謝霆鋒
| 謝霆鋒 | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | |||||||||||||||||||||||
| 男藝人 | |||||||||||||||||||||||
| 原名 | 謝霆鋒 | ||||||||||||||||||||||
| 羅馬拼音 | Tse Ting Fung | ||||||||||||||||||||||
| 英文名 | Nicholas Tse | ||||||||||||||||||||||
| 花名 | 謝檸檬、霆鋒 | ||||||||||||||||||||||
| 國籍 |  加拿大[1]（1988年 - 2021年[2][3]） 中國（香港）[1][4] | ||||||||||||||||||||||
| 永久居留權 | 香港 | ||||||||||||||||||||||
| 民族 | 漢族 | ||||||||||||||||||||||
| 籍貫 | 廣東番禺 | ||||||||||||||||||||||
| 出世 | 1980年8月29號 英屬香港九龍馬頭圍聖德肋撒醫院 | ||||||||||||||||||||||
| 職業 | 歌手、演員、詞曲作家、生意人 | ||||||||||||||||||||||
| 語言 | 粵語、英文、普通話、日文 | ||||||||||||||||||||||
| 教育程度 | 中五畢業 | ||||||||||||||||||||||
| 母校 | 聖佐治書院（中退） 香港國際學校（中退） | ||||||||||||||||||||||
| 宗教信仰 | 佛教 | ||||||||||||||||||||||
| 配偶 | 張栢芝（2006年結婚；2011年離婚） | ||||||||||||||||||||||
| 仔女 | 大仔：謝振軒（Lucas） 2007年8月2號 二仔：謝振南（Quintus） 2010年5月12號 | ||||||||||||||||||||||
| 父母 | 謝賢、狄波拉 | ||||||||||||||||||||||
| 屋企人 | 謝婷婷（細妹） | ||||||||||||||||||||||
| 音樂類 | 粵語流行曲、華語流行曲 | ||||||||||||||||||||||
| 演奏樂器 | 結他、手碟、架子鼓、鋼琴 | ||||||||||||||||||||||
| 出道地 | 英屬香港 | ||||||||||||||||||||||
| 出道日期 | 1996年 | ||||||||||||||||||||||
| 出道作品 | My Attitude | ||||||||||||||||||||||
| 代表作品 | 歌曲： 《壞習慣》 《活着Viva》 《玉蝴蝶》 《無聲仿有聲》 《謝謝你的愛1999》 電影： 《十月圍城》 《綫人》 《怒火》 | ||||||||||||||||||||||
| 活躍年代 | 1996年—2002年 2003年— | ||||||||||||||||||||||
| 唱片公司 | 英皇娛樂 | ||||||||||||||||||||||
| 經紀公司 | 英皇娛樂 | ||||||||||||||||||||||
| 網站 | 謝霆鋒嘅官方網站 | ||||||||||||||||||||||
| 網路電影資料庫（IMDb）資訊 | |||||||||||||||||||||||
| |||||||||||||||||||||||
香港出世，細個跟隨屋企人移民加拿大，曾經響日本留學。1996年，謝霆鋒正式出道，憑住《壞習慣》成為四台冠軍歌，係年紀最細嘅香港四大電子傳媒冠軍歌得主。1999年，佢憑《新古惑仔之少年激鬥篇》獲得金像獎最佳新演員。2002年，佢憑住《玉蝴蝶》獲得世界音樂獎亞洲最高銷量歌手獎。不過響2002年3月發生嘅頂包案令佢形象插水，被迫退出娛樂圈。2003年復出後，將事業重心轉去中國，同年成立公司Po朝霆。2004年開始主力發展電影事業，2010年憑住《十月圍城》獲金像獎最佳男配角，一年後以《綫人》獲金像獎最佳男主角。目前主要做飲食節目。
個人背景
[編輯]謝霆鋒籍貫廣東番禺，1980年8月29號響九龍馬頭圍聖德肋撒醫院出世。佢有一個細妹謝婷婷，亦係一位演員。由於老豆謝賢同阿媽狄波拉係非常出名嘅演員，作為星二代嘅謝霆鋒自細就活響閃光燈之下，身邊亦有好多出名嘅演員前輩。有次細個嘅謝霆鋒畀梅艷芳抱佢去廁所，大個仔後遇到梅艷芳都會唔好意思。不過佢唔中意呢種生活，試過由三樓跳落嚟試圖輕生。後嚟老豆阿媽因為想避開媒體，加上響香港熟人太多驚謝霆鋒畀人縱壞，所以舉家移民加拿大[5]，謝霆鋒隨後入讀加拿大寄宿學校[6]聖佐治書院（Saint George's School）[7]。無耐又返香港入讀香港國際學校，但響一年後由於成績太差而退學。後嚟謝霆鋒響美國亞利桑那州鳳凰城讀書一年，但因為成績太差而退學[7]。一直有指謝霆鋒並唔係謝賢親生，傳原因係謝賢不育同生意失敗，要求狄波拉搵「賭王」何鴻燊「借種」，而謝霆鋒響驗DNA後，證明自己係謝賢親生仔[8]。謝霆鋒早年主要響香港發展音樂事業，頂包案發生後就轉為響中國發展電影同主持事業[9]。
音樂事業
[編輯]成為歌手
[編輯]謝霆鋒響12歲嗰陣拍咗寫真集《男城市驚喜》。14歲拜師戴思聰，跟戴思聰學唱歌[10][11]。15歲到日本東京學習音樂[6]。雖然佢本身並唔想加入娛樂圈，但係16歲嗰年老豆謝賢生意失敗，佢為咗幫老豆還債，於是簽約英皇娛樂出道，花十年時間還債[12]。亦有指係英皇老細楊受成認為謝霆鋒有潛質做歌手，同謝賢傾過，謝賢同意，所以英皇同謝霆鋒簽約[7]。
成名初期
[編輯]1996年，謝霆鋒簽約英皇娛樂正式出道，出道作《My Attitude》嘅主打歌《壞習慣》成為四台冠軍歌，更加攞到十大中文金曲最有前途新人獎金獎，係年紀最細嘅香港四大電子傳媒冠軍歌得主。1997年，佢推出EP《無聲仿有聲》，係佢同伍樂城第一次合作，亦係伍第一次監製嘅作品[13]。謝霆鋒以叛逆嘅姿態好快就獲得中港台後生仔嘅支持，但同時謝霆鋒亦因為星二代嘅光環令啲人認為佢不學無術[14]。
響謝霆鋒第一次現場表演個陣，因為樂隊出現意外，中途有兩次要停止表演，謝霆鋒因而直接罷唱，畀人認為佢扮大牌[14]。所以至此之後個三、四年，只要現場表演有謝霆鋒，台下觀眾就會向佢掟螢光棒同水樽，佢一開口就噓聲不斷，以至於謝霆鋒響台上要不斷搖嚟搖去以躲避螢光棒同水樽[15]。
1998年，佢推出個人第二張大碟《Horizons》，為自己主演嘅第一套電影《新古惑仔之少年激鬥篇》、第一套主演嘅電視劇《撻出愛火花》唱主題曲同插曲[16]。由呢個時候開始，公司開始畀謝霆鋒自己製作專輯，更多地參考謝霆鋒本人嘅意見[17]。當時公司英皇娛樂希望謝霆鋒轉型，將謝霆鋒包裝成唱跳歌手出道，好似四大天王咁嘅樣。謝霆鋒因為中意搖滾而唔肯做唱跳，結果同公司談判破裂，佢亦因而響1998年尾短暫返到加拿大。後嚟謝霆鋒要求英皇畀佢響唔唱跳之下出歌，公司最終同意，但條件係一旦新專輯成績唔理想就冇得留底[18]。
巔峰時代
[編輯]1998年12月，謝霆鋒推出EP《末世紀的呼聲》，登上香港多個流行榜前列位置，開啟謝霆鋒霸榜嘅時代[19]。而1999年係就謝霆鋒人氣突破嘅一年。1999年4月，佢推出大碟《Believe》，攞到四台聯頒音樂大獎大碟獎，其中收錄嘅《非走不可》成為家傳戶曉嘅歌曲[17]。9月，佢推出第一張國語大碟《謝謝你的愛1999》，同劉德華響1992年推出嘅大碟《謝謝你的愛》相呼應，就係為咗致敬劉德華[20]。呢套唱片銷量突破一百萬，仲紅到去台灣，獲得臺灣唱片銷量榜冠軍[14]。啲人對謝霆鋒嘅印象亦有所改變，唔再認為佢係個「靠父幹」嘅星二代[14]。
謝霆鋒好中意搖滾，不過英皇一直畀K歌佢唱，直至2000年5月推出嘅大碟《零距離》先至收錄佢自己創作嘅搖滾歌曲。7月，佢推出嘅國語大碟《了解》成功令佢打入中國大陸市場。11月推出嘅大碟《VIVA》，邀請到偶像Beyond成員黃貫中合作。
2001年5月，佢推出大碟《玉蝴蝶》，請嚟Dir en grey鼓手Shinya、LunaSea成員Sugizo合作[21]。呢隻大碟成為佢嘅經典之作，令佢第三次攞到叱咤樂壇男歌手銅獎。2002年，佢憑住《玉蝴蝶》獲得世界音樂獎亞洲最高銷量歌手獎，亦係有史以嚟最後生嘅華人得獎者。2001年10月，佢推出第三張國語大碟《世紀預言》，其中收錄嘅歌曲《香水》攞到多個獎項，有勁歌金曲第四季季選網上金曲、新城勁爆國語歌曲等。2002年1月，佢推出廣東大碟《Me》，加入更多英式搖滾嘅元素[17]。
呢個時期嘅謝霆鋒亦有為其他歌手創作歌曲，包括陳慧琳嘅《假天真》、王菲嘅《迷魂記》、張栢芝嘅《吻着道歉》等，亦係紅遍香港嘅歌，呢段時期可以話係謝霆鋒響音樂方面嘅高產量時代[17]。
暫退
[編輯]2002年3月23號凌晨，一架法拉利跑車響港島紅棉路撞到路邊花壇，成架車幾乎變形。英皇娛樂公司司機成國定響無耐到警署自首[22]。但經廉政公署調查後，查出當晚揸跑車嘅人係謝霆鋒[23]。當時謝霆鋒因為要到外國做節目[9]，於是就交畀經理人處理，而經理人就搵咗成國定做替死鬼[24]。謝霆鋒涉嫌妨礙司法公正而畀人拉咗[25]。10月2號，西區裁判法院認為謝霆鋒響事發後未有執好手尾就走人，裁定謝霆鋒罪名成立，謝霆鋒要還押到壁屋監獄14日後再作決[26]。最終謝霆鋒被判240個鐘社會服務令[26]。謝霆鋒上訴，但畀終審法院響2003年11月28號駁回[27]。
另外，謝霆鋒響2002年5月27號響青葵公路同西九龍公路超速駕駛，罰款七千蚊兼且抄牌[28]。同年6月30號，本身要到馬來西亞拍廣告嘅佢響北大嶼山公路發生交通意外，個頭同條頸受傷，要到深切治療部留醫[28][29]。
由於身為頂包案當事人嘅謝霆鋒判得最輕，所以判決引起市民嘩然[26]。連績多個負面事件亦令謝霆鋒畀香港學生選做2002年「最負面人物」同「風雲人物之首」[9]。謝霆鋒形象插水，最終響7月宣佈退出娛樂圈[9][30]。
平穩發展
[編輯].jpg)
2003年3月12號，神隱八個月左右嘅謝霆鋒響香港君悅酒店搞記者會，宣佈復出。佢話自己唔會再好似以前咁反叛，變得平和、成熟咗[31]。受頂包案影響，謝霆鋒慢慢開始將事業重心轉往中國。同時，佢亦成立公司Post Production Office（Po朝霆），主要負責後製部份[32]。
6月，佢推出大碟《Reborn》，呢個大碟嘅主題係形容緊自己係「重生」[17]，MV後製由自己公司Po朝霆製作[33]，其中台灣版第一主打歌《邊走邊愛》橫掃多個獎項，有《2003年度十大勁歌金曲頒獎典禮》最受歡迎唱作歌星（金獎）、《新城勁爆頒獎禮2003》新城勁爆創作大碟等。謝霆鋒自己後嚟亦坦言《Reborn》係佢最滿意嘅作品[33]。
2004年，佢推出國語大碟《Listen Up》，成為《金曲金榜》金曲年度最佳國語大碟 。2005年推出粵語大碟《One Inch Closer》，主打歌《塞車》成為第5屆全球華語歌曲排行榜年度歌曲；而《One Inch Closer》亦係佢最後一張粵語大碟。因為謝霆鋒受到「鋒芝戀」、「鋒菲戀」、「頂包案」等一系列負面事件影響，加上又要拍唔少電影，令到謝霆鋒冇辦法專心創作音樂，自此之後佢嘅音樂作品嘅質素開始直線下降[17]。
2005年11月，佢推出第5張國語大碟《釋放》，請嚟伍佰、游鴻明、蔡健雅、五月天、F.I.R、陳偉等出名台灣藝人合作[17]。
2009年5月28號，謝霆鋒發行國語大碟《最後》，本身打算響2月發行，但因為工作關係，加上謝霆鋒對音樂嘅要求，所以推遲三個月發行。大碟嘅介紹係「當初放蕩不羈嘅大男孩變成依家嘅一位好丈夫、好爸爸」，其中主打歌《終點站》係佢送畀老婆張柏芝嘅歌曲。因為大碟嘅標題，唔少人以為佢要離開歌壇，「蜂蜜」甚至大喊「霆鋒唔好離開」[17][34]。
自《釋放》之後，謝霆鋒出嘅大碟就冇再由佢本人創作嘅歌曲，直至2015年發行嘅《鋒味》[17]。《鋒味》係謝霆鋒相隔6年後再度推出嘅大碟，花咗兩年時間製作[35]，大碟主要收錄同主持節目《十二道鋒味》相關歌曲，有部份亦係自己為佢所主演嘅電影唱嘅主題曲。唔少人認為謝霆鋒推出呢張大碟只係為咗增加《十二道鋒味》嘅名氣同曝光率[36]。
幕後製作
[編輯]演唱會
[編輯]1999年12月，謝霆鋒響紅館搞咗佢個人第一場演唱會《紅人館903狂熱份子演唱會》，成為香港史上響紅館開演唱會最後生嘅歌手。
演藝事業
[編輯]早期經歷
[編輯]1999年，佢憑《新古惑仔之少年激鬥篇》嘅陳浩南一角獲得金像獎最佳新演員。2000年佢憑住電影《半支煙》入圍第36屆台灣金馬獎最佳男主角。
2006年佢憑住《新警察故事》嘅鄭小鋒一角攞到第二十八屆百花獎最佳男配角。自此之後，謝霆鋒開始將重心放響電影事業，作品有《男兒本色》、《証人》、《龍虎門》等。
事業分水嶺
[編輯]中國大陸發展
[編輯]個人業務
[編輯]影響
[編輯]流行文化
[編輯]謝霆鋒出道初期以不羈同叛逆嘅姿態獲得後生一代嘅支持，因為打扮同言行舉止MK味十足，所以畀人封為「MK男神」[14]，謝霆鋒嘅經典造型「緊身背心配喇叭褲、染金毛、雞冠頭」成為MK文化嘅代表之一[37]。響個陣時，後生仔就連衣著[38]、項鍊等等都要模彷謝霆鋒[39]，就好似謝霆鋒「中間分界」嘅經典髮型[40]，成為當時中學生最流行嘅髮型之一，唔少人學係因為想好似謝霆鋒咁反叛，挑戰老師底線[41]。而00年代初係「唱K」高峰潮，啲人去唱K多數會點謝霆鋒啲歌[41]。謝霆鋒嘅號召力非常強大，就好似1999年開始謝霆鋒成為可口可樂代言人，令大批人去買可口可樂，可口可樂因而銷量大增[42]；又例如2003年成為森馬代言人，令森馬開始流行同走紅[43]。
大眾認同
[編輯]1999年開始至2002年間謝霆鋒陸續推出嘅作品無論係銷量定口碑都好好，令佢人氣急升，有研究指出呢個年代謝霆鋒嘅粉絲以16歲以下嘅少年少女為主[44]，呢個年代啲人買碟同聽歌都係聽謝霆鋒嘅[37]，有傳媒話佢「結束咗壟斷華語樂壇差唔多十年嘅四大天王時代」[14]，前香港特首董建華響2003年亦大讚謝霆鋒係「年輕人嘅榜樣」。HK01表示，謝霆鋒早期嘅音樂作品係一代人嘅集體回憶[45]。謝霆鋒嘅粉絲名叫「蜂蜜」[46]，「蜂蜜」主要嚟自中、港、台、馬拉、韓國[47]，唔少粉絲中意謝霆鋒中意到瘋狂嘅地步，視謝霆鋒為夢中情人[48]，包括守響電視機前就係為咗睇謝霆鋒廣告[33]、揀男朋友要似謝霆鋒[48]等。
2003年謝霆鋒響頂包案一事形象插水後，而佢本人亦將事業重心放響演藝生涯，先後拍電影同埋主持節目，唔少人開始懷念謝霆鋒嘅舊歌，更有人希望謝霆鋒開演唱會[38]，有「蜂蜜」話就算再多歌迷流失亦會繼續追隨謝霆鋒，要為謝霆鋒出一分力[49]。而謝霆鋒嘅演技多年嚟都備受爭議[50]，有人認為佢詮釋感情得好好，幾有渲染力，會令人好感動[51]；亦有人認為謝霆鋒拍戲個陣全程得一個表情，令人好易出戲，感覺好僵硬[52]。直至2021年佢主演嘅電影《怒火》上映後，好多人對佢改觀，認為謝霆鋒演技有所進步[50]，更有影評認為謝霆鋒要多拍啲電影，唔拍就係華語電影圈嘅一大損失[53]。
個人生活
[編輯]戀情同婚姻
[編輯]1999年，謝霆鋒響經梅艷芳介紹下認識王菲[54]。2000年梁朝偉因為獲得康城影帝而舉行慶功宴，佢響會上同王菲拖手，正式公宣戀情。2000年，當時有傳聞指佢同張柏芝因為合作拍電影《老夫子2001》而撻著，但謝霆鋒否認，話張只係佢「契妹」[55]。2002年發生頂包案，由於謝霆鋒響發生意外後係由疑似張栢芝嘅人接走、加上佢係響張柏芝屋企畀人拉，因而畀外界話係張柏芝介入謝霆鋒同王菲之間嘅戀情[56]。而謝霆鋒同王菲響2003年分手[57][58]。
謝霆鋒響2006年拍電視劇《詠春》期間宣佈同張栢芝正式交往，佢哋同年9月響菲律賓帕馬利坎島結婚，婚後生咗兩個仔謝振軒、謝振南[59]。2008年張柏芝捲入陳冠希鹹相案，當時謝霆鋒力撐張栢芝[59]。事隔兩年後，張栢芝響飛機上同陳冠希有講有笑兼且一齊影相，婚變嘅傳聞由此開始[60]。6月，張栢芝響接受東方新聞專訪嗰陣公開力數謝霆鋒嘅不是，叫佢「唔好扮好男人、好老公、好老豆」[60]。8月佢哋發聲明宣佈因性格不合而離婚，謝霆鋒單方面發聲明指唔會爭奪兩個仔嘅撫養權[61]，所以最終兩個仔交由張柏芝撫養，而謝霆鋒需要畀撫養費[62]。網上一直盛傳離婚後謝霆鋒同兩個仔關係惡劣，不過經理人否認[63]。2014年後，一直有好多傳媒話王菲同謝霆鋒復合，但兩位當事人未承認[64]。
軼事
[編輯]音樂作品
[編輯]演出作品
[編輯]代言
[編輯]- 97 Puma街霸足球挑戰盃
- 大快活
- 康泰旅遊特輯（廣告歌）《大世界》
- 康泰旅遊特輯 - 泰國、日本、韓國、海南島
- 四洲百佳咖啡
- 可口可樂
- Bossini Y2K時裝
- Panasonic TAU
- 台灣和信電訊
- 日清合味道杯麵
- Rado手表
- FM365聯想集團網站
- 台灣小林眼鏡
- MIN男裝便服袋系列
- AVLIGHT愛浪音響
- 天梭手表T-Touch
- 32°C護膚品
- SonyVaio C1MT
- 星Mobile新世界流動多媒體服務
- 松日MP3及I-MAT掌上電腦
- 森馬休閑服
- 柏麗絲洗頭水及啫喱水
- 蘋果牌服飾
- 特步運動鞋及運動服
- 新世界傳動網星Mobile
- Biolyn洗髮用品
- OKWAP手機
- 米蘭春天男裝
- BS'O小魔怪牛仔
- 百事可樂「極」
- ZeroXCLUB皇家樂園眼鏡
- 太子奶
- 潮流前綫服飾
- ProxZ眼鏡
- 神兵傳奇
- 丁家宜植物純萃
- ORIS手表
- 鳳凰電動車
- 特步
- JEEP自由光
- 京東
- 歐利維蘭橄欖油
- 潮流前線服飾
- 維港峰地產
- 東鵬特飲飲料
- CF穿越火線
- Daphne
- BS'O小魔怪牛仔
- 豪利時ORIS手錶
- 韓束
- 麥當勞鋒味系列
- 麥富迪🐈
- 富途牛牛
其他
[編輯]- 2003年：受邀清華大學講座同高校生同台交流
- 2012年：受邀香港科技大學開個人講座
獎項
[編輯]參考
[編輯]- ↑ 1.0 1.1 〈這些名人也是加拿大人〉。《加拿大新聞速遞》。2018-12-06。原先內容歸檔喺2021-02-22。喺2022-03-05搵到。
- ↑ 廖福生 (2021-08-28)。〈41歲謝霆鋒愛過張柏芝轟轟烈烈 復合大11歲王菲7年不癢〉。《台灣蘋果新聞網》 (臺灣中文)。原著喺2021-08-29歸檔。喺2021-09-05搵到。｢謝霆鋒在8歲時隨家人移民加拿大｣
- ↑ 張國基 (2021-09-05)。〈謝霆鋒央視訪回應「限籍令」：已經在申請退掉加拿大國籍〉。《香港01》 (香港中文)。原著喺2021-09-05歸檔。喺2021-09-05搵到。
- ↑ 〈大陸「限籍令」！謝霆鋒急退加拿大籍親喊：我是中國人〉。《噓！星聞》。2021-09-05。原先內容歸檔喺2021-11-07。喺2021-11-07搵到。
- ↑ am730。〈限籍令｜網民瘋找移民原因 謝賢︰怕他們被寵壞〉。am730 (中文)。喺2022-08-17搵到。
- ↑ 6.0 6.1 〈"やんちゃな悪ガキ"ニコラス・ツェーも不惑に。ドニー・イェンと久々の共演作は王道香港映画の壮絶アクション！【映画スターに恋して：第20回】 - Stereo Sound ONLINE〉。online.stereosound.co.jp (日文)。喺2022-08-17搵到。
- ↑ 7.0 7.1 7.2 "Nicholas TSE « Kung Fu Cinema". archive.ph. 2012-12-08. 喺2022-08-28搵到.
- ↑ 阮繼志 (2022-05-24)。〈龍七公：影視圈最富傳奇的神奇狄波拉〉。《on.cc東網》。喺2022-08-28搵到。
{{cite web}}: CS1 maint: url-status (link) - ↑ 9.0 9.1 9.2 9.3 〈謝霆鋒主力在中國發展！曾因「頂包案」而形象大損~但未入劣跡藝人榜！〉。www.tagsis.com (英文)。喺2022-08-17搵到。
{{cite web}}: CS1 maint: url-status (link) - ↑ 溫菁莉 (2017-07-16)。〈【流行經典50年】被遺忘的歌手戴辛尉 承繼爸爸衣缽轉行教聲樂〉。《香港01》。喺2022-08-28搵到。
{{cite web}}: CS1 maint: url-status (link) - ↑ 中時新聞網。〈謝霆鋒稱非浪子 僅認3段情 - 娛樂新聞〉。《中時新聞網》 (中文)。喺2022-08-28搵到。
- ↑ 沈洛嘉 (2021-07-25)。〈《殺出個黃昏》謝賢謝霆鋒曾見面就鬧交 奪影帝時公開向爸爸道歉〉。《香港01》 (香港中文)。喺2022-08-17搵到。
- ↑ 〈伍樂城鍾意與Twins合作〉。www.macaodaily.com。原著喺2022-09-09歸檔。喺2022-09-09搵到。
- ↑ 14.0 14.1 14.2 14.3 14.4 14.5 東方手藝人 (2021-08-23)。〈【怒火】一文看清謝霆鋒出道25年轉變 由MK始祖掟結他變Chef Nic〉。《香港01》 (香港中文)。喺2022-08-17搵到。
- ↑ 冼燕珊 (2018-05-11)。〈謝霆鋒爆出道被噓至今上台仲驚緊 打拍子其實避緊水樽〉。《香港01》 (香港中文)。喺2022-08-17搵到。
- ↑ 何言。《夜话港乐》。頁 199。
- ↑ 17.0 17.1 17.2 17.3 17.4 17.5 17.6 17.7 17.8 〈独家策划：谁"杀死"了谢霆锋？_影音娱乐_新浪网〉。ent.sina.com.cn。喺2022-08-22搵到。
- ↑ 邱愛霖 (2020-08-28)。〈謝霆鋒自爆出道時被公司迫做唱跳歌手：我就跟我公司吵架吵翻了〉。《香港01》 (香港中文)。喺2022-08-17搵到。
- ↑ 《大众电视》。頁 88。
- ↑ 中時新聞網。〈昔被劉德華抱過親吻 男嬰長大竟成國際巨星 - 娛樂〉。《中時新聞網》 (中文)。喺2022-09-12搵到。
- ↑ 〈谢霆锋全新大碟《玉蝴蝶》面世〉。www.peopledaily.com.cn。原著喺2004-04-05歸檔。喺2022-08-17搵到。
- ↑ 徐天成。《我們香港這些年: since 1977》。
- ↑ 徐天成。《我們香港這些年: since 1977》。
- ↑ 徐天成。《我們香港這些年: since 1977》。
- ↑ 〈撞車頂包案涉串謀妨礙司法公正 廉署今起訴謝霆鋒〉。the-sun.on.cc。喺2022-08-17搵到。
{{cite web}}: CS1 maint: url-status (link) - ↑ 26.0 26.1 26.2 〈謝霆鋒--撞車「頂包」罪成卻輕判 | 蘋果日報 | 要聞港聞 | 20021231〉。web.archive.org。2019-10-22。歸檔時間2019-10-22。喺2022-08-17搵到。
{{cite web}}: CS1 maint: bot: original URL status unknown (link) - ↑ 〈【Old News is So】謝霆鋒02年頂包案上訴駁回〉。《星島日報》。2017-11-28。
{{cite news}}: CS1 maint: url-status (link) - ↑ 28.0 28.1 〈謝霆鋒頂包案轟動一時 - 東方日報〉。orientaldaily.on.cc。喺2022-08-18搵到。
- ↑ 〈謝霆鋒自稱腦積水 - 香港文匯報〉。paper.wenweipo.com。原著喺2022-08-18歸檔。喺2022-08-18搵到。
- ↑ 〈頂包案今開審 廉署貼身保護證人 霆鋒上庭𡟻芝作證〉。the-sun.on.cc。喺2022-08-18搵到。
{{cite web}}: CS1 maint: url-status (link) - ↑ "Introducing ... the Brand New Nicholas Tse". South China Morning Post (英文). Invalid Date. 喺2022-08-18搵到.
{{cite web}}: Check date values in:|date=(help) - ↑ 〈東方新聞 - 明星當老板(2)：強打香港本土后制 謝霆鋒以誠營商〉。web.archive.org。2014-08-09。歸檔時間2014-08-09。喺2022-08-22搵到。
{{cite web}}: CS1 maint: bot: original URL status unknown (link) - ↑ 33.0 33.1 33.2 羅偉文 (2018-11-20)。〈【鋒味】玉蝴蝶、一擊即中 謝霆鋒13首隱世神曲〉。《香港01》。喺2022-08-22搵到。
{{cite web}}: CS1 maint: url-status (link) - ↑ 〈专辑：谢霆锋-《最后》_影音娱乐_新浪网〉。ent.sina.com.cn。喺2022-08-27搵到。
- ↑ 星外星音乐 (2022-02-22)。〈多面男神经典之作，谢霆锋《锋味》&《释放》今日预售！〉。k.sina.cn。喺2022-08-27搵到。
- ↑ 〈谢霆锋把《十二道锋味》里的歌放在一起，出了张所谓的"专辑"_娱乐_好奇心日报〉。www.qdaily.com。原著喺2022-08-27歸檔。喺2022-08-27搵到。
- ↑ 37.0 37.1 〈土風舞冬菇向謝霆鋒致敬 新MV大量彩蛋 重現熨斗辣雞冠頭超經典！ | 最新娛聞〉。《東方新地》。2022-08-27。喺2022-08-27搵到。
{{cite web}}: CS1 maint: url-status (link) - ↑ 38.0 38.1 〈藍橘子：老老實實，鬧謝霆鋒嘅人都係妒忌佢！〉。SundayMore。2017-09-29。喺2022-08-27搵到。
{{cite web}}: CS1 maint: url-status (link) - ↑ TVBS。〈〈獨家〉謝霆鋒 成最具時尚衣著打扮明星│TVBS新聞網〉。TVBS (臺灣中文)。喺2022-08-29搵到。
- ↑ 董欣琪 (2020-11-04)。〈謝霆鋒重塑廿年前經典髮型 髮量大減感嘆歲月不饒人〉。《香港01》。喺2022-08-29搵到。
{{cite web}}: CS1 maint: url-status (link) - ↑ 41.0 41.1 Park Chan, Esquire HK。〈謝霆鋒演唱會為甚麼如此令人期待？因為那些陪住我們成長的記憶〉。www.esquirehk.com。喺2022-08-29搵到。
{{cite web}}: CS1 maint: url-status (link) - ↑ 楊軍。《廣告不能這樣做》。
- ↑ 胡方松，林坚强。《温州模式再研究》。頁 210。
- ↑ 岳曉東，張宙橋，黃成榮。〈香港與內地青少年偶像崇拜中性別與年齡的影響分析〉 (PDF)。《香港城市大學》。原著 (PDF)喺2022年6月18號歸檔。喺2022年8月29號搵到。
- ↑ 郭敏玲 (2018-01-02)。〈【任噏亂評】點解《叱咤》會個個讚？ 賣集體回憶穩陣實冇死〉。《香港01》。喺2022-08-29搵到。
{{cite web}}: CS1 maint: url-status (link) - ↑ 〈英皇娛樂 EEG〉。facebook.com。喺2022-08-18搵到。
{{cite web}}: CS1 maint: url-status (link) - ↑ 鄧樂宜 (2017-08-12)。〈Seventeen珉奎自認謝霆鋒鄭容和粉絲 盼《決戰食神》韓國上映〉。《香港01》。喺2022-08-29搵到。
{{cite web}}: CS1 maint: url-status (link) - ↑ 48.0 48.1 頭條日報。〈Naomi為謝霆鋒慶祝入行25年 緊記偶像叮囑唔好玩玩吓〉。《頭條日報 Headline Daily》。喺2022-08-27搵到。
{{cite web}}: CS1 maint: url-status (link) - ↑ 岳曉東。《追星與粉絲: 青少年偶像崇拜探析》。頁 83。
- ↑ 50.0 50.1 〈《怒火重案》让这个连吴彦祖都自叹不如的男人，又火了〉。3g.k.sohu.com。原著喺2022-08-27歸檔。喺2022-08-27搵到。
- ↑ 艾蜜莉。《悔婚嬌妻【熱戀傷痕一】》。
- ↑ 〈2007年《证人》到2021年的《怒火》，谢霆锋演技是进步还是退步？ - 太阳信息网〉。sunnews.site。原著喺2022-08-27歸檔。喺2022-08-27搵到。
- ↑ 雀雀 (2021-10-21)。〈謝霆鋒《怒火》與甄子丹對幹武打戲超狂！陳木勝動作片絕響之作〉。《雀雀看電影》。喺2022-08-27搵到。
{{cite web}}: CS1 maint: url-status (link) - ↑ 中時新聞網。〈娛樂A咖》王菲情纏謝霆鋒20年「鋒菲CP」真愛不在乎一紙證書 - 娛樂〉。《中時新聞網》 (中文)。喺2022-10-26搵到。
- ↑ 女生日常, GirlStyle。〈王菲愛女李嫣機場巧遇張栢芝！主動打招呼用「3個字」化解尷尬獲讚〉。《GirlStyle 女生日常》 (中文)。喺2022-10-26搵到。
- ↑ 徐天成。《我們香港這些年: since 1977》。
- ↑ 〈王菲謝霆鋒分手復合最經典 - 20220309 - SHOWBIZ〉。《明報OL網》 (繁體中文)。喺2022-08-28搵到。
- ↑ 〈大S再婚｜演藝圈神復合還有他們 王菲、謝霆鋒最經典｜蘋果新聞網｜蘋果日報〉。AppleDaily (中文)。2022-03-08。喺2022-08-28搵到。
- ↑ 59.0 59.1 胡凱欣 (2022-10-12)。〈張栢芝節目中再提及前夫 與謝霆鋒相戀到離婚只是5年內的事〉。《香港01》。喺2022-10-27搵到。
{{cite web}}: CS1 maint: url-status (link) - ↑ 60.0 60.1 〈栢芝發火狂轟霆鋒：咪再扮好男人 - 東方日報〉。orientaldaily.on.cc。喺2022-10-27搵到。
- ↑ 〈憂柏芝尋死 霆鋒讓出撫養權｜蘋果新聞網｜蘋果日報〉。AppleDaily (中文)。2011-07-17。喺2022-08-28搵到。
- ↑ 〈【砸錢不分前後任】天后了結15年婚姻 贍養費10億再加3億豪宅〉。tw.news.yahoo.com (中文)。喺2022-08-28搵到。
- ↑ 〈經理人回應傳聞 「霆鋒與孩子關係良好」〉。《明周娛樂》 (美國英文)。2019-10-22。喺2019-11-08搵到。
- ↑ 〈王菲谢霆锋姐弟恋回顾：分手11年 如今破镜重圆〉。ent.people。喺2022-08-28搵到。
{{cite web}}: CS1 maint: url-status (link)
出面網頁
[編輯]
