廣州市第7中學

出自維基百科,自由嘅百科全書
(由廣州市第七中學跳轉過來)
Jump to navigation Jump to search

廣州市第七中學
Guangzhou No.7 Middle School
Logo for Guangzhou No.7 Middle School.jpg
愛•誠•真•毅
位置
高中部:煙墩路1號
初中部:寺貝通津9號
西灣校區:站西路機山一巷30號
明細
廣東省一級學校
廣東省國家級示範性高中
校訓 愛•誠•真•毅
成立 1888年
校區 越秀區
級別 初中三年全日制
高中三年全日制
網站
廣州市第七中學同埋煙墩路嘅路牌

廣州市第七中學粵拼gwong2 zau1 si5 dai6 cat1 zung1 hok6),成立初期嗌過培道中學,係中國廣東廣州嘅中學。1888年成立,位置喺越秀區煙墩路同埋寺貝通津嗰邊。

佢曾經喺1958年同培正中學(唔係而家嘅培正中學)合併咗一次,嗌「廣州師院附屬中學」;到咗1962年就改返之前「廣州市第七中學」嘅名重一直用到而家。

校服色[編輯]

廣州市第七中學嘅校服

呢間學校嘅主要校服顏色係        (有一少部分係    )呢種。

校區[編輯]

  • 高中部:越秀區煙墩路1號。
  • 初中部:越秀區寺貝通津9號。
  • 鐵鷹校區:越秀區機務段站西路機山一巷30號。

[編輯]

培道中學時期[編輯]

  • 1888年:美國南方浸信會女傳道會傳教士——容懿美,就嚟咗中國嗰邊搞女子教育,嗰時由於有好多女仔冇書讀,更加唔使講基督教喇。嗰時容女士就帶咗好少錢嚟咗中國嗰邊,就冇得買嘢嚟起學校,更加唔使講靠邊位搵食喇。不過佢喺廣州五仙門嗰邊辦咗間培道女子中學出嚟。嗰時重勸啲女仔返學係好難嘅事,因為佢哋自古俾人話係唔使讀書嘅。就喺嗰年3月3號,學校就正式開堂,嗰時係嗌婦孺班。雖然話開學嗰陣凈得6位學生上堂,但佢重好全心全意噉教佢哋。而她重畀啲女仔帶住啲細路返學都有。佢重教刺繡畀有缺陷啲人而有佢嘅特長。就係噉,學生就越嚟越多喇。
  • 1907年:間學校搬咗去煙墩路28號嗰邊。
  • 1919年:學校正式改名嗌「廣州市培道女子中學」,重開埋培道夜校出嚟。
  • 1930年:學校交咗畀純華人管理。

抗日戰爭,學校嘅搬走[編輯]

  • 1937年:由於中國抗日戰爭爆發,廣州俾日本仔亂咁炸,搞到間學校要停辦、甚至係都要搬走先至得,搞到老師帶住願意同學校一齊走佬嘅學生離開,去到肇慶嗰邊避難。
  • 1938年:再從肇慶嗰邊搬到香港旺角廣華街嗰頭。而小學部方面,喺1940年搬咗去九龍城士他令道嗰邊。
  • 1941年:間學校同香港培正中學喺香港坪石一齊嚟辦咗間培聯中學。
  • 1942年:由於抗日戰爭殺到香港,學校搬咗去澳門
  • 1945年:由於日本仔投降,有部分師生就返咗嚟廣州,重接收咗東山校舍嚟搞復課;有部分人去咗香港嗰邊起分校,重租咗士他令道嘅浸信會副堂嚟搞學校嘅校舍;而有部分就留咗喺澳門度,租咗白馬行浸會禮拜堂嘅空房嚟搞咗間澳門培道中學
  • 1946年:香港分校正式改咗名嗌「香港培道女子中學」。

中華人民共和國成立之後[編輯]

  • 1949年:由於廣州市培道女子中學改咗好多次文化格局,從之前嘅女校變咗男女混合制學校;而校名重改咗好幾次,到而家都未恢復返之前嘅名;而校訓方面,就從之前嘅「愛•誠•貞•毅」變成「愛•誠•真•毅」(澳門嗰間培道已經變咗男女混合制學校好耐啦,校訓就一直冇變過);而校歌方面就變咗唔唱嘅版本。而香港同澳門分校嘅校歌就用咗之前原版校歌嘅第三段嚟搞。
  • 1953年9月:培道女中俾廣州市政府改成間公立學校,而校名重改成「廣州市第二女子中學」。而隔籬嘅廣州培正中學都變埋公立學校,改咗名嗌「廣州市第七中學」。
  • 1956年7月:學校又改咗次名,嗌「廣州市第三十中學」。

培正中學嘅消失[編輯]

  • 1958年8月:由於嗰時廣州市第七中學(而家培正中學嗰邊)搞間廣州師範學院,結果七中(係培正中學嗰邊)搬咗去卅中(而家七中嗰度)嗰頭,合併咗之後重改咗名嗌「廣州師範學院附屬中學」,就係噉,培正中學就冇咗[1]
  • 1960年8月:為咗試下搞中小學一貫制(小學五年,初中三年,高中二年),佢重將寺貝通津小學合併咗,改咗名嗌「廣州師範學院實驗學校」。

改返之前嘅名[編輯]

  • 1962年12月:由於廣州師範學院停辦,廣師實驗學校都改埋邊條友所屬嘅,之前卅中同培正中學、重有寺貝通津小學都拆開嗮,重改返之前嘅名。而呢間學校就嗌廣州市第七中學重一直用到而家。
  • 1980年,由於廣州市區嘅中學從區屬改成市屬,而七中就定咗係廣州市第一批重點建設嘅完全中學。係嗰年8月,學校辦咗成立92周年嘅慶祝大會。
  • 1980年8月23號:廣州培道中學校友會正式成立,重掛埋牌。
  • 1994年:評咗「廣東省一級學校」。
  • 1999年9月,學校改成東山區教育局[2]去管理。
  • 2007年11月,學校接受咗廣東省普通高中教學水準評估,重承認咗廣東省國家級示範性普通高級中學。
  • 2017年3月13號,越秀區教育部門為咗整合教育資源,決定將原先嘅鐵二摱埋入嚟,重喺同年暑假正式合併。
  • 2017年9月12號,原先鐵二同鐵四小嘅校區正式掛咗「七中西灣校區」嚿牌。

睇埋[編輯]

出過嘅名人[編輯]

  • 喬瑞清
  • 李方華
  • 蝴蝶(民國時期比較出名嘅電影女演員)
  • 張瑞芬(美籍華人,中國歷史上第一位女特技飛行家)
  • 張敬軒(香港流行樂壇嘅歌星)
  • 張濛濛
  • 葉泉志
  • 吳亦凡(曾經喺2009——2014年加入過南韓嘅EXO組織去唱歌,而家佢係單人歌手。)

出面網頁[編輯]

[編輯]

  1. 1985年恢復嘅培正中學,係之前市政府喺原嚟培正中學嗰度另外新起間公立學校——僑光中學搞出嚟嘅事,詳細請睇廣州市培正中學
  2. 呢間教育局喺2005年撤銷咗。