古巨基

出自維基百科,自由嘅百科全書
跳去: 定向搵嘢
古巨基
LeoKu2007.jpg
男歌手
英文名 Ku Kui Kei (Leo)
花名 基仔、古sir、古天王
國籍 Flag of Hong Kong.svg 中國香港
職業 歌手演員主持人漫畫家設計師
出道日期 1994年
活躍年代 1991年
唱片公司

英皇娛樂(2009年—)
金牌大風(2003年—2009年)
華納唱片(2000年—2001年)
千禧年代(1998年—2000年)

藝能動音(1994年—1998年)

古巨基粵拼gu2 geoi6 gei1簡化字古巨基英文Leo Ku1972年8月18號—),香港天王級歌手演員主持人,係繼四大天王後最成功嘅香港歌手之一。

簡介[編輯]

佢自1994年踏入樂壇後,推出過超過35張大碟,估計佢到依家已經奪得近300個男歌手同音樂上嘅獎項。

佢喺2004年度《叱吒樂壇流行榜頒獎典禮》入面奪得「叱吒樂壇男歌手金獎」「叱吒樂壇我最喜愛的男歌手」「叱吒樂壇我最喜愛的歌曲大獎」,係繼黎明之後第2位喺同年度攞到呢3個大獎嘅歌手。佢喺2008年、2009年、2010年同2011年度《十大勁歌金曲頒獎典禮》連續4屆奪得「最受歡迎男歌星」獎,又喺《新城勁爆頒獎禮》7屆奪得「新城勁爆男歌手」。另外佢喺2006年奪得「四台聯頒音樂大獎—傳媒大獎」,成為2006年香港4大電子傳媒音樂頒獎典禮大贏家,同埋分別喺2005年、2006年、2009年奪得「四台聯頒音樂大獎—歌曲大獎」3次創下香港樂壇最高紀錄數。而且由2006年—2013年連續8屆奪得《「勁歌王」全球華人樂壇音樂盛典》「勁歌王」,同埋《YAHOO!搜尋人氣大獎》7屆奪得「本地男歌手」大獎。

喺香港以外,佢嘅音樂成就亦得到華語樂壇嘅地區認同,例如奪得《Channel V全球華語音樂榜中榜暨亞洲影響力大典》「最受歡迎男歌手」獎,《CCTV-MTV音樂盛典》「香港最受歡迎男歌手」,《音樂先鋒榜頒獎典禮》「全國最受歡迎先鋒男歌手」等等,奠定佢喺華語樂壇上嘅地位。佢亦曾經獲得MTV全球頻道頒發《MTV亞洲大獎:香港最受歡迎歌手獎》,係首位得到呢個獎項嘅香港男歌手。

佢嘅音樂成就除咗得到華語樂壇嘅地區認同外,亦得到其他地區樂壇嘅認同,例如奪得第8屆亞洲音樂節—亞洲最佳歌手獎、「亞洲模特兒大獎」(7th Asia Model Festival Awards)—「亞洲明星獎」,重係首位獲得呢個獎嘅香港藝人。之後重成為首位獲邀出席美國《Billboard Music Awards》嘅香港歌手。

佢喺2015年獲頒第14屆「世界傑出華人獎」同時獲頒授加拿大紐賓士域藍仕橋大學榮譽博士學位。

佢嘅演藝事業除建基喺香港之外,佢喺2000—2003年期間喺中國2套非常受歡迎嘅電視劇中擔演男主角,分別係「情深深雨濛濛」同「還珠格格三‧天上人間」。佢喺「情深深雨濛濛」劇中飾演第一男主角「何書桓」,紅遍全中國各地、香港、台灣、星馬等亞太區地方,受全球華人歡迎,收視率喺各地創出輝煌成績。呢個劇集令佢成為中國中央電視台最受歡迎電視劇男主角。「情深深雨濛濛」係2001年中央電視台全年收視率總冠軍嘅劇集、2001年—2004年全中國重播率最高嘅電視劇,亦係香港無綫電視台2001年5大收視率最高劇集之一。

佢最著名嘅華語歌曲係《情深深雨濛濛》嘅插曲「好想好想」,呢首歌喺全中國都好出名。佢最著名嘅粵語歌曲係愛得太遲,呢首歌喺2006年橫掃各大頒獎禮嘅大獎,令佢喺2006年香港流行樂壇頒獎典禮中拎到唔少獎座。另外愛得太遲更喺全港嘅卡拉OK上點播次數達700萬次[1]

早年[編輯]

香港出世,原籍廣東省高州市石鼓鎮,讀過保良局蕭漢森小學沙田官立夜中學沙田聖公會林裘謀中學

演藝生涯[編輯]

1990年—1993年:無綫藝員時期[編輯]

1990年佢參加無綫電視藝員訓練班第4期藝員進修班(同袁文傑同期)。佢喺1991年畢業之後同無綫電視正式簽約,正式投身香港演藝界,成為無綫電視娛樂新聞節目《娛樂新聞眼》同音樂節目《勁歌金曲》嘅節目主持。

1993年—2001年:出道樂壇[編輯]

1994年,簽約藝能動音,仲喺同年7月推出咗佢嘅首張專輯《愛的解釋》,正式進軍樂壇。佢係香港史上首位奪得4台(包括TVB、商台、新城同港台)新人獎金獎嘅歌手。佢早期嘅歌曲入面,最廣為人知嘅係喺1997年推出嘅《歡樂今宵》,呢首歌為佢喺1997年度帶來唔少嘅獎項同1998年香港電影金像獎「最佳原創電影歌曲 」等。佢喺1997年叱吒樂壇流行榜頒獎典禮中擊敗四大天王入面嘅3位(張學友、劉德華、郭富城)拎到「叱吒樂壇男歌手銀獎」。另外,佢喺1996年推出第二最愛唱片銷量為15萬張,1997年推出歡樂今宵唱片銷量為5萬張,1998年推出愛與夢飛行唱片銷量為8萬張,同年推出嘅Be My Valentine唱片銷量都達5萬張,更後喺1999年推出嘅許願單碟喺台灣千幾間便利店發售,唔到半個鐘一萬張碟全部賣嗮,同年推出嘅古巨基同名國語大碟,2個星期喺台灣銷量達20萬張。佢自1994年出道以嚟到1997年內出咗7張唱片,呢啲唱片更喺亞洲總銷量超越100萬張[2],而佢重係1997年全年最高銷量歌手第2位[3]。以上佳績都令佢被傳媒叫做歌神接班人[4]。佢喺1997年—2001年期間曾推出多張粵語同華語歌曲嘅大牒,收錄咗唔少有特色嘅假音技巧演唱作品,都係眾多頒獎禮上常得獎嘅熱門歌手。佢期間亦進軍電影界,主演同客串咗多套電影,如《求戀期》、《熱血最強》同《天旋地戀》等等。

2001年—2003年:暫別香港樂壇[編輯]

自2000年以後嘅幾年入面,佢專注喺中國國內發展,接拍咗2部國內同台灣嘅大型電視劇,分別係改編自瓊瑤小說嘅《情深深雨濛濛》同《還珠格格3之天上人間》,大大增加咗自己喺大中華地區嘅知名度;佢喺中國中央電視台瓊瑤電視劇《情深深雨濛濛》飾演第一男主角「何書桓」,紅遍全中國各地、香港、台灣、星馬等地方,受全球華人歡迎,收視率喺各地創出輝煌成績,呢個劇集更成為2001年中央電視台全年收視率總冠軍嘅劇集、香港無綫電視2001年全年5大收視率最高劇集,重係2001年—2004年全中國重播率最高嘅電視劇。佢主唱嘅《情深深雨濛濛》插曲「好想好想」亦喺國內好出名。

2004年-2007年:強勢回歸同巔峰時期[編輯]

2003年,佢同前任經理人黃柏高簽約,加入金牌唱片公司,復出香港樂壇,大熱嘅歌曲唔少,一復出就憑住《必殺技》奪得「叱吒樂壇我最喜愛的歌曲大獎」,之後推出咗2張專輯概念大碟《遊戲—基》同《大雄》,均大受歡迎。黃柏高喺早期都講過:「基仔好,金牌好;金牌好,基仔更好」,顯示咗佢對樂壇同唱片公司嘅重要地位。

2004年年底,佢憑住歌曲《愛與誠》登上歌唱事業嘅高峰,喺2004年度香港4大電子傳媒音樂頒獎典禮拎到多個大獎,係佢出道11年嚟首次喺《叱吒樂壇流行榜頒獎典禮》奪得「叱吒樂壇男歌手金獎」、「叱吒樂壇我最喜愛的男歌手」同埋連續2年奪得「叱吒樂壇我最喜愛的歌曲大獎」,奠定佢巨星地位。

2005年2月,佢推出嘅「新歌+精選」唱片《勁歌金曲》喺短短2個星期就喺香港一片淡市中賣過7萬張,成為近年嚟香港唱片銷售嘅一個奇跡;3月喺紅館舉行《勁歌金曲》世界巡迴演唱會—香港 Part I 嘅7場個唱,因反應熱烈門票從開始售票嘅1個鐘內賣嗮,比上年「歌神」許冠傑復出演唱會嘅2個鐘賣嗮嘅成績重要快1個鐘,打破香港演唱會嘅售票記錄,喺4月再度加開《勁歌金曲》世界巡迴演唱會— 香港 Part II 4場,門票都喺開始售票嘅1個鐘內賣嗮,共11場,呢種情況都係近年嚟香港演唱會市場頭一次喺首輪演出後再度加場。之後亦喺馬來西亞新加坡澳洲加拿大澳門中國舉行世界巡迴演唱會。喺呢次嘅演唱會入面,佢特別邀請當時係佢嘅作曲音樂人側田表演,之後喺清唱部份大獲好評,亦因此做咗歌手。佢更喺同年拎到《CCTV-MTV音樂盛典頒獎禮:香港最受歡迎男歌手》同SINA Music樂壇民意指數頒獎禮《我最喜愛男歌手》獎項。4月9號,佢舉行咗一個慶祝派對,慶祝佢《勁歌金曲演唱會》嘅順利完成同佢嘅新曲加精選專輯《勁歌金曲》獲得雙白金(100,000張)嘅銷量。《勁歌·金曲》嘅銷量更喺之後衝破130,000張;佢隨後都拎到嗰個年度IFPI頒發嘅最高銷量歌手獎同埋HMV唱片銷量成績— 全年最高銷量男歌手獎,同時成為首位有3張大碟(《古巨基05勁歌·金曲演唱會》、《勁歌·金曲新曲+精選》、《星戰》)打入十大廣東碟銷量榜的歌手。[5]10月,佢拎到2005年度「香港十大傑出青年」,仲成立咗「古巨基兒童醫療基金」,以協助有需要嘅病童。同年,佢同佢嘅仔仔「Kubi」獲香港杜莎夫人蠟像館嘅邀請為佢哋鑄造蠟像,係史上首位由名人巨星同佢自創嘅漫畫角色組成嘅蠟像組合。

2006年,佢推出咗專輯《Human我生》,受各方好評,銷量達4萬,重憑住歌曲《愛得太遲》登上歌唱事業嘅另一個高峰,喺2006年度攞到多個獎項,包括《新城勁爆歌曲頒獎禮》嘅「新城勁爆年度歌曲大獎」、《叱吒樂壇流行榜頒獎典禮》嘅「叱吒樂壇至尊金曲大獎」同「叱吒樂壇我最喜愛的歌曲大獎」、《十大勁歌金曲頒獎典禮》嘅「金曲金獎」、《十大中文金曲頒獎典禮》嘅「全球華人至尊金曲獎」等獎項,重首次拎到「四台聯頒音樂大獎—傳媒大獎」,成為香港4大電子傳媒音樂頒獎典禮嘅終極大贏家。佢都喺嗰年拎到「雅虎香港Yahoo!搜尋人氣大獎頒獎禮《本地男歌手》」獎項。佢喺2006年度拎到4台聯頒音樂大獎歌曲大獎成為繼陳慧琳之後連續奪得最多次歌曲獎嘅歌手。

2007年,古巨基推出咗專輯《Moments》。佢喺製作呢個專輯期間到過多處世界各地包括日本蘇格蘭倫敦法國威尼斯維也納北京等親自操刀拍攝照片作為專輯內各首歌曲主題之用,捕捉各地嘅Magic Moments。佢深信這世界係有緣份,所以喺呢一次旅程,佢事先係冇長期策劃,一切都係隨緣。佢仲喺8月將嗰批相片展出,舉行咗首個個人攝影展。佢喺9月喺香港舉行咗6場嘅《The Magic Moments 2007 古巨基世界巡迴演唱會- 香港》因反應熱烈門券開售首日就賣嗮,喺演唱會入面佢創造咗2個香港體育館紀錄,首個紀錄係本地歌手一場演唱會入座率最高,共13000人入坐,第2個紀錄係首位彩排時間最耐嘅歌手。[6]之後喺12月喺馬來西亞舉行了1場嘅《The Magic Moments 2007 古巨基世界巡迴演唱會—馬來西亞》。喺同年佢再次拎到SINA Music樂壇民意指數頒獎禮《我最喜愛男歌手》,成為呢個獎嘅3連霸(2005年—2007年)。

佢喺2005年—2007年係香港唯一一個能夠同歌手陳奕迅一決高下嘅歌手,2位歌手喺呢2段時間都是各個頒獎典禮男歌手獎金、銀歌手獎嘅常客。

2008年-2012年:平穩時期[編輯]

2008年,佢推出《勁歌金曲2情歌王》同《我還是你的情歌王》專輯,都大受歡迎。5月2號,2008年夏季奧林匹克運動會香港區火炬接力入面,佢擔任第8棒嘅火炬手。8月,佢獲MTV全球頻道頒發《MTV亞洲大獎 - 香港最受歡迎歌手獎》,成為首位得到嗰個獎項嘅香港男歌手。下半年,推出《Guitar Fever 24k金牒版》,推出嘅熱烈反應,更幾次斷市,佢銷量達到白金數字。佢首次奪得勁歌最受歡迎男歌手。佢都再次喺嗰年度獲「雅虎香港Yahoo!搜尋人氣大獎頒獎禮」頒發《本地男歌手》獎項。佢都積極參與主持節目,分別擔任奧林匹克運動會北京奧運係咪小兒科嘅主持。

2009年,佢喺《2008年度十大勁歌金曲頒獎典禮》上拎到「最受歡迎男歌星」獎項。之後喺4月都推出《Strings Fever 24K金碟版》。同月,佢喺香港紅磡體育館舉行了6場《古巨基Eye Fever紅館演唱會09》因反應熱烈門券開售首天即沽清。同時成為香港首位歌手同3D視覺立體感特效舉行演唱會,之後仲主持係咪小兒科第2輯。5月,由於金牌大風出現人事變動,佢親密夥伴黃柏高唔可以再掌管經理人同音樂事務,佢就宣佈唔續約金牌大風。古巨基簽約英皇娛樂,喺呢個簽約過程中表明古巨基過往演藝事業嘅成就。隨後行政總裁吳雨特別送畀古巨基特製玉璽,寓意佢係香港樂壇天王,預示佢未來能喺英皇嘅事業登峰造極。[7]
5月30號,佢喺北京進行簽約儀式,正式加盟英皇娛樂。喺6月—7月期間,佢分別喺第6屆《勁歌王頒獎典禮》同第9屆《華語音樂傳媒大獎》獲頒發「勁歌王」同「百家傳媒年度最受矚目男歌手」大獎;呢個係佢歌手生涯入面第3度獲得「勁歌王」獎項。年底,佢喺新城勁爆頒獎禮2009攞到新城勁爆歌曲—《地球很危險》,新城勁爆男歌手,新城勁爆亞洲歌手大獎,新城全球勁爆歌手大獎呢4個大獎。

2010年1月,佢攞到「青協uChannel網上電台」—「千禧十年最受年青人歡迎男歌手」。之後佢獲頒發2009年度《十大勁歌金曲頒獎典禮》上奪得十大勁歌金曲《地球很危險》同2009四台聯頒音樂大獎—歌曲獎—《地球很危險》,成為4台聯頒音樂大獎得最多次歌曲獎嘅歌手(3次)。都因版權嘅風波開始造就佢再蟬聯拎到「最受歡迎男歌星」獎項,仲為英皇娛樂奪得史上首個「最受歡迎男歌星」獎。3月,佢喺《音樂先鋒榜》2009年度頒獎典禮上拎到港臺十大先鋒金曲《地球很危險》,最受歡迎先鋒歌手5強,21家電臺聯頒最佳專輯《You Talkin' To Me?》,21間電臺聯頒港臺最佳先鋒歌手,以4獎成為大贏家。3月27號,佢喺上海出席第17屆東方風雲榜仲拎到華語5強獎。3月28號,佢參加全球頻道Channel V主辦嘅第14屆《全球華語音樂榜中榜暨亞洲影響力大典》仲以香港歌手身份拎到「最受歡迎男歌手」獎項。3月30號,佢去上海為「世博會倒計時 30天國際音樂盛典」音樂會擔任表演嘉賓仲打頭陣獻唱《情歌王》。4月18號,佢喺洛陽舉行嘅環球紅歌盛典入面拎到「媒體推薦年度全能藝人」獎項。4月20號,佢喺中央電視台舉辦嘅青海賑災晚會入面,係當晚唯一出席嘅香港歌手,仲捐出20萬元人民幣幫助災民。4月22號,佢同美國護膚品牌Kiehl's合作,設計舊瓶回收箱,仲喺箱上畫上有綠色翅膀嘅北極熊,寓意改善地球暖化問題,為拯救北極熊出一分力。5月1號,佢喺拉斯維加斯舉行首次個人喺拉斯維加嘅演唱會,呢個都係拉斯維加斯首個3D演唱會,而舉行地點將係Mandalay BayMandalay Bay係拉斯維加斯數一數二嘅度假酒店,過往都有唔少做紅歌星,如Justin Timberlake、II Divo、Taylor SwiftBritney SpearsBlack Eye Peas等,香港方面就有梅艷芳譚詠麟。7月9號,佢最新大碟《時代》發行。8月21號,佢喺佛山舉行嘅第7屆《勁歌王金曲金榜全球華人樂壇總選音樂盛典》上獲頒發「勁歌王」大獎,呢個都係佢連續第4年蟬聯奪得,另外佢都蟬聯奪得「傳媒大獎」呢個係佢歌手生涯入面第3度獲得「傳媒大獎」獎項。之後佢憑住《地球很危險》奪得「金曲獎」。9月4號,佢錄像節目《觀塘活力展新姿》,現場佢演繹經典曲目,而唱片成績大好嘅佢現場仲獲歌迷封下一站歌神[8]。奠定其在香港樂壇上舉足輕重的地位。10月6號,佢喺上海舉行嘅《大中華十大傑出衣著頒獎典禮》獲得「傑出衣著人士」獎,繼2003年嘅《香港十大傑出衣著獎》後第2度獲得傑出衣著獎。10月31號,佢以壓軸嘉賓身份出席上海世博閉幕式晚會。11月2號,佢係廣州亞運會倒計時10天主題歌會作表演嘉賓。12月8號,由佢成立嘅古巨基兒童慈善基金捐資建設的西聯小學落成,嗰個校名係古巨基兒童慈善基金樂城西聯小學,喺落成典禮上,基金會仲捐贈咗一批價值10萬元嘅學生文娛活動用品,同時勉勵同學們勤奮學習,努力成為國家有用嘅人才。西聯小學嘅師生對基金會捐資助學嘅善舉表示衷心嘅感謝,同表示將認真學習,勤奮工作,以優異嘅成績回報社會,為「古巨基兒童慈善基金樂城西聯小學」爭光添彩。12月17號,佢喺第8屆「Yahoo! 搜尋人氣大獎2010」入面奪得 「搜尋人氣電視劇主題曲-義海豪情」,「搜尋人氣歌曲-時代」同「本地男歌手大獎」,呢3個獎項。呢個都係佢蟬聯5屆「本地男歌手大獎」。

2011年1月15號,版權嘅風波仍未平息,林峰都難下撼對手嘅古巨基,再次喺2010年度《十大勁歌金曲頒獎典禮》上奪得十大勁歌金曲《義海豪情》同「最受歡迎男歌星」,呢個係佢第3屆蟬聯奪得此獎項。1月27號,佢應海洋公園邀請為新主題館設計咗一套5款「海洋保衛隊」卡通公仔,以就嚟絕種嘅海洋生物作為藍本,推出一系列嘅T-Shirt。2月2號,佢喺內地中央電視台演出央視嘅大型綜合性賀歲節目「春節聯歡晚會」,成為「雙料春晚」嘉賓。4月8號,佢全新國語專輯「大時代」正式推出。唱片喺亞洲銷量超過30萬張,之後喺舉行簽唱會同祝捷會上獲香港唱片商會頒發十白金唱片(300,000張)牌匾。8月28號,佢喺《香港傳藝節2011開幕頒獎禮》獲頒「大中華設計獎」,呢個都係佢首次獲設計獎。10月7—9號佢喺香港紅館舉行3場Amazing World世界巡迴演唱會2011。喺演唱歌曲《爆了》同埋《勁歌金曲3-party king》嘅時候更係邊唱邊跳足15分鐘。11月18號,佢喺第8屆《勁歌王金曲金榜頒獎禮》入面,憑住《爆了》獲得粵語金曲獎,憑住「大時代」獲得年度最佳專輯,同埋奪得「勁歌王」大獎共3個獎項,而「勁歌王」大獎都係佢連續第5年蟬聯奪得。11月24號,無綫電視喺尖沙嘴某酒店舉行「長期服務暨傑出員工榮譽大獎頒獎晚宴」,表揚一班長期服務嘅員工同藝員,而服務20年嘅古巨基都獲得獎項。12月20號,佢喺2011年度YAHOO!搜尋人氣大獎入面,得到搜尋人氣本地男歌手、搜尋十大人氣歌曲—《勁歌金曲3 Party King》、同埋網上熱爆歌曲—《爆了》,3個大獎,呢個都係佢蟬聯7屆「本地男歌手大獎」。

2012年1月8號,佢喺2011年度十大勁歌金曲頒獎典禮入面,得到咗「十大勁歌金曲—爆了」同「最受歡迎男歌星」共2獎,呢個因為版權風波下其他歌手唔可以出席而間接影響結果,頒獎過後3個月版權風波才平息。1月19號,佢喺韓國首爾舉行嘅「亞洲模特兒大獎」(7th Asia Model Festival Awards)中獲頒「亞洲明星獎」(Asia Star Award),同獲「亞洲明星獎」嘅有韓國人氣女星崔智友同女子組合 KARA。呢個獎項係為亞洲文化宣傳做出貢獻嘅明星而頒發嘅特別獎,佢都係首位獲呢個獎嘅香港藝人。3月24號,佢代表香港出席《香港亞洲流行音樂節》。5月,佢成為首位獲邀出席美國《Billboard Music Awards》嘅中國歌手,因佢喺華語樂壇成績超卓,加上熱心參與公益善事,所以獲Billboard優待邀請做嘉賓,當晚表演嘉賓包括有美國當紅歌手Usher、Kelly Clarkson、Linkin Park、Nelly Furtado等,獲提名嘅就有英國天后Adele、美國天后Rihanna、百變天后Lady GaGa等。12月,古巨基喺YAHOO!搜尋人氣大獎2012中獲得「2012年度YAHOO!搜尋人氣大獎」—人氣歌曲《戀無可戀》、十年人氣大獎、本地男歌手3個大獎,呢個都係佢連續第8屆獲得「本地男歌手大獎」。12月24號,佢因私人理由,決定缺席香港四大頒獎禮。12月30號,佢喺「全港民意流行音樂頒獎禮2012」中奪得最受歡迎至尊唱片獎《告別我的戀人們》、最受歡迎至尊歌曲獎《戀無可戀》、十大最受歡迎歌曲第2位《告別我的戀人們》、十大最受歡迎歌曲第5位《初初》、最受歡迎男歌手金獎,共5個獎,成為大贏家。值得一提嘅係嗰個頒獎禮係全由網民投票,絕對係公平、公正、公開嘅頒獎禮。

2013年至今:淡出樂壇[編輯]

2013年,佢仲無推出任何唱片,但作出咗多方面嘅嘗試。4月佢同首飾品牌金至尊合作,負責設計一系列嘅鑽飾,佢嘅新系列嘅鑽飾名為「寵愛・愛麗斯」。呢個都係佢首次作珠寶設計。喺上半年,佢參加咗內地公益音樂比賽節目《夢想星搭檔》唔止成為第1單元賽冠軍,最後更成功擊敗一眾參賽歌手成為第一季總冠軍。仲同搭檔李泉合叫做「泉基組合」[9]。11月13號,佢喺廣州獲首屆世界廣府人懇親大會頒發十大傑出青年殊榮,呢個都係佢繼2005年榮膺香港十大傑出青年之後再獲頒十大傑出青年獎項[10]。年尾古巨基仍缺席香港四大頒獎禮。

2014年,佢喺年頭先推岀同容祖兒合唱嘅全新國語歌曲——《愛情也有生命》。喺7月15號派出全新廣東歌「致少年時代」,獲各方嘅讚賞。仲參加8月29號嘅903拉闊音樂會。

2015年1月,加盟湖南衛視《我是歌手》第三季、為首發歌手,喺第二輪踢館賽遭到淘汰,之後喺突圍賽演唱《愛是永恆》以第6名突圍失敗。4月電影《衝鋒車》上映,重憑住「徐安良」呢個角色喺第3屆倫敦國際華語電影節奪得最佳男配角[11]。6月推出國語專輯《我們》。9月古巨基出席「第14屆世界傑出華人獎」頒獎禮榮獲世界傑出華人獎同法國北歐大學頒授「榮譽商管博士」以表揚佢嘅演藝事業嘅傑出表現。10月開始《古巨基我們世界巡迴演唱會》。

2016年,為《星動亞洲》同《音樂大師課》嘅常駐導師。

成就[編輯]

古巨基8大成就如下:

  • 十大勁歌金曲頒獎典禮最受歡迎男歌星
  • 北京中央電視台最受歡迎電視劇男主角
  • 曾推出大碟35張 總銷量超過900萬張
  • 勇奪全球多個地區最受歡迎男歌手
  • 2次推出漫畫繪本
  • 卡拉OK歷來選播總次數最高男歌手
  • 香港十大傑出青年
  • 成立古巨基兒童醫療基金

創作過嘅漫畫[編輯]

除咗任職歌手演員外,佢喺近年自創同視為阿仔嘅漫畫角色「Kubi」都相當受歡迎。佢亦係首位本地藝人推出個人漫畫繪本,同推出咗2集個人創作嘅《The Story of KUBI》。個2集漫畫繪本都喺書展首度發賣時一度斷巿。更喺香港台灣同星馬等地賣出超過10萬本。

設計過嘅產品[編輯]

承接《The Story of KUBI》推出嘅熱烈反應,Kubi由2004年起同獲唔同機構邀請合作。

除Kubi外,古巨基都經常以設計師身分同唔同機構合作。2009年,佢成立咗自己嘅設計公司,仲喺尖沙咀美麗華商場內以營業一季嘅限定店形式開設店鋪《A Big Company》(abc>),為期3個月(2009年12月25號—2010年4月4號),售賣親自設計嘅服飾。abc>依家有2間分店,分別喺尖沙咀新港中心同中環擺花街。近年,abc>重心放喺售賣親自設計嘅品牌 SOLO CELEB. 同 HTDG [12]

以下係曾經同佢合作設計嘅品牌:

佢除咗3次幫自己嘅演唱會設計紀念品外,2010年都開始同其他演藝單位合作,多次幫唔同藝人推出由自己設計演唱會紀念品。

有關設計所得獎項[編輯]

  • 香港傳藝節2011開幕頒獎禮—「大中華設計獎」

曾編導嘅電影[編輯]

古巨基曾分別喺2006年同2008年為自己嘅2首歌曲「愛得太遲」同「情歌王」嘅音樂電影編導。2012年仲參與「HK Style」MV嘅編導同友情演岀。

曾獲得之殊榮同嘉許名譽[編輯]

古巨基喺演藝界嘅成就為公眾所認同。佢喺2005年入選「香港十大傑出青年」。跟住喺2013年獲「首屆世界廣府人懇親大會」頒發「十大傑出青年」。

佢歷年來都身體力行咁支持社會公益事務,重成立《古巨基兒童醫療基金》,嗰個基金之受惠對象係本港同國內有醫療需要嘅兒童;此外,古巨基重助養小孩,之後喺2010年獲香港服務大獎頒獎禮獲頒發慈善之星大獎。仲喺2012年4月20號,古巨基出席聯合國推動世界和平活動,獲大會頒發「聯合國親善大使」,成為首位獲封「聯合國親善大使」嘅香港歌手。同埋同年4月27號,古巨基喺北京水立方獲頒「中國慈善排行榜」嘅「中國十大慈善明星」殊榮,成為唯一獲獎嘅香港藝人。

佢同「Kubi」都喺2005年獲香港杜莎夫人蠟像館之邀為佢地鑄造蠟像,係史上首位由名人巨星同佢自創嘅漫畫角色組成嘅蠟像組合。古巨基都係2008年夏季奧林匹克運動會香港區火炬接力第8棒火炬手

感情生活[編輯]

古巨基喺樂壇鮮有緋聞,只曾經同舊東家嘅鄧麗欣傳過緋聞,不過戀聞只屬花邊新聞。而入行後一直以嚟只有一位女友——陳英雪(Lorraine,1968年1月19號—)。古巨基90年代初簽約唱片公司時,就認識負責宣傳嘅Lorraine,兩人因而日久生情。Lorraine家景十分好,而且都有一定歌唱實力,但甘願為古巨基而做佢嘅助手。其間雖傳岀婚訊,但古巨基只形容Lorraine係佢嘅「得力助手」。到咗2014年7月15號,古巨基喺微博宣佈婚訊,結束20年愛情長跑,喺美國拉斯維加斯注冊結婚。圈中好友同藝人包括經理人霍汶希、趙薇、容祖兒、周慧敏、蔡卓妍(阿Sa)、楊千嬅、蔡一智、鄭伊健等,都有送上恭賀。2人喺2015年11月11號喺香港中環四季酒店補辦婚禮。周慧敏都喺佢嘅臉書透露:Lorraine同周慧敏合作2次。佢依家係佢嘅經紀人,Lorraine係同周慧敏首次合作中止後才認識古巨基。[13]

生意投資[編輯]

  • 2009年,佢成立咗自己嘅設計公司《A Big Company》(abc>),售賣親自設計嘅服飾,重代理佢嘅心水品牌mjm、 Daniel Palillo、 starstyling等共10潮牌。[14] abc>喺尖沙咀新港中心。
  • 2014年4月,佢成立咗餅店Alice Wild-Luscious,供應一系列糕餅,持股量大約三分之一,好友周慧敏後來都成為合股人。[15]
  • 古巨基自1997年已開始投資,依家已經有至少一億三千萬喺手。

音樂作品[編輯]

古巨基音樂作品
發行作品
大碟 22
現場錄音唱碟 4
精選 6
細碟 3

派台歌4台成績[編輯]

派台歌曲成績
大碟 歌曲 903 RTHK 997 TVB 備註
1994年
愛的解釋 愛的解釋 4 / 1 3
愛的解釋 藍天與白雲 4 9 / 4
愛的解釋 有所不知 18 - / /
笑說想 笑說想 1 5 / /
笑說想 妳是陽光空氣 4 / / 5
1995年
笑說想 晨曦 2 3 / /
笑說想 愛是憑直覺 8 - / /
親親我好嗎 親親我好嗎 6 / / /
其實我…我…我 想說笑 7 - / /
其實我…我…我 每個日出 10 19 / /
其實我…我…我 其實我…我…我 1 / / /
其實我…我…我 順風車 / 15 / /
1996年
第二最愛 第二最愛 1 1 1 1 首支四台冠軍歌
第二最愛 有心 / 4 / /
心願 Santa Claus / / / /
1997年
心願 完美的一天 1 3 1 1 三台冠軍歌
心願 我對門匙說 1 4 4 5
歡樂今宵 好人 8 7 2 5
歡樂今宵 歡樂今宵 1 1 1 1 四台冠軍歌
電影《求戀期》主題曲
歡樂今宵 友共情 2 3 1 2
歡樂今宵 最後勝利 2 - - - 電影"熱血最強"主題曲
歡樂今宵 Can We Try 3 19 10 -
忘了時間的鐘 忘了時間的鐘 1 4 2 5
忘了時間的鐘 小指 5 6 - 6
1998年
忘了時間的鐘 讓我們在一起 13 15 - -
愛與夢飛行 所謂愛情 1 8 1 6
愛與夢飛行 不敢說我愛你 - 1 - -
愛與夢飛行 來年來日 1 3 1 2
愛與夢飛行 愛與夢飛行 6 7 - 7
愛與夢飛行 十秒之後 13 - - -
路邊攤 幸福號列車 4 - - -
Be My Valentine 有你一天 1 2 1 3
Be My Valentine Be My Valentine 1 1 1 1 四台冠軍歌
同曲曲目:杜德偉 ~ 走火
1999年
Be My Valentine 「倒影」先生 4 - 16 -
古巨基 許願 15 5 10 5 梁詠琪合唱
古巨基 喜歡 6 8 7 6
古巨基 第七感 9 6 14 4
天氣會變 預感 1 - - - 99宣明會饑饉30主題曲
天氣會變 天氣會變 5 3 1 3 U-point信用咭99廣告主題曲
天氣會變 羅馬假期 1 1 1 1 四台冠軍歌
2000年
尋寶 Someday 5 9 5 7
尋寶(香港版) 抱雪 5 - 10 -
跳飛機 一光年 19 14 15 -
New Pattern Love Don't Hurt 4 8 3 3
2001年
New Pattern 神蹟 1 9 5 5
All The Best 幸運鈴聲 9 - 4 -
All The Best Happy Birthday 2U 10 - - -
2003年
遊戲 基 任天堂流淚 3 3 2 1
遊戲 基 必殺技 1 3 1 1 三台冠軍歌
另派The KKK X'mas Party Band版本
遊戲 基 悟空 (1) 1 1 1 四台冠軍歌
2004年
遊戲 基 愛神 - 13 4 3
大雄 大雄 1 1 1 1 四台冠軍歌
大雄 傷追人 1 1 2 -
大雄 愛與誠 1 1 1 1 四台冠軍歌
大雄 史上最強漫畫王大亂鬥 16 - - -
大雄 美雪 美雪 - 16 - -
勁歌‧金曲 Monica (1) 1 1 3 三台冠軍歌
2005年
勁歌‧金曲 勁歌‧金曲 2 1 1 1 三台冠軍歌
大雄的夢中人 - - - -
星戰 夢中人 1 1 1 1 四台冠軍歌
星戰 天才與白癡 1 1 (1) 1 四台冠軍歌
星戰 明星 1 3 1 -
2006年
星戰 一生何求 5 6 3 2
Human我生 花灑 1 1 1 2 三台冠軍歌
Human我生 愛得太遲 1 (1) (1) 2 三台冠軍歌
Human我生 我生 1 - - -
和諧創希望 - 16 - - 楊千嬅合唱
Human我生 重複犯錯 - 6 4 1
Human我生 愛美麗 18 - - -
2007年
流金頌 - 2 - - 林子祥劉德華李克勤陳奕迅合唱
金牌醇音樂 愛變了這世界襯衣 2 1 3 - 原唱者為杜德偉
Moments 錢錢錢錢 1 3 1 2
Moments 愛回家 1 1 1 1 四台冠軍歌
Moments 我自問 - 15 10 -
Moments 十蚊雞流浪記 2 - - -
Moments 一刻永恆 - 13 - -
2008年
此時此歌 - 1 - - 許冠傑容祖兒陳奕迅李克勤劉德華合唱
勁歌金曲2情歌王 勁歌·金曲2 情歌王 17 7 - -
勁歌金曲2情歌王 年年有今日 1 10 - 1
我還是你的情歌王 我們的彩虹 12 3 - -
Guitar Fever 下次再見 1 1 1 1 四台冠軍歌
Guitar Fever 眼睛不能沒眼淚 2 1 - 1
Guitar Fever 花不痛 6 - - -
2009年
Strings Fever 以你為榮 1 1 1 1 四台冠軍歌
Strings Fever 大師作品 2 - - -
Strings Fever 男左女右 - 7 3 - 關淑怡合唱
You Talkin' To Me? 地球很危險 1 1 1 1 四台冠軍歌
You Talkin' To Me? 沒有腳的小鳥 - 1 1 1 三台冠軍歌
You Talkin' To Me? 人生有幾個十年 1 - 5 -
2010年
You Talkin' To Me? 空肚食早餐 19 16 - -
You Talkin' To Me? 周星呢 - - 10 2
時代 獨男 1 1 1 1 四台冠軍歌
時代 時代 1 1 1 1 四台冠軍歌
另派Blackbox Acoustic Remix版
時代 公主病了 - - 4 -
時代 鑽石敗犬 6 6 - -
2010 英皇MEGA HITS 義海豪情 - - - 5 巾幗梟雄之義海豪情》主題曲
Amazing World 戀後感 1 - - - 903廣播劇「戀LoveLove殘酷愛情劇場」主題曲
2011年
大時代 窮我一生 1 10 2 1 TVB81
新城國語力:1
中國原創音樂流行榜:1
大時代 夠朋友 - - - - 孫楠合唱
TVB81
新城國語力:1
Amazing World 爆了 2 3 1 1 Amazing World世界巡迴演唱會2011主題曲
Amazing World Once Upon A Time 7 1 3 1
Amazing World 明天 3 - - -
2012年
讓時間說愛 有實無名 - 10 3 - 歡樂元帥》片尾曲
告別我的戀人們 戀無可戀 1 1 1 1 四台冠軍歌
告別我的戀人們 告別我的戀人們 1 1 1 1 四台冠軍歌
903廣播劇「告別我的戀人們」主題曲
告別我的戀人們 初初 5 13 - -
告別我的戀人們 幸福方舟 - - - -
2013年
告別我的戀人們 Shirley - - - -
2014年
我們 愛情也有生命 1 3 1 2 容祖兒合唱
北京愛情故事》電影主題曲
致少年時代 1 1 1 2 三台冠軍歌
2015年
英皇15周年 和華麗有約 和華麗有約 - - - 5 英皇群星合唱
英皇15周年 和華麗有約 和華麗有約(國) - - - - 英皇群星合唱
我們 找到你是我最偉大的成功 1 - - - 台劇《好想談戀愛》片頭曲
我們 怪物 - - - - 台劇《好想談戀愛》插曲
我們 何必打擾 - - - - 台劇《好想談戀愛》插曲
新城國語力:3
讓時間說愛 不聚不散 - - - - 電影《消失的兇手》主題曲
我與你 1 5 - -
讓時間說愛 讓時間說愛 2 - - - 鐵達時廣告主題曲
DBC華語歌曲流行指數:13
2016年
沒什麼不可以 - - - - 電影《那件瘋狂的小事叫愛情》夢想主題曲
Salute To Dear Leslie 當年情 - - - - 古天樂合唱
翻唱張國榮作品
Salute To Dear Leslie Dear Leslie - - - -
完美這一天 - 15 - - 謝霆鋒容祖兒李克勤陳偉霆林峯Twins合唱
電影《決戰食神》主題曲
團圓飯 - - - - 《完美這一天》國語版
謝霆鋒容祖兒李克勤陳偉霆林峯Twins合唱
電影《決戰食神》主題曲
2017年
Salute To Dear Leslie 最愛 17* - - - 翻唱張國榮作品
各台冠軍歌總數
903 RTHK 997 TVB 備註
43 29 35 28 四台冠軍歌總數:16
四台及三台冠軍歌總數:24

(*)代表仍上榜,粗體代表冠軍歌,歌名粗體代表4台冠軍歌(1)代表2星期冠軍,(/)代表未有相關資料

唱片[編輯]

依序 發行日期 專輯名 曲目
1 1994年 愛的解釋
2 1995年 笑說想
親親我好嗎
其實我…我…我
3 1996年8月31號 第二最愛
4 1997年1月31號 心願
5 1997年 歡樂今宵
6 1997年11月 忘了時間的鐘》(國語)
7 1998年 愛與夢飛行
8 1998年9月1號 《路邊攤》
9 1998年12月1號 《有你這一天》
10 1998年12月29號 Be My Valentine
11 1999年3月30號 古巨基》(國語)
12 1999年4月1號 《幸福號列車》(國語)
13 1999年11月13號 天氣會變
14 2000年1月27號 尋寶
15 2000年7月1號 《跳飛機》
16 2001年1月18號 《New Pattern》(國語)
17 2001年5月9號 《基情年代》
18 2001年5月10號 《戀戀情深》
19 2001年9月7號 《All The Best》
20 2003年11月28號 《古巨基 2003精選19首》
21 2003年12月5號 遊戲 基
22 2004年7月31號 大雄
23 2005年2月4號 《勁歌·金曲新曲+金曲精選》
24 2005年10月20號 星戰
25 2005年12月2號 最終幻想》(國語)
26 2006年8月25號 Human我生
27 2007年8月25號 Moments
28 2008年3月14號 《勁歌金曲2情歌王》
29 2008年6月30號 《我還是你的情歌王》(國語)
30 2008年9月12號 Guitar Fever
31 2009年4月21號 Strings Fever
32 2009年11月3號 You Talkin' To Me?
33 2009年11月5號 《The Golden Age》
34 2010年7月9號 時代
35 2011年4月11號 大時代》(國語)
36 2011年10月7號 Amazing World
37 2012年9月7號 告別我的戀人們
38 2012年9月21號 《The Very Best of Leo Collection》
39 2015年6月30號 我們》(國語)
40 2016年5月19號 讓時間說愛》(國語)

古巨基都舉辦過演唱會達53場,音樂會達23場,地點遍佈世界各地。古巨基各演唱會如下:

演唱會或Live Show[編輯]

演唱會[編輯]

香港個人售票演唱會列表
日期 演唱會名稱 場數 場地 主題曲 備註
2005年3月7號—13號 勁歌金曲世界巡迴演唱會—香港 Part I 7 紅磡香港體育館 勁歌金曲 首個個人大型售票演唱會/設有日場
2005年4月6號—9號 勁歌金曲世界巡迴演唱會—香港 Part II 4 紅磡香港體育館 勁歌金曲
2007年9月7號—12號 The Magic Moments 2007 古巨基世界巡迴演唱會—香港站 6 紅磡香港體育館 -
2009年4月23號—28號 古巨基EYE FEVER紅館演唱會09—香港站 6 紅磡香港體育館 - 4月25號為古巨基理工大學Eye Fever籌款演唱會
2011年10月7號—9號 古巨基Amazing World世界巡迴演唱會2011—香港站 3 紅磡香港體育館 爆了
2015年10月10號 WE 我們 古巨基世界巡迴演唱會—深圳站 深圳春繭體育館
2015年12月12號 WE 我們 古巨基世界巡迴演唱會—上海站 上海大舞臺
2016年4月16號 WE 我們 古巨基世界巡迴演唱會—中山站 興中體育場
2016年4月23號 WE 我們 古巨基世界巡迴演唱會—大馬站 雲頂雲星劇場
2016年12月25號 WE 我們 古巨基世界巡迴演唱會—美國站 康州金神體育館 -

演唱會或Live Show

1994年:

  • 8月:叱吒新大陸帥會審古巨基音樂會

1997年:

  • 9月:叱吒萬人幫勝利誓師音樂會

1998年:

  • 6月:愛心傳萬裡慈善演唱會

1999年:

  • 8月:Extra 醒字派演唱會
  • 9月:叱吒 Bo Po Mo Fo 新發現音樂會

2000年:

  • 3月:U-point 多一點古巨基演唱會

2001年:

  • 8月:鄭秀文903拉闊音樂會2001
  • 12月:情深深雨濛濛中國巡迴演唱會

2002年:

  • 3月:「關心孩子 關注未來」慈善演唱會
  • 5月:「同一首歌」中國巡迴演唱會

2003年:

  • 9月:新奇士加州紅音樂會、「同一首歌」蘇州演唱會

2004年:

  • 5月:叱吒古巨基拉闊音樂會

2005年:

  • 3月:勁歌金曲世界巡迴演唱會—香港 Part I
  • 4月:勁歌金曲世界巡迴演唱會—香港 Part II
  • 8月:勁歌金曲世界巡迴演唱會—澳洲
  • 9月:勁歌金曲世界巡迴演唱會—馬來西亞
  • 10月:勁歌金曲世界巡迴演唱會—加拿大、MOTO903 新樂潮拜音樂會、2005南方炫風演唱會
  • 11月:勁歌金曲世界巡迴演唱會—中國、新城古巨基友唱友和音樂會
  • 12月:勁歌金曲世界巡迴演唱會—澳門、Neway 1218向古巨狂呼音樂會、同一首歌中國巡迴演唱會—溫州

2006年:

  • 2月:古舞飛揚大馬新年演唱會
  • 9月:加州紅903黃金組合音樂會—Juicy Lemon
  • 11月:澳門漁人碼頭拉近偶像系列演唱會
  • 12月:新城唱好古巨基夢想共和音樂會、Roadshow Live 古巨基音樂會

2007年:

  • 3月:芝華士「醇」音樂會
  • 5月:「同一首歌」廣州演唱會
  • 9月:The Magic Moments 2007 古巨基世界巡迴演唱會—香港 、百威真音樂古巨基中國巡迴演唱會
  • 10月:百威真音樂古巨基中國巡迴演唱會
  • 11月:雪佛蘭「音越未來」群星演唱會
  • 12月:又一個叱吒十年音樂會、The Magic Moments 2007 古巨基世界巡迴演唱會—大馬聖誕魔幻演唱會、同一首歌中國巡迴演唱會—廣州

2008年:

  • 3月:Nokia我系音樂會
  • 5月:The Magic Moments 2007 古巨基世界巡迴演唱會—多倫多
  • 7月:Moov Live古巨基音樂會、古巨基「我還是你的情歌王」自由廣場演唱會
  • 11月:2008年拉闊第3場演唱會(古巨基x王菀之x吳雨霏x張繼聰)
  • 12月:古巨基雲頂新年前夕演唱會

2009年:

  • 3月:澳門威尼斯人金牌大風演唱會2009
  • 4月:古巨基EYE FEVER紅館演唱會09
  • 7月:2009古巨基EYE FEVER廣州演唱會
  • 8月:澳門威尼斯人®2周年演唱會(古巨基x羅志祥x陳奕迅x孫楠x容祖兒)
  • 10月:央視「宜春月,中華情」中秋文藝晚會

2010年:

  • 1月:中央電視台走進佳木斯《中華情—瑞雪飛揚佳木斯》大型文藝晚會
  • 2月:英皇盛世十週年演唱會—澳門
  • 3月:TVB娛樂綜藝節目《荃加福祿壽》特邀嘉賓
  • 4月:擁抱世博—外灘國際音樂盛典 中央電視台《情系玉樹,大愛無疆—抗震救災大型募捐活動特別節目》晚會
  • 5月:古巨基EYE FEVER世界巡迴演唱會—拉斯維加斯
  • 8月:2010廣州亞運倒計時100天文藝演出、2010廣州殘疾人亞運倒計時100天文藝演出
  • 9月:古巨基EYE FEVER世界巡迴演唱會—多倫多
  • 10月:27號嘅《亞運閉幕式》演唱

2011年:

  • 1月:中央電視台央視網絡春晚
  • 2月:中央電視台春節聯歡晚會
  • 10月:古巨基Amazing World世界巡迴演唱會2011—香港站

2012年:

  • 2月:古巨基Amazing World世界巡迴演唱會2012—澳門站
  • 10月:你知道唔知道 古巨基告別我的戀人們 音樂會—聖公會林裘謀中學
  • 11月:古巨基Amazing World世界巡迴演唱會2012—大馬站
  • 12月:你知道唔知道 古巨基告別我的戀人們 音樂會2—香港演藝學院
  • 12月:中央電視台除夕倒數晚會

2013年:

  • 4月:古巨基Amazing World世界巡迴演唱會2013—美國站
  • 6月:古巨基Amazing World世界巡迴演唱會2013—南寧站
  • 7月:雷頌德Thank You演唱會
  • 8月:超級巨星演唱會
  • 9月:古巨基Amazing World世界巡迴演唱會2013—廣州站,「成龍跨界‧巨星峰會」杭州演唱會
  • 10月:古巨基Amazing World世界巡迴演唱會2013—加拿大站(共兩場)

2014年:

  • 2月:古巨基 BE MY VALENTINE LIVE 演唱會—美國
  • 8月:14年拉闊第2場演唱會(古巨基X方皓玟X林欣彤X連詩雅)
  • 11月:古巨基 致.愛情時代 中山演唱會2014

2015年:

  • 7月:古巨基-「我們」音樂會—台灣西門紅樓展演館,2015 MAN POWER 先生力量演唱會 北京萬事達中心
  • 10月:古巨基「我們」世界巡迴演唱會—深圳站—華潤深圳灣體育中心「春繭」體育館
  • 12月:古巨基「我們」世界巡迴演唱會—上海站—上海大舞臺

2016年:

  • 4月:古巨基「我們」世界巡迴演唱會—中山站—興中體育場
  • 4月:古巨基「我們」世界巡迴演唱會—大馬站—雲頂雲星劇場
  • 12月:古巨基「我們」世界巡迴演唱會—美國站—康州金神體育館

雜錦碟[編輯]

  • 2004年:《只能談情不能說愛》
  • 2005年:《LOVE 05 情歌集》(2CD)
  • 2006年:《LOVE 06 情歌集》(2CD)
  • 2007年:《Love07情歌集 樂壇獎門人》、《金牌醇音樂》、《LOVE 07 情歌集 壓軸篇》
  • 2008年:《LOVE 08 情歌集》、《金牌主題曲》、《LOVE 國語情歌集》
  • 2010年:《LOVE 10 情歌集》
  • 2011年:《2010 英皇MEGA HITS》、《那些年, 我們一起聽過的歌》
  • 2012年:《Y100: 黃偉文大選 (EVIL 版 ) 》
  • 2013年:《幸福在一起》、《戀愛部落》、《愛·回憶108精選》

電視劇歌曲[編輯]

  • 1994年:笑說想(無綫電視劇《笑看風雲》插曲)
  • 1995年:感情真相(無綫電視劇《刑事偵緝檔案》主題曲)
  • 1995年:對你始終癡心一往(無綫電視劇《刑事偵緝檔案》插曲)
  • 2000年:拳傾天下(無綫電視劇《京城教一》主題曲)
  • 2001年:好想好想(瓊瑤電視劇《情深深雨濛濛》片尾曲)
  • 2001年:煙雨濛濛(瓊瑤電視劇《情深深雨濛濛》插曲)
  • 2003年:天上人間(瓊瑤電視劇《還珠格格三之天上人間》主題曲)
  • 2003年:問燕兒(瓊瑤電視劇《還珠格格三之天上人間》插曲)
  • 2003年:在這離別時候(瓊瑤電視劇《還珠格格三之天上人間》插曲)
  • 2004年:殉情記(無綫電視劇《大唐雙龍傳》插曲)
  • 2007年:平凡(無綫電視劇《緣來自有機》主題曲)
  • 2007年:春天(中國中央電視台電視劇《一生為奴》片尾曲)
  • 2009年:中間人(同側田合唱)(內地電視劇《鹿鼎記》香港主題曲)
  • 2009年:始終會行運(內地電視劇《鹿鼎記》香港片尾曲)
  • 2010年:義海豪情(無綫電視劇《巾幗梟雄之義海豪情》主題曲)
  • 2012年:追夢者(無綫電視劇《造王者》主題曲)
  • 2015年:找到你是我最偉大的成功(三立華人電視劇《好想談戀愛》片頭曲)
  • 2015年:承擔(三立華人電視劇《好想談戀愛》插曲)
  • 2015年:何必打擾《三立華人電視劇《好想談戀愛》插曲》

電影歌曲[編輯]

兒童歌曲[編輯]

  • 1995年:親親我好嗎
  • 1997年:我愛毛查查(無綫卡通片《外星毛查查》主題曲)
  • 2000年:至NET小人類(無綫兒童節目《至NET小人類》主題曲)
  • 2000年:來吧小精靈(無綫卡通片《寵物小精靈》主題曲)
  • 2004年:我是貓(電影《加菲貓》主題曲)
  • 2006年:我們的超人(無綫特攝《超人力斯》主題曲)

演出作品[編輯]

電視劇(無綫電視[編輯]

年份 片名 角色 合作 備註
1991年 橫財三千萬
卡拉屋企 茶客 第13集,跑龍套
1992年 三喜臨門
龍的天空 Raymond 林文龍吳鎮宇黎姿邵美琪 跑龍套,楊文海大學同學
92鍾無艷 鄭伊健陳松伶許紹雄關寶慧
我為錢狂
壹號皇庭 酒吧歌手
火玫瑰 金蓮同事
水滸英雄傳 店小二
重案傳真 油脂仔
1994年 笑看風雲 包文虎 鄭少秋鄭伊健陳松伶許紹雄郭藹明郭晉安
1995年 前世冤家 齊望星
包青天之踏雪尋梅》 白雪生
總有出頭天 陳至誠
南瓜頭
1997年 皇家反千組 成國棟
英雄貴姓 林盆

電視劇(其他)[編輯]

年份 片名 角色 合作 備註
2000年 情深深雨濛濛 何書桓 趙薇林心如蘇有朋
2003年 還珠格格3之天上人間 愛新覺羅·永琪 黃奕馬伊俐周傑黃曉明
2006年 《讓愛自由/不該讓女人流淚 古俊勇 楊千嬅何炅蘇永康梁漢文劉孜
2010年 青春旋律 汪雨航 詩雅吳浩康馬蘇楊洋金希澈
2011年 歡樂元帥 帥帥哥 蔡卓妍鐘欣桐郭晉安吳卓羲
2013年 曹操 孔融

電視電影(無綫電視[編輯]

  • 共闖天涯
  • 熱浪迷情
  • 英雄貴姓 飾演林碟(1995)

節目主持[編輯]

電影[編輯]

年份 片名 角色
1994年 破壞之王 榮記冰室夥記
1995年 追女仔95之綺夢 客串
1997年 熱血最強 林鐵男
1997年 求戀期 歐家全
1998年 安娜馬德蓮娜 客串
2002年 夕陽天使 客串
2005年 短訊一月追 賦佳
2006年 野蠻秘笈 古龍
2006年 愛得太遲(音樂電影) Key
2007年 戀愛初歌 客串
2007年 甜心粉絲王 金水
2008年 愛情左右
2012年 喜愛夜蒲2 客串
2015年 衝鋒車 徐安良

電影(配音)[編輯]

  • 1997年:《大力士》 聲演 大力士
  • 2005年:《一家之鼠超力仔II》飾 超力仔(配音)
  • 2006年:《路寶治的世界》飾 洛尼(配音)
  • 2010年:《公主與青蛙》聲演 萊汶王子

廣播劇同舞臺劇[編輯]

音樂比賽[編輯]

《我是歌手》第三季[編輯]

2015年1月,加盟湖南衛視《我是歌手》第三季、為首發歌手,喺第二輪踢館賽遭到淘汰,之後喺突圍賽演唱《愛是永恆》以第6名突圍失敗。

我是歌手第三季 古巨基競演排名
期數 播出日期 演唱歌曲 原唱 排名 得票率 備註
1(第一輪排位賽) 2015年1月2號 《愛與誠》(國語) 古巨基 6 9.17%
2(第一輪淘汰賽) 2015年1月9號 《父親》(國語) 筷子兄弟 3 14.91%
3(第一輪踢館賽) 2015年1月16號 《情人》(國語) Beyond 1 不詳 為個人演出最高嘅排名
4(第二輪排位賽) 2015年1月23號 《突然好想你》(國語) 五月天 6 7.89% 為個人演出最低嘅得票率
5(第二輪淘汰賽) 2015年1月30號 《Monica》(粵語) 張國榮 3 16.70% 為個人演出最高嘅得票率
6(第二輪踢館賽) 2015年2月6號 《匆匆那年》(國語) 王 菲 7 不詳 為個人演出最低嘅排名
7(第三輪排位賽) 2015年2月13號 《明星》(粵語) 張瑪莉 返場表演
12(突圍賽) 2015年3月20號 《愛是永恆》(粵語) 張學友 6 不詳 突圍失敗

綜藝節目[編輯]

2015年:

2016年:

其他[編輯]

漫畫同小說作品[編輯]

  • 2012年:《古sir IQ王5》
  • 2011年:《古sir IQ王4》
  • 2010年:《古sir IQ王3》
  • 2010年:《古sir IQ王2》
  • 2009年:《古sir IQ王》
  • 2008年:《kubi好孩子系列1:勝利的水杯》
  • 2006年:《愛得太遲》電影小說
  • 2005年:《短信一月追》電影小說
  • 2004年:The story of KUBI Vol.2 漫畫
  • 2003年:The story of KUBI Vol.1 漫畫
  • 1998年:《天旋地戀》電影漫畫
  • 1998年:《天旋地戀》電影小說
  • 1997年:《熱血最強》電影小說及漫畫 (客串主筆)

重要獎項[編輯]

  • 1994年:
  • 1995年:
  • 1996年:
    • 1996年度十大勁歌金曲頒獎禮—傑出表現獎(銀獎)
    • 1996年度新城勁爆頒獎禮—民歌獎 《第二最愛》
    • 1996年度叱吒樂壇流行榜頒獎典禮—十個做得更好的少年偶像選舉十位最高票數歌手
    • 1996年度叱吒樂壇流行榜頒獎典禮—十個做得更好的少年偶像選舉唱得更High大獎
    • 娛樂滿天十二星助歌藝星(香港電台)
    • 最佳進步獎(香港電台)
    • 1996年度十大勁歌金曲第三季季選《第二最愛》
    • 1996年度十大勁歌金曲—傑出表現獎銀獎
  • 1997年:
    • 最廣泛演出獎《第二最愛》 [CASH]
    • 十大金心情歌《第二最愛》 [新城電台]
    • 叱吒903少年偶像選舉金獎[商業電台]
    • 1997年度十大勁歌金曲第三季季選《歡樂今宵》
    • 最佳進步獎(香港電台)
    • 十大愛心之星(香港電台)
    • 兒歌金曲頒獎典禮十大兒歌金曲:《我愛毛查查》(無綫電視)
    • 兒歌金曲頒獎典禮最受歡迎兒歌男歌手(無綫電視)
    • 1320流行榜:97年結總選我最愛男歌手大獎季軍(溫哥華華僑之聲)
    • 1320流行榜:97年結總選我最喜愛流行歌曲季軍—《歡樂今宵》(溫哥華華僑之聲)
    • 動感321中文音樂頒獎典禮:最受歡迎廣東金曲金獎《歡樂今宵》(馬來西亞)
    • 1997年度十大勁歌金曲頒獎禮—十大勁歌金曲《歡樂今宵》
    • 1997年度叱吒樂壇流行榜頒獎典禮—叱吒樂壇男歌手:銀獎
    • 第20屆十大中文金曲頒獎典禮—十大中文金曲《歡樂今宵》
    • 第20屆十大中文金曲頒獎典禮—十大優秀流行歌手大獎
    • 第20屆十大中文金曲頒獎典禮—飛躍大獎:男歌手銀獎
    • 1997年度新城勁爆頒獎禮—勁爆大躍進男歌手
    • 1997年度新城勁爆頒獎禮—新城勁爆男歌手
    • 中國原創歌曲總評榜1997:香港特別行政區飛躍男歌手獎 (中國大陸)
    • 第十七屆香港電影金像獎:最佳原創電影歌曲 《歡樂今宵》(香港電影金像獎協會)
    • 1997年度新城勁爆頒獎禮—新城勁爆男歌手
    • 1997年度新城勁爆頒獎禮—新城勁爆大躍進男歌手
    • 1997年度有線YMC至尊榜總選至尊最愛廣東歌《友共情》(有線電視)
  • 1998年:
    • 1998年度叱吒樂壇流行榜頒獎典禮—叱吒十大第6位 《有你一天》
    • 兒歌金曲頒獎典禮十大兒歌金曲:《友共情》(無綫電視)
    • 兒歌金曲頒獎典禮最受爹D媽咪歡迎大獎:《友共情》(無綫電視)
    • 1998年度十大勁歌金曲頒獎禮—十大勁歌金曲《有你一天》
    • 晨光第一線—淑梅互動網絡公眾及藝人眼中No.1純潔男藝人(香港電台)
  • 1999年:
    • 1999年度勁歌金曲第四季季選—季選得獎歌曲《羅馬假期》
    • 1999年度叱吒樂壇流行榜頒獎典禮 - 專業推介、叱吒十大第3位歌曲 《羅馬假期》
    • 第22屆十大中文金曲頒獎典禮—優秀國語歌曲獎銀獎 《許願》
    • 第22屆十大中文金曲頒獎典禮—最佳原創歌曲獎 《天氣會變》
    • 1999年度十大勁歌金曲頒獎禮—十大勁歌金曲《羅馬假期》
    • 1999年度十大勁歌金曲頒獎禮—最受歡迎國語歌曲獎銅獎 《許願》
    • 1999年度新城勁爆頒獎禮—Top One勁爆卡拉OK歌曲 《羅馬假期》
  • 2001年:
    • 2001年度音樂風雲榜頒獎盛典—年度男歌手飛躍獎(港臺)
    • 2001年台灣年度十大人氣偶像
  • 2002年:
    • 香港喜之郎CiCi第二屆音彩風雲榜:飛躍大獎男歌手
    • 香港壹電視大獎十大藝人:第3名
    • CCTV最受歡迎電視劇男主角
    • 第3屆快上位之星《快上位之星第一名-最健康藝員獎》
    • 十大電視節目第2名《情深深雨濛蒙》
    • 2002陽光健康之星
    • 《時尚》雜誌《晚裝誘惑》晚會「最佳完美風采獎
  • 2003年:
    • 「同一首歌」2003第一季度人氣指數排行榜:人氣最旺男歌手第1名 (中央電視台)
    • 「同一首歌」2003第一季度選舉:十大金曲《喜歡》(中央電視台)
    • 「同一首歌」2003第一季度選舉:十大金曲《好想好想》(中央電視台)
    • 「同一首歌」2003第一季度選舉:人氣最旺新歌 (中央電視台)
    • 「同一首歌」2003第一季度選舉:人氣最旺的原創歌曲 (中央電視台)
    • 2003年度勁歌金曲第三季季選—手機網絡人氣男歌手
    • 2003年度勁歌金曲第四季季選—季選得獎歌曲《必殺技》
    • 2003年度TVB8金曲榜頒獎典禮—極品推介歌曲《天上人間》
    • 2003年度新城勁爆頒獎禮—新城勁爆歌曲《必殺技》
    • 2003年度叱吒樂壇流行榜頒獎典禮:專業推介 叱吒十大 第2位 《必殺技》
    • 2003年度叱吒樂壇流行榜頒獎典禮:叱吒樂壇我最喜愛的歌曲《必殺技》 (商業電台)
    • 2003年度十大勁歌金曲頒獎禮—最受歡迎網絡金曲獎《必殺技》
    • 第2屆東南勁爆音樂榜:香港地區最受歡迎男歌手
    • 第2屆東南勁爆音樂榜:勁爆經典影視金曲獎《好想好想》
    • 第2屆東南勁爆音樂榜:港臺地區勁爆十大金曲《必殺技》
  • 2004年:
    • 2004首屆廣州金曲金榜頒獎禮:香港地區最受歡迎男歌手
    • 2004首屆廣州金曲金榜頒獎禮:最佳粵語大碟《大雄》
    • 2004首屆廣州金曲金榜頒獎禮:金曲獎《愛與誠》
    • 2004首屆廣州金曲金榜頒獎禮:金曲金獎《愛與誠》
    • 2004首屆廣州金曲金榜頒獎禮:年度男歌手
    • 2004勁歌金曲優秀選第一回—得獎歌曲《愛神》
    • 2004勁歌金曲優秀選第二回—得獎歌曲《愛與誠》
    • 2004年度新城勁爆頒獎禮—勁爆男歌手
    • 2004年度新城勁爆頒獎禮—新城勁爆金曲 《愛與誠》
    • 2004年度新城勁爆頒獎禮—新城勁爆卡拉 OK 歌曲 《愛與誠》
    • 2004年度新城勁爆頒獎禮—新城勁爆大碟獎—《大雄》
    • 2004年度新城勁爆頒獎禮—我最欣賞歌曲 《愛與誠》
    • 2004年度叱吒樂壇流行榜頒獎典禮—專業推介 叱吒十大 第6位 《大雄》
    • 2004年度叱吒樂壇流行榜頒獎典禮—叱吒樂壇男歌手金獎
    • 2004年度叱吒樂壇流行榜頒獎典禮—叱吒樂壇我最喜愛的男歌手
    • 2004年度叱吒樂壇流行榜頒獎典禮—叱吒樂壇我最喜愛的歌曲《愛與誠》
    • 2004年度十大勁歌金曲頒獎禮—十大勁歌金曲 《愛與誠》
    • 第27屆十大中文金曲頒獎典禮—全年最佳進步獎
    • 第27屆十大中文金曲頒獎典禮—全年華人至尊金曲大獎—《愛與誠》
    • 第27屆十大中文金曲頒獎典禮—十大優秀流行歌手
    • 第27屆十大中文金曲頒獎典禮—十大金曲 《愛與誠》
    • 2004第四屆雪碧中國原創音樂流行榜頒獎禮:港臺十大金曲 《愛與誠》
    • 2004第四屆雪碧中國原創音樂流行榜頒獎禮:最佳演繹歌手
    • 2004第四屆雪碧中國原創音樂流行榜頒獎禮:全國至尊金曲大獎—《愛與誠》
    • 音樂先鋒榜頒獎禮:最受歡迎卡拉ok男歌手
    • 音樂先鋒榜頒獎禮:年度十大金曲《愛與誠》
    • 音樂先鋒榜頒獎禮:最受歡迎卡拉ok歌曲《愛與誠》
  • 2005年:
    • 第2屆勁歌王總選 :最受歡迎男歌手
    • 第2屆勁歌王總選 :最受歡迎K歌金曲《愛與誠》
    • 第2屆勁歌王總選 :十大金曲《愛與誠》
    • 第2屆勁歌王總選 :傳媒大獎
    • 第5屆華語音樂傳媒大獎:年度粵語歌曲 - 《愛與誠》
    • 第5屆華語音樂傳媒大獎:最佳粵語男歌手
    • 2005金曲金榜頒獎禮:香港最受歡迎男歌手
    • 2005金曲金榜頒獎禮:全民投票最受歡迎男歌手
    • 2005金曲金榜頒獎禮:至尊唱片大獎《勁歌金曲》
    • 2005金曲金榜頒獎禮:金曲金獎《天才與白癡》
    • 2005金曲金榜頒獎禮:十大金曲《天才與白癡》
    • 2005雅虎搜尋人氣頒獎禮:本地男歌手獎
    • 2005雅虎搜尋人氣頒獎禮:人氣歌曲《MONICA》、《天才與白癡》
    • 2005勁歌金曲優秀選第一回—得獎歌曲《勁歌·金曲》
    • 2005勁歌金曲優秀選第二回—得獎歌曲《夢中人》
    • 2005勁歌金曲優秀選第三回—得獎歌曲《天才與白癡》
    • 2005年度新城勁爆頒獎禮—勁爆歌曲大獎 《勁歌金曲》
    • 2005年度新城勁爆頒獎禮—勁爆歌曲大獎 《天才與白癡》
    • 2005年度新城勁爆頒獎禮—勁爆播放指數大獎 《天才與白癡》
    • 2005年度新城勁爆頒獎禮—勁爆大碟 《星戰》
    • 2005年度新城勁爆頒獎禮—勁爆男歌手
    • 2005年度叱吒樂壇流行榜頒獎典禮—專業推介 叱吒十大 第2位 《天才與白癡》
    • 2005年度叱吒樂壇流行榜頒獎典禮—叱吒樂壇男歌手銀獎
    • 2005年度十大勁歌金曲頒獎典禮—十大勁歌金曲 《天才與白癡》
    • 2005年度十大勁歌金曲頒獎典禮—四台聯頒歌曲獎《天才與白癡》
    • 第28屆十大中文金曲頒獎禮—十大優秀流行歌手
    • 第28屆十大中文金曲頒獎禮—十大金曲 《天才與白癡》
    • 2005年度首屆RoadShow至尊音樂頒獎禮—至尊歌曲 《天才與白癡》
    • 2005年度首屆RoadShow至尊音樂頒獎禮—至尊男歌手
    • 2005SINA Music樂壇民意指數頒獎禮 - 香港我最喜愛男歌手
    • 2005SINA Music樂壇民意指數頒獎禮—我最喜愛至尊金曲 《天才與白癡》
    • 2005SINA Music樂壇民意指數頒獎禮—我最喜愛視聽金曲 《天才與白癡》
    • 2005IFPI香港唱片銷量大獎—十大銷量廣東唱片《勁歌·金曲新曲+精選》
    • 2005IFPI香港唱片銷量大獎—十大銷量廣東唱片《古巨基05勁歌·金曲演唱會》
    • 2005IFPI香港唱片銷量大獎—十大銷量廣東唱片《星戰
    • 2005IFPI香港唱片銷量大獎—十大銷量本地歌手
    • 2005IFPI香港唱片銷量大獎—全年最高銷量本地男歌手
    • 2005HMV唱片銷量成績—全年最高銷量男歌手獎
    • 2005HMV唱片銷量成績—十大最高銷量華語唱片 《勁歌·金曲新曲+精選》
    • 2005年度TVB8金曲榜頒獎典禮—全球觀眾最愛粵語歌曲《勁歌·金曲》
    • 第2屆中國歌曲排行榜海外頒獎典禮:香港最受歡迎男歌手
    • 第5屆CCTV-MTV音樂盛典頒獎禮:香港最受歡迎男歌手
    • 2005第五屆雪碧中國原創音樂流行榜頒獎禮:香港最優秀專輯-《勁歌金曲新歌》
    • 2005第五屆雪碧中國原創音樂流行榜頒獎禮:港臺十大金曲-《睡美人》
    • 2005年度9+2音樂先鋒榜頒獎禮:最受歡迎k歌《天才與白癡》
    • 2005年度十大傑出青年
  • 2006年:
    • 第3屆勁歌王總選 :十大金曲《天才與白癡》
    • 2006勁歌金曲優秀選第一回—得獎歌曲《一生何求》
    • 2006勁歌金曲優秀選第二回—得獎歌曲《花灑》
    • 2006勁歌金曲優秀選第三回—得獎歌曲《愛得太遲》
    • 2006年度新城勁爆頒獎禮—新城勁爆歌曲 -《花灑》
    • 2006年度新城勁爆頒獎禮—新城勁爆歌曲—《愛得太遲》
    • 2006年度新城勁爆頒獎禮—新城勁爆播放指數大獎 -《愛得太遲》
    • 2006年度新城勁爆頒獎禮—新城勁爆男歌手
    • 2006年度新城勁爆頒獎禮—新城勁爆年度歌曲大獎 -《愛得太遲》
    • 2006年度新城勁爆頒獎禮—新城勁爆專輯 -《Human我生
    • 2006年度新城勁爆頒獎禮—新城勁爆卡拉OK歌曲 -《愛得太遲》(合唱版)
    • 2006年度新城勁爆頒獎禮—四台聯頒大獎 歌曲獎—《愛得太遲》
    • 2006年度叱吒樂壇流行榜頒獎典禮—叱吒樂壇至尊歌曲大獎(歌手)《愛得太遲》
    • 2006年度叱吒樂壇流行榜頒獎典禮—叱吒樂壇我最喜愛的歌曲(歌手)《愛得太遲》
    • 2006年度叱吒樂壇流行榜頒獎典禮—叱吒樂壇至尊唱片大獎(歌手)《Human我生
    • 2006年度叱吒樂壇流行榜頒獎典禮—叱吒樂壇男歌手(銀獎)
    • 2006年度叱吒樂壇流行榜頒獎典禮—四台聯頒大碟 - 《Human我生
    • 2006年度十大勁歌金曲頒獎典禮—十大勁歌金曲 《愛得太遲》
    • 2006年度十大勁歌金曲頒獎典禮—最受歡迎廣告歌曲大獎(銀獎) 《愛得太遲》
    • 2006年度十大勁歌金曲頒獎典禮—十大勁歌金曲金曲金獎 《愛得太遲》
    • 第29屆十大中文金曲頒獎典禮—優秀流行歌手大獎
    • 第29屆十大中文金曲頒獎典禮—十大中文金曲獎 《愛得太遲》
    • 第29屆十大中文金曲頒獎典禮—全球華人至尊金曲大獎 《愛得太遲》
    • 第29屆十大中文金曲頒獎典禮—四台聯頒音樂大獎 - 傳媒大獎(歌手)
    • 2006年度RoadShow至尊音樂頒獎禮 ——至尊歌曲 《愛得太遲》
    • 2006年度RoadShow至尊音樂頒獎禮—至尊男歌手
    • 2006年度RoadShow至尊音樂頒獎禮—至尊歌曲累積票數最高男歌手
    • 2006年度SINA Music樂壇民意指數頒獎禮新歌試聽 —全年最高收聽率歌曲 《愛得太遲
    • 2006年度SINA Music樂壇民意指數頒獎禮—我最喜愛至尊大碟 《Human我生
    • 2006年度SINA Music樂壇民意指數頒獎禮—我最喜愛至尊金曲《愛得太遲》
    • 2006年度SINA Music樂壇民意指數頒獎禮—我最喜愛男歌手(香港)
    • 2006 雅虎香港Yahoo!搜尋人氣大獎頒獎禮:本地男歌手
    • 2006 雅虎香港Yahoo!搜尋人氣大獎頒獎禮:「人氣MV」獎—《重復犯錯》
    • 2006 雅虎香港Yahoo!搜尋人氣大獎頒獎禮:「十大人氣歌曲和金曲」獎—《愛得太遲》
    • IFPI香港唱片銷量大獎2006—十大銷量廣東唱片《Human我生
    • IFPI香港唱片銷量大獎2006—十大銷量本地歌手
    • EOLAsia.com頒獎禮:最佳下載男歌手
    • 「第3屆Sina網絡廣告大獎」:「網絡廣告型男獎」
    • 2006 雪碧中國原創音樂流行榜頒獎禮季選:香港最具人氣歌手
    • 2006 雪碧中國原創音樂流行榜頒獎禮季選:現場投選的至IN星大獎
    • 新城國語力頒獎頒獎禮:新城國語力男歌手
    • 新城國語力頒獎頒獎禮:新城國語力演繹獎
    • 新城國語力頒獎頒獎禮:新城國語力歌曲—《睡美人》
    • 《演藝家年獎2006》頒獎禮:「我最喜愛男歌手」—金獎
    • 2006年度TVB8金曲榜頒獎典禮:全球熱愛粵語歌曲獎—《一生何求》
    • 2006年度9+2音樂先鋒榜頒獎典禮:港臺最受歡迎先鋒男歌手獎
    • 2006年度9+2音樂先鋒榜頒獎典禮:十大金曲獎—《愛得太遲》
    • 2006年度9+2音樂先鋒榜頒獎典禮:金曲金獎—《愛得太遲》
    • 2006年度雪碧中國原創音樂流行榜頒獎禮:港臺十大金曲 《愛得太遲》
    • 2006年度雪碧中國原創音樂流行榜頒獎禮:全國至尊金曲大獎 《愛得太遲》
    • 2006年度雪碧中國原創音樂流行榜頒獎禮:香港最受歡迎男歌手
    • 2006年度雪碧中國原創音樂流行榜頒獎禮:香港最優秀專輯獎 《Human我生
  • 2007年:
    • 2007勁歌金曲優秀選第二回—得獎歌曲《錢錢錢錢》
    • 2007勁歌金曲優秀選第三回—得獎歌曲《愛回家》
    • 第4屆Sina網絡廣告大獎:我最喜愛網絡廣告型男大獎
    • 2007 雅虎香港Yahoo!搜尋人氣大獎頒獎禮: Yahoo! 音樂十大人氣歌曲《愛回家》
    • 2007 雅虎香港Yahoo!搜尋人氣大獎頒獎禮: 歷年搜尋次數累積最多的人物
    • 2007年度雪碧中國原創音樂流行榜頒獎禮—傳媒推薦大獎
    • 2007年度雪碧中國原創音樂流行榜頒獎禮—最受歡迎男歌手(香港)
    • 2007年度雪碧中國原創音樂流行榜頒獎禮—港臺金曲獎《愛回家》
    • 第4屆勁歌王頒獎典禮—勁歌王
    • 第4屆勁歌王頒獎典禮—至尊金曲大獎《愛得太遲》
    • 第4屆勁歌王頒獎典禮—金曲獎(粵語)《愛得太遲》
    • 第7屆華語音樂傳媒大獎—年度粵語歌曲 古巨基《愛得太遲》
    • 第7屆華語音樂傳媒大獎—我最喜愛的男歌手獎
    • 2007年度新城勁爆頒獎禮—勁爆全年播放指數大獎 《愛回家》
    • 2007年度新城勁爆頒獎禮—新城勁爆歌曲《愛回家》
    • 2007年度新城勁爆頒獎禮—新城勁爆男歌手
    • 2007年度新城勁爆頒獎禮—新城勁爆我最欣賞的男歌手
    • 2007年度叱吒樂壇流行榜頒獎典禮—專業推介.叱吒十大(第四位)《愛回家》
    • 2007年度叱吒樂壇流行榜頒獎典禮—叱吒樂壇男歌手銀獎
    • 2007年度十大勁歌金曲頒獎典禮—十大勁歌金曲《愛回家》
    • 第30屆十大中文金曲頒獎典禮—優秀流行歌手大獎
    • 第30屆十大中文金曲頒獎典禮—十大中文金曲獎 《愛回家》
    • 2007年度RoadShow至尊音樂頒獎禮—至尊歌曲《愛回家》
    • 2007年度RoadShow至尊音樂頒獎禮—至尊男歌手
    • 2007年度RoadShow至尊音樂頒獎禮—至尊歌曲累積票數最高男歌手
    • 2007年度SINA Music樂壇民意指數頒獎禮—最高收聽率十大歌曲《愛回家》
    • 2007年度SINA Music樂壇民意指數頒獎禮—我最喜愛至尊大碟 《Moments
    • 2007年度SINA Music樂壇民意指數頒獎禮—我最喜愛男歌手(香港)
    • IFPI香港唱片銷量大獎2007—十大銷量廣東唱片《古巨基X容祖兒加州紅903黃金組合音樂會》
    • IFPI香港唱片銷量大獎2007—十大銷量本地歌手
    • 2007年度風尚大典—風尚亞洲傑出歌手
  • 2008年:
    • MTV亞洲大獎—香港最受歡迎歌手獎
    • 2008 雅虎香港Yahoo!搜尋人氣大獎—2008音樂搜尋本地男歌手
    • 2008 雅虎香港Yahoo!搜尋人氣大獎—2008音樂搜尋華語歌曲:《勁歌金曲2情歌王》
    • 2008 雅虎香港Yahoo!搜尋人氣大獎—Yahoo! Music十大人氣歌曲2008:《下次再見》
    • 2008勁歌金曲優秀選第一回—得獎歌曲《年年有今日》
    • 2008勁歌金曲優秀選第二回—得獎歌曲《下次再見》
    • 2008勁歌金曲優秀選第三回—得獎歌曲《眼睛不能沒眼淚》
    • 第5屆勁歌王頒獎典禮—勁歌王
    • 第5屆勁歌王頒獎典禮—至尊金曲大獎《愛回家》
    • 第5屆勁歌王頒獎典禮—金曲獎(粵語)《愛回家》
    • 2008年度叱吒樂壇流行榜頒獎典禮—專業推介.叱吒十大(第三位)《下次再見》
    • 2008年度叱吒樂壇流行榜頒獎典禮—叱吒樂壇男歌手銀獎
    • 2008年度十大勁歌金曲頒獎典禮—十大勁歌金曲《眼睛不能沒眼淚》
    • 2008年度十大勁歌金曲頒獎典禮—最受歡迎男歌星
    • 第31屆十大中文金曲頒獎典禮—優秀流行歌手大獎
    • 第31屆[[十大中文金曲頒獎典禮]—十大中文金曲獎 《眼睛不能沒眼淚》
    • 2008年度SINA Music樂壇民意指數頒獎禮—最高收聽率二十大歌曲《眼睛不能沒眼淚》
    • uChannel uChoice 音樂評選—十大金曲獎《下次再見》
    • IFPI香港唱片銷量大獎2008—十大銷量廣東唱片《Guitar Fever》
    • IFPI香港唱片銷量大獎2008—十大銷量本地歌手
    • 音樂先鋒榜》2008年度頒獎典禮—港臺十大先鋒金曲- 《我還是你的》
  • 2009年:
    • 2009勁歌金曲優秀選第一回—得獎歌曲《以你為榮》
    • 2009勁歌金曲優秀選第二回—得獎歌曲《地球很危險》
    • 2009勁歌金曲優秀選第三回—得獎歌曲《沒有腳的小鳥》
    • 第6屆勁歌王頒獎典禮— 勁歌王
    • 第6屆勁歌王頒獎典禮—勁歌王傳媒大獎
    • 第6屆勁歌王頒獎典禮—金曲獎(粵語)《眼睛不能沒眼淚》
    • 第9屆華語音樂傳媒大獎—百家傳媒年度最受矚目男歌手
    • 第9屆華語音樂傳媒大獎—南方傳媒聯頒大獎
    • 2009中國廣播影視大獎原創歌曲獎頒典禮—港臺最受歡迎男歌手
    • 2009中國廣播影視大獎原創歌曲獎頒典禮—港臺最佳專輯獎-《You Talkin」To Me ?》專輯
    • 2009 雅虎香港Yahoo!搜尋人氣大獎—2009音樂搜尋本地男歌手
    • 2009 雅虎香港Yahoo!搜尋人氣大獎—Yahoo! Music十大人氣歌曲2009:《地球很危險》
    • 2009年度新城勁爆頒獎禮—新城勁爆歌曲—《地球很危險》
    • 2009年度新城勁爆頒獎禮—新城勁爆男歌手
    • 2009年度新城勁爆頒獎禮—新城勁爆亞洲歌手大獎
    • 2009年度新城勁爆頒獎禮—新城全球勁爆歌手大獎
    • [[2009年度叱吒樂壇流行榜]—專業推介 叱吒十大 第5位《地球很危險》
    • 第32屆十大中文金曲—十大中文金曲—《地球很危險》
    • 第32屆十大中文金曲—優秀流行歌手大獎
    • 青協uChannel網上電台—「千禧十年最受年青人歡迎男歌手」
    • 2009年度十大勁歌金曲—十大勁歌金曲《地球很危險》
    • 2009年度十大勁歌金曲—最受歡迎男歌星
    • 2009年度四台聯頒音樂大獎—歌曲獎—《地球很危險》
    • 2009年度SINA Music樂壇民意指數頒獎禮—最高收聽率二十大歌曲《地球很危險》
    • 音樂先鋒榜》2009年度頒獎典禮—港臺十大先鋒金曲- 《地球很危險》
    • 音樂先鋒榜》2009年度頒獎典禮—最受歡迎先鋒歌手五強
    • 音樂先鋒榜》2009年度頒獎典禮—21家電臺聯頒最佳專輯《You Talkin' To Me?》
    • 音樂先鋒榜》2009年度頒獎典禮—21家電臺聯頒港臺最佳先鋒歌手
    • 2010年香港服務大獎領獎禮—慈善之星大獎
    • 第17屆東方風雲榜—華語五強(香港)
    • Channel V第14屆全球華語音樂榜中榜暨亞洲影響力大典—「最受歡迎男歌手」
    • 環球紅歌盛典—「媒體推薦年度全能藝人」
  • 2010年:
  • 2011年:
  • 2012年:
  • 2013年:
    • 第9屆勁歌王金曲金榜頒獎禮》—粵語金曲獎—《戀無可戀》
    • 《第9屆勁歌王金曲金榜頒獎禮》—最佳粵語專輯—「告別我的戀人們」
    • 《第9屆勁歌王金曲金榜頒獎禮》— 「勁歌王」
    • 首屆世界廣府人懇親大會—「十大傑出青年」
    • 「中國美.風尚志七周年頒獎盛典暨LUX.風尚SPARK燃情行動啟動儀式」—「年度最強音獎」
    • 音樂先鋒榜2013年度頒獎典禮—先鋒K歌王
    • 音樂先鋒榜2013年度頒獎典禮—港臺十大先鋒金曲—《SHIRLEY》
    • 著名時尚類雜誌《時尚先生》年度盛典活動—年度跨界藝人
    • 第11屆華鼎獎全球音樂滿意度調查發布盛典—中國樂迷選擇獎
    • 夢想星搭檔音樂比賽第一季總冠軍
    • IFPI香港唱片銷量大獎2013—十大數碼暢銷歌曲《戀無可戀》
  • 2014年:
  • 2015年:

參考[編輯]

  1. http://ol.mingpao.com/cfm/Archive1.cfm?File=20070101/saa01/mcd1.txt
  2. [1]古巨基亞洲總銷量超越100萬張
  3. [2]古巨基全年最高銷量歌手第二位
  4. 九九年賺$1,900萬古巨基$700萬買康樂園與歌神做鄰居. 2010-09-05. 2011-01-01 查過。. (zh)
  5. [3]
  6. 古巨基香港個唱創造紀錄
  7. [4]古巨基正式簽約英皇 過檔猶如登基大典
  8. [5]
  9. [6]古巨基李泉之「泉基組合」強勢奪冠《夢想星搭檔》總決賽搶收視
  10. [7]古巨基廣州獲頒十大傑出青年殊榮
  11. [8]
  12. [9]A Big Company
  13. 周慧敏臉書
  14. abc >> a big company HK.Ulifestyle.com
  15. Alice Wild LusciousHK.Ulifestyle.com

出面網頁[編輯]

Template:Navboxes