	廣東省一級學校 廣州市示範中學
校訓	崇·德·瀹·智
成立	1921年
校區	越秀區
級別	中學六年全日制
網站	http://www.zhxhs.net/

學校正門，喺2014年10月15號影。

 廣州市執信中學（粵拼：gwong2 zau1 si5 zap1 seon3 zung1 hok6） ，簡稱執信中學（zap1 seon3 zung1 hok6），之前嗌過執信女子中學、廣東省立執信女子中學、廣州市第一女子中學，文革期間嗌過廣州市第55中學，係中國廣東廣州嘅完全中學，有兩間校區，全部都喺越秀區入面。呢間學校喺1921年由孫中山為咗紀念朱執信而一手創辦，喺學校入面重可以見到朱執信墓響度。佢喺廣州中考入面，繼華師附中之後第二難考嘅高中。

校服色

廣州市執信中學嘅校服

長袖

• 衫：　　，中間有條　嘅V字綫，左右對稱。
• 褲：　，兩邊有中等厚度嘅　線。

風褸

下　上　，喺心口附近有條　　相間嘅綫，左右對稱。

短袖

• 衫：　，兩邊袖口同膊頭位有　嘅中等厚度虛線。
• 褲：　，兩邊有中等厚度嘅　線。

間學校又俾當地校友話佢做「田鷄裝」。

史

開始創辦學校

内文：朱執信

喺朱執信死咗之後，啲人為咗畀後人記得朱執信對革命嘅貢獻，孫中山先生征求咗好多國民黨元老——廖仲愷等人發起嘅「建立執信學校以志紀念，敬朱先生其志願之宏、功業之偉、竟先生未竟之志……」嘅建議，先至嗌咗廖仲愷、孫科、胡漢民三人一齊嚟搞執信學校。而孫中山親自嗌咗好多人嚟出錢辦學，自己首先捐咗一萬両嚟做籌建費，重派咗汪精衛夫人、陳璧君等人到美國嘅華僑度厝錢。嗰時孫中山重親自發咗封信到美國三藩市嘅國民黨支部啲人話快啲捐錢嚟起好間學校。直到1921年10月1號先至正式開始搞執信中學嘅校舍。最初嗰時係「私立執信學校」嘅名。

開辦無耐

喺1922年，曾醒返咗嚟廣東之後就主持咗執信中學嘅校務。嗰年6月由於陳炯明嘅叛變而圍攻總統府。執信中學成日俾叛軍搞搞震冇幫襯，結果學校暫時搬到大北直街嗰邊等到叛亂結束咗之後先至返嚟。最初成立嗰時搞咗6-3-3學制。而呢個學制係中華民國時期，其中一間實行新學制嘅學校。到咗1923年就起好咗東沙路嘅竹絲崗校區。甚至喺1924年開埋高中師範科。喺大革命嗰陣，學校入面出現咗好濃嘅民主同革命嘅氣氛。而1925年嘅沙基慘案入面，呢間學校都搞過示威遊行，重出現咗好多人受傷都有。而1927年國共分裂嗰時，左派學生簽名去武漢搞革命，而右派學生就簽名到南京嗰頭。喺「四·一二」反革命政變入面，反動派重出埋軍警封鎖埋執信校門，重拉咗10幾位學生都有。連廣州起義嗰時重有執信嘅學生嚟參加都有，嗰時出現10幾位仁兄死咗都有。

喺1927年秋天嗰時，由於學校俾國民黨右派控制咗而搞資產階級奴化教育。甚至喺1928年秋天俾廣東省教育廳勒令分開咗男女分校，將執信啲男仔摱到廣東省一中（喺1940年代尾停辦），而廣東省一中本身入面啲女仔就摱到廣東省女中同執信，而學校就改名做「執信女子中學」。到咗1932年嗰時重喺西關嘅寶華正中約搞咗間分校嚟收初中同附小嘅學生。

抗日戰爭時期

喺1937年，由於抗日戰爭爆發，學校又搬到南海嘅碧村。甚至喺1938年10月重搬到澳門嗰邊。連1941年12月嘅太平洋戰爭爆發咗之後都搬到樂昌縣（而家喺韶關市樂昌市）嗰頭。直到1943年先至改返嗌「省立執信中學」而重新招收男女嘅學生。到咗1944年底，由於樂昌市淪陷，學校又搬到仁化縣嘅恩村入面。喺1945年8月15號嘅日本仔投咗降之後先至揀返廣州嘅東沙路原校址嗰邊重新搞返學校。但係重新搞返學校無耐又變咗女校。

解放戰爭時期

由於蔣介石喺1946年夏天發動內戰，搞到嗰時執信校長林寶權喺學校入面搞高壓統治，平時唔畀學生出校門，甚至凈係畀學生兩個星期返屋企一次而加重學習功課嘅重壓。以三青團份子嚟睇實好落力讀書嘅師生，搞到有幾十位好落力讀書嘅師生逼住離開學校。但大部分進步嘅師生喺中共地下黨組織、地下教聯、地下學聯嘅團結同組織先至向反動派死過，重組織咗同學參加咗1948年嘅冬令營活動同以基督教青年會做掩護嘅勵進社活動；同埋掩護進步同學返到東江遊擊區等活動。喺解放戰爭開始之前重搞咗護校運動嚟迎接解放。解放之後重嗌省立執信女子中學。後嚟先至改咗市立執信女子中學。

文化大革命期間

學校喺啱啱開辦無耐係私立性質，嗰時係嗌「執信學校」。喺20世紀20年代變成中國內地嘅37間重點中學入面嘅其中一間重點中學，到咗20世紀30年代就轉成公辦學校。呢間學校喺1928～1968年呢40年期間，用過「執信女子中學」、「廣東省立執信女子中學」、「廣州市第一女子中學」呢三個「女子中學」嘅名。到咗文革期間，由於受到破四舊嘅影響而改咗名嗌「廣州市第五十五中學」。

改革開放之後

到咗1978年就改返之前嗌「執信中學」嘅名，嗰時重定咗係廣東省同廣州市嘅重點中學；20世紀80年代重攞埋中國內地24所國家教委實行嘅《學校思想政治道德教育大綱》試驗階段入面嘅其中一間重點學校；到咗1994年，重攞埋廣東省一級學校嘅稱號。

踏入21世紀

2006年嗰陣重通過咗第一批廣東省國家級示範性普通高中嘅嘢，喺2009年重同109中合併埋。

2016年6月28號，足球明星碧咸嚟到呢間學校搞足球交流同推廣校園足球嘅活動。

2016年7月，廣州市教育局同天河區人民政府簽咗協議，要起天河校區。重確定喺珠吉路東邊動工。

2016年9月13號，陳艾森到執信中學同在校學生互動，分享咗佢自己嘅運動古仔。

校區

呢間學校有兩個校區，分別喺越秀區嘅執信南路靠近先烈南路同埋二沙島嘅春曉街入面。

攞過嘅獎

呢間學校先後攞過以下呢啲獎：

• 全國現代教育技術實驗學校
• 全國創建綠色學校先進單位
• 全國藝術教育先進單位
• 第一屆全國中小學外語教研工作示範學校
• 廣東省新課程實驗樣本學校
• 廣東省首批中小學校長培訓實踐基地
• 廣東省文明單位
• 廣東省先進集體
• 第一批廣東省德育示範校
• 廣東省書香校園
• 廣東省校本培訓優秀示範校
• 廣東省體育特色學校
• 廣州市先進集體
• 廣州市依法治校示範校
• 廣州市德育示範校
• 廣州市民主管理三星級單位
• 廣州市優秀家長學校
• 廣州市心理健康教育示範學校
• 廣州市安全文明學校

連出去

• 第六章 中学教育 广州市政协门户网站