韓紅

出自維基百科,自由嘅百科全書
跳去: 定向搵嘢
韓紅
女歌手
原名 韓紅
羅馬拼音 Han Hong
別名 央金卓瑪
國籍 中華人民共和國 中華人民共和國
民族 藏族
籍貫 山東省德州市
出世 (1971-09-26) 1971年9月26號(46歲)
Flag of the People's Republic of China.svg 中國西藏自治區昌都地區昌都縣(依家嘅昌都市卡若區
職業 歌手
活躍年代 1997年-依家

韓紅粵拼hon4 hung4簡化字韩红英文Han Hong1971年9月26號—),藏名央金卓瑪藏文དབྱངས་ཅན་སྒྲོལ་མ藏拼Yangjian Zhuoma威利轉寫dbyangs can sgrol ma),喺中國西藏昌都市卡若區出世,祖籍山東德州,少年喺北京城大,阿爸係漢族知青相聲演員,阿媽係藏族歌手雍西。佢係中國知名嘅少數民族女歌手,中央國家機關青聯常委,創作型唱將,空軍少校軍銜。韓紅係空軍政治部文工團副團長,全國政協委員、全國青聯常委、中華海外聯誼會理事。韓紅同夢鴿譚晶許飛被叫做李雙江「四大關門女弟子」[1]。2015年1月,加盟湖南衛視《我是歌手》第三季、為首發歌手,喺3月27號總決賽獲得歌王。

生平[編輯]

韓紅阿爸早死,同阿媽經常登台演出,9歲後去北京同嫲嫲、叔叔相依為命。佢因為體型粗胖,考唔到文藝兵,反而成為通信兵,所以自學彈結他同打鼓。即使係咁,佢參加各項軍內歌唱比賽都冇得名,呢個情況持續十幾年,2005年,阿嫲去世後,因為都經常登台,每年過年都喺唔同地方度過。1988年佢進入歌壇。1995年,因為親友幫手而錄製《喜瑪拉雅》。1997年底,遇見張越,喺《半邊天》嘅《別為你的相貌發愁》一集演唱。之後,佢再借助親友幫手,推出咗首張個人專輯《雪域光芒》。2003年後,佢逐漸受到關注,多次攞過各種「年度最受歡迎女歌手獎」同「最佳女歌手獎」,成為中國大陸最紅嘅女歌手之一。2009年9月,佢被特招入伍,加入空軍政治部文工團,專業技術五級,任空軍政治部文工團副團長。

1999年10月3號喺貴州馬嶺河風景區,正在運行嘅纜車突然墜毀,喺纜車墜落嘅嗰一刻,車廂內來自南寧市嘅潘天麒、賀艷文夫婦,不約而同地用力將年僅2歲半嘅仔潘子灝高高舉起。結果佢只係嘴唇受輕傷,而佢嘅雙親就先後死咗。呢場令潘子灝變成孤兒呢個生命嘅故事,深深打動咗韓紅,經過多方聯繫,佢領養咗呢個大難不死嘅細路。

2010年11月28號,韓紅喺去緊舟曲泥石流災區嘅途中,遭遇車禍,所乘坐嘅越野車翻滾至路邊嘅溝中,好彩冇人傷亡[2]。韓紅話,之所以未受到嚴重嘅傷害,係因為佢扣咗安全帶[3]

韓紅熱衷於慈善事業,2007年發起「愛心西藏行」等公益活動,2008年5月14號成立「韓紅愛心救援團隊」去汶川災區支持救援,2012年5月9號註冊成立咗韓紅愛心慈善基金會。

2015年1月,加盟湖南衛視《我是歌手》第三季、為首發歌手,喺3月27號總決賽獲得歌王。2015年12月7號11點19分,韓紅喺微博發布一張自己嘅軍裝照,同埋表示「離開」(離開軍隊。經證實佢已經轉行)。

2016年1月,宣佈加盟香港嘅華星唱片轉戰香港樂壇,時隔6年再出新專輯,並表明會嘗試唱廣東歌。重講佢識唱《浮誇》、《海闊天空》2首廣東歌。1月9號,去臺北小巨蛋錄製農曆新年除夕特別節目《2016超級巨星紅白藝能大賞》,演唱《天天想你》、《我愛故我在》,係出道幾年首次喺台灣演出。

《我是歌手》第三季[編輯]

2015年1月,加盟湖南衛視《我是歌手》第三季、為首發歌手,喺3月27號總決賽獲得歌王。

我是歌手第三季 韓紅競演排名
期數 輪數 播出日期 演唱歌曲 原唱 歌曲介紹 排名 得票率 備註
1 第一輪排位賽 2015年1月2號 《天亮了》(國語) 韓 紅 詞/曲:韓 紅
編曲:劉 洲
1 22.42% 為個人演出最高嘅排名
歌手互投第1名
2 第一輪淘汰賽 2015年1月9號 《梨花又開放》(國語) 周 峰 詞:丁小齊
曲:因幡晃
編曲:譚伊哲
2 19.42% 歌手互投第2名
2場總排名第2名
3 第一輪踢館賽 2015年1月16號 《往事隨風》(國語) 齊 秦 詞:許常德
曲:塗惠源
編曲:劉 洲
2 不詳 歌手互投第2名
4 第二輪排位賽 2015年1月23號 《莫尼山》(國語/蒙語) 額爾古納樂隊 詞:呂燕衛
曲:額爾古納樂隊
編曲:秦萬民
1 20.05% 為個人演出最高嘅排名
歌手互投第1名
5 第二輪淘汰賽 2015年1月30號 《海闊天空》(國語) 信樂團 詞:姚若龍
曲:Hun Lim
Jun Young Choi
編曲:韓 紅、許 明
6 11.20% 為個人演出最低嘅排名
2場總排名第3名
20組第5名
6 第二輪踢館賽 2015年2月6號 《你是這樣的人》(國語) 劉 歡 詞:宋小明
曲:三 寶
編曲:阿 鯤
6 不詳 為個人演出最低嘅排名
歌手互投第1名
7 第三輪排位賽 2015年2月13號 《回到拉薩》(國語) 鄭 鈞 詞/曲:鄭 鈞
編曲:金武林、許 明
2 18.18% 歌手互投第2名
8 第三輪淘汰賽 2015年2月20號 《橄欖樹》(國語) 齊 豫 詞:三 毛
曲:李泰祥
編曲:胡彥斌谷 慄
3 14.80% 歌手互投第1名
2場總排名第2名
50組第1名
9 第三輪踢館賽 2015年2月27號 《故鄉的雲》(國語) 文 章 詞:小 軒
曲:譚健常
編曲:金武林、許 明
2 15.47% 獲得232票
歌手互投第1名
10 第四輪排位賽 2015年3月6號 《我很醜可是我很溫柔》(國語) 趙 傳 詞:李格弟
曲:黃韻玲
編曲:劉 洲
6 11.02% 為個人演出最低嘅排名同得票率
歌手互投第2名
11 第四輪淘汰賽 2015年3月13號 《紅薔薇》(國語) 正午陽光 詞/曲:王 寶
編曲:金武林
4 12.53% 歌手互投第3名
2場總排名第5名
晉級總決賽
12 突圍賽 2015年3月20號 首發歌手進入總決賽
13 總決賽第一輪 2015年3月27號 《十年》(國語) 陳奕迅 詞:林 夕
曲:陳小霞
編曲:梁翹柏
1 不詳 為個人演出最高嘅排名
幫唱嘉賓為陳奕迅
晉級總決賽第二輪
總決賽第二輪 《天路》(國語) 韓 紅 詞:屈 原
曲:印 青
編曲:金武林、劉 洲
1 44.35% 為個人演出最高嘅排名同得票率
晉級為「終極歌王候選人」
14 2015巔峰會 2015年4月3號 《一杯美酒》(國語) 維吾爾族民歌 詞:艾克拜爾
曲:維吾爾族民歌
編曲:劉 洲
《樓蘭姑娘》(國語) 艾爾肯 詞/曲:艾爾肯
編曲:劉 洲
我是歌手第四季總決賽 2016年4月8號 《給所有知道我名字的人》(國語) 趙 傳 詞:李宗盛
曲:劉天健
編曲:劉 洲
第一季第二季歌王返場表演
2016雙年巔峰會 2016年4月15號 If You英文If You (song)》(韓語) BIGBANG 詞:G-Dragon
曲:G-Dragon、P.KDEE.P
編曲:梁翹柏達日丹
2017巔峰會 2017年4月22號 山丘》(國語) 李宗盛 詞/曲:李宗盛
編曲:曲世聰

音樂[編輯]

專輯[編輯]

主要專輯:《我愛故我在》《聽我的聲音》《雪域光芒》、《醒了》、《歌唱》、《喜瑪拉雅》、《情人》、《》、《最紅》、《感動》、《樹輝》、《我是誰》、《紅歌匯

現場演出[編輯]

  • 2003年唱紅平安夜北京演唱會。
  • 2005年唱紅上海灘上海演唱會。
  • 2006年無錫演唱會。
  • 2008年參加迎奧運歌曲《北京歡迎你》嘅錄制,同群星合作並參加奧運倒計時100日晚會。
  • 2008年同香港歌手劉德華喺鳥巢現場合唱北京殘奧會主題歌《和夢一起飛》。
  • 2012年北京演唱會。
  • 2014年最美和聲2(總導演)
  • 2015年1月,加盟《我是歌手》第三季,喺3月27號嘅總決賽,韓紅獲得呢季歌王。
  • 2016年5月7號開播嘅湖南衛視節目《我想和你唱》,韓紅任音樂爬梯主人,同主持人汪涵組成「涵韓組合」。

主唱MV[編輯]

  • 2016年 《山水貴客》 貴州衛視

爭議[編輯]

微博爆粗[編輯]

2011年12月29號夜晚,韓紅更新微博,話佢依家睇緊張藝謀導演嘅電影《金陵十三釵》,微博字入面行間難掩激動之情,甚至爆粗口鬧日本人,韓紅話會同日本人永世為敵,同發誓從2011年12月29號開始拒絕使用日貨。網絡都掀起咗「韓紅罵日本人到底是愛國主義與否」嘅辯論。大部分網友持支持態度,盛讚韓紅嘅做法,但亦有網友話公眾人物都係應該冷靜講嘢。

違反交規[編輯]

2013年8月2號,有網友爆料話,喺北京西北四環發現一架無牌照嘅百萬級黑色法拉利跑車,經辨認司機係歌手韓紅。當日韓紅邊揸跑車邊打電話,唔少網友指出韓紅已嚴重違反交通法規。8月2號夜晚,韓紅喺自己微博公開道歉。8月3號,又因涉嫌挪用牌照被民警當場查獲,根據道交法第96條第3款規定,東城交通支隊依法對佢處以5000元罰款,同移交所在單位進一步處理。

炒作風波[編輯]

2014年9月21號夜晚,《中國夢之聲》第二季首期節目入面,曾經係話劇社「開心麻花」學員嘅「歡快男生」組合,以流浪歌手嘅身份企上舞台,同講述喺地鐵賣唱嘅辛酸故事時,了解2人經歷嘅韓紅對選手嘅履歷當場提出質疑,同將2人逐出舞台。呢個行為引發網民熱烈討論,同質疑「節目組為賺收視有意為之」。對此,佢喺微博回應:「無愧於心,我堅持不造假。」

參考[編輯]

  1. "商院人物:盤點李雙江四大關門女弟子". 人民網 (用中文寫). 新浪網. 喺2013年2月26號搵到. 
  2. "韓紅劫後余生回京痛哭 赴醫院進行全面體檢(圖)". 北京晨報. 2010年12月1號. 
  3. 練紅寧 (2010年12月1號). "繫全帶才大難不死 韓紅車禍躲過一劫". 

出面網頁[編輯]