每天愛你多一些

出自維基百科,自由嘅百科全書
跳去導覽 跳去搵嘢
每天愛你多一些
張學友
收錄喺專輯情不禁
發行日期1991年1月23號 (1991-01-23)
填詞林振強
作曲桑田佳祐
編曲杜自持
監製寶麗金唱片公司

每天愛你多一些》係出自香港男歌手張學友唱片《情不禁》嘅一首歌,由寶麗金唱片公司喺1991年1月23號首度發行,監製區丁玉。呢首歌嘅歌詞包括粵語華語兩個版本,亦係1993年香港電影《飛越謎情》主題曲。

背景[編輯]

《每天愛你多一些》原曲係《真夏的果實》(真夏の果実),由日本樂隊南方之星演唱,作曲者為該樂隊嘅主唱桑田佳祐。喺香港,曲經林振強填詞、杜自持編曲後,改名《每天愛你多一些》,由張學友演繹,加上張學友積極喺世界各地舉辦演唱會嘅時候都有唱呢首歌,令呢首歌逐漸成為華人地區廣為人知嘅著名流行曲之一。

喺專輯《情不禁》推出後,《每天愛你多一些》成為廣受歡迎嘅一首單曲,喺香港電台十大中文金曲排行榜」上榜多達32週。

1993年,臺灣填詞人姚若龍以國語填寫歌詞,亦由張學友演唱,收錄喺《吻別》專輯中,但國語版本嘅影響力始終唔及粵語版本,包括一啲擅長國語嘅歌手喺翻唱嘅時候都係選擇演唱粵語版本。

《每天愛你多一些》(粵語版)喺推出後唔只迅速搶佔香港市場,亦喺新加坡馬來西亞臺灣中國大陸等地廣受歡迎。喺推出《每天愛你多一些》(國語版)前幾年時間,《每天愛你多一些》(粵語版)為粵語流行音樂喺其他國家同地區嘅普及作出咗一定嘅貢獻。

派臺成績[編輯]

榜單 現時排名 最高排名 上榜週數 冠軍週數 備註
RTHK - 1 17 2週 -
903 - 1 36 4週 -
TVB - 1 29 3週 -

獲得獎項[編輯]

1991年
  • 十大勁歌金曲第一季入選金曲
  • 十大勁歌金曲
  • 十大勁歌金曲——金曲金獎
  • 第十四屆十大中文金曲
  • 十大中文金曲IFPI國際大碟大獎──情不禁
  • 十大中文金曲監製大獎
  • 叱吒樂壇男歌手金獎——演唱歌曲:每天愛你多一些
  • 叱吒樂壇至尊歌曲大獎──每天愛你多一些
  • 叱吒樂壇我最喜愛的歌曲大獎
  • 叱吒樂壇大碟IFPI大獎──情不禁
  • 澳門電台歌中之歌大獎
1997年
1999年
其它
  • 各大音樂頒獎禮的「最佳歌曲獎」

翻唱[編輯]

粵語版本[編輯]

國語版本[編輯]

衍生作品[編輯]

由於呢首歌喺香港人之間深入民心,所以除咗唔少藝人翻唱外,亦有啲香港人囉咗呢首改編做二次創作。

  • 2020年9月,高登音樂台改編咗呢首歌,推出歌曲《每天有雨多一些》,揶揄河南水災災情同埋中國內地水壩虛報容量,誇大防洪功效,同埋政府冇預警排洪導致大量人命傷亡[1]
  • 2020年12月,激進親中派社運領袖李偲嫣因為感染武漢肺炎病逝,網絡創作人晴天林就改編咗《每天愛你多一些》,推出新歌《這天送你私煙姐》,歌詞除咗慶祝李偲嫣嘅死亡,揶揄佢生前出位賣寫真,亦批評佢生前太黑心,又表示希望林鄭月娥香港警察早日遭受報應[2]

參考[編輯]

  1. 【高登音樂台】佚名 - 每天有雨多一些 ( 原曲:每天愛你多一些) 【落地獄呈獻】【高清】 (英文), 喺2021-10-20搵到
  2. 《這天送你私煙姐》晴天林|李偲嫣逝世終年56歲|原曲:每天愛你多一些 (英文), 喺2021-10-20搵到