Jessie J

出自維基百科，自由嘅百科全書
跳去導覽 跳去搵嘢
Jessie J
Jessie J performing live at The Peppermint Club 05.jpg
喺美國加州洛杉磯嘅Peppermint Club表演
女歌手
花名
  • 結實姐
  • 婕茜
  • 勾勾
國籍Flag of the United Kingdom.svg 英國
出世Jessica Ellen Cornish
謝茜嘉艾倫康妮殊
(1988-03-27) 1988年3月27號（33歲）
Flag of the United Kingdom.svg 英國大倫敦紅橋倫敦自治市
職業
  • 歌手
  • 詞曲作家
語言英文、少少國語
音樂類
演奏樂器
代表作品
活躍年代2005年－依家
唱片公司
網站jessiejofficial.com

Jessie J（1988年3月27號—），原名謝茜嘉艾倫康妮殊（英文：Jessica Ellen Cornish），係英倫唱作人，喺倫敦出世，2005年出道，2011年推出第一隻唱片《Who You Are》。

早期生活[編輯]

1988年3月27號，Jessie J喺英國大倫敦紅橋倫敦自治市出世[1]，喺紅橋倫敦自治市梅菲爾德高中讀高中。佢去過柯林表演藝術學校進修，當時佢被揀做演出十一年歷史嘅音樂劇《微風輕哨》，該劇由Andrew Lloyd Webber喺倫敦西區劇院完成。

2003年，Jessie J十五歲嗰陣，佢贏到英國傑出天才大賽嘅「最佳流行歌手」獎。16歲嗰陣，喺英國倫敦表演藝術學校（The BRIT School）讀書，並喺17歲加入女子團體靈魂深處（Soul Deep）。2006年，同Adele、Leona Lewis喺表演藝術學校同年畢業。

Jessie J罹患沃夫巴金森懷特症候群，係一種先天心律不正嘅疾病，佢話佢18歲嗰時試過一次小中風。

演藝生涯[編輯]

睇埋：Jessie J得獎同提名一覽

2010年－2012年：《Who You Are》專輯[編輯]

Jessie J喺2005年開始錄佢嘅第一隻錄音室專輯，呢隻專輯喺2011年1月19號錄完[2][3]。佢透露《Big White Room》會喺佢專輯入面出現，佢喺17歲嗰陣寫呢隻歌，而呢隻歌係嚟自佢11歲嗰陣嘅經歷。嗰陣佢同嗰個細路仔係同房病人，佢過世，所以就寫咗呢隻歌[4]。Jessie J話專輯入面嘅歌《Who You Are》係佢起歌名起得最自豪嘅一隻歌，佢話隻歌係「年輕人嘅正面學習榜樣」同「我成日話自己我一半係藝人、一半係心理學家」[4] 。隻歌喺2005年寫，嗰陣佢啱啱搬到去洛杉磯，同埋經歷緊一段孤獨同艱難嘅時刻[5]。有隻歌叫《Sexy Silk》原本係佢嘅第一隻單曲，隻歌喺《Easy A》嘅原聲帶度出現。但係喺2010年尾 Jessie J就出咗佢第一隻單曲《Do It Like a Dude》。原本隻歌係佢同蕾哈娜去寫，因為蕾哈娜嘅作品《Rude Boy》喺嗰陣發行，而呢隻歌有部分嘅靈感都係嚟自嗰隻歌。喺發畀蕾哈娜管理團隊之前，佢就將《Do It Like a Dude》發畀小島唱片，而小島唱片就堅持將嗰隻歌做Jessie J嘅第一張單曲[6]。呢張單曲攞到正面嘅評價[7]。呢隻單曲喺英國單曲排行榜排第2。承接嘅單曲《Price Tag》喺2011年1月尾出。

2011年，Jessie J喺紐約市一場演唱會表演


2012年－2016年：發行《Alive》同《Sweet Talker》專輯[編輯]

喺2012年1月31號，Jessie J宣佈佢已經開始咗去錄佢第二張專輯[8]。佢亦都講咗佢想同好多藝人喺嗰年合作，可能會包埋當年同佢喺《好聲音》節目一齊做導師嘅藝人[9] 。Jessie J被透露話CeeLo Green喺Twiiter度聯絡咗佢之後就喺錄音室同佢合作。Jessie J亦都喺Twitter上透露佢同 Diane Warren同埋有份寫《Price Tag》嘅詞曲作家Claude Kelly合作緊。

Jessie J喺2013年嘅The O2 Arena

透過Twitter嘅 微博網站，Jessie J宣佈佢第一個馬拉松式嘅巡迴演唱會叫《Nice to Meet You Tour》（之後改名做 Alive Tour因為佢第二張專輯名係《Alive》），而呢次演唱會喺2013年10月15號開始，喺2014年2月8號完[10][11][12]。喺《Alive》專輯入面第一隻出嘅單曲《Wild》喺英國同澳洲做咗頭5最紅嘅歌。Other 喺專輯入面推出嘅其他單曲有《It's My Party》同《Thunder》。Jessie J亦都同Robin Thicke去錄DJ Cassidy嘅第一隻單曲《Calling All Hearts》。

喺2014年10月13號，佢喺英國出咗第三隻錄音室專輯《Sweet Talker》[13]，呢隻碟最高排喺第5位。同Ariana Grande、Nicki Minaj錄嘅《Bang Bang》就係專輯入面第一隻發行嘅歌[14]。呢隻歌喺英國單曲排行榜排第1，亦都係佢喺英國第三隻攞到第一同第七隻攞到頭五嘅歌[15]。《Bang Bang》最初發行喺美國告示牌百強單曲榜排第六，係自2014年入榜以嚟第二高[16]。呢隻歌亦係自《Domino》後，Jessie J喺美國榜單度第二隻排頭十嘅歌，最尾呢隻歌最高排過喺第3。喺2015年，佢取代will.i.am 做咗《 澳洲好聲音 》嘅導師同評判[17]。喺2016 Brit Awards嘅提名，Jessie J嘅2015年單曲《 Flashlight》（電影Pitch Perfect 2嘅原聲帶）被提名做英國最佳影[18]。喺2015年1月，佢開始Sweet Talker巡迴演唱會去宣傳佢嘅專輯。

喺2016年，Jessie J同Tha Vill參加《冰河世紀：隕石撞地球》嘅主題曲《My Superstar》試音（由Alexander Geringas同Nikki Leonti寫）[19][20])最尾呢隻歌冇單曲發行過同埋冇收入原聲帶度。

2017年－依家：《R.O.S.E.》同《歌手2018》[編輯]

睇埋：歌手2018
Jessie J喺2018年表演

喺2017年8月11號，Jessie J發行新單曲《Real Deal》做M&M's嘅宣傳活動[21]。喺9月12號，佢宣佈會出第四隻專輯《R.O.S.E.》同單曲《Think About That》[22]，而之後喺2017年9月15號以專輯嘅先行單曲發行，第一隻單曲《Think About That》代表現實。而其他4隻喺《R.O.S.E.》入面嘅歌就陸續發行。2017年10月6號，《Not My Ex》係專輯入面第二隻出嘅單曲，隻歌代表纏住[23]，而第三隻單曲《Queen》喺2017年11月17號發行，代表賦權。喺2017年10月，Jessie J 開始佢喺歐洲同美國嘅R.O.S.E巡迴演唱會去宣傳嚟緊會出嘅專輯[24]。

喺2018年1月，佢參加湖南衛視《歌手2018》音樂競技節目。Jessie J攞到年度總冠軍，佢係開播以嚟第一位國際歌手攞到呢個節目嘅總冠軍，打破記錄。同時亦係往屆常規賽入面拎得最多第一名嘅參賽[25]。

喺2018年5月，佢出咗第四隻錄音室專輯《R.O.S.E.》。呢隻專輯入面有四隻歌嘅標題係Realisations（現實）、Obsessions（纏住）、Sex（性）同埋Empowerment（賦權），之後用首字母縮略字寫做《R.O.S.E.》。呢隻專輯同佢以前做嘅波普音樂曲風唔同，呢次轉做R&B風格[26]。喺2018年9月，Jessie J宣佈佢會出第一隻聖誕專輯《This Christmas Day》，之後佢喺2018年10月26號出咗[27]。喺2018年12月，Jessie J確認佢會喺《The Voice Kids UK第三季》同Pixie Lott、Danny Jones同埋will.i.am以導師身份參加呢次節目[28]。佢亦都喺Instagram直播度表示佢想寫多啲新嘅波普或靈魂音樂嘅歌。喺2019年4月，Jessie J開始喺歐洲同亞洲開始佢嘅巡迴表演。佢喺Instagram度宣佈呢次巡迴演唱會嘅名叫《The Lasty Tour》[29]，係為咗表揚佢嘅好朋友同保鏢Dave Last喺2018年12月過世，所以有「Lasty」呢個字[30]。

音樂作品[編輯]

內文：Jessie J音樂作品一覽

影視作品[編輯]

電視節目
年份 名 角色 註
2011 《Saturday Night Live》 佢自己 集： "Zach Galifianakis/Jessie J"
2012–2013 《英國好聲音》 導師、評判 第一季–第二季
2015–2016 《The Voice Australia》 導師、評判 第四季–第五季
2016 《油脂：現場》 Opening act singer 特備電視
2018 《歌手2018》 參賽者 年度總冠軍
2019 《Celebrity Gogglebox》 佢自己 電視真人騷
2019 《The Voice Kids UK》 導師、評判 第三季
2020 《全球·樂在家中》 佢自己 特備電視
電影
年份 名 角色 註
2016 《冰河世紀：隕石撞地球》 Brooke Voice

巡迴演唱會[編輯]

內文：Jessie J巡迴演唱會一覽

主演[編輯]

開幕[編輯]

特別嘉賓[編輯]

《歌手2018》[編輯]

2018年1月，加盟湖南衛視《歌手2018》、為首發歌手，第8期競演因綵排後突發疾病而缺席，喺4月13號總決賽攞咗歌王。

歌手2018 Jessie J競演排名
期數 輪數 播出日期 演唱歌曲 原唱 歌曲介紹 排名 得票率 出場序 備註
全碟編曲：Nick Pyo
1 第一輪排位賽 1月12號 《Domino》 Jessie J 詞／曲：Lukasz Gottwald、Max Martin、Claude Kelly、Jessie J、Henry Russell Walter 1 27.11% 6 個人最高排名
2 第一輪淘汰賽 1月19號 《I Have Nothing》 Whitney Houston 詞／曲：David Foster、Linda Thompson 1 28.55% 6 個人最高排名
兩場總成績第1名
3 第一輪踢館賽 1月26號 《Killing Me Softly With His Song》 Lori Lieberman 詞：Norman Gimbel
曲：Charles Fox		 1 25.46% 6 個人最高排名
4 第二輪排位賽 2月2號 《Flashlight》 Jessie J 詞／曲：Sia Furler、Christian Guzman、Jason Moore、Sam Smith 2 27.58% 4 預投票第1名
《Earth Song》 Michael Jackson 詞／曲：Michael Jackson
5 第二輪淘汰賽 2月9號 《Ain't Nobody》 Rufus、Chaka Khan 詞／曲：Hawk Wolinski 2 21.69% 2 預投票第1名
前兩場總成績第1名
6 第二輪踢館賽 2月16號 《Purple Rain》 Prince、The Revolution 詞／曲：Prince 2 19.67% 3 後兩場總成績第2名
結尾加入中文感謝詞
7 第三輪第一場 2月23號 《Never Too Much》 Luther Vandross 詞／曲：Luther Vandross 3 14.79% 4 個人最低排名
8 第三輪排位賽 3月9號 因綵排後突發疾病而缺席，所以節目組將佢喺呢場競演入面得票數以0計算，並將佢排名視作第8名
9 第三輪踢館淘汰賽 3月16號 《My Heart Will Go On》 Celine Dion 詞：Will Jennings
曲：James Horner		 1 27.23% 8 個人最高排名
兩場總成績第4名
10 第四輪排位賽 3月23號 《Ain't No Mountain High Enough》 Marvin Gaye、Tammi Terrell 詞／曲：Nickolas Ashford、Valerie Simpson 3 14.77% 3 個人最低排名
11 第四輪淘汰賽 3月30號 《Reflection》 Christina Aguilera 詞：David Zippel
曲：Matthew Wilder		 1 21.64% 6 個人最高排名
兩場總成績第2名
晉級總決賽
12 突圍賽 4月6號 首發歌手進入總決賽
13 總決賽第一輪 4月13號 《Bang Bang》 Jessie J、Ariana Grande、Nicki Minaj 詞／曲：Max Martin、Savan Kotecha、Rickard Göransson、Nicki Minaj — 2 幫唱嘉賓：李玟
晉級第二輪
Rap由KZ·譚定安一齊演繹
《龍拳》 周杰倫 詞：方文山
曲：周杰倫
總決賽第二輪 《I Will Always Love You》 Dolly Parton 詞／曲：Dolly Parton 冠軍 47.49% 3 個人最高排名同得票率
14 2018金典之夜 4月20號 《I'll Be There》 The Jackson 5 詞／曲：Berry Gordy、Bob West、Willie Hutch、Hal Davis — 10 以組合形式同Luke James演出

獎[編輯]

年份 頒獎組織 獎類 成績
2010 2011年全英音樂獎 評論家選擇獎 攞獎
2011 BBC 2011年度新聲 攞獎
2011年MTV新品牌 下一件大事 亞軍
2018 TV station Singer 2018 攞獎

參考[編輯]

  1. ↑ O'Brien, Jon. "Jessie J biography". AllMusic. 喺2012-01-08搵到.
  2. ↑ "TwitLonger — When you talk too much for Twitter". twitlonger.com.
  3. ↑ "Jessie J on Twitter". Twitter.
  4. ↑ 4.0 4.1 "Jessie J Talks about School life". The Independent. London: Misformusic.com. 2011-01-20. 喺2011-01-28搵到.
  5. ↑ "Jessie J – Who you are (Live @ Volkswagen Garage Sound)". YouTube. 2015-11-23. 喺2020-04-17搵到.
  6. ↑ "Jessie J Glad She Kept Rihanna Song for Herself". Rap-Up. 2011-01-06. 喺2011-02-09搵到.
  7. ↑ Singles Review – Jessie J: 'Do It Like a Dude'. Digital Spy (2010-11-22). Retrieved 2011-01-24.
  8. ↑ "Jessie J Heads Back to the Recording Studio". Capital FM. 2012-01-31. 喺2012-02-26搵到.
  9. ↑ "The Voice UK: Jessie J wants to team up with will.i.am on new song". Telly Mix. 2012-02-04. 原著喺2018-11-23歸檔. 喺2012-02-26搵到.
  10. ↑ Conner, Lewis. "Jessie J confirms 'Nice To Meet You' 2013 UK and Ireland arena tour". Digital Spy. 喺2012-06-08搵到.
  11. ↑ "Jessie J Extends 'Nice To Meet You' 2013 UK Arena Tour". Capital FM. Global Radio. 喺2012-06-08搵到.
  12. ↑ Bain, Becky. "Jessie J To Embark On Nice To Meet You Tour In 2013". Idolator. Buzz Media. 喺2012-06-08搵到.
  13. ↑ "Jessie J announces third studio album Sweet Talker, reveals artwork". Digital Spy. 喺2014-08-22搵到.
  14. ↑ "Nicki Minaj, Ariana Grande, Jessie J Share 'Bang Bang' Clip". MTV.co.uk.
  15. ↑ "Jessie J: UK chart history" (15 August 2015). Official Charts Company.
  16. ↑ "MAGIC! Maintains No. 1 Perch on Hot 100; 'Bang Bang,' Meghan Trainor Soar Into Top 10". Billboard. 喺2014-08-06搵到.
  17. ↑ 引用錯誤 無效嘅<ref>標籤；無文字提供畀叫做Aus Voice嘅參照
  18. ↑ "Brit Awards 2016: The nominations". BBC News Online. 14 January 2016. 喺22 January 2016搵到.
  19. ↑ "My Superstar – Jessie J – Dalszöveg – koncertsziget.hu". koncertsziget.hu.
  20. ↑ The personnel can be read during the end credits of the movie.
  21. ↑ Mike, Wass (2017-07-28). "Surprise! Jessie J Returns With New Single "Real Deal"". Idolator. 喺2017-08-21搵到.
  22. ↑ "Jessie J releases 'Think About That' and announces intimate tour". CelebMix (英文). 2017-09-15. 喺2017-09-17搵到.
  23. ↑ "Jessie J tweet confirming Not My Ex". 喺2017-10-02搵到.
  24. ↑ "Jessie J announces run of UK shows, find out how to get presale tickets". The List (英文). 2017-09-15. 喺2018-05-23搵到.
  25. ↑ "Jessie J wins China's equivalent of The X Factor". The Telegraph. 2018-04-17. 喺2018-04-17搵到.
  26. ↑ "Jessie J is releasing first new music in four years | IOL Entertainment". 喺2018-05-23搵到.
  27. ↑ Lukarcanin, Emina (2018-09-27). "Jessie J Announces First Christmas Album, Feat. Boyz II Men, Babyface & More". Billboard. 喺2018-10-25搵到.
  28. ↑ Noah, Sherna (2018-12-09). "Signing up as a coach on The Voice Kids is a dream come true, says Jessie J". Irish Independent (英文). Ireland: Independent News & Media. 喺2018-12-10搵到.
  29. ↑ "J E S S I E . J on Instagram: "I'm calling this tour.... ——————————————————— "The Lasty tour" For those who don't know and didn't see my post late last year. To…"". Instagram (英文). 喺2019-04-19搵到.
  30. ↑ Earl, Jennifer (31 December 2018). "Jessie J posts emotional tribute after sudden death of bodyguard: 'We are family'". Fox News (英文). 喺19 April 2019搵到.

出面網頁[編輯]

由「https://zh-yue.wikipedia.org/w/index.php?title=Jessie_J&oldid=1760953」收