李榮浩
| 李榮浩 | |||||||||||
|---|---|---|---|---|---|---|---|---|---|---|---|
a.jpg) | |||||||||||
| 男歌手 | |||||||||||
| 羅馬拼音 | Li Ronghao | ||||||||||
| 國籍 |  中華人民共和國 | ||||||||||
| 民族 | 回族 | ||||||||||
| 出世 | 1985年7月11號 中國安徽省蚌埠市 | ||||||||||
| 職業 | 歌手、音樂製作人、結他手 | ||||||||||
| 教育程度 | 高中 | ||||||||||
| 出道日期 | 2013年 | ||||||||||
| 代表作品 | 《模特》《李白》《喜劇之王》《不搭》《不將就》 | ||||||||||
| 唱片公司 |  艾迴唱片（2005年－2014年） 簡單快樂文化（2013年－2014年） 福茂唱片（2013年－2014年） 華納音樂（2014年－依家） | ||||||||||
| 經紀公司 | 簡單快樂文化（2013年－2014年） 北京一樣音樂文化發展有限公司（2015年－依家） | ||||||||||
| 網路電影資料庫（IMDb）資訊 | |||||||||||
| |||||||||||
李榮浩（粵拼：lei5 wing4 hou6；簡化字：李荣浩；英文：Li Ronghao；1985年7月11號—）係中國大陸男歌手同詞曲創作人，安徽蚌埠市人，而家住喺北京朝陽區。2005年曾經以創作藝人身份同艾迴唱片簽約，重幫公司旗下多位歌手整歌。2013年9月發行個人第一張專輯——《模特》而正式以歌手身份出道。2014年借《模特》呢份專輯提名第25屆金曲獎流行音樂類最佳國語專輯獎、最佳作詞人獎、最佳專輯製作人獎、最佳國語男歌手獎、最佳新人獎5項大獎，新聞評佢做「最強黑馬」[1]重攞埋最佳新人獎[2][3][4]。2015年1月，加盟湖南衛視《我是歌手》第三季、為首位踢館歌手，喺第一輪踢館賽憑住《模特》一曲以第六名踢館失敗，之後喺突圍賽演唱《小芳》以第九名突圍失敗。2019年9月19號，李榮浩曬出同楊丞琳嘅結婚照。[5]
早年經歷[編輯]
李榮浩9歲開始接觸結他，最初兩三年搵唔到先生而聽卡帶自學；之後因為沉迷結他，冇學到嘢而俾屋企啲人反對，搞咗餐拗數之後先至俾阿爸阿媽應承學低音提琴，之後開始佢每個禮拜尾從蚌埠坐火車到南京學琴。中學畢業後開咗結他教學班，開堂時有成百幾位學生上堂。2004年一人去北京從事為其他人寫歌、唱和音、彈結他、彈低音結他等方面嘅工作；同年接受人生中首次專訪，喺音樂雜誌——《吉他平方》上發表結他單曲——《煩》；亦同樂隊合作，攞咗江蘇省第5屆流行音樂大賽一等獎；2005年接受音樂雜誌——《現代樂手》專訪重發表單曲《DREAM》；同年9月做過《我的音樂夢想》系列結他叢書主編，後正式成為中國嘅結他樂手。2005年去咗日本艾回唱片簽約而成為臺灣地區獨家創作藝人。2008年整過趙薇嘅專輯——《我們都是大導演》，重做埋嗰個發佈會嘅表演嘉賓；同年做過陳坤嘅專輯——《謎ME》嘅製作人，重做埋佢嘅第一場演唱會——《謎》嘅音樂總監兼結他手；2011年開始做公益項目——《行走的力量》嘅音樂總監。
演藝經歷[編輯]
2013年9月16號，發行首張專輯《模特》；9月25號，喺北京舉辦「HAO·LIVE 李榮浩《模特》音享會」；12月23號，帶住原創作品《滿座》參加中國好歌曲第1季海選，未獲推桿。
2014年3月24號，發行概念EP《作曲家》，同名單曲獲王菲推薦；4月16號，攞到音悅台第3屆「音悅v榜」年度最佳音悅人；5月20號，憑住專輯《模特》入圍第25屆金曲獎最佳國語男歌手、最佳新人、最佳專輯製作人、最佳國語專輯、最佳作詞人5項提名，最終獲得最佳新人獎，係首位內地歌手獲得呢個獎項，實現咗從製作人到歌手嘅轉型；9月4號，簽約華納唱片；11月28號，發行第2張同名專輯《李榮浩》，喺攻下5大排行榜同G-Music冠軍嘅同時，都隨即拎到台灣、香港、新加坡、馬來西亞4地iTunes專輯榜冠軍；11月30號，喺台北舉辦新歌演唱會；12月31號，喺台北參加跨年演唱會。
2015年1月，加盟湖南衛視《我是歌手》第三季、為首位踢館歌手，喺第一輪踢館賽憑住《模特》一曲以第六名踢館失敗，之後喺突圍賽演唱《小芳》以第九名突圍失敗。2月19號，推出首張Live翻唱EP《iTunes Session》，係內地樂壇首位同iTunes合作推出自己嘅iTunes session EP並獲得全球範圍推廣嘅音樂人，都令佢成為美國iTunes流行音樂熱門專輯榜TOP120榜上唯一嘅華語歌手；4月4號，喺香港舉辦新歌演唱會，朋友古巨基做嘉賓；4月12號，做林俊傑新地球世界巡迴演唱會上海站嘉賓；4月28號，發佈為電影《何以笙簫默》創作嘅片尾曲《不將就》，嗰個歌曲拎咗iTunes台灣流行樂熱門單曲榜No.1，台灣同香港KKBOX綜合新歌榜、整體涵蓋率冠軍，KKBOX華語單曲日榜、周榜、月榜冠軍等；5月18號，憑住歌曲《喜劇之王》入圍第26屆金曲獎最佳作曲人獎；5月30號—31號，天生李榮浩巡迴演唱會首站喺北京萬事達中心舉辦2場；10月24號，做莫文蔚「看看」世界巡迴演唱會嘉賓；11月11號，喺雙11晚會上同陳奕迅合作壓軸演出；12月31號，參加江蘇衛視跨年演唱會。
2016年1月22號，發行第3張專輯《有理想》，嗰個專輯收獲亞洲近百張榜單冠軍；5月20號—21號，有理想世界巡迴演唱會首站喺北京樂視體育生態中心舉辦2場；6月15號，喺上海迪士尼開園盛典演唱《心世界》；7月17號，擔任陳奕迅「Another Eason's LIFE」演唱會深圳站嘉賓；8月1號，擔任Levi's大中華區品牌代言人，助力原創音樂人成長計劃；9月3號，發佈為電影《從你的全世界路過》創作嘅主題曲《不說》；9月17號，參加上海理想音樂節演出；9月22號，做徐熙娣主持嘅綜藝節目《姐姐好餓》嘉賓；10月5號，參加上海簡單生活節演出；11月5號，做謝霆鋒主持嘅綜藝節目《十二道鋒味》嘉賓；12月30號，參加浙江衛視跨年演唱會。
2017年1月1號，擔任國劇盛典表演嘉賓；1月28號，參演電影《乘風破浪》上映，片中飾演反派地產商黃志強，並憑住該角色入圍第20屆上海電影節亞洲新人獎－最佳男演員；2月25號，首次登上紅磡體育館開個唱，容祖兒做表演嘉賓；4月7號至15號，巡演北美4站分別喺多倫多、舊金山、洛杉磯同温哥華舉辦；6月24號，被請做第28屆金曲獎頒獎典禮演出嘉賓，致敬兩岸三地搖滾經典。9月16號，首次喺台北小巨蛋開個唱，楊丞琳做表演嘉賓，並首次公開承認佢女友身份；11月17號，發行第四張專輯《嗯》，單曲喺數字平台創下10億次點擊量；12月9號，喺台北舉辦兩場新歌演唱會。
2018年1月12號，主演電影《卧底巨星》上映，喺片中飾演偵探「鐵柱」。
個人音樂作品[編輯]
錄音室專輯[編輯]
| 發行日期 | 專輯名 | 發行公司 | 曲目 |
| 2013年9月16號 | 模特 | 福茂唱片／簡單快樂文化 |
曲目 |
| 2014年11月28號 | 李榮浩 | 華納唱片 |
曲目 |
| 2016年1月22號 | 有理想 | 華納唱片 |
曲目 |
| 2017年11月17號 | 嗯 | 華納唱片 |
曲目 |
| 2018年10月17號 | 王牌冤家 | 華納唱片 |
曲目 |
EP[編輯]
| 發行日期 | EP名 | 發行公司 | 曲目 |
| 2010年9月9號 | 小黃 | 李榮浩音樂工作室 |
曲目 |
| 2014年3月24號 | 作曲家 | 簡單快樂文化 |
曲目 |
| 2015年2月17號 | iTunes Sessions | 華納唱片 |
曲目 |
單曲（專輯未收錄）[編輯]
| 發行日期 | 名稱 | 發行公司 | 備註 |
| 2004年 | 《煩》 | 吉他平方 | 結他單曲，發表喺《吉他平方》雜誌 |
| 2005年 | 《DREAM》 | 現代樂手 | 結他單曲，發表喺《現代樂手》雜誌 |
| 2015年5月28號 | 《行走的力量》 | 東申童畫 | 公益項目《行走的力量》同名主題曲 |
| 2017年12月4號 | 女兒國（Feat.張靚穎） | 燃音樂 | 電影《西遊記·女兒國》同名主題曲 |
| 2018年6月4號 | 成長之重量 | 華納唱片 | 電影《動物世界》片尾曲 |
操刀創作[編輯]
統計項目：作詞、作曲、編曲、演奏、和音、製作等
《我是歌手》第三季[編輯]
2015年1月，加盟湖南衛視《我是歌手》第三季、為首位踢館歌手，喺第一輪踢館賽憑住《模特》以第六名踢館失敗，之後喺突圍賽演唱《小芳》以第九名突圍失敗。
我是歌手第三季 李榮浩競演排名
| |||||||||
| 期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 出場序 | 備註 |
| 3 | 第一輪踢館賽 | 1月16號 | 《模特》 | 李榮浩 | 詞：周耀輝 曲／編曲：李榮浩 |
6 | 不詳 | 8 | 踢館失敗 個人最高排名 |
| 4 | 第二輪排位賽 | 1月23號 | 《笑忘書》 | 王 菲 | 詞：林 夕 曲：C.Y. Kong 編曲：李榮浩、Edward |
返場表演 | 1 | — | |
| 12 | 突圍賽 | 3月20號 | 《小芳》 | 李春波 | 詞／曲：李春波 編曲：李榮浩 |
9 | 不詳 | 2 | 突圍失敗 個人最低排名 經紀人投票第4名 |
演唱會[編輯]
個人演唱會[編輯]
個人主題演唱會
擔任他人演唱會嘉賓[編輯]
擔任其他藝人演唱會表演嘉賓
電影[編輯]
| 上映日期 | 名稱 | 角色 | 導演 | 合作演員 | 備註 |
| 卧底巨星 | 鐵柱 | 谷德昭 | 陳奕迅、陳國坤、李一桐 | ||
| 2017年1月28號 | 乘風破浪 | 黃志強 | 韓寒 | 鄧超、趙麗穎、彭于晏 | 提名 第20屆上海電影節 亞洲新人獎最佳男演員 |
廣告代言[編輯]
| 日期 | 廣告名稱 | 詳情 | 備註 |
| 2015年5月 | CLINIQUE倩碧 | 宛若新生系列 | 創作並演唱主題曲《宛若新生》 |
| 2015年7月 | 百事可樂 | 百事挑讚系列 | |
| 2016年8月 | LEVI'S裏維斯 | 中華區代言人 | 全程助力音樂人成長計劃 |
| 2016年9月 | 海爾統帥洗衣機 | 代言 |
獎項[編輯]
重要獎項[編輯]
| 時間 | 獎項 | 入圍者 | 專輯/單曲 | 結果 |
| 金曲獎 | ||||
|---|---|---|---|---|
| 2015年6月27號 | 最佳作曲人 | 李榮浩 | 喜劇之王 | 入圍 |
| 最佳作詞人 | 黃偉文 | 入圍 | ||
| 2014年6月28號 | 最佳國語專輯 | 李榮浩 | 《模特》 | 入圍 |
| 最佳國語男歌手 | 入圍 | |||
| 最佳新人 | 獲獎 | |||
| 最佳專輯製作人 | 入圍 | |||
| 最佳作詞人 | 周耀輝 | 模特 | 入圍 | |
| 中華音樂人交流協會 | ||||
| 2015年6月6號 | 年度十大單曲 | 李榮浩 | 喜劇之王 | 獲獎 |
| 年度十大專輯 | 《李榮浩》 | 獲獎 | ||
其他獎項[編輯]
其他獎項
參考[編輯]
- ↑ 〈三立新聞〉. 原著喺2014年5月21號歸檔. 喺2017年2月15號搵到.
- ↑ 金曲最佳新人：浩 互聯網檔案館嘅歸檔，歸檔日期2017年1月16號，.，中央社，2014年6月28日
- ↑ 金2014金曲獎完整得獎名單 互聯網檔案館嘅歸檔，歸檔日期2014年7月1號，.，中央社，2014年6月28日
- ↑ 《抓到了！楊丞琳住李榮浩北京家》. 蘋果日報. 2015年7月14號. 喺2015-09-19搵到.
- ↑ 〈楊丞琳李榮浩曬婚照 網民：他就是你的理想情人〉. 《明周娛樂》 (美國英文). 2019-09-19. 喺2019-12-28搵到.
- ↑ 李榮浩2014台北演唱會全場高清，騰訊視頻，2014-11-30
- ↑ 李榮浩香港首次開唱 古巨基情義助陣合唱 互聯網檔案館嘅歸檔，歸檔日期2017-08-15.新浪音樂，2015-04-07
- ↑ [1] 互聯網檔案館嘅歸檔，歸檔日期2017年9月1號，.新歌演唱會海報
- ↑ [2][失咗效嘅鏈]天生巡演海報
- ↑ 高清全場：李榮浩「天生李榮浩」上海站 騰訊視頻，2015-06-19
- ↑ [3][失咗效嘅鏈]有理想巡演海報
- ↑ 李榮浩首登香港紅磡熱力開唱 容祖兒驚喜助陣 互聯網檔案館嘅歸檔，歸檔日期2017年2月26號，.網易娛樂，2017-02-26
出面網頁[編輯]
- 李榮浩嘅新浪微博（需要註冊）
- 李榮浩 Facebook（正體中文 - 台灣）
- 李榮浩喺時光網嘅資料（大陸簡體）
![[1]](https://upload.wikimedia.org/wikipedia/commons/d/de/Lironghao_3.jpg){kind=link}
![[2]](https://upload.wikimedia.org/wikipedia/commons/b/b0/Tiansheng.jpg){kind=link}
![[3]](https://upload.wikimedia.org/wikipedia/commons/a/a3/An_ideal.jpg){kind=link}