Life Is Like A Dream
| Life Is Like A Dream | ||||
|---|---|---|---|---|
 | ||||
| 張學友嘅錄音室專輯 | ||||
| 發行日期 | 2004年4月20號 | |||
| 錄製時間 | 2003年－2004年 | |||
| 類型 | 粵語流行、中文流行 | |||
| 時長 | 不詳 | |||
| 唱片公司 | IOI Limited製作 上華唱片發行 | |||
| 監製 | 張學友、歐丁玉 | |||
| 張學友專輯年表 | ||||
| ||||
《Life Is Like A Dream》係由香港歌手張學友喺2004年4月20號推出嘅粵語唱片，唱片監製係張學友同歐丁玉。唱片分做香港版（非大陸地區出售）同大陸版本（只限大陸地區出售），專輯全部歌曲都係由張學友作曲、監製，同埋4首歌詞都由佢親自填寫[1]，主打歌曲分別係《講你知》同《給朋友》。
影響[編輯]
成張唱片歌曲都係由張學友親自作曲，意味住佢開始咗真正意義上嘅轉型成爲一名創作型歌手，其中主打歌《講你知》係寫畀佢老婆羅美薇，《給朋友》就係寫畀喺上一年（2003年）遭遇不幸嘅好友張國榮、梅艷芳同埋柯受良，另外一首歌曲就係寫畀自己個女，歌名叫《搖瑤》，歌聲充滿咗濃郁嘅父愛[2]。唱片喺推出後銷量良好，喺香港唱片市場同佢不景氣嘅情況下重達到近15萬張，亦係當年唯一一張超過雙白金嘅唱片。
曲目[編輯]
| 曲序 | 曲目 | 填詞 | 編曲 | 含義 | 備註 |
|---|---|---|---|---|---|
| 1. | 勇敢的故事 | 李峻一 | Alex Dela Cruz | 犧牲 | 《警訊》主題曲 |
| 2. | 想劈酒 | 張學友 | 黃韻仁 | 曾經 | |
| 3. | 燥狂 | 黃偉文 | Alex Dela Cruz | 經歷 | |
| 4. | Life Is Like A Dream | 林夕 | 吳慶隆 | 領悟 | |
| 5. | 慢條斯理 | 林夕 | Alex Dela Cruz | 參透 | |
| 6. | 她 | 張學友 | Aubrey Suwito | 冷靜 | |
| 7. | 給朋友 | 古倩敏 | 吳慶隆 | 懷念 | |
| 8. | 寧願做錯 | 張學友 陳少琪 | 吳慶隆 | 不同 | |
| 9. | 講你知 | 張學友 | 陳達偉 | 丈夫 | |
| 10. | 搖瑤 | 古倩敏 | 蘇德華 | 父親 |
講你知[編輯]
《講你知》係一首由香港歌手張學友作曲、填詞同演唱錄製嘅一首冠軍歌曲，[5]由張學友同歐丁玉監製；IOI limited製作並由上華唱片喺2004年4月20號發行。[6]
《講你知》係唱片《Life Is Like A Dream》嘅第一主打歌，亦係第一首派台歌曲。歌曲由張學友親自作曲同填詞，藉以抒發同表達自己對老婆羅美薇嘅情感。[7]呢個係佢公開唱畀羅美薇嘅第2首歌，第1首歌係由佢嘅好友李偲菘作曲、林夕填詞嘅名曲《妳的名字 我的姓氏》。
唱片《Life Is Like A Dream》喺中國內地被命名為為《講你知》，喺同年6月喺內地推出後就出現大量唔同嘅翻版，曾被內地傳媒報導[8]。
佢分別喺無綫電視舉行嘅《給朋友音樂會》、《活出生命LIVE演唱會》同埋2007年舉辦嘅《學友光年世界巡迴演唱會》[9]演唱《講你知》，現場版重收錄喺各版次嘅唱片入面。
《講你知》喺派台後即刻佔據香港各大主要音樂排行榜嘅榜首位，成為2004年度四台冠軍歌。
| 歌曲 | 903 專業推介 | RTHK 中文歌曲龍虎榜 | 997 勁爆流行榜 | TVB 勁歌金榜 |
| 講你知 | （冠軍） | 冠軍 | 冠軍 | 冠軍 |
- 注解：（冠軍）代表連2星期冠軍
獎項[編輯]
呢張創作唱片喺2004年度爲已經淡出香港音樂頒獎禮嘅佢拎到一啲獎項，包括叱吒樂壇嘅「唱作人金獎」。專輯中包括3首香港本地嘅冠軍歌曲，《講妳知》都不出意外成為四台冠軍歌曲。唱片亦得到明報周刊演藝動力大獎嘅年度最突出唱片獎。
叱吒樂壇[編輯]
- 「叱吒十大專業推介歌曲」：講妳知
- 2004年度叱吒樂壇 「唱作人金獎」
明報周刊演藝動力大獎[編輯]
- 「最突出唱片獎」──Life is Like a Dream
參考[編輯]
- ↑ Mojave (2004-07-02). 〈04上半年華語唱片：張學友《Life is Like a Dream》〉 (簡體中文). TOM. 原著喺2008年1月22日歸檔. 喺2009年6月24日搵到.
- ↑ 〈張學友:《Life is Like a Dream》〉 (簡體中文). 網易. 2004-04-19. 喺2009-06-24搵到.
- ↑ 張世韜 (2007-06-10). 〈張學友重慶個唱激情上演 悲情歌神把天唱哭〉 (簡體中文). 重慶商報. 原著喺2009-09-10歸檔. 喺2009-06-24搵到.
- ↑ 魅影王子 (2007-04-01). 〈張學友廣州個唱再現經典 歌舞劇震撼全場(圖)〉 (簡體中文). 21cn. 原著喺2007年11月28日歸檔. 喺2009年6月24日搵到.
- ↑ 墨鏡歌詞網：Life Is Like A Dream歌詞及資料
- ↑ YESASIA:Life is Like a Dream 資料介紹
- ↑ 新華網：張學友三年心血《Life is Like a Dream》
- ↑ 〈張學友《講你知》大碟遭盜版 觀封面可鑒別真偽〉. 原著喺2017年3月31號歸檔. 喺2017年4月27號搵到.
- ↑ Yesasia 學友光年世界巡迴演唱會07 香港站