勁歌金曲

出自維基百科,自由嘅百科全書
跳去導覽 跳去搵嘢

勁歌金曲》(英文Jade Solid GoldJSG)係一個喺香港電視史上相當長壽嘅音樂節目,由電視廣播有限公司製作。呢個節目時至今日成為全球最長壽嘅華語音樂節目,而從意義上嚟睇,現時喺無綫收費電視內播放嘅華語音樂頻道「無綫音樂台」,可算係《勁歌金曲》節目嘅延伸。

[編輯]

勁歌金曲喺1981年10月10號播出第一集,當時第1代嘅節目主持人係蔡楓華(據知亦係任期最長嘅一位),並喺逢星期六晚九點左右播映,節目嘅內容以訪問歌手,以及播放過去一個禮拜內嘅新歌MTV為主。起初並無一個正式嘅頒獎典禮,直到1984年1月28號,至開始舉辦1983年度《十大勁歌金曲頒獎典禮》,至1986年2月1號設立「勁歌金榜」,呢個「傳統」一直維持到而家。

1981年至1990年中,《勁歌金曲》以現場直播方式,邀請歌星亮相表演。1990年中期開始,轉為訪問歌星同埋播放歌曲嘅錄影節目,較後時期轉返做歌星亮相表演方式,但大多數係錄影播出(「季選」除外)。節目形式大致係同歌手玩遊戲,噉亦引嚟歌手謝霆鋒批評過節目無聊。

2004年改為星期日晚7點35分播出時,曾經一度以現場直播方式播出,但喺2005年隨著《勁歌金曲》改喺逢星期三晚11點05分播出,轉返做錄播。另外高清翡翠台會喺星期日播出一個鐘完整版嘅《勁歌金曲》,同樣係錄播。2009年2月2號起,無綫電視晚間新聞提早播出,勁歌金曲因而再進行再調動至逢星期六晚7點35分現場直播。2009年7月,勁歌金曲再次改為錄影播出。

2010年9月,因為香港電台時段對調,《勁歌金曲》10月2號起再次改為逢星期六晚7點30分播出。2011年3月,《勁歌金曲》改為逢星期六晚7點播出。

2011年5月,《勁歌金曲》播映時間將改為逢星期六下晝5點30分到6點。

HKRIA版權風波[編輯]

2009年至2013年期間,香港音像聯盟(HKRIA)就旗下成員唱片公司嘅音樂作品版權收費問題,同無綫電視唔啱牙。期間香港環球唱片(包括環球、寶麗金、新藝寶、正東)、索尼音樂娛樂(香港)(包括新力、博德曼、藝能動音)、香港華納唱片(包括華納、金牌大風)、百代唱片(香港)(剩係包括百代)同埋種子博美娛樂(前四者係比較早期加入,最後者係後期加入)呢五間唱片公司旗下歌手包括香港環球唱片代表譚詠麟鍾鎮濤李克勤張學友陳奕迅張敬軒陳慧琳陳秋霞區瑞強關正傑關淑怡陳慧嫻;香港華納唱片代表葉蒨文許廷鏗林欣彤呂方郭富城杜麗莎吳雨霏小肥鄭秀文方力申鄧麗欣;索尼音樂娛樂(香港)代表徐小鳳林志美蔡楓華劉美君甄妮盧巧音王秀琳孫耀威高皓正鄧穎芝;同埋百代唱片(香港)代表顧媚葉振棠葉麗儀盧冠廷黃敏華葉德嫻陳司翰葛蘭都無得喺TVB唱歌、露面及接受訪問,佢哋啲歌都無得喺「勁歌金榜」得到任何排名。亦有上述歌手因為唱咗好多年,要俾機會啲新人,所以無得上TVB嘅講法。[未記出處或冇根據]風波亦教識好多人聽歌同追星都要緊貼時代同潮流。[未記出處或冇根據]

期間,TVB亦多咗啲機會走去「捧紅」新晉歌手,亦都間接令節目變新人、自家歌手同自家藝人嘅天下,更加令正視音樂喺2013年變成星夢娛樂[未記出處或冇根據]有越來越多00後亦自己作歌,希望上到「勁歌金榜」。[未記出處或冇根據]

2014年,周柏豪憑《同行》回歸勁歌金曲,做咗第一位回歸勁歌金曲嘅四大歌手(佢係華納唱片代表。),然後有李克勤張學友陳奕迅徐小鳳等人回歸。HKRIA雖然喺2017年再同TVB唔啱牙,但嗰間公司喺2021年2月尾都係正式同TVB和好。

播映時間[編輯]

主持[編輯]

現任[編輯]

前任[編輯]

特別版[編輯]

  • 勁歌金曲熱唱世界盃(由東港城特約)
  • 翻轉勁歌25年

睇埋[編輯]

出面網頁[編輯]

  • 勁歌金曲 JSG - tvb.com.
  • 勁歌金曲 - 主頁 - tvb.com.