黃貫中
| 黃貫中 | |
|---|---|
 | |
| 男歌手 | |
| 羅馬拼音 | Wong Kwun Chung |
| 英文名 | Paul Wong |
| 花名 | Band壇教父 搖滾教父 |
| 國籍 |  中國（香港） |
| 籍貫 | 廣東台山 |
| 出世 | 1964年3月31號.svg){kind=small} 英屬香港 |
| 職業 | 音樂家 歌手 詞曲作家 唱片監製 設計師 演員 |
| 教育程度 | 香港理工學院設計系學士畢業[1][2] |
| 宗教信仰 | 基督教[3] |
| 配偶 | 朱茵（2012年結婚） |
| 仔女 | 黃鶯（Debbie） 2012年10月23號 |
| 音樂類 | 搖滾 粵語流行 華語流行 |
| 演奏樂器 | 人聲、結他 |
| 活躍年代 | 1985年－依家 |
| 唱片公司 | 華納唱片（中國大陸）、維高文化 |
| 經紀公司 | Viva Entertainment Limited |
| 網站 | www.paulwong.net |
| 相關團體 | Beyond、汗、髙速啤機、Soler、The Postman |
| 網路電影資料庫（IMDb）資訊 | |
黃貫中（粵拼：wong4 gun3 zung1；英文：Paul Wong；1964年3月31號—）係香港音樂家、歌手、詞曲作家同唱片監製，佢嘅搖滾樂隊Beyond主音結他手嘅身份最為人熟悉。2012年攞咗新城勁爆殿堂搖擺歌手大獎，係繼Beyond樂隊靈魂人——黃家駒後，再攞到殿堂歌手榮譽嘅Beyond樂隊成員。佢老婆係藝人朱茵，近年亦都北上中國大陸發展。
早期生活同Beyond時期
[編輯]黃貫中細個好鍾意畫畫，重諗住做畫家，喺李求恩紀念中學畢業後去咗香港理工學院（而家嘅香港理工大學）讀設計時撞正鼓手——葉世榮而介紹識黃家駒等人，重去咗Beyond首個音樂會設計工作，之後重成為樂隊一分子。由於佢做過廣告公司設計師，佢除咗識彈結他之外重好多時做樂隊美術工作。黃貫中喺1988年Beyond專輯《現代舞台》開始參加歌曲嘅主唱部份，同年同樂隊一齊，亦推出咗另一鉼帶——《秘密警察》。1993年6月30號，Beyond主唱黃家駒死咗，黃貫中同樂隊嘅低音結他手黃家強一齊撐咗Beyond嘅主音歌手而繼續以樂隊嘅名出咗好多音樂作品。
個人發展
[編輯]1999年底，Beyond宣佈成員作個人發展，黃貫中正式開展佢嘅個人音樂事業，曾經同好友恭碩良（Jun）、麥文威（LMF成員）、Dino Acconci（夏健龍，Soler成員）組成樂隊「汗」。之後重開設咗新嘅錄音室Polar Bear Studio，佢所有嘅專輯都喺呢度灌錄同製作。之後簽約香港環球唱片，兩年間先後推出好多鉼個人專輯同攞咗兩次叱咤樂壇唱作人金獎，奠定佢唱作人地位。
佢對參與音樂劇有興趣。喺2000年參與香港專業劇團「劇場空間」嘅翻譯音樂劇《夢斷維港》演出，飾演男主角Tony。音樂劇改編自出名百老匯音樂劇《West Side Story》（《西城故事》），並將佢本地化同將背景搬到香港，呢次演出並由香港著名指揮家石信嘅帶領香港新愛樂交響樂團，喺香港文化中心海傍作戶外演出。佢對有得同音樂界著名指揮家合作感到非常榮幸。
2002年11月，佢喺香港體育館舉行首次個人演唱會《Play It Loud演唱會》。同環球唱片約滿後，做咗香港獨立音樂人。之後喺2004年自己出版粵語專輯《我在存在》。2005年做咗香港商業電台森美小儀歌劇團音樂劇《亞卡比槍擊事件》音樂總監，創作劇中歌曲。2006年4月簽約中國華納唱片，正式進入內地市場，10月喺香港體育館再次舉行個人演唱會同出版EP《狂人習作》。除咗幕前演出，佢近年積極從事幕後製作而成立製作公司Polar Bear，同幫其他歌手作曲同監製歌曲，曾經合作嘅歌手包括劉德華、李克勤、許志安、陳小春、林海峰、莫文蔚、梁詠琪、何超儀、軟硬天師、LMF等，亦幫Soler同Tatflip兩支新晉樂隊嘅作品填詞。
2008年6月10號，喺香港會議展覽中心同黃家強、葉世榮、黃耀明、太極樂隊、小島樂隊、林一峰、周國賢、at17、Soler、Kolor一齊參與《別了家駒十五載 海闊天空音樂會》，嗰晚高潮係beyond3位隊員再次同台演唱佢哋嘅名曲《海闊天空》。11月，佢同其他幾位藝人幫now寬頻電視拍攝紀錄片——《一個地球》重喺2008年12月12號喺now香港台播出。
2009年7月，佢同之前一直盛傳不和嘅Beyond隊友黃家強喺香港體育館演出一連3場嘅《黃家強 x 黃貫中 This is Rock & Roll Live In Hong Kong 2009》演唱會，嘉賓有五月天、黃耀明、太極樂隊、陳奕迅。
2010年1月，繼07年海洋音樂祭後，佢喺台灣歌迷期待下喺台北華山Legacy演出小型售票演唱會，全場歌迷熱情加感動。3月20號，同黃家強喺廣州中山紀念堂舉辦咗《黃家強 x 黃貫中 一生樂與怒 廣州演唱會》。10月2號，再次同黃家強合作，喺馬來西亞舉行《一生樂與怒 Rock & Roll Live In Kuching 2010》演唱會。10月4號，飛去北京參與「北京朝陽公園世界城市音樂節」。11月6號，去成都出席酒吧小型演出。11月27號，同女友朱茵一齊出席《2010星尚大典》頒獎典禮。12月6號，出席新能量發佈會。12月16號，擔任李玟南寧演唱會嘅嘉賓。12月31號，去馬來西亞同葉世榮一起參與《1 Utama 2010 Countdown Concert》。
2011年2月24號，出席「慈善國際拳賽2011」記者會。3月30號，出席「國際流行音樂季」記者招待會。4月8號，擔任「LMF 告別演唱會」嘉賓。4月30號，去馬來西亞參與「亞洲音樂節2011」，同出任亞洲音樂節宣傳大使同創作宣傳歌曲《愛又怎麼樣》。
5月1號，去北京參與中國樂谷「北京國際流行音樂季2011」，發表嘅新歌《一念之間》成為青少年反毒活動嘅宣傳歌曲。5月20號，到台灣北京舉行首場嘅「Paul Wong X The Postman Deliver」音樂會，展開呢一年以「傳遞」概念做主題嘅巡迴演唱會。佢嘅樂隊班底正式叫做「The Postman」，其他成員包括黃貫其，老占同張以式。5月31號，出席喺九龍灣國際展貿中心舉辦嘅「世界泰拳及綜合格鬥 2011」。6月14號，參與香港「HardRock Cafe 40周年Founder's Day」慶祝派對同第4場開幕派對。
7月10號，喺香港舉辦第2場「Paul Wong X The Postman Deliver」小型音樂會，派出單曲《Can't Bring Me Down》。8月6號，出席「新城國語力頒獎典禮」，同攞到兩個獎項，分別係：新城國語力歌曲獎同亞洲搖滾歌手獎。8月12號，展開「Paul Wong & The Postman X 鐘舒漫 Hennessy Artistry Tour 軒尼詩炫音之樂」 嘅第一回合。8月19號，舉行「Paul Wong & The Postman X 鐘舒漫 Hennessy Artistry Tour 軒尼詩炫音之樂」 第二回合。9月2號，喺澳門新濠天地Club Cubic舉行「軒尼詩炫音之樂」第三回合：「黃貫中&The PostmanX鐘舒漫X何韻詩壓軸音樂派對」。10月29號，喺九龍灣國際展貿中心舉辦闊別4年嘅個人演唱會 「Paul Wong X The Postman Deliver Live In Hong Kong」。同時，喺嗰日正式首賣最新專輯《A小調協奏曲》。
11月7號，同陳奕迅、吳雨霏一齊演出「新城極唱數碼音樂會」。11月11號，出席北京新光天地「G-star Raw Denim Explorer」。11月18號，去廣東參與「第八屆勁歌王金曲金榜」全球華人樂壇年度音樂盛典，同埋攞咗3個獎項：國語金曲獎、亞洲搖滾歌手獎同最佳搖專輯獎。
2012年1月1號，喺澳門有除夕演出，同時喺2011叱咤樂壇流行榜頒獎禮，以Can't Bring Me Down攞到專業推介叱咤十大第4位。4月1號，喺旺角朗豪坊參與Soliton Live。4月14號，喺馬來西亞吉隆坡同黃家強參與Tiger Asian Music Festival亞洲音樂節2012。6月24號，喺銅鑼灣世貿中心舉行《黃貫中Rockestra Pre-show》。7月13號至14號，喺香港體育館舉行一連2場嘅個人演唱會《Paul Wong Rockestra》，其中同陳豪、林保怡、黃德斌合唱《天與地》片尾典《年少無知》。
11月20號，喺香港會議展覽中心同方大同、盧凱彤舉行《903id club拉闊音樂會方大同 X 盧凱彤 X 黃貫中》。
2013年1月，加盟湖南衛視《我是歌手》第一季，為首發歌手，喺第一輪遭到淘汰，之後喺復活賽演唱《特別的愛給特別的你》同《我就是這樣的》未復活。
2016年4月9號，喺九龍灣國際展貿中心舉辦《英雄有分數 演唱會》。6月10號，喺香港會議展覽中心舉辦《家駒....愛心延續慈善演唱會2016》。
2019年12月，黃貫中率領香港6大搖滾樂隊Josie & The Uni Boys、Soler、ToNick、Cassette、秋紅同埋逆流去澳門開騷《Let’s Mixture Rock Party融洽搖滾派對》。[4][5]
個人音樂作品
[編輯]專輯
[編輯]| 依序 | 發行日期 | 專輯名 | 語言 | 發行公司 |
| 1 | 2001年1月 | 《Yellow Paul Wong》 | 粵語 | 環球唱片 |
| 2 | 2001年12月 | 《黑白》 | 粵語 | 環球唱片 |
| 3 | 2002年11月 | 《Play It Loud》 | 粵語 | 環球唱片 |
| 4 | 2004年7月 | 《我在存在》 | 粵語 | 百代唱片 |
| 5 | 2007年7月 | 《我在存在（國語）》 | 國語 | 維高文化 |
| 6 | 2011年10月 | 《A小調協奏曲》 | 粵語、國語 | 維高文化 |
主要演唱會
[編輯]- 2002年11月 香港體育館《Play It Loud演唱會》
- 2006年10月 香港體育館《黃貫中香港演唱會2006－狂人習作之音樂篇》
- 2007年5月 九龍灣國際展貿中心《黃貫中Let's Fight Live Round I & II》
- 2008年6月 九龍灣國際展貿中心《黃貫中Let's Fight Live Round III》
- 2009年7月 香港體育館《黃家強 x 黃貫中This is Rock & Roll Live in Hong Kong 2009》
- 2011年10月19號 九龍灣國際展貿中心《黃貫中 X The Postman Deliver Live in Hong Kong 2011》
- 2012年7月13號至14號 香港體育館《Paul Wong Rockestra 演唱會》
- 2016年4月9號 九龍灣國際展貿中心《PAUL WONG黃貫中音樂會 英雄有分數》 匯星STAR HALL
- 2016年6月10號 香港會議展覽中心《家駒....愛心延續慈善演唱會2016》
現場錄音專輯
[編輯]- 2001年6月22號 《特Gig黃貫中現場版》
- 2002年2月9號 《黃貫中+恭碩良 Bar GIG Live》
- 2008年6月 《Let's Fight Live（+DVD）》
精選輯
[編輯]- 2003年4月30號 《非典型搖擺精選》
- 2013年1月15號 《Paul Wong Collection》
EP
[編輯]其他合輯
[編輯]- 2002年：《飛馳音樂中》
派台歌曲成績
[編輯]| 派台歌曲成績 | ||||||
|---|---|---|---|---|---|---|
| 唱片 | 歌曲 | 903 | RTHK | 997 | TVB | 備註 |
| 1989年 | ||||||
| 王靖雯 | 未平復的心 | 20 | - | - | 同王菲合唱 | |
| 1999年 | ||||||
| 蘇永康的化妝間 | 早唞 | 3 | 13 | / | - | 同蘇永康合唱 |
| 2000年 | ||||||
| 再一次想你 | 小姐妳好嘢 | - | 6 | 3 | 5 | 同李克勤、葉世榮合唱 |
| Yellow Paul Wong | 無得比 | (1) | 20 | 16 | - | |
| 2001年 | ||||||
| Yellow Paul Wong | 某日 | 4 | 5 | 15 | - | |
| Yellow Paul Wong | 丟架 | 16 | - | - | - | |
| Yellow Paul Wong | 香港晚安 | 8 | - | - | - | |
| 黑白 | 初哥 | 3 | - | 10 | 10 | |
| 同步過冬 | 同步過冬 | 6 | 3 | 12 | 2 | 環球唱片群星合唱 |
| 黑白 | 離開我吧 | 1 | 12 | 1 | 5 | |
| 2002年 | ||||||
| 黑白 | Lady | 4 | - | - | - | |
| 黑白 | 自由人 | 2 | - | - | - | 同譚詠麟合唱 |
| 同根 | 同根 | 7 | - | - | - | |
| 同根 | 駛乜死 | 2 | - | 13 | - | |
| Play It Loud | Play It Loud | 2 | - | - | - | |
| Play It Loud | 孩子 | 18 | - | - | - | |
| 2003年 | ||||||
| Play It Loud | 人間蒸發 | 17 | - | 10 | - | |
| 2004年 | ||||||
| 我在存在 | 我在存在 | 1 | - | 2 | - | |
| 我在存在 | 6000000 | - | - | - | - | |
| 我在存在 | Too Many | 11 | - | - | - | |
| 我在存在 | 天使 | 20 | - | 15 | - | |
| 2005年 | ||||||
| 狂人習作 | 原罪犯 | 1 | - | - | - | 森美小儀歌劇團「亞卡比槍擊事件」歌曲 |
| 狂人習作 | 踩界 | 4 | - | - | - | |
| 2006年 | ||||||
| 狂人習作 | 逃 | 2 | - | - | - | |
| 狂人習作 | 阿博二世 | 2 | - | - | - | |
| 狂人習作 | 彩色世界 | 8 | - | - | - | |
| 2007年 | ||||||
| Let's Fight | 2 | - | - | - | 同眾樂隊合唱 | |
| 我在存在（國語） | 季節 | 15 | - | 4 | - | |
| 2008年 | ||||||
| A小調協奏曲 | 目空一切 | 11 | - | - | - | |
| One On One | 2 | - | - | - | 同葉世榮、何超、林曉培、Audio Traffic、Soler、24 Herbs合唱 | |
| 2009年 | ||||||
| A小調協奏曲 | In The Name Of Rock | 2 | 5 | - | - | |
| 萬歲師表 | 8 | - | - | - | ||
| 2011年 | ||||||
| Bring It On | Control | 20 | - | 2 | - | 同24 Herbs合唱 |
| A小調協奏曲 | Can't Bring Me Down | 1 | 8 | - | - | |
| A小調協奏曲 | 愛又怎麼樣 | 17 | - | 1 | - | |
| A小調協奏曲 | 這是我姿勢 | 3 | 6 | 3 | - | |
| Paul Wong Collection | 天與地 | 17 | - | 4 | - | 無綫電視劇《天與地》主題曲 |
| A小調協奏曲 | Don't Wake Me Up | - | - | 5 | - | |
| 2012年 | ||||||
| Paul Wong Collection | 紅黑紅紅黑 | 1 | 1 | 4 | - | |
| Paul Wong Collection | 年少無知 | 8 | - | 2 | - | |
| Paul Wong Collection | 新秩序 | 3 | 9 | 2 | - | 電影《古惑仔：江湖新秩序》電影主題曲 |
| 2016年 | ||||||
| 我有分數 | 3 | - | 5 | - | DBC華語歌曲流行指數：10 | |
| 延續 | - | - | - | - | 群星合唱 《家駒...愛心延續慈善演唱會2016》主題曲 | |
| 大英雄 | - | - | - | - | ||
| 各台冠軍歌總數 | ||||
|---|---|---|---|---|
| 903 | RTHK | 997 | TVB | 備註 |
| 6 | 1 | 2 | 0 | 四台冠軍歌總數：0 |
- 粗體表示冠軍歌
- (1)表示兩星期冠軍歌
- *表示重喺榜上
2013年1月，加盟湖南衛視《我是歌手》第一季，為首發歌手，喺第一輪遭到淘汰，之後喺復活賽演唱《特別的愛給特別的你》同《我就是這樣的》未復活。
我是歌手第一季 黃貫中競演排名
| |||||||||
| 期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 出場序 | 備註 |
| 1 | 第一輪排位賽 | 1月18號 | 《海闊天空》 | Beyond | 詞／曲：黃家駒 編曲：Beyond、梁邦彥 |
3 | 不詳 | 4 | 個人最高排名 |
| 2 | 第一輪淘汰賽 | 1月25號 | 《吻別》 | 張學友 | 詞：何啟弘 曲：殷文琦 編曲：黃貫中 |
7 | 不詳 | 6 | 個人最低排名 兩場總成績第7名、總得票數290票、總得票率9.70% |
| 3 | 第二輪排位賽 | 2月1號 | 《我終於失去了妳》 | 趙 傳 | 詞／曲：李宗盛 編曲：黃貫中 |
返場表演 | 8 | — | |
| 11 | 復活賽第一輪 | 3月29號 | 《特別的愛給特別的你》 | 伍思凱 | 詞：陳家麗 曲：伍思凱 編曲：黃貫中 |
不詳 | 1 | — | |
| 復活賽第二輪 | 《我就是這樣的》 | 黃貫中 | 詞／曲／編曲：黃貫中 | 不詳 | 5 | 未復活 | |||
| 12 | 總決賽返場表演 | 4月12號 | 《龍的傳人》 | 李建復 | 詞／曲：侯德健 編曲：黃貫中 |
返場表演 | 1 | — | |
演出作品
[編輯]電視劇
[編輯]| 年份 | 劇名 | 角色 |
| 1987年 | 香港電台《暴風少年》之「黑仔強」 | |
| 1989年 | 香港電視廣播有限公司《淘氣雙子星》 | |
| 1999年 | 香港電台《百老薈》之「馬拉松」 |
電影
[編輯]| 年份 | 片名 | 角色 |
| 1988年 | 《禿鷹特警隊》（電視電影） | |
| 1989年 | 《但願人長久》（香港電台電視電影） | |
| 1990年 | 《吉星拱照》 | |
| 1990年 | 《開心鬼救開心鬼》 | |
| 1991年 | 《Beyond日記之莫欺少年窮》 | 譚貫中 |
| 1991年 | 《豪門夜宴》 | |
| 1991年 | 《老豆唔怕多》 | |
| 1998年 | 《生死戀》 | |
| 1999年 | 《生命揸fit人》 | 阿峰 |
| 2002年 | 《枕邊凶靈》 | |
| 2004年 | 《墨斗先生》 | |
| 2006年 | 《四大天王》 | 原創音樂及客串演出 |
| 2006年 | 《美好時光》（獨立短片） | |
| 2006年 | 《師奶唔易做》 | 原創音樂 |
| 2008年 | 《同門》 | 原創音樂 咖啡哥 |
| 2013年 | 《古惑仔：江湖新秩序》 | 大佬B |
| 2013年 | 《狂舞派》 | 懲教署感化官，柒良太極師傅 |
| 2014年 | 《末日派對》 | 健豪 |
廣播劇
[編輯]| 年份 | 電台名 | 劇名 | 角色 |
| 2001年 | 香港新城電台 | 《朋友》 | |
| 2002年 | 香港商業電台 | 《枕邊凶靈》 | |
| 2002年 | 香港商業電台 | 《落入凡間的天使5》 | |
| 2002年 | 香港商業電台 | 《I Love U Boyz萬世巨星》 | |
| 2007年 | 香港商業電台 | 《黃金少年Season IV》 | |
| 2008年 | 香港商業電台 | 《最好的時光》 | 王仲旗 |
舞台劇
[編輯]其他
[編輯]- 2003年now.com.hk《Lost and Found》（短片）
- 2008年now香港台《一個地球－南極篇》（紀錄片）
其他創作
[編輯]書籍
[編輯]- 2009年7月《顛倒》
- 2012年7月《長話短說》
攝影展
[編輯]幫其他歌手嘅創作
[編輯]| 年份 | 歌手 | 歌名 | 創作部份 |
| 1997年 | 許志安 | 自尋煩惱 | 作曲、作詞、編曲、監製 |
| 1998年 | 莫文蔚 | Just Say Gooy-Bye | 作曲 |
| 1999年 | 陳小春 | 神經病 | 作曲 |
| 1999年 | 許志安 | 別讓我喝太多 | 作曲 |
| 1999年 | 許志安 | I Can't | 作曲 |
| 1999年 | 莫文蔚 | 我的天 | 作曲 |
| 2000年 | 陳曉東 | 黑色領帶 | 作曲、編曲 |
| 2000年 | 康淨淳 | Drive | 作曲 |
| 2000年 | 謝霆鋒 | 所有人是傻 | 作曲、編曲、監製 |
| 2001年 | 林海峰 | 好狗 | 作曲、編曲、監製 |
| 2002年 | 王喜 | 美麗勝天國 | 作曲 |
| 2002年 | 朱茵 | Rainy Days | 作曲、監製 |
| 2002年 | 朱茵 | 跳起來 | 作曲、編曲、監製 |
| 2002年 | 曾國銘 | 彩色新天地 | 作曲 |
| 2002年 | 王嘉明 | We Can Change | 作曲、編曲 |
| 2003年 | 李克勤 | 隔夜仇 | 作曲、監製 |
| 2003年 | 許志安 | 明白了吧 | 作曲、作詞、編曲、監製 |
| 2004年 | 官恩娜 | 可以幾愛 | 作曲、監製 |
| 2004年 | 許志安 | 了不起 | 作曲 |
| 2004年 | 劉德華 | 馬龍白蘭度 | 作曲、編曲、監製 |
| 2004年 | 陳小春 | 萬歲 | 作曲 |
| 2004年 | 許志安 | Saturday Night | 作曲、監製 |
| 2004年 | 朱茵 | 不要惹我 | 作曲、監製 |
| 2004年 | 朱茵 | Ah-oh | 作曲、監製 |
| 2004年 | 朱茵 | 法術 | 作曲、監製 |
| 2004年 | 朱茵 | 我贏了 | 作曲、監製 |
| 2004年 | 梁詠琪 | 落難皇后 | 作曲、編曲、監製 |
| 2005年 | 薛凱琪 | 你在哪裡 | 監製 |
| 2006年 | 軟硬天師 | 好兄弟 | 作曲、編曲、監製 |
| 2006年 | 何超儀 | 標準太太 | 作曲、編曲、監製 |
| 2006年 | 何超儀 | 中毒蠍子 | 作曲、編曲 |
| 2008年 | 江若琳 | 不是娃娃 | 作曲、監製 |
| 2008年 | 劉璇 | 出發 | 作曲、作詞、編曲、監製 |
| 2008年 | 林曉培 | 充氣娃娃 | 作曲 |
| 2008年 | 林海峰 | GO GO 飛龍 | 作曲、監製 |
| 2009年 | 麥家瑜 | 不加塑 | 作曲、編曲 |
| 2009年 | 譚詠麟 | 香港香港 | 作曲、編曲、監製 |
| 2009年 | 譚詠麟 | 上次無下次 | 作曲、編曲、監製 |
| 2009年 | 林海峰 | 窮鬼 | 作曲、編曲、監製 |
| 2009年 | 麥浚龍 | Never Said Goodbye | 編曲、結他彈奏 |
| 2011年 | 林保怡、陳豪、黃德斌 | 年少無知 | 作曲、監製 |
| 2015年 | Alex Chia | 盜亦有道 | 作曲、編曲、監製 |
個人獎項
[編輯]- 香港商業電台叱咤903：「第一屆組Band時間組Band選舉－最受歡迎結他手第一位」（1998年2月）
- 《明報周刊》：「演藝動力大獎2001－最突出音樂幕後精英獎」（監製歌曲：《好狗》）
- 香港商業電台：「2001年度叱咤樂壇唱作人金獎」
- 香港商業電台：「2002年度叱咤樂壇唱作人金獎」
- 香港理工大學：「傑出設計校友獎（特別榮譽）」（2004年6月）[6]
- 《HMC》雜誌：「The Most Inspirable Men」（2004年7月）
- 香港作曲家及作詞家協會：「2003/2004年度CASH金帆音樂獎」之「最佳另類作品獎」（得獎歌曲：《我在存在》）
- 香港時裝設計師協會：「2005年十大傑出衣著人士獎」
- RoadShow路訊通：「RoadShow至尊音樂頒獎禮2006－RoadShow至尊歌曲獎」（得獎歌曲：《阿博二世》）
- RoadShow路訊通：「RoadShow至尊音樂頒獎禮2006－至尊創作歌手獎」
- Hong Kong People's Choice Awards：「HKPCA 2006年度音樂大賞－我的第一搖滾歌手/樂隊」
- 廣州《南方都市報》及香港新城電台「第七屆華語音樂大獎－我最喜愛的搖滾歌手」獎（2007年6月）
- RoadShow路訊通：「RoadShow至尊音樂頒獎禮2007－RoadShow至尊歌曲獎」（得獎歌曲：《季節》）
- RoadShow路訊通：「RoadShow至尊音樂頒獎禮2007－至尊創作歌手獎」
- 中華音樂人交流協會：「2007年年度十大專輯」（得獎專輯：《我在存在》（國））
- 香港新城電台: [ 2011年新城國語力頒獎禮] - 亞洲搖滾歌手獎
- 香港新城電台: [ 2011年新城國語力頒獎禮] - 新城國語歌曲(得獎歌曲: 《一念之間》)
- [第八屆勁歌王-金曲金榜]- 金曲獎（國語）（得獎歌曲：《一念之間》）
- [第八屆勁歌王-金曲金榜]- 亞洲搖滾歌手獎
- [第八屆勁歌王-金曲金榜]- 最佳搖滾專輯（得獎專輯：《A小調協奏曲》）
- 香港新城電台: [2011年度新城勁爆頒獎禮]- 新城勁爆殿堂搖擺歌手
- 香港新城電台: [2011年度新城勁爆頒獎禮]- 新城勁爆專輯
- 香港商業電台：「2011年度叱咤樂壇流行榜」——專業推介、叱咤十大第四位 《Can't Bring Me Down》
- 2012年第十二屆華語音樂傳媒大獎：《最佳搖滾藝人》《最佳粵語男歌手》
- 2012年度YAHOO!搜尋人氣大獎：人氣廣告歌曲《紅黑紅紅黑》
- 2012年度YAHOO!搜尋人氣大獎：年度搜尋人氣歌曲《年少無知》
- 香港新城電台: [2012年度新城國語力頒獎禮]-新城國語力亞洲搖滾歌手獎
- 香港新城電台: [2012年度新城勁爆頒獎禮]-新城全球勁爆搖擺歌手
- 香港新城電台: [2012年度新城勁爆頒獎禮]-新城勁爆我最欣賞歌曲《年少無知》
- 香港新城電台: [2012年度新城勁爆頒獎禮]-新城勁爆原創歌曲《紅黑紅紅黑》
爭議事件
[編輯]2012年香港立法會選舉非法喺票站影相
[編輯]喺2012年香港立法會選舉入面，黃貫中涉嫌喺投票站非法影相，觸犯《選舉條例》，2013年1月被警方拘捕[7]。去到同年3月19號，警方經過徵詢律政司嘅意見後，決定唔起訴黃貫中，只係作出口頭警告[8]。
政治立場轉變
[編輯]黃貫中早年被視為香港民主派支持者，2011年曾經批評香港某啲歌手唔關心時事，但就喺度賺香港人嘅錢，實在太唔合理[9]，另外喺2014年亦曾經聲援雨傘運動[10][11]，但去到2021年，佢參與中國綜藝節目《披荊斬棘的哥哥》，被某啲樂迷視為向中國靠攏，受到一啲非議[12]。
參考
[編輯]- ↑ 〈女神學歷有幾勁 究竟邊個讀「神科」？〉。
- ↑ 〈黃貫中 男人四十〉。原著喺2008年5月11號歸檔。喺2017年5月19號搵到。
- ↑ 〈群英會：請不要拿石頭丟朱茵〉。原著喺2017年3月28號歸檔。喺2017年5月19號搵到。
- ↑ 〈【澳門開搖滾騷】黃貫中偕六大樂隊向Beyond致敬〉。《明周娛樂》 (美國英文)。2019-11-14。喺2019-11-19搵到。
- ↑ 〈黃貫中率領 6 大樂隊 混戰《海闊天空》〉。《明周娛樂》 (美國英文)。2019-12-09。喺2019-12-31搵到。
- ↑ 薪火相傳40年——理大設計學院
- ↑ 〈票站內拍照 黃貫中被捕〉。《東方日報》 (香港中文)。2013-01-30。
- ↑ 〈上載選票相幸口頭警告甩難〉。《太陽報》 (香港中文)。2013-11-23。
- ↑ 〈黃貫中為政治發聲寧坐監〉。《星島日報》。2011-07-12。
{{cite news}}: CS1 maint: url-status (link) - ↑ 自由時報電子報 (2014-10-04)。〈Beyond黃貫中「港中一家人」 中國網民狠批 - 自由娛樂〉。《自由時報電子報》。喺2022-04-14搵到。
- ↑ 〈黃貫中領唱《海闊天空》更多藝人到場支持 - 大紀元〉。《大紀元 www.epochtimes.com》 (繁體中文)。2014-10-01。喺2022-04-14搵到。
- ↑ 〈偶像坍塌後怎麼辦？與大灣區哥哥姐姐價值觀漸遠的昔日粉絲們〉。《端傳媒》。喺2022-04-14搵到。
{{cite web}}: CS1 maint: url-status (link)
出面網頁
[編輯]- 黃貫中嘅新浪微博
- Goon Chung Wong喺互聯網電影資料庫嘅資料（英文）
- 黃貫中喺香港影庫嘅資料（香港繁體）
- 黃貫中喺豆瓣電影嘅資料（簡體中文）
- 黃貫中喺時光網嘅資料（大陸簡體）
