淘金坑

淘金坑近環市東路嗰邊

淘金坑（粵拼：tou⁴ gam¹ haang¹）係中國廣東廣州嘅地名，喺越秀區中北邊，南靠華樂路；西靠天勝村；東靠黃花崗；北靠麓湖公園東南角嘅橫枝崗。

佢亦係廣州一商業旺地，號稱廣州嘅「尖東」，包括建設六馬路、淘金路、環市東路一帶，而家交通好方便，有巴士同地鐵可以去到。

名

家下「淘金坑」個名有三個流傳版：

1. 舊時有條溪流經過，嗰條溪咁啱嗌「淘金」個名。
2. 之前的確有條可以挖到金嘅坑，吸引咗好多挖金礦啲人。
3. 亂葬崗一帶，以前死咗啲孲𤘅子嘅葬身之地。

史

呢嚿地喺早期係山旮旯地方，相傳喺明清時期係啲山墳地帶，期間試過俾當地街坊嗌佢做「火葬場」或「死仔坑」。中華人民共和國成立之後，由於廣州城區向外擴展，原先淘金坑亦發展得好快，從1984年開始，呢嚿地最先成為中國大陸改革開放之後，廣州地區嘅熱門開發地方。隨後喺嗰度起咗好多間寫字樓同國際五星級酒店，亦帶旺咗當地啲樓盤而成為廣州商業旺地。喺珠江新城未出來前嘅1980年代尾到1990年代中，擔當住廣州嘅CBD。