張敬軒
呢篇文講香港唱作人。想搵號敬軒嘅張姓大西皇帝嘅話，請睇張獻忠。
提示：呢篇文講嘅唔係阿軒。| 張敬軒 | |
|---|---|
.jpg) 張敬軒（2022年） | |
| 男歌手 | |
| 羅馬拼音 | Cheung King Hin |
| 英文名 | Hins Cheung Cyrus Cheung[1] Jordan Cheung (中學時期) |
| 花名 | 張任性、Sexy Cheung、軒仔、軒公、皇上、降兩度、Gonlando、火龍果、柴灣Super J、走數軒 |
| 國籍 |  中華人民共和國（1981年–2012年）  中國（香港）（2012年–） |
| 出世 | 1981年2月1號 中國廣東廣州東山區 |
| 職業 | 歌手、詞曲作家、唱片監製、演員 |
| 語言 | 粵語、英文、普通話、越南文[2] |
| 教育程度 | 廣州市五羊中學五年級畢業 |
| 母校 | 廣州東山培正小學[3] 廣州市五羊中學 |
| 宗教信仰 | 基督教 |
| 音樂類 | 粵語流行音樂、英語流行音樂、華語流行音樂、R&B |
| 演奏樂器 | 人聲、鋼琴、小提琴（出道前）、豎琴 |
| 出道作品 | 《My Way》 |
| 代表作品 | |
| 活躍年代 | 1998年– |
| 唱片公司 | 香港： 環球唱片（2002年–2012年） 英皇娛樂（2013年–2021年） 飛圖唱片（2021年–） 中國大陸： 幾何文化（2001年–2005年） |
| 經紀公司 | 香港： 名澤娛樂（2005年–2009年） Star Max Entertainment（2009年–2012年） 英皇娛樂（2013年–） 中國大陸： 幾何文化（2001年–2005年） |
| 網站 | Official Facebook |
| 網路電影資料庫（IMDb）資訊 | |
張敬軒（粵拼：zoeng1 ging3 hin1；簡化字：张敬轩；英文：Hins Cheung King Hin；1981年2月1號—），係香港男歌手、詞曲作家、唱片監製、錄音室老闆、餐廳老闆、婚紗店老闆、現屆香港演藝人協會副會長。佢主要喺香港發展，又被叫做「E世代全才唱作人」，識得作詞、作曲、編曲、錄音、製作同演唱[4][5]。佢已獲得香港流行音樂業內所有最高認同嘅獎項。
佢係極少數可以從中國大陸行到去香港發展嘅歌手，佢個人精選專輯My 1st Collection同第14張大碟Pink Dahlia分別成為全年最高銷量廣東唱片[6]。雖然喺香港定居，但佢一直以廣州人嘅身份自居，因此廣州傳媒稱佢叫「廣州驕傲」[7]。2009年7月3號佢成為廣州市青年聯合會第11屆委員會委員。 2010年4月，佢當選做第11屆廣州傑出青年。2010年11月11號佢擔任廣州亞運會火炬傳遞廣州站第115棒火炬手。喺2004年4月，2002年嘅舊作單曲《My way》攞咗第8屆共青團精神文明建設「五個一工程」優秀文化作品獎，呢首勵志歌曲重被團中央推薦擬入選中小學音樂教材。[8]
底細
[編輯]張敬軒幼名係張寧，喺出世紙寫嘅，嚟自乳名寧寧[9]，號如億，由李居明大師起名[10]。
張敬軒出身中國大陸公務員之家，係屋企獨生仔，阿爺係清華大學工程系畢業生，精通5國語言，但最後因為文革被批鬥過，含鬱患肺結核而死。阿嬤曾經係一名國企職員同埋京劇愛好者。張敬軒阿爸嘅繼父係當年廣東京劇界嘅首鼓大師，好鐘意軒仔成日帶佢去睇京劇。阿爸曾係廣州市東山區嘅街道黨委書記，阿媽曾經係交通糾察，喺1989年「下海」創業，做咗汽車運輸個體戶，依家已經退休[11]。胡蓓蔚係張敬軒嘅契姐，關楚耀係佢嘅契弟，張繼聰係佢冇直屬血緣關係嘅表舅父，佢嘅契爺係經營牆紙生意嘅陳鼎禮[12]。佢同關智斌嘅同性戀情緋聞被媒體廣泛報導達10年咁耐，但佢同性戀情緋聞已經俾當事人否認[13]。
2012年12月至2015年5月，張敬軒月使18幾萬蚊租住香港三級歷史建築、喺摩星嶺嘅緋荔榭（Felix Villas）[14]。佢外借過緋荔榭畀老友容祖兒拍攝《七不思議》音樂影片（MV）[15][16]，同埋將緋荔榭佈置成十五世紀法國古屋。佢自己嘅《靈魂相認》微電影、《找對的人》同《過客別墅》嘅MV，都喺過屋入面拍[17]。
經歷
[編輯]入行過程：1998年－2001年
[編輯]張敬軒原本叫張寧（嚟自佢嘅乳名「寧寧」），1981年響廣州出世，祖籍北京。佢喺廣州東山培正小學、廣州市第七中學同廣州市五羊中學畢業[18]。由於屋企人都有玩開音樂，所以佢日日朝頭早都要起身練習開聲，為佢第日嘅音樂發展打好咗基礎[19]。
讀中學時，佢喺暑假嗰陣成日喺廣州嘅酒吧唱歌，其中一個地點係廣東人民醫院附近嘅西部牛扒城，嗰時候佢唱得最多嘅係蘇永康、陳曉東嘅歌，大概係60蚊至80蚊一晚[20]。
1998年，17歲嘅佢拎住3萬蚊，同香港一間皮具公司簽咗唱片合同。然而，簽約一星期後，騙子走咗。佢唔死心又同阿媽借咗5萬蚊，想自己出唱片，承諾如果失敗就投身家人心儀嘅金融行業。佢包辦填詞作曲監製，自己去版權局拿發行批號，自己聯絡音樂電台，唔靠任何唱片公司之下，出咗首張專輯《Hins' First》（第一版）[21]。
2000年，入娛樂圈前，佢曾經喺中樂達影音製作有限公司，做音頻製作部主管，幫飛利浦嘅《純平彩電、顯示器》推廣DVD作音效合成，但係呢份工作都間接令佢嘅左耳聽力得返20% [22]。 同年2月出咗個人作品單曲《太遠》，呢首歌同時係飛躍924南海電台同名廣播劇主題曲。2001年，佢被廣東地區嘅著名DJ彭力發掘，簽咗幾何娛樂，進入歌壇，彭力係佢首位伯樂同經理人，同年喺廣州出唱片《Hins' First》。同年8月出首張個人創作EP《Hins' First》（第二版） ，短短幾個月，喺廣州同鄰近區域銷售過2萬張。12月，張敬軒校園音樂巡禮暨公益簽唱會同埋「澎湃動力．軒起有情」慈善義賣，喺廣州市內幾間中學巡迴開展[23]。
事業起步：2002年－2006年
[編輯]2002年，《斷點》令到佢出名，都畀佢帶嚟發展瓶頸。經理人陳濤指畀佢另一條路，令到佢畀陳少寶發掘，同環球唱片簽約，即刻去香港發展。除《My Way》（代表作之一，曾經榮登全球華語歌曲排行榜兩週冠軍位置）同《A.M/P.M》3張專輯嘅全部版權外，將張敬軒嘅其餘全部合約轉畀環球唱片。佢之後出首張大碟《Hins My Way》[24]，做咗創作歌手。環球唱片幫佢拓展海外同全球華語市場。《Hins My Way》嘅海外版唱片喺2002年11月首先喺香港發行，都畀佢帶嚟另一個事業上嘅高峰，入咗香港樂壇同全球華語市場，嶄露頭角。8月，佢舉行「八面聲勢」活動，當日喺廣州同城8個場地舉辦專輯首發簽名會。12月，佢先後參加《Channel V》面對面節目錄影同《我們的聲音》廣東原創音樂百名歌手大型演唱會。
2003年，專輯《My Way》入面嘅歌《期待》係佢喺香港嘅第一首冠軍曲，《孤單公園》一曲重幫佢再下一城，喺年尾成為佢喺香港嘅第一首三台冠軍曲。呢2首歌曲係佢喺嗰年四台頒獎典禮橫掃幾個新人獎，攞咗第25屆十大中文金曲頒獎音樂會嘅「全國最受歡迎中文流行歌曲獎銅獎」、第26屆十大中文金曲最有前途新人獎男歌手金獎、CASH全球華語最佳新進作曲人獎同2003年度新城勁爆頒獎禮勁爆新人王等獎項。
2004年，大碟《AM/PM》入面嘅《Blessing》係香港「鬼才」黃霑在世最後一份填詞作品。佢當年透過環球版權公司聯絡上黃霑太太，用誠意打動，而黃霑知道後即刻答應填詞，但就響歌曲完成幾日後，黃霑過世[25]。可惜《A.M./P.M》銷量唔好，佢喺2008年紅館開演唱會時透露，嗰個專輯剩係賣咗4千張，演藝生涯跌到去低谷。佢食咗抗抑鬱藥一年半，以對抗家族性遺傳嘅抑鬱症[26]（佢話，呢個病係遺傳佢爺爺[11]）。
2005年，佢相繼出《春天》、《遇見神》等歌曲，重首次同女唱作歌手王菀之，出合唱歌《手望（守望版）》。同年進軍演藝圈，參加青春勵志偶像電影《擁抱每一刻花火》。佢扮演箍牙大學生，暗戀吳日言扮嘅野蠻女生，為咗追求佢不惜忍受其無理、苛刻嘅要求，飽受佢嘅野蠻、任性嘅一面，對佢千依百順、百般忍讓，希望獲得佢嘅芳心。最後一幕，牙套仔拿掉牙套，深情地唱咗自己創作嘅情歌《Hurt So Bad》（後嚟佢重新編曲嘅完整版本收錄喺專輯《春夏秋冬》入面）[27]。同年8月，出專輯《我的夢想我的路（新曲＋精選）》之後，正式離開幾何文化[28]。
2006年3月，佢喺環球唱片嘅首張國語專輯《春夏秋冬》，其中《Hurt So Bad》係首隻國語四台冠軍歌曲。同年，佢幫商台森美小儀歌劇團創作《笑忘書》，同出同名專輯，係佢首張廣東大碟，重係佢喺香港最成功嘅大碟之一，開始受人關注[29][30]。佢喺嗰年度嘅叱咤頒獎禮上攞咗唱作人金獎，重同王菀之、方大同同張繼聰被叫做「唱作四小強」[31]。
走紅時期：2007年－2010年
[編輯]
2007年，憑《酷愛》流行一時，喺樂壇頒獎典禮上攞咗幾個歌曲獎，係三台冠軍歌，都係香港樂壇嘅經典金曲之一[32]，又攞咗叱咤樂壇男歌手銅獎，重出埋《酷愛》嘅國語版《吻得太逼真》[33]，係兩岸三地好流行嘅經典金曲；另外憑《我的天》攞咗新城勁爆頒獎禮「新城勁爆年度歌曲大獎」同首次做咗「新城勁爆男歌手」。呢一年，佢成功進入香港一線男歌手，同樂壇霸王－歌手陳奕迅、古巨基同李克勤等人平起平坐，4人都咁樣被叫做香港樂壇嘅新四大天王[34][35]。
2008年，《他的故事》係首隻粵語四台冠軍歌曲，《櫻花樹下》都係三台冠軍歌，兩首歌都係佢喺香港嘅粵語代表歌之一，後者重係香港樂壇嘅經典金曲之一。2008年4月5號至7號，佢喺香港紅磡體育館舉行佢首個個人演唱會，邀請咗陳奕迅等前輩參加，亦係內地首位男歌手喺嗰度舉行演唱會[36]。年尾，佢攞咗商業電台叱咤樂壇流行榜頒獎典禮叱咤樂壇男歌手銀獎、新城電台新城勁爆頒獎禮勁爆男歌手獎同香港電台十大中文金曲頒獎音樂會優秀流行歌手大獎，《櫻花樹下》重攞咗叱咤樂壇流行榜頒獎典禮專業推介·叱咤十大第5位、十大中文金曲頒獎音樂會十大中文金曲、新城勁爆頒獎禮勁爆播放指數大獎等獎項。8月，佢擔任奧比斯光明大使，到瀋陽同哈爾濱探訪。
2009年，佢出咗《感情·生活》大碟，同幾位80、90年代音樂人合作，令人有耳目一新嘅感覺。其中邀請前輩林子祥合作嘅《相對論》都係四台冠軍歌。而同倫永亮合作嘅歌曲《披星戴月》都係三台冠軍歌。另外，《Yes & No》就係佢喺2009年嘅第2隻三台冠軍歌。同年9月，佢喺廣州星海音樂廳搞咗《張敬軒Unplugged第一樂章音樂會》，呢個場地原本多數用嚟做古典音樂會，佢喺首位入呢個場地嘅華語流行歌手。同年，《Yes & No》攞咗叱咤樂壇流行榜頒獎典禮專業推介·叱咤十大第4位、新城勁爆頒獎禮勁爆原創歌曲、十大中文金曲頒獎音樂會全國最佳中文歌曲獎。之後佢舉行《情軒一發音樂會》。
2010年，佢喺農曆新年檔期喺紅館搞咗4場《軒動心弦演唱會》，同大家過新年同情人節。經歷失聲困擾後，4月出第11張專輯《No. Eleven》同《春秋》等嘅歌都好受歡迎。佢喺暑假期間同王菀之、W創作社合作，演出共18場音樂劇《柯迪夫Octave》。佢積極回饋社會，熱心公益，同年以香港環球唱片公司歌手嘅身份喺第11屆廣州傑出青年評選中獲「廣州十佳青年」[37]。同年做咗香港演藝人協會第9屆理事會理事，係香港演藝人協會首位內地理事。
2010年尾，佢憑專輯《No. Eleven》第2次攞咗叱咤樂壇男歌手銀獎、十大中文金曲頒獎音樂會優秀流行歌手獎、新城勁爆男歌手等幾個大獎。
低潮時期：2011年－2013年
[編輯]2011年，佢喺香港住夠7年後，以優秀人才入境計劃攞咗香港身份證同香港特別行政區護照。
2013年，佢喺廣州芳村以5000萬港幣去起全亞洲最大嘅世界級錄音室「江土岸錄音製作公司」（The Village Studios），佔地達3萬呎，屬獨立樓房，施工3年，錄音室工程主要由美國WSDG設計集團公司名師John Storyk主理。整個錄音室畀人感覺務實而溫和，主要錄音區有5個，重有2個配套完善嘅音響控制室，可以應付編製交響樂嘅需要。除錄音區外，仲包括舞蹈室、音樂教室、休閒區、康樂室，同埋廚房用膳、休息淋浴間全部都有。錄音室備受唱片製作人嘅推崇，被列做世界頭20名錄音室之一。但喺2013年5月27號，佢所屬喺廣州地區嘅錄音室面臨拆遷嘅風險[38]。面對數額好大嘅還款預算，張敬軒都算係勇者無懼。同時該人透露呢次被清拆估計會虧損幾百萬蚊，同時都損失咗心機同時間。而相關嘅設備同器材都會搬到香港，至於錄音室具體幾時拆遷，佢嘅身邊工作人員都話唔清楚，但周圍建築都會拆遷係一早定落嘅事情[39][40]。喺2014年年尾，因廣州市政府城市規劃需要，錄音室被收徵準備拆遷，佢接受政府賠償[41]。但後期喺2015年8月27號一間微博帳號叫「The101Studio 廣州壹零壹文化傳播」嘅公司話已接手呢間錄音室，同埋話裝修就嚟完，進行試營業。之後廣州壹零壹文化傳播有限公司喺微博發表官方聲明，指出公司現接手嘅原VS錄音室同原經營者冇任何關係，同通過合法途徑攞咗經營權[42]。2013年7月28號都畀歌迷參加廣州錄音室 TheVillageStudios嘅開放日。
2013年張敬軒正式宣佈加盟英皇娛樂，同環球唱片結束十年賓主關係。7月30號，簽約儀式「情軒英皇‧強勢加盟 發佈會」喺香港舉行，佢簽約6年，酬勞高達8位數字，儀式唔單止獲集團主席楊受成博士夫婦親自出席，公司高層吳雨、霍汶希、四台媒體代表都撐場，藝人謝霆鋒同容祖兒都出席歡迎張敬軒加入大家庭。公司表示希望幫軒仔推出廣東同國語專輯，同埋喺2014年開佢第3次紅館演唱會。
喺2011年至2013年間，佢雖然唔停咁出新歌，但係受HKRIA版權風波影響，攞獎數量急速下降。
巔峰時期：2014年－2016年
[編輯]環球唱片結約後，張敬軒2013年7月底正式轉投英皇娛樂，亦開始踏入歌唱事業的巔峰時期[43]。7月30號，英皇娛樂搞咗「情軒英皇﹒強勢加盟 發佈會」簽約儀式，張敬軒簽約6年，酬勞有8位數字[44]。英皇娛樂表示期望為佢出廣東同國語專輯，同埋喺2014年開佢第三次紅館演唱會[45]。
2014年，張敬軒咗出加盟英皇娛樂後第一張大碟《Morph》[46]。喺10月24號至26號一連3場喺香港體育館搞嘅演唱會入面，譚玉瑛以表演嘉賓唱咗《青春常駐》之後[47]，令呢隻歌喺叱咤樂壇流行榜即刻重新上榜，相隔17個禮拜後持續2個禮拜上榜[48]，重令呢首歌喺叱咤樂壇流行榜推上年度十大最高播放率第2位[49][50]。
2014年，佢憑《青春常駐》喺年尾嘅叱咤樂壇流行榜頒獎典禮入面攞咗專業推介．叱咤十大第2位同叱咤樂壇我最喜愛嘅男歌手[51]，《青春常駐》重被提名做「叱咤樂壇我最喜愛的歌曲大獎」。佢重喺年尾嘅十大中文金曲頒獎音樂會攞到優秀流行歌手大獎、全國最佳歌手男歌手獎同全年最高銷量歌手男歌手大獎[52]。而喺無綫電視勁歌金曲頒獎典禮入面都係第一次攞到「最受歡迎男歌星」[53]。《青春常駐》亦做咗其中一隻十大中文金曲。佢喺呢年度以13.5個獎，第一次做咗四台頒獎禮嘅大贏家[54]。
而佢喺《新城勁爆頒獎禮2014》同《2014年度叱咤樂壇流行榜頒獎典禮》攞獎嗰陣，幾次表示唱呢隻歌時會諗到香港多啦A夢配音員林保全。喺2015年1月2號林保全病逝，佢喺Instagram寫文懷念林保全，其中仲引用咗第一句歌詞「叮噹可否不要老 伴我長高」[55]，再次引起共鳴，喺2015年嘅第二個禮拜，喺叱咤樂壇流行榜第二次重新上榜[48]，呢個情況都幾少有。而喺YouTube方面，截至2020年4月，《青春常駐》攞到超過5百萬點擊率同超過18,000讚好嘅成績，係張敬軒YouTube點擊率最高嘅其中一隻歌。
2015年，張敬軒出咗細碟《Felix》[56]，其中《找對的人》同《過客別墅》係四台冠軍歌，而《緋荔榭‧少年》就做咗兩台冠軍歌。同年11月，佢喺廣州舉行Hins Live in Passion世界巡迴演唱會，又喺10月同11月分別舉行KKBox Live 張敬軒OneDay音樂會同王菀之×張敬軒×林嘉欣903拉闊音樂．劇場版音樂會，都有好評。
喺2015年尾嘅各台音樂頒獎禮入面，佢繼續以王者姿態攞咗各個獎項。喺叱咤樂壇流行榜頒獎典禮入面，佢成功贏咗上一屆得主周柏豪同陳奕迅，攞咗歌唱生涯中第一個叱咤樂壇男歌手金獎，歌曲《找對的人》係專業推介．叱咤十大第4位同時獲提名為叱咤樂壇我最喜愛嘅歌曲大獎5強。喺十大中文金曲頒獎音樂會入面，《找對的人》係十大中文金曲之一，佢亦都連續幾年攞咗優秀流行歌手大獎同全國最佳歌手男歌手獎，重攞埋2015年度勁歌金曲頒獎典禮最受歡迎男歌星獎，憑歌曲《找對的人》同《過客別墅》一次攞咗2個勁歌金曲獎 。至於新城電台新城勁爆頒獎禮入面，佢就攞新城全球勁爆歌手同新城勁爆年度歌手大獎，成為四大頒獎典禮中嘅大贏家。
喺2016年，佢作出新嘗試，出新大碟《Vibes》[57]，唔再唱好似《櫻花樹下》或《青春常駐》呢尐慢嘅抒情歌，出由黃偉文填詞、cleanup hitter 1 2 3作曲嘅快歌《羅賓》，雖然曲風唔同，但係歌迷同電台都非常受落，《羅賓》派台幾星期就做咗三台冠軍曲。佢又喺《Make Me Proud》入面玩電音，展示另一面風格[58]。另外，《Vibes》入面嘅《不同班同學》都做咗三台冠軍曲，而《風起了》就做咗兩台冠軍曲。除此之外，佢同王菀之合作，出咗《友誼的小船》，都係一首快歌，都係冠軍曲。佢喺同年7月就繼續佢喺馬來西亞舉行嘅張敬軒HINS LIVE IN PASSION 世界巡迴演唱會。另一方面，佢以2000萬接管喺香港佐敦嘅雅旺錄音室Avon Recording Studios，擔任錄音室嘅行政經理，重將錄音室打造成50年代火車卡廂[59][60]。
喺年尾嘅四大音樂頒獎典禮，佢憑《羅賓》攞咗叱咤樂壇流行榜頒獎典禮專業推介叱咤十大第2位同勁歌金曲頒獎典禮勁歌金曲獎，《不同班同學》攞咗十大中文金曲頒獎音樂會十大中文金曲，《風起了》攞咗勁歌金曲頒獎典禮勁歌金曲獎。佢就連續第2年攞咗叱咤樂壇流行榜頒獎典禮叱咤樂壇男歌手金獎，重攞埋十大中文金曲頒獎音樂會優秀流行歌手大獎、銷量男歌手大獎、新城勁爆頒獎禮勁爆男歌手金獎同勁歌金曲頒獎典禮最受歡迎男歌星，再次係四大頒獎典禮中嘅大贏家。
暫別樂壇：2017年
[編輯]2017年1月，張敬軒分別喺Instagram、微博同個人Facebook宣布成為新一季湖南衛視節目《歌手2017》嘅首發歌手[61]。《歌手2017》微博公布上載節目宣傳海報，以「他的音樂治癒而勵志；他的音樂純粹而清心」介紹張為新一季節目嘉賓[62]。張敬軒都喺微博上載片段，表示自己「即將參與節目，希望樂迷關註，不見不散」[61]。文章上載幾日後，因陳淨心喺佢嘅微博號召網民向中國廣電總局抗議，話張敬軒「不是港獨卻比港獨更可惡」。之後，微博賬戶「共青團中央」發佈文章「輿情觀察：張敬軒相關言論梳理」[63]，話佢因為之前嘅佔中言論畀中國大陸網友抵制，呢篇文發佈後輿論爆發。之後，張敬軒所屬嘅英皇作出回應，話電視台同英皇共同決定終止合作，張敬軒退出節目[64][65]。
同年2月完成同王菀之嘅《The Magical Teeter Totter演唱會2017》後，張敬軒有意暫別樂壇鑽研古典音樂[66]。
2017年9月，倫敦音樂學院喺香港大學入面嘅月明劇院搞咗130周年音樂會暨畢業禮，張敬軒當日獲頒榮譽碩士，亦交出佢嘅畢業作品，佢同音樂總監已構思將自身廣東歌作品《迷失表參道》同《青春常駐》兩隻歌重新編曲，做咗6分鐘Medley。張敬軒希望將古典同流行音樂兩者結合，突出New Age Style獨特風格。並覺得香港人應該多吸收唔同藝術，佢亦希望由已故黃霑填詞嘅《Blessing》，做到樂迷心目中歷久常新嘅經典[67]。
平穩復出：2018年－依家
[編輯]2018年第一日，張敬軒推出新派台歌曲《缺》，成為休養之後復出嘅頭砲[68]。
2018年，舉行「張敬軒降兩度演唱會2018」演唱會，先後加開3場，成為佢喺紅磡體育館開辦嘅演唱會以嚟最多嘅場數。而喺宣傳海報上亦穿上由川久保玲所設計嘅Comme des Garçons S/S 2018的玩具頸鏈[69]。
2018年12月，張敬軒3隻派台歌《缺》、《天才兒童1985》、《百年樹木》入選「叱咤樂壇我最喜愛的歌曲」15強，《百年樹木》更入選「叱咤樂壇我最喜愛的歌曲」最後5強。派台歌《百年樹木》喺2018年度最後一個禮拜獲叱咤樂壇流行榜、勁歌金榜做咗冠軍歌，令張敬軒做咗香港樂壇首位喺年度內獲四台「一碟4冠」嘅歌手[70]，《Senses Inherited》亦都係四台夾埋攞到「一碟4冠」嘅粵語專輯。
喺2018年度叱咤樂壇流行榜頒獎典禮，張敬軒攞到叱咤樂壇男歌手金獎同憑住《百年樹木》攞到叱咤樂壇我最喜愛的歌曲大獎[71]，佢亦喺《第41屆十大中文金曲 「用心．聽」音樂會》首次攞到「最優秀流行男歌手大獎」[72]。張敬軒喺《勁歌金曲頒獎典禮》第四次攞到「最受歡迎男歌星」同憑《百年樹木》攞到「勁歌金曲金獎」。喺四大頒獎禮夾埋攞到15.5個獎[73]，做咗2018年度樂壇大贏家。
2019年5月9號，國際唱片業協會（香港會）頒發兩張金唱片予張敬軒，兩張新出嘅專輯《Dahlia II》同《Senses Inherited》都喺一年內達到金唱片銷量[74]。
2019年11月15號，張敬軒所屬嘅英皇娛樂出聲明話，基於交通情況同安全考量，宣佈2019年11月22至25號喺香港體育館搞嘅《張敬軒×香港中樂團盛樂演唱會》取消[75]。
2020年3月26號，張敬軒喺Instagram透露上年搞唔成嘅演唱會會喺嗰年同樣時間11月22至25號搞返[76]。同年11月22號，張敬軒喺香港體育館搞《張敬軒×香港中樂團盛樂演唱會》，係武漢肺炎大爆發後第一個喺紅館搞演唱會嘅歌手[77][78]；亦話就算入座率低都唔緊要[79]。2020年12月19號，張敬軒所屬嘅英皇娛樂隔咗一年幾後出咗新歌兼3香港廣告歌《見或不見》[80]。
2021年1月7號，張敬軒無預警推出合輯《The Brightest Darkness》[81]。
音樂作品
[編輯]由2001年到依家，張敬軒夾埋出過8張粵語大碟、4張國語大碟、5張細碟、4張雜錦碟、2張翻唱專輯、3張音樂會專輯、3張合輯、6張演唱會專輯。
錄音室專輯
[編輯]|
粵語大碟
|
國語大碟
|
|
|
細碟
|
雜錦碟
|
|
|
翻唱專輯
|
合輯
|
|
現場專輯
[編輯]|
音樂會專輯
|
演唱會專輯
|
|
影視作品
[編輯]張敬軒由2003年開始涉獵影視範疇，第一個影視作品係廣播劇《長夜不眠》，喺2004年更參與電影《我的大嚿父母》客串，2006年首次參與音樂劇演出——《Big Nose》客串，喺2008年首次涉獵配音範疇為《跑Online》扮軒少配音，2012年首次參與舞台劇範疇——《我和秋天有個約會》主演，喺2015年發行首部微電影作品《靈魂相認》，喺2019年更發行首張個人特輯作品——《軒仔與他的產地》。張敬軒由2003年到依家夾埋有10部電影作品、2部微電影作品、4部配音作品、4個音樂劇作品、3個舞台劇作品、10個廣播劇作品、4個電視劇有作品、1張個人特輯作品、1張影集。
主要事件
[編輯]批評梁國雄
[編輯]出席2008年香港立法會選舉揭幕禮時，張敬軒批評「長毛」梁國雄「博出位」，重表示曾經以當上香港特首做志願。此話一出，張敬軒即被各方批評大言不慚，身為廣州人唔了解香港政治卻大放厥辭。此舉都引起梁國雄嘅支持者爭論，重有網友喺Facebook社交網站發起聲討張敬軒嘅行動[82]。
支持雨傘運動
[編輯]近年張敬軒因支持撤回德育及國民教育科，同聲援2014年香港雨傘運動、旺角騷亂而獲得網民讚賞。[83] 張敬軒喺2014年同黃秋生同舞台劇《Equus》團隊合唱歌曲《問誰未發聲》。佢表示，「這首歌我希望以後香港有大是大非的時候，就拿出來鼓勵民眾」。[84]，另外因張敬軒曾稱「香港是中國民主的最後一片淨土」，隨即有香港人陳淨心舉報張敬軒「港獨」，「令稍微有點愛國心的港人都會感到心寒」。2014年，張敬軒公開表示自己只為學生安全，先喺公開場合作出言論，但被人斷章取義，強調自己完全冇觸及港獨同國家分裂嘅言論。[85] 有傳言事後張敬軒被內地當局封殺，但佢之後多次返廣州上台、上電視台節目都無事，一度受邀請參加《歌手2017》[86]。
被指支持「港獨」
[編輯]2017年1月，張敬軒宣佈參加湖南衛視《歌手2017》之後，又被香港親共人士陳凈心指「港獨」。盡管佢喺微博發表千字文，強調同重申自己唔支持港獨，重受到中國大陸多家主流媒體嘅集中批判，《環球時報》刊發題做《 敬軒啊，祖國媽媽的大腿不是你想抱就能抱！》嘅報道，以「網友」之口把「吃飯砸鍋」嘅張敬軒譏諷咗佢[87]；《中國國防報》就刊文《決不允許藝人吃中國飯砸中國鍋》，援引合肥軍事法院副院長何南傑嘅言論，對張敬軒評論道「對於那些餵不熟的白眼狼」，掉進湯鍋嘅「老鼠屎，不能手軟。」[88]。湖南衛視重將佢從《歌手》節目除名，連之前錄影好嘅視頻，都被刪除。2017年1月17號，張敬軒所屬嘅英皇作出回應，指退出節目，呢個係電視台同英皇共同決定終止合作，又指「外間的聲音」對張敬軒同電視台都造成巨大壓力[89]。
人物評價
[編輯]張敬軒被叫做「E世代全才唱作人」，作詞、作曲、編曲、錄音、製作、演唱無嘢唔識。佢年紀細細就試到出名嘅滋味，但喺佢身上就根本睇唔到外界評論80年代出生者嘅自傲同浮躁，反而感覺有一種特別嘅純淨氣質。生活入面嘅張敬軒，一雙深邃嘅大眼睛靈氣逼人，顯得輕鬆、隨意，十足嘅鄰家大男孩一個。佢唔單止健談，而且思路清晰，沈穩而唔失率真，自信而唔狂妄，言談舉止都透出同齡人冇嘅一份成熟（騰訊評）[90]。
佢嘅演藝水平，喺香港做戲10年以上嘅都未必做得到（黃秋生評）[91]。
佢係一個好歌手。好歌手其中一個特質係，有佢自己嘅諗法（林夕評）[92]。
佢確實係個唔可以錯過好歌手，有住樂壇唔可以缺嘅好聲線（洪濤評）[93]。
廣告、代言
[編輯]| 年份 | 廣告品牌 | 廣告類型 |
|---|---|---|
| 2002年 | 廣州東海堂冰皮月餅 | 電視廣告 |
| 2003年 | 環球唱片中文精選碟《存為愛》 | 電視廣告 |
| 2007年 | OTO Master Relax音樂按摩椅 | 平面及電視廣告 |
| 跑online (配音角色軒少) | 平面及電視廣告 | |
| Lipton奶茶 | 電視廣告，另推出網劇 | |
| 2008年 | 雀巢淳茶舍烏龍茶 | 平面及電視廣告 |
| 嘉勳教育中心 | 巴士車身及電視廣告 | |
| 2009年 | 四洲紫菜 | 平面及電視廣告 |
| 雀巢淳茶社大紅袍烏龍茶 | 平面及電視廣告 | |
| 嘉勳教育中心 | 巴士車尾及電視廣告 | |
| Sennheiser (HD800 及 IE系列) | 平面廣告 | |
| 2010年 | 豐澤3D電視 | 電視廣告 |
| 嘉勳教育中心 | 巴士車尾及電視廣告 | |
| Sennheiser (PX200-ii、iPhone手機耳機、無線耳機及表現系列) | 平面廣告 | |
| KOYO Jeans | 網上及平面廣告、Fashion Show | |
| 2011年 | KOYO Jeans | 網上及平面廣告 |
| 嘉勳教育中心 | 巴士車尾及電視廣告 | |
| 2012年 | 合和實業40週年 | 電視廣告旁白 |
| 2012-2015年 | Sennheiser | 平面廣告 |
| 2013-2015年 | 珠江純生 (內地) (電視廣告及廣告歌 是時候放鬆一下) | 平面及電視廣告 |
| 2015年 | 英皇珠寶Heartbeat系列 | 平面及網上廣告 |
| 2016年 | The Body Shop (植物幹細胞活肌精華) | 平面及網上廣告 |
| 2017年 | AIA Vitality 健康程式 2017 | 平面及電視廣告 |
| Citi® JETCO Pay App | 網上廣告 | |
| CHANEL GABRIELLE香水 | 網上廣告 | |
| 2018年 | Samsung Galaxy S9 | 網上廣告 |
| 麥當勞 Shake and Dip | 平面及電視廣告 | |
| 3HK全新5G廣告 | 電視廣告 | |
| 英皇財務廣告 | 平面、電視及網上廣告 | |
| 2019年 | 3HK 世界為一 | 平面及電視廣告 |
| 香港京都念慈菴 (川貝枇杷膏) | 平面、電視及網上廣告 | |
| 麥當勞 Shake and Dip | 平面及電視廣告 | |
| IPSA多功能美肌流金水 | 網上廣告 | |
| Citibank花旗銀行 (Citi Mobile Banking & Citi Global Wallet) | 平面及網上廣告 | |
| 可口可樂PLAY歌作樂 | 平面及網上廣告 | |
| 英皇珠寶Sunray系列 | 平面及網上廣告 | |
| 3HK (3 Supreme) | 平面及網上廣告 | |
| MediLASE | 網上廣告 | |
| Starbucks Capsule | 網上廣告 | |
| Boy De CHANEL化妝品 | 網上廣告 | |
| CHANEL No.5 香水 Limited Edition | 網上廣告 | |
| CHANEL Boutique | 網上廣告 | |
| 2020年 | Citibank信用卡 | 平面及網上廣告 |
| Fresh | 平面及網上廣告 | |
| 3HK (廣告歌 見或不見) | 平面、電視及網上廣告 | |
| 2021年 | 博士倫Ultra One Day | 平面、電視及網上廣告 |
| Citi Mobile App | 平面及網上廣告 | |
| Citi Plus | 平面、電視及網上廣告 | |
| 可口可樂 星級團年飯：用味道講親情 | 網上廣告 | |
| 可口可樂 百家滋味 一起細味 | 網上廣告 | |
| Fresh | 平面、電視及網上廣告 | |
| 戶戶送 Deliveroo | 網上廣告 | |
| 樂敦盈極潤人工淚液 | 平面、電視及網上廣告 | |
| KFC | 平面、電視及網上廣告 | |
| Jo Malone London | 平面及網上廣告 | |
| AIA Health & Wellness 360（聲音導航） | 電視及網上廣告 | |
| Pandora Moments 星空系列 | 網上廣告 | |
| Chanel Factory N°5 | 網上廣告 | |
| Berluti | 網上廣告 | |
| Baccarat | 網上廣告 | |
| Paul Smith | 網上廣告 |
宣傳大使
[編輯]| 年份 | 廣告品牌 | 大使名銜 |
|---|---|---|
| 2005年 | 中馬文化交流大使 | |
| 信息時報 | 愛心大使 | |
| 2006年 | 青年文化形象大使 | |
| 香港電腦通訊節 | IT大使 | |
| 第九屆粵港澳普通話大賽 | 普通話推廣大使 | |
| 廉潔新生代創明Teen | 廉潔新生代大使 | |
| 耆康麵義賣月 | 活動大使 | |
| 2007年 | 版權之星 | |
| 匡智關懷大使 | ||
| 職安Power全起動07/08啟動禮 | Teen Power職安大使 | |
| 2008年 | 香港音樂匯展2008 | 香港音樂匯展大使 |
| 奧比斯 | 光明大使 | |
| 第七屆香港傑出少年選舉 | 傑出少年選舉之星 | |
| 廉潔新生代創明Teen | 廉潔新生代大使 | |
| 誇啦啦職業特攻 | 零售業職業特攻 | |
| 2009年 | 飢饉三十 | 饑饉之星 |
| 太陽計劃 | 榮譽太陽大使 | |
| 基本法嘉年華大使 | ||
| 香港成報 | 慈善大使 | |
| 廣東嘉佳卡通頻道 | 暑期推廣大使 | |
| 國慶60周年青年大使 | ||
| 2010年 | 世界水日「杯中願」行動 | 行動大使 |
| 第十屆華語音樂傳媒大獎 | 十週年形象大使 | |
| 廣州亞運會 | 廣州亞運會香港地區志願者大使 | |
| ERB 創‧新‧TEEN | 體驗日大使 | |
| 2011年 | 2011全球同抗愛滋病運動 | 活動大使 |
| 麥王爭霸 | 形象大使 | |
| 2012年 | 飢饉三十 | 饑饉之星 |
| 羊城地鐵報 | 環保大使 | |
| NetY 互聯網教育種子先導計劃聯合國網絡大使選拔大賽 | NetY聯合國網絡管治論壇榮譽大使 | |
| 2019年 | 義工運動 Volunteer Movement | 2019義工運動之星 |
| 第27屆 Le French May 法國五月 (第11屆 法國美食薈) | 法國五月美食薈大使 | |
| 7·7無國界醫生日 | 榮譽行動大使 |
榮譽同獎
[編輯]| 年份 | 獎項 |
| 2002年 | |
| 2003年 |
|
| 2004年 |
|
| 2005年 |
|
| 2006年 |
|
| 2007年 |
|
| 2008年 |
|
| 2009年 |
|
| 2010年 |
|
| 2011年 |
|
| 2012年 |
|
| 2013年 | |
| 2014年 |
|
| 2015年 |
|
| 2016年 |
|
| 2017年 |
|
| 2018年 |
|
| 2019年 |
|
參考
[編輯]- ↑ 〈我以前在影音公司上班的卡片〉。張敬軒Instagram。2017-01-09。
- ↑ 〈自爆有6%越南血統-張敬軒考慮出越南歌〉。《頭條日報》。2019-03-21。原先內容歸檔喺2021-02-28。喺2021-02-26搵到。
- ↑ 〈我的志願〉。hinscheung instagram。喺2021-02-25搵到。
- ↑ 〈E世代全才唱作人:张敬轩〉。《网易 娱乐圈 星光灿烂》。2005-01-09。原先內容歸檔喺2020-09-04。喺2019-01-06搵到。
- ↑ 〈E世代全才唱作人:张敬轩〉。2004-09-28。原著喺2020-09-04歸檔。喺2019-01-06搵到。
- ↑ 〈存档副本〉。原先內容歸檔喺2020年10月28號。喺2017年5月12號搵到。
- ↑ 〈張敬軒:鐵了心做廣州特色的個人演唱會〉。原著喺2016年12月30號歸檔。喺2017年5月12號搵到。
- ↑ 〈存档副本〉。原先內容歸檔喺2017年1月10號。喺2017年5月12號搵到。
- ↑ Hong Kong Toolbar。〈張敬軒重情義 擁3名字記念家人〉。YouTube。原先內容歸檔喺2021年2月28號。喺2021年2月22號搵到。
- ↑ 881903.com 商業電台 on Facebook Watch (英文), 原先內容歸檔喺2021-12-11, 喺2021-07-29搵到
- ↑ 11.0 11.1 〈《軒仔與他的產地》走過捱麵包日子患抑鬱症日子 張敬軒：曾想拿刀斬經理人 - 香港經濟日報 - TOPick - 娛樂〉。topick.hket.com。原先內容歸檔喺2021-07-30。喺2021-07-30搵到。
- ↑ 〈陳鼎禮與張敬軒曖昧 非常投緣要認契仔〉。新浪娛樂。2010年1月14號。原著喺2014年7月26號歸檔。喺2017年11月16號搵到。
- ↑ 〈張敬軒終極回應 與關智斌緋聞：全屬虛構〉。東周網。2016年10月17號。原先內容歸檔喺2019年7月19號。喺2017年5月12號搵到。
- ↑ 〈【專題】張敬軒古老別墅曝光！想住古蹟有咩計？〉。地產站。2013-05-30。原先內容歸檔喺2016-12-22。喺2017-05-12搵到。
- ↑ 〈容祖兒七不思議MV 訪問〉。原先內容歸檔喺2020年9月4號。喺2017年5月12號搵到。
- ↑ 〈容祖兒 - 七不思議〉。原先內容歸檔喺2020年9月4號。喺2017年5月12號搵到。
- ↑ 劉傳謙 (2021-04-12)。〈張敬軒半山百年大宅開線上音樂會 曾為保育外借舊居幫容祖兒拍MV〉。《香港01》 (香港中文)。原先內容歸檔喺2021-07-30。喺2021-07-30搵到。
- ↑ 《張敬軒重情義 擁3名字記念家人》 (英文)，原先內容歸檔喺2021-02-28，喺2021-02-22搵到
- ↑ 〈張敬軒獲頒音樂碩士 日練唱歌4小時：我不是天生靚聲【有片】 - 香港經濟日報 - TOPick - 休閒 - D170825〉。web.archive.org。2020-09-04。歸檔時間2020-09-04。喺2021-02-22搵到。
{{cite web}}: CS1 maint: bot: original URL status unknown (link) - ↑ 〈獨家專訪張敬軒：廣州人在香港〉。原著喺2017年8月24號歸檔。喺2017年5月12號搵到。
- ↑ 〈張敬軒 港漂10年〉。原著喺2017-01-14歸檔。喺2017-05-12搵到。
- ↑ http://hd.stheadline.com/ent/ent_content.asp?contid=37231&srctype=g&int_split_from=1 Archive.is嘅歸檔，歸檔日期2016年12月29號， 張敬軒 不如做份政府工
- ↑ 〈張敬軒〉。原著喺2017年8月24號歸檔。喺2017年5月12號搵到。
- ↑ 張敬軒‧怕夢醒一場空 互聯網檔案館嘅歸檔，歸檔日期2019年6月26號，.，明報，2008年1月25號
- ↑ 〈【肺癌期間全心工作】霑叔咳住填詞打氣 軒仔：辛苦程度從未聽過〉。原先內容歸檔喺2017年6月2號。喺2017年5月12號搵到。
- ↑ http://eastweek.my-magazine.me/main/30631 互聯網檔案館嘅歸檔，歸檔日期2019年7月19號，. 說故事的人 張敬軒
- ↑ 〈吳日言做個「野蠻女友」 - 香港文匯報〉。paper.wenweipo.com。原先內容歸檔喺2021-12-11。喺2021-07-28搵到。
- ↑ 陳怡東 (2015年)。《当世事再没完美：香港流行乐坛1974-2013》。BEIJING BOOK。
- ↑ 彭嘉彬 (2017-10-14)。〈【一首歌】張敬軒《笑忘書》 「得到同樣快樂 彼此亦有沮喪」〉。《香港01》 (香港中文)。原先內容歸檔喺2021-04-11。喺2021-07-28搵到。
- ↑ 黃浩晉 (2017-11-17)。〈張敬軒翻唱更有味道 《留低鎖匙》原唱係邊個你知唔知？〉。《香港01》 (香港中文)。喺2021-07-28搵到。
- ↑ 〈【廣東爆谷】張敬軒深情唱跨年代金曲 《明日之廣東歌》限量收藏本預購15分鐘售罄 - 香港經濟日報 - TOPick - 娛樂〉。topick.hket.com。原先內容歸檔喺2021-07-28。喺2021-07-28搵到。
- ↑ 頭條日報。〈【唐奕聰猝逝】合作金曲《酷愛》張敬軒感恩生命中相遇〉。《頭條日報 Headline Daily》 (英文)。原先內容歸檔喺2021-07-28。喺2021-07-28搵到。
- ↑ 新浪娱乐 (2017-01-09)。〈《歌手》"唱作悍将"张敬轩确定首发加盟〉。ent.sina.com.cn。原先內容歸檔喺2021-07-28。喺2021-07-28搵到。
- ↑ 郭敏玲 (2017-06-29)。〈【任噏亂評】2017年樂壇hit過啲乜？ 講返十年前反而仲記得〉。《香港01》 (香港中文)。原先內容歸檔喺2021-12-11。喺2021-07-28搵到。
- ↑ 〈曾经"神仙打架"的十大劲歌金曲颁奖礼，如今成了TVB员工表彰大会 | 南方周末〉。www.infzm.com。喺2021-07-28搵到。
- ↑ 張敬軒四月紅館開個唱[失咗效嘅鏈]，東方日報，2008年1月25日
- ↑ 〈第十一屆廣州傑出青年評選活動特刊 p.18〉。原先內容歸檔喺2020年9月4號。喺2017年5月12號搵到。
- ↑ 新浪音樂 (2013-06-25)。〈張敬軒打造皇宮級錄音室面臨拆遷危機〉。原先內容歸檔喺2020-09-04。喺2017-05-12搵到。
- ↑ 3158財富廣州 (2013-11-29)。〈張敬軒廣州豪華錄音室遭拆遷政府賠償六成費用〉。原先內容歸檔喺2021-05-22。喺2021-02-24搵到。
- ↑ 金鷹網 (2013-11-29)。〈張敬軒錄音室將被清拆開業僅兩年或虧損幾百萬〉。原先內容歸檔喺2021-02-28。喺2021-02-24搵到。
- ↑ 〈【世界級，又如何？】內地政府收地 張敬軒五千萬錄音室要拆！〉。原先內容歸檔喺2017年9月26號。喺2017年5月12號搵到。
- ↑ 〈存档副本〉。原先內容歸檔喺2020年3月28號。喺2017年5月12號搵到。
- ↑ 〈張敬軒收復3年失地〉。昔日東方。2014-03-16。原先內容歸檔喺2021-02-28。喺2020-02-26搵到。
- ↑ 〈回報楊受成知遇之恩 張敬軒加盟英皇勁袋千萬〉。《星島日報》。Yahoo新聞。2013-07-31。原先內容歸檔喺2013-08-29。喺2021-02-26搵到。
- ↑ 〈東方日報C1：張敬軒王牌歌手地位不變〉。東方日報。2017-01-17。原先內容歸檔喺2021-02-28。喺2021-02-26搵到。
- ↑ 阿菲 (2014-10-16)。〈张敬轩《Morph》将面世 抱恙跳弹床拍封面〉。新浪音樂。原先內容歸檔喺2021-02-28。喺2021-02-26搵到。
- ↑ 〈譚玉瑛姐姐熱爆YouTube 編劇：她值得華麗告別〉。明報。2014-11-18。原先內容歸檔喺2021-02-28。喺2021-02-26搵到。
- ↑ 48.0 48.1 〈1月2日之廣東歌〉。商業電台。2021-01-01。原先內容歸檔喺2021-02-28。喺2021-02-26搵到。
- ↑ 〈張敬軒憑《青春常駐》奪叱吒十大歌曲獎第二位〉。明報。2015-01-01。原先內容歸檔喺2021-02-28。喺2021-02-26搵到。
- ↑ 〈叱咤賽果外泄 柏豪千嬅摘金 祖兒贏最喜愛女歌手獎〉。《星島日報》。Yahoo財經。2014-12-31。原先內容歸檔喺2021-02-28。喺2021-02-26搵到。
- ↑ 〈2014年度叱咤樂壇流行榜頒獎典禮〉。my903.com 商業電台 Facebook。2015-01-02。原先內容歸檔喺2021-02-28。喺2021-02-26搵到。
- ↑ 〈「第三十七屆十大中文金曲頒獎音樂會 」〉。英皇娛樂 EEG。2015-01-10。原先內容歸檔喺2021-02-28。喺2021-02-26搵到。
- ↑ 〈【勁歌總選】張敬軒首奪「最受歡迎男歌星」〉。明報。2015-01-18。原先內容歸檔喺2021-02-28。喺2021-02-26搵到。
- ↑ 〈軒仔勢壓謝安琪做樂壇獎王〉。昔日東方。2015-01-11。原先內容歸檔喺2015-07-04。喺2021-02-26搵到。
- ↑ 〈張敬軒：叮噹！我好掛著你 你出翻嚟啦好嘛？〉。立場新聞。2015-01-02。原先內容歸檔喺2021-06-23。喺2021-02-26搵到。
- ↑ 〈張敬軒出碟紀念舊居〉。東方日報。2015-12-16。原先內容歸檔喺2021-02-28。喺2021-02-26搵到。
- ↑ 〈张敬轩《Vibes》：没有重点但有新意〉。新浪音樂。2016-11-02。原先內容歸檔喺2016-11-03。喺2021-03-01搵到。
- ↑ 〈你的青春 他的愛情 我們的歌—張敬軒〉。KKBOX。2016-10-25。原先內容歸檔喺2019-12-06。喺2021-03-01搵到。
- ↑ http://nextplus.nextmedia.com/news/latest/20160402/380541/%E5%BC%B5%E6%95%AC%E8%BB%92 互聯網檔案館嘅歸檔，歸檔日期2018年8月15號，. 新錄音室玩懷舊 張敬軒舊錄音室有睡房仲堅
- ↑ http://kicksound.com.hk/avoninterview/ 互聯網檔案館嘅歸檔，歸檔日期2017年7月10號，. 【AVON Remastered】重塑香港錄音殿堂－「AVON」雅旺錄音室專訪
- ↑ 61.0 61.1 陳奕熙 (2017-01-09)。〈張敬軒突轉軚參加《我是歌手5》 網民失望：點解咁冇骨氣〉。香港01。原先內容歸檔喺2021-02-28。喺2021-02-26搵到。
- ↑ 〈傳張敬軒被踢出《我是歌手》 節目官方微博刪走宣傳照〉。2017-01-14。原著喺2021-02-28歸檔。喺2021-02-26搵到。
- ↑ 〈【舆情观察】张敬轩相关言论梳理〉。www.weibo.com。2017-01-14。原先內容歸檔喺2020-03-28。喺2017-01-30搵到。
- ↑ 〈【壓力巨大】英皇確認張敬軒退出《歌手》：雙方共同決定終止合作〉。蘋果日報。2017-01-17。原先內容歸檔喺2021-02-28。喺2017-01-20搵到。
- ↑ 〈【尋找軒仔的蹤影】張敬軒完全消失《歌手2017》 全靠紅頭先見到少少〉。蘋果日報。2017-01-22。原先內容歸檔喺2020-08-12。喺2017-01-26搵到。
- ↑ 彭嘉彬 (2017-02-20)。〈張敬軒暫別樂壇去讀書？ 英皇：會去美國進修音樂〉。原先內容歸檔喺2020-03-28。喺2017-02-20搵到。
- ↑ 〈張敬軒望進修 夢想指揮樂團〉。《明周娛樂》。原著喺2017-09-01歸檔。喺2017-09-01搵到。
- ↑ 〈張敬軒為拍新歌《缺》MV入 「院」〉。now新聞。2018-01-10。原先內容歸檔喺2021-02-28。喺2021-02-26搵到。
- ↑ 〈又一名穿「久保玲」的人！〡張敬軒演唱會海報的Comme des Garçons Spring 2018 頸鏈〉。原著喺2018-05-17歸檔。喺2018-05-31搵到。
- ↑ 〈張敬軒 四首四台冠軍歌 破香港樂壇紀錄〉。英皇娛樂。2019-01-15。原先內容歸檔喺2019-07-06。喺2021-02-26搵到。
- ↑ 陳栢宇 (2019-01-02)。〈【叱咤2018】《百年樹木》奪最喜愛歌曲 張敬軒終於由頭唱到尾〉。香港01。原先內容歸檔喺2020-06-24。喺2021-02-26搵到。
- ↑ 〈第41屆十大中文金曲得獎名單〉。明報OL。2019-01-03。原先內容歸檔喺2019-09-12。喺2021-02-26搵到。
- ↑ 〈好想幫佢打工！張敬軒擸15.5個獎豪搞慶功〉。東方日報。2019-01-13。原先內容歸檔喺2021-02-28。喺2021-02-26搵到。
- ↑ 〈張敬軒一早知Kenny被狂迷纏身：恐怖過我〉。東方日報。2019-05-09。原先內容歸檔喺2021-02-28。喺2021-02-26搵到。
- ↑ 黃浩晉 (2019-11-15)。〈張敬軒演唱會取消 英皇發聲明：為顧及所有觀眾及參與者的安全〉。香港01。原先內容歸檔喺2020-03-27。喺2019-11-15搵到。
- ↑ 彭嘉彬 (2020-03-26)。〈【張敬軒演唱會】盛樂11月重啟 重溫4首中樂改編「軒式情歌」〉。香港01。原先內容歸檔喺2021-02-22。喺2021-02-21搵到。
- ↑ 〈張敬軒疫後紅館第1騷 我返嚟喇！〉。《東方日報》。Yahoo新聞。2020-11-23。原先內容歸檔喺2020-12-05。喺2021-02-26搵到。
- ↑ 馬意文 (2020-11-10)。〈【張敬軒X香港中樂團盛樂演唱會】張敬軒演唱會11月舉行 加開兩場今日發售〉。香港經濟日報。原先內容歸檔喺2021-02-22。喺2021-02-21搵到。
- ↑ 劉傳謙 (2020-11-22)。〈張敬軒成首位重返紅館開騷歌手 入座率低仍滿意：以往會好唔開心〉。《香港01》 (香港中文)。原先內容歸檔喺2020-11-25。喺2021-07-28搵到。
- ↑ 〈3香港最強5G網絡 全力策動張敬軒新歌《見或不見》〉。am730。2021-01-05。原先內容歸檔喺2021-02-22。喺2021-02-21搵到。
- ↑ 〈新碟銷售秒殺 張敬軒網上「現身」答謝支持〉。加拿大星島日報。2021-01-09。原先內容歸檔喺2021-01-10。喺2021-02-21搵到。
- ↑ 選舉揭幕禮 「長毛」博出位 王菀之現場上一課 互聯網檔案館嘅歸檔，歸檔日期2020年9月4號，. - 香港文匯報 [2008-07-20]
- ↑ 〈新城知訊台《還看今天》〉。原先內容歸檔喺2016年4月18號。喺2017年5月12號搵到。
- ↑ 〈黃秋生張敬軒唱《問誰未發聲》 軒仔撐長毛批林鄭〉。原先內容歸檔喺2017年2月1號。喺2017年5月12號搵到。
- ↑ 〈張敬軒被轟「漢奸」 澄清只關心學生〉。原先內容歸檔喺2017年2月25號。喺2017年5月12號搵到。
- ↑ 參加《我是歌手5》 張敬軒對決林憶蓮 互聯網檔案館嘅歸檔，歸檔日期2017年2月19號，. - 東方網 [2017-01-09]
- ↑ 邢曉婧 (2017-01-16)。〈敬軒啊，祖國媽媽的大腿不是你想抱就能抱！〉。環球時報。原先內容歸檔喺2017-02-02。喺2017-01-30搵到。
- ↑ 周海良 (2017-01-25)。〈決不允許藝人吃中國飯砸中國鍋〉。中國國防報。原著喺2017-01-30歸檔。喺2017-01-30搵到。
- ↑ 〈張敬軒被消失《歌手》 英皇回應：雙方決定終止合作〉。原先內容歸檔喺2017年6月19號。喺2017年5月12號搵到。
- ↑ 〈張敬軒〉。原著喺2012年5月7號歸檔。喺2017年5月12號搵到。
- ↑ 〈黃秋生讚張敬軒100分:演戲10年的都不及他〉。原先內容歸檔喺2016-12-29。喺2017-05-12搵到。
- ↑ 〈存档副本〉。原先內容歸檔喺2020年3月27號。喺2017年5月12號搵到。
- ↑ 〈張敬軒：用好音樂去治愈觀眾〉。原先內容歸檔喺2017-01-16。喺2017-05-12搵到。
出面網頁
[編輯]- 張敬軒嘅Instagram頁
- 張敬軒嘅facebook頁
- 張敬軒 英皇娛樂網站
- 張敬軒嘅新浪微博
