Private Corner

出自維基百科,自由嘅百科全書
Jump to navigation Jump to search
Private Corner
張學友錄音室專輯
發佈 2010年1月29號
錄製 2008年9月-2009年6月
2009年7月-2009年11月
爵士樂
長度 40:35
唱片公司 Ioi Limited (製作)
上華唱片環球音樂(發行)[1] [2]
製作人 張學友杜自持
張學友專輯年表

在你身邊
(2007年)
Private Corner
(2010年)
醒著做夢
(2014年)

Private Corner》(私人角落)係一張由香港歌手張學友演唱,環球唱片喺2010年1月29號發行嘅粵語唱片。呢張唱片係粵語流行音樂史上嘅首張爵士樂專輯[3]

截至2010年4月初,《Private Corner》喺亞洲地區嘅銷量超過20萬張,係嗰時好少見銷量咁高嘅粵語唱片[4]

專輯介紹[編輯]

自上一張唱片《在你身邊》後,佢3年未出過一張唱片,2009年曾傳出佢將於年中或年底發行粵語專輯,而唱片都喺2009年6月錄完,但佢自己就對唱片幾唔滿意,刪除其中已經錄好嘅6首歌曲重重新選曲灌錄,亦有將唱片母帶送至美國格萊美獎得主Bernie Grundman英文Bernie Grundman進行混音,首版CD就喺德國壓制。[5]唱片中包含9首粵語歌曲以及1首英文歌曲,時間長度為40分35秒。

2009年全年佢共拍攝3部電影,其中《七十二家租客》由無綫電視(TVB)同邵氏合拍,電影拍完後正值趕上四大唱片公司同TVB發生版稅糾紛事件,呢個時候呢張唱片已經就嚟製作完,令宣傳方面存在不可預期嘅變動[6][7]

唱片規劃同埋製作人員嚟自多個國家同地區,包括德國瑞典美國澳洲馬來西亞香港環球唱片公司亦有破天荒嘅喺日本為呢張專輯推出音質都高嘅「玻璃CD」,係首個擁有「玻璃CD」嘅華人歌手,呢張CD售價高達15,000港幣,係至今華人樂壇中最貴嘅一張專輯[8]

唱片中引人注目嘅其中2首歌曲係《月巴女且》同《Everyday Is Christmas》,其中《月巴女且》帶有明顯嘅映射含義,4個字嘅合體字即係「肥姐」沈殿霞,歌曲充滿紀念意義。而《Everyday Is Christmas》係張學友自英文專輯《Touch of Love》後首次收錄英文歌曲,備受樂迷期待。

專輯風格[編輯]

成張專輯嘅曲風係純粹嘅爵士樂風格,重被認為係一張音樂發燒碟。[9]唱片嘅音樂風格唔貼近於最近嘅市場需求,重進行咗大膽嘅反潮流音樂嘗試。佢喺呢張專輯入面將最接近個人嘅音樂風格嘗試到底,其中包括爵士樂華爾滋弦樂四重奏唱詩班風格曲風,多位樂評人認為依家華語樂壇只有到佢呢種高度同地位,冇迎合市場嘅壓力[10],至會專心製作真正屬於音樂嘅唱片,[11]而環球唱片亦首次為華人歌手推出「玻璃CD」。

曲目[編輯]

全碟監製:張學友杜自持 
曲序曲目填詞作曲編曲備註時長
1.迷你陳少琪Bobby Caldwell杜自持改編自美國歌手Bobby Caldwell英文Bobby Caldwell的《Stuck On You》4:00
2.Double Trouble喬星Roxanne Seeman
Kine Ludvigsen
Olav Fossheim
杜自持第三主打歌3:14
3.不只有緣喬星Roxanne Seeman
Daniel Nitt
Daniel Nitt
杜自持
電影《月滿軒尼詩》主題曲4:40
4.十二個音陳少琪Roger Wang杜自持第二主打歌
原名《Love Scale》
4:54
5.月巴女且陳少琪高世章褚鎮東第六主打歌
紀念沈殿霞
3:33
6.戀上你背面陳少琪Peter J. Moore英文Peter J. MoorePeter D. Moore
Holger Skepeneit
原名《Watch Her Walk》3:47
7.Let It Go喬星Roxanne Seeman
Daniele Musto
杜自持第四主打歌4:11
8.找對你喬星Roxanne Seeman
Philipp Steinke
杜自持第五主打歌3:53
9.伯爵茶林若寧Peter J. MoorePeter D. Moore
Holger Skepencit
 4:17
10.Everyday Is Christmas(英語)Philipp SteinkeRoxanne SeemanRoxanne Seeman 4:02
總時長:40:25

歌曲詳細資料[編輯]

  1. 迷你
    冠軍單曲之一嘅《迷你》翻唱喺美國爵士樂大師Bobby Caldwell英文Bobby Caldwell嘅歌曲《Stuck On You》,係成張專輯入面唯一嘅一首翻唱歌曲,陳少琪填詞,杜自持編曲,歌曲嘅形式係典型嘅爵士樂曲風。《迷你》係《Private Corner》專輯嘅第一主打歌,亦係第一首最先曝光MV嘅歌曲。
  2. Double Trouble
    冠軍單曲之一嘅《Double Trouble》由美國著名音樂製作人洛珊·西門,Kine Ludvigsen連同瑞典著名音樂製作人Drängarna英文Drängarna共同作曲,香港新晉填詞人喬星填詞,著名香港音樂人杜自持編曲。呢首歌係典型嘅Big Band(大樂隊)風格,樂器主要有小號、降E薩克斯、薩克斯打擊樂長號鋼琴等。《Double Trouble》嘅歌詞講述一個人喺其一段路程兇險嘅經歷,唔單止令人感覺面對惡人時嘅兇險同小心翼翼嘅心情,又不失爵士樂應有嘅快速節奏跳躍感,佢演繹時淡化咗一啲驚恐,平添咗一份同惡人作鬥爭嘅喜感;其中重有樂評人將它評為成張大碟入面嘅最佳單曲。[12] 呢首歌係《Private Corner》專輯嘅第三主打歌。
  3. 不只有緣
    佢首次同美國著名音樂製作人洛珊·西門德國作曲家丹尼爾·尼特(Daniel Nitt)合作嘅一首爵士樂風格單曲,樂曲採用弦樂四重奏,係唱片《Private Corner》嘅主打歌曲之一。專輯製作人杜自持都有首次同丹尼爾·尼特合作編曲,而填詞就由香港新近填詞人喬星完成。呢首歌係電影《月滿軒尼詩》嘅主題曲。
  4. 十二個音
    冠軍單曲之一嘅《十二個音》由馬來西亞作曲家Roger Wang作曲,香港著名填詞人陳少琪填詞,杜自持編曲,屬於一首詩歌類型爵士樂歌曲。歌曲出自擅長結他演奏嘅馬來西亞作曲家Roger Wang,係《Private Corner》專輯入面為數不多嘅輕快爵士樂旋律歌曲,陳少琪用音域嘅十二個音符,藉以表達歌者喺同音樂嘅接觸入面,好似一對戀人,產生愛情。《十二個音》喺未灌錄完成前被命名做《Love Scale》。呢首歌係《Private Corner》專輯嘅第二主打歌。
  5. 月巴女且
    《月巴女且》由高世章作曲,陳少琪填詞,褚鎮東編曲,係成張專輯入面唯一一首香港人創作歌曲。歌曲同專輯入面其他歌曲一樣,屬於爵士樂範圍入面嘅百老匯音樂劇風格,由於呢張唱片喺製作時佢將歌曲命名權完全交由填詞人,由於歌曲為歌頌已故著名藝人沈殿霞而作,陳少琪用咗組合體文字「月巴女且」從而形成沈殿霞嘅昵稱「肥姐」嚟命名歌曲。歌詞入面充滿對沈殿霞嘅讚頌,尊敬同懷念;歌曲重多次用褒義嘅詞語讚揚佢嘅音樂、電影、電視甚至司儀同主持。呢首歌係《Private Corner》專輯嘅第六主打歌。
  6. 戀上你背面
    《戀上你背面》由加拿大著名音樂製作人Peter J. Moore英文Peter J. Moore作曲,香港著名填詞人陳少琪填詞,並由Peter D Moore同Holger Skepeneit合作編曲。《戀上你背面》係一首帶有好強爵士樂風格嘅歌曲,歌曲配以低音結他,鋼琴同埋降E薩克斯配樂,整體風格傾向喺1930年代嘅紐約布魯斯。陳少琪將上流社會奢華一面寫入歌詞,重將主人公描寫嘅帶有藝術氣息。喺歌曲未正式灌錄前,歌曲嘅名稱係《Watch Her Walk》。
  7. Let It Go
    呢首歌係《Private Corner》專輯嘅第四主打歌。
  8. 找對你
    呢首歌係《Private Corner》專輯嘅第五主打歌。
  9. 伯爵茶
  10. Everyday Is Christmas(英語)

宣傳[編輯]

由於專輯推出前碰上四大唱片公司同TVB發生版稅糾紛事件,因此未能亮相TVB宣傳新歌,缺少咗TVB呢個重要嘅宣傳平台。然而,佢應邀出席2010年1月30號嘅十大中文金曲頒獎音樂會,演唱咗佢嘅新作品《迷你》。當佢演唱時,全體歌手起立,以示對佢嘅尊重同支持,TVB喺直播入面唔可以唔播出嗰次節目,佢都巧妙噉得到喺TVB嘅宣傳嘅機會。

2010年4月30嘅張學友喺香港理工大學賽馬會綜藝館舉行咗一場小型嘅《張學友Private Corner迷你音樂會》,全場都以爵士樂演出,重表示希望有機會今後喺紅磡體育館舉行純粹嘅爵士樂風格嘅演唱會[13]

外界評價[編輯]

呢張唱片係粵語流行音樂史上首張完整嘅爵士樂風格唱片,而喺之前係冇人試過用粵語去嘗試爵士樂唱片[14],對於自1997年後開始衰敗嘅粵語流行音樂,係一種積極嘅刺激同對於未來粵語流行樂發展具備唔同風格樂風嘅大膽嘗試[15]。而內地嘅一啲主流音樂傳媒同樂評人認為呢張唱片係佢演繹生涯入面水準最高嘅一張唱片,重將推動同埋普及喺華語樂壇認知度好低嘅爵士樂做出極大嘅貢獻。[16]

2010年3月,因為唱片推出後銷量極佳,不但長駐各銷量榜冠軍位置,重得到唔少注重錄音質素同音響技術嘅樂迷所喜愛,環球公司隨後喺2010年3月16號推出黑膠唱片,唱片採取180GM,重喺日本進行壓制。之後再喺2010年4月12號推出日本壓制嘅 K2 HD MASTERING-HQCD。

製作團隊[編輯]

派台歌曲及四台成績[編輯]

《迷你》、 《十二個音》、 《Double Trouble》、《Let It Go》、《找對你》同《月巴女且》。

歌曲 903 專業推介 RTHK 中文歌曲龍虎榜 997 勁爆流行榜 TVB 勁歌金榜
迷你 1 1 1 X
十二個音 1 1 3 X
Double Trouble 1 15 4 X
Let It Go 16 X
找對你 5 X
月巴女且 X

粗體表示冠軍歌

第一主打《迷你》成為三台冠軍歌,《十二個音》同《Double Trouble》都成為流行榜冠軍。

香港電臺中文歌曲龍虎榜[編輯]

叱咤903專業推介[編輯]

香港新城電臺勁爆本地榜[編輯]

台灣幽浮勁碟排行榜[編輯]

銷量榜成績(2010年第10周)[編輯]

  • 香港HMV銷量榜: 冠軍(連5星期冠軍)[28]
  • 香港唱片商會銷量榜:冠軍(連6星期冠軍)
  • 香港唱片(Hong Kong Records)銷量榜:冠軍(連6星期冠軍)[29]
  • 香港CD Warehouse銷量榜:冠軍(連5星期冠軍)[30]
  • 臺灣G-music風雲銷量榜:第14名(上榜第5星期,最高第4名)[31]
  • 臺灣five music銷量榜:第4名(上榜第5星期,最高第2名)[32]

參考[編輯]

  1. YesAsia.com:Private Corner (首批限量版)
  2. "TOM.COM:張學友《Private Corner》". (原先內容喺2010-02-07歸檔). 喺2018-12-03搵到. 
  3. 香港經濟日報:歌神全新廣東專輯《Private Corner》 2010年1月29號
  4. "《成報》:早知鄭中基結婚卻不知娶誰 學友:我唔係爆料人". (原先內容喺2011年6月11號歸檔). 喺2018年12月3號搵到. 
  5. 星島日報:《學友重錄新歌超支一倍》 2010年1月24號
  6. "大公報:張學友最鍾意的唱片". (原先內容喺2016年3月4號歸檔). 喺2017年4月27號搵到. 
  7. 成報:版稅事件無得再傾 張學友谷碟 亮相其他電視台[失咗效嘅鏈]
  8. 蘋果日報:《張學友專輯特別版訂價$15,000》2010年1月29號
  9. 《新民晚報》1月28號《張學友新碟爵士風格兼顧發燒》
  10. 中國大眾音樂協會:《張學友新唱片用音樂分享私人角落》[失咗效嘅鏈]
  11. 騰訊網:《Private Corner》:想唱就唱 十分響
  12. 《Private Corner》:想唱就唱 十分響亮
  13. "張學友音樂會僅唱半小時 籌備紅館開爵士個唱". (原先內容喺2010年5月7號歸檔). 喺2018年12月3號搵到. 
  14. 冬青(《當代歌壇》雜誌副主編)[失咗效嘅鏈]
  15. 陳靈偉(電台創意音樂總監)[失咗效嘅鏈]
  16. 張學友《Private Corner》評測:值得細細品味
  17. 香港電台中文歌曲龍虎榜
  18. 香港商業電台903專業推介
  19. 香港商業電台903專業推介
  20. 香港商業電台903專業推介
  21. 香港商業電台903專業推介
  22. 香港商業電台903專業推介
  23. 新城電臺勁爆本地榜單
  24. 新城電臺勁爆本地榜單
  25. 新城電臺勁爆本地榜單
  26. 台灣幽浮勁碟排行榜
  27. 台灣幽浮勁碟排行榜
  28. "HMV HONGKONG". (原先內容喺2018年11月18號歸檔). 喺2019年3月9號搵到. 
  29. "Hong Kong Records". (原先內容喺2007年4月30號歸檔). 喺2018年12月3號搵到. 
  30. "CD WAREHOUSE". (原先內容喺2013年5月20號歸檔). 喺2018年12月3號搵到. 
  31. G-music風雲銷量榜
  32. five music銷量榜