楊乃文

出自維基百科,自由嘅百科全書
楊乃文
女歌手
英文名Faith Yang
花名搖滾女王
國籍中華民國 中華民國
出世 (1974-03-02) 1974年3月2號(50歲)
臺灣 臺灣臺北
職業歌手模特兒
語言中文英文、少少法文
教育程度雪梨大學遺傳與生物學系學士畢業
音樂類華語流行音樂英式搖滾
演奏樂器鋼琴長笛
出道地臺灣 臺灣
出道日期1997年7月29號, 26年之前 (1997-07-29)
出道作品《ONE》
代表作品《Silence》、《祝我幸福》、《證據》、《女爵》、《離心力》、《推開世界的門》
活躍年代1997年-依家
唱片公司魔巖唱片(1997年-2002年)
亞神音樂(2006年-2008年;2013年-依家)
銀魚音樂(2009年-2013年)
經紀公司銀魚音樂(2003年-2013年)
亞神音樂(2013年-依家)
網站
網路電影資料庫(IMDb)資訊
金曲獎
最佳國語女演唱人獎
2000年 《Silence》

楊乃文粵拼joeng4 naai5 man4英文Faith Yang1974年3月2號—),喺臺灣臺北出世,喺雪梨大學畢業,著名華語女歌手,有「搖滾女王」嘅稱號,攞過第11屆金曲獎最佳國語女演唱人獎[1]。佢亦做過模特兒同參與電影舞台劇嘅演出。

演藝經歷[編輯]

早期生活[編輯]

佢喺1974年3月2號喺台灣台北出世[2],從六歲開始學鋼琴,亦識得演奏其他多種樂器(琵琶三弦等)。喺小學五年級時,佢同屋企人移民去澳洲,住喺雪梨。讀緊澳洲嘅中學時,開始接觸長笛[3]。佢喺中學期間參加過雪梨歌劇院搞、為期兩個禮拜嘅音樂劇工作營,期間接受咗音樂劇相關嘅專業訓練[2]

佢喺雪梨大學主修遺傳學生物學。由於對家鄉台灣嘅想念,佢喺大一學期完時決定暫時休學一年返台灣,揾自己未來可能嘅發展機會。啱啱返到台灣時,並冇明確嘅目標或方向,於是成日到酒館(pub)或的士高舞廳discothèque)打工順便聽音樂,更做兼職模特兒去賺取生活費。喺呢段期間,佢識咗李雨寰、林暐哲黃大煒黃舒駿等音樂業界人士。當時佢同李雨寰同林暐哲合作,喺「dMDM」[4]嘅專輯《愛上你只是我的錯》入面唱咗《愛上你只是我的錯》、《就要天堂》、《再見離別》同《藍色森林》等四首歌[3]

1997年:One[編輯]

一年後,佢返到澳洲繼續完成學業,當時唱片製作人林暐哲認為佢會係一個有潛力嘅歌手,所以佢開始同楊乃文討論整個人專輯嘅計劃,並同魔巖唱片簽約。1996年,楊乃文正式完成大學學業,並返到台灣做個人專輯嘅準備同錄音工作。1997年7月29號,佢出首張個人專輯《One》[2]。喺未有大量宣傳嘅情況下,銷售量竟然有多過幾萬張,雖然同個陣國語專輯好容易就破百萬張嘅年代去比,呢個成績唔係咁好,但係喺非主流音樂市場入面成績唔容易[3]

1999年:Silence[編輯]

距離上一張專輯兩年後嘅1999年9月9號,佢出咗第二張專輯《Silence》,製作人除咗林暐哲外仲有張震嶽陳珊妮。另外,呢張專輯入面仲特別翻唱英國樂團「流行尖端」(Depeche Mode)主唱馬汀·高爾(Martin Gore)嘅《Somebody》(由林暐哲填中文詞)、高旗超載嘅《不要告別》同花兒樂隊嘅《靜止》。第二年,佢憑住《Silence》專輯攞到第11屆金曲獎最佳國語女演唱人獎[5]

2001年:應該[編輯]

2001年5月3號,佢出咗第三張個人專輯《應該》。同前兩張一樣,製作人係林暐哲,專輯入面嘅創作集結咗好多音樂人,例如陳珊妮、李雨寰、陳綺貞李焯雄等,都收錄咗兩首楊乃文嘅個人作品—《我們》同《SURRENDER》。憑藉住到而家嘅三張專輯累積出知名度,佢喺2001年7月7號台北台大綜合體育館搞咗叫做「Back to Music」嘅首次個人售票演唱會。

2004年:楊乃文第一張精選2CD[編輯]

除咗六年三張專輯嘅精選曲目,重收錄喺出片前嘅首次嘅曝光DMDM專輯入面,佢獨唱嘅《愛上你只是我的錯》,重有喺校園Live演唱會入面首次發表自己嘅詞曲創作《FEAR》,重有為咗電視原聲帶薰衣草所開口唱嘅經典電影第凡內嘅早餐主題曲《Moon River》。

2006年:女爵[編輯]

佢同魔巖唱片之間嘅合約到期,佢轉到新東家亞神音樂。喺上一張唱片出咗五年,佢嘅第四張專輯《女爵》喺2006年12月1號出。同前三張專輯唔同嘅係,呢次佢親自做專輯製作人。佢都同以前嘅音樂夥伴再次合作,包括賈敏恕、李雨寰、林暐哲、陳珊妮等。另外,繼喺《Silence》專輯入面翻唱中國大陸花兒樂隊嘅《靜止》之後,呢次楊乃文再次翻唱大陸樂團作品—便利商店樂隊嘅《電視機》。專輯嘅同名主打單曲《女爵》係由台灣蘇打綠樂團主唱吳青峰寫嘅,呢次係兩人首次合作。

2009年:Self-Selected我自選[編輯]

英文歌係楊乃文嘅音樂源頭,佢特別從佢最鐘意嘅歌曲中精選10首,加上德國獨立樂手Maximilian Hecker幫佢寫嘅《Miss Underwater》,喺Radiohead、Coldplay、Blur、U2、The Verve; Leonard Cohen揀嘅(後來翻唱佢嘅《Hallelujah》嘅Jeff Buckley)、 The Velvet Underground《 Andy Warhol》 、Lou Reed; 007金剛鑽主題曲《Diamonds Are Forever》、2007奧斯卡最佳電影主題曲《Once》《曾經,愛是唯一》嘅《Falling Slowly》 、 被T Rex同名歌曲《20th Century Boy》感召而繪成嘅日本經典動漫《20世紀少年》一一浮現咗楊乃文以至成功世代人們最鐘意嘅樂團、傳奇嘅人物、Cult Movies《被膜拜的/邪典電影》、共同嘅文化符號同情感,唔係普通嘅翻唱舊歌。

2013年:ZERO[編輯]

2013年,佢喺暫別樂壇七年後,出個人第五張全新專輯《ZERO》,專輯以個人擅長嘅搖滾曲風做主打。專輯製作群包括亂彈阿翔張震嶽范曉萱徐佳瑩等人[6],直至呢張專輯,佢先搞個人出道後嘅首次簽名會。

2014年,佢再次以呢張專輯入圍第25屆金曲獎最佳國語女歌手獎,呢次係相隔14年再次入圍呢個獎項。另外,由張震嶽作曲嘅專輯單曲《未接來電》都入圍最佳作曲人獎。

2016年-2019年:綜藝節目、專輯[編輯]

2016年11月,出第六張專輯《離心力》,呢次係佢第一次參與專輯所有嘅製作環節,包括選歌、編曲、製作、混音。當中嘅專輯同名主打歌《離心力》被叫做係佢出道以嚟口氣最「輕」嘅一首歌。 《離心力》被受好評,甚至被叫做「2016年催淚神曲」。

2017年,佢以呢張專輯三次入圍第28屆金曲獎最佳國語女歌手,《離心力》都入圍咗年度歌曲、最佳作曲人同最佳單曲製作人獎,最終由作曲嘅黃建為攞到最佳作曲人獎。

2016年11月,佢以「花粉過敏的花房姑娘」參加江蘇衛視蒙面唱將猜猜猜》第一季。

2019年2月,加盟湖南衛視歌手2019》、為第二位補位歌手,喺第三輪遭到淘汰,之後喺突圍賽演唱《證據》以第四名突圍失敗。同年11月15號,佢出全新專輯《越美麗越看不見》。

音樂作品[編輯]

錄音室專輯[編輯]

依序 發行日期 發行公司
1 1997年7月29號 《One》 魔巖唱片
2 1999年9月9號 Silence 魔巖唱片
3 2001年5月3號 應該 魔巖唱片
4 2006年12月1號 女爵 亞神音樂
5 2013年12月20號 ZERO 亞神音樂
6 2016年11月16號 離心力 亞神音樂
7 2019年11月15號 越美麗越看不見 亞神音樂

現場錄音專輯[編輯]

依序 發行日期 發行公司
1 2015年6月5號 《TIMEQUAKE》 亞神音樂

精選輯[編輯]

依序 發行日期 發行公司
1 2004年1月9號 《第一張精選》 滾石唱片

翻唱專輯[編輯]

依序 發行日期 發行公司
1 2009年4月10號 《Self-Selected 我自選》 新力音樂

獨唱單曲[編輯]

年份 歌名 備註
2001年   《Moon River》 《薰衣草》電視原聲帶
2007年   《貝阿提絲》 《幸運兒》音樂劇原聲帶
2009年   《True colors》 《BenQ LCD TV》廣告單曲
2012年   《放輕點》 《愛》電影原聲帶
2013年   《可惜愛》 電影《回到愛開始的地方》主題曲
2017年   《逃兵》 電影《綁架者》片尾曲
2019年   《寂寞孤島》 電視劇《流淌的美好時光》插曲

合唱單曲[編輯]

年份 歌手 歌名 專輯
1996年 dMDM、楊乃文   《愛上你只是我的錯》(acoustic)、《再見離別》 《愛上你只是我的錯》
2008年 INORAN、楊乃文   《Journey》 《Shadow》
2010年 柯有倫、楊乃文   《我恨你》 《無畏無懼》

公益單曲[編輯]

年份 歌手 歌名 備註
2019年 徐佳瑩艾怡良彭佳慧、楊乃文、蕭煌奇伍思凱黃子佼陶晶瑩光良MATZKA
魏如萱柯智棠HUSHA-Lin萬芳江美琪紀曉君戴愛玲桑布伊
《現在開始做朋友》 第二屆「愛之日常」音樂節主題曲

影視作品[編輯]

音樂錄影帶[編輯]

  • 1994年:L.A Boyz《夏日戀曲》
  • 2002年:張震嶽《雙手插口袋》
  • 2008年:黃立行《黑夜盡頭》

電影/舞台劇[編輯]

  • 2000年:《175度色盲》(網路電影)
  • 2005年9月:幾米《幸運兒》音樂舞台劇(飾演女主角:貝阿提絲)

歌手2019[編輯]

2019年2月,加盟湖南衛視歌手2019》、為第二位補位歌手,喺第三輪遭到淘汰,之後喺突圍賽演唱《證據》以第四名突圍失敗。

歌手2019 楊乃文競演排名
期數 輪數 播出日期 演唱歌曲 原唱 歌曲介紹 排名 得票率 出場序 備註
7 第三輪排位賽 2月22號 女爵 楊乃文 詞/曲:吳青峰
編曲:Nick Pyo
7 8.865% 8 個人最低排名
8 第三輪淘汰賽 3月1號 浪裏游 劉惜君 詞:郭 頂
曲:郭一霏、郭 頂
編曲:鄭 楠
7 7.685% 6 個人最低排名同得票率
兩場總成績第7名
9 第三輪踢館賽 3月8號 推開世界的門 楊乃文 詞/曲:黃少峰
編曲:韓立康田雅欣陳君豪
返場表演 3
12 突圍賽 3月29號 證據 楊乃文 詞:林暐哲
曲:陳綺貞
編曲:鄭 楠
4 10.89% 3 突圍失敗
個人最高排名同得票率

演唱會[編輯]

[編輯]

金曲獎[編輯]

年份 專輯 入圍 結果
2000年 第11屆金曲獎 《Silence》 最佳流行音樂演唱專輯獎 《Silence》 提名
最佳國語女歌手獎 獲獎
2014年 第25屆金曲獎 《ZERO》 最佳作曲人獎 張震嶽《未接來電》 提名
最佳國語女歌手獎 《ZERO》 提名
2017年 第28屆金曲獎 《離心力》 年度歌曲獎 《離心力》 提名
最佳作曲人獎 黃建為《離心力》 獲獎
最佳單曲製作人獎 黃建為、陳君豪《離心力》 提名
最佳國語女歌手獎 《離心力》 提名

其他嘅獎[編輯]

  • 1997年
    • 中華音樂人交流協會十大單曲《星星堆滿天》
  • 2000年
    • 中華音樂人交流協會十大專輯《Silence》同十大單曲《我給的愛》
  • 2001年
    • 中華音樂人交流協會十大專輯《應該》同十大單曲《應該》
  • 2017年
    • 「第21屆全球華語音樂榜中榜」傳媒推薦歌手獎
    • hito流行音樂獎Hit Fm最愛搖滾歌手獎
    • 中華音樂人交流協會十大單曲《離心力》

參考[編輯]

  1. 11屆金曲獎 - 最佳女演唱人得主. 痞客邦. 2013年10月12號.
  2. 2.0 2.1 2.2 G-Music 藝人基本資料網頁 互聯網檔案館歸檔,歸檔日期2017年12月25號,.,2007年5月30號引用
  3. 3.0 3.1 3.2 1999年10月1號,陳雅雯,全台灣脾氣最大的女歌手:楊乃文 互聯網檔案館歸檔,歸檔日期2007-01-27.,《破報》,2007年5月30號引用
  4. dMDM 官方念做「惦惦」(拼音:dian dian,音同「電電」意),閩南語「安靜」嘅意思。睇:KKBOX 介紹頁面 互聯網檔案館歸檔,歸檔日期2007-09-27.
  5. 第十一屆金曲獎得獎名單 互聯網檔案館歸檔,歸檔日期2007-05-28.,台灣行政院新聞局,2007年5月31日引用
  6. 楊乃文 無法靜止 Faith Yang BREAK THE SILENCE 互聯網檔案館歸檔,歸檔日期2013-12-02.

出面網頁[編輯]